MIKA 2
2
Pasiehai sukrimsituhai chungrikna
1An khum laizâwla khawhlona suongtuotuhai le thil ṭha naw ngaituo suoktuhai chu an chung a rik de! Zîngkâra khuo a hung var hin chu chu an thaw hlak a, anni kut thil- thawtheina a ni si leiin.
2Mi lohai an inhnar a, an lâkpêk a, inhai an inhnar a, an lâk el bawk a; mi le an sûnghai, mi le an ro chenin an hnuoisieh a.
3Chuleiin, LALPAIN hieng ang hin a tih: Ngai ta, hi sûngkaw chunga hin thil ṭha naw ka suongtuo a nih; chutaka inthawk chun in rîng la hmang naw ti niu a, chapotakin fe ta naw bawk in tih; hun ṭha naw a ni ding a ni sih a.
4Chu nia chun nangni demin tekhithu hril an ta, ṭap hla lungriem- ithlâk umtaka inzâwtin, “Rawk vawngin ei um tah a nih, ka mihai chan a sukdanglam a, ka kuoma inthawkin a tâwl hmang tah a ni hi! Hel hmanghai kuomah ei lo a sem dar tah a ni hi,” tîng an tih.
5Chuleiin, LALPA mihai in- khâwmhai lai chun aisân a, hruia inkhipêktu tukhawm nei naw ti ni.
6“Thu hril naw rawh,” tiin an hril hlak a. Hieng mihai kuoma hin thu hril naw ni hai, hrilsietna chu inkieng naw bawk a tih.
7Aw Jakob sûnghai, LALPA thla- rau chu hnâwdein a um am a nih? Hieng hi a thilthaw am a ni ti a ni dîm a nih? Indiktaka umhai chunga chun ka thu hin thil ṭha a thaw naw am a nih?
8Nisienlakhawm, ka mihai chu tulai hnaia hin hmêlma angin an hung ngîrdawk a nih; indo nuom lo a, râlmuongtaka mi inlawnhaia in- thawkin an silfên zakawfuolhai in hlîppêk a.
9Ka mi nuhmeihai chu an in in- hawitaka inthawkin in hnawt dawk a, an naupangtêhaia inthawkin ka ropuina chu in lâk hmang sawng a nih.
10Tho unla, fe hmang ro; hi hi in châwlna hmun a ni si nawh a; sietna nasatak chena sukse hlaktu in- thiengnawna chu a um leiin.
11Mumal neilo le indik nawtaka, “Uoin le zu thu i kuomah hril ka tih,” tia miin khêl a hril chun hieng mihai zâwlnei hi ni chau a tih.
12Aw Jakobhai, in rêngin ko khâwm ngei ka ti cheu a; Israel mi la um sunhai chu ṭhuoi khâwm ngei ka tih; Bozra khaw berâm angin sie khâwm ka ta, ran ruol an hlo petna hmuna um angin; mipui an ni lei chun sa mur mur an tih.
13Nêr thlengtu chu an hmaa chun fêng a ta, nêr thleng an ta, kawtkhâr chenin fe pei an ta, chutaka chun fe suok an tih: chun, an lal chu an hmaa chun fêng a ta, LALPA chun an hma ṭhuoi a tih.
ទើបបានជ្រើសរើសហើយ៖
MIKA 2: HMARCLBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.