MIKA 1
1
Samaria le Jerusalem ta dinga ṭap hla
1 #
2 Lal 15.32-38; 16.1-20; 2 Chr 27.1-7; 28.1-27; 29.1—32.33; 2 Lal 18.1—20.21 Juda lal Jotham, Ahaz le Hezekia hai inlal laia Moreseth mi Mika kuoma LALPA thu hung tlung, Samaria khuo le Jerusalem chung- châng thu a hmu chu.
2Nangni chihai, in rêngin hre unla, aw leihnuoi le a sûnga um po pohai; ngai ro, Lalpa PATHIEN, Lalpa chu a biekin inthienga inthawkin nangni kala in chungthu hretu ni raw se.
3Ngai ta u, LALPA chu a hmuna inthawkin a hung suok a, hung ṭum a ta, hnuoi hmun insânghai chu a chîl ding a ni sih a.
4Mei bula khuoihlu ang le hmun inṭêna tui inkhaw thla ang elin, tlânghai chu a hnuoia chun intui an ta, vadung ruomhai chu kakintan an tih.
5Hieng po po hi Jakobhai baw- sietna le Israel sûngkuohai suolna lei a nih. Jakobhai bawsietna chu ieng am a na? Samaria ni lo am a nih? Juda bâwlhmunhai chu ieng am a na? Jerusalem ni lo am a nih?
6Chuleiin, Samaria chu phûla thil se um khâwm angin siem ka ta, grêp huon hmun ang elin; chun, chu hmuna lunghai chu vadung ruom tieng inhlum thlâng ka ta, a lung- phûmhai chu suklang ka tih.
7A milim siemfâwmhai po po chu sukkawi hâwp vawng nîng an ta; a nawchizawr manhai chu meia raw hmang nîng a tih, a milimhai po po chu sukbohmang ka tih; nawchizawr mana a lâk khâwm a ni leiin, nawchizawr man bawkin ṭhang an tih.
8Hi hi lei hin ṭap ka ta, khêk rak rak ka ta, inhlîp le saruokin um ka ta, sihalhai angin khêk ka ta, varîng- seihai angin inrûm ka tih.
9A hliemnahai chu sukdam thei a ni nawh; Juda ram a tlung ta hiel sih a; ka mihai kawtkhâr, Jerusalem meu khawm a tlung a nih.
10Gath khuoa chun hril naw unla, ṭap dêr naw ro; Beth-le-Aphra khuoa chun pilvutah inbuol rawh.
11Aw Sapphir mi, saruok le inzak- takin fe hmang rawh; Zaanan mi chu a hung suok nawh; Bethezel ṭapna chun ngîr chankhal a ti cheu.
12Maroth mi chun chanṭha chang a nghâkhla hlie hlie el a, LALPA kuoma inthawka thil ṭha naw chu Jerusalem kawtkhâr bul chena a hung tlung thlâk leiin.
13Aw Lakis mi, tawlailîr chu sakawr hrâta chun bel rawh; ama hi Zion naunu suolna bul a nih, Israel- hai bawsietnahai chu nangmaa hin a um a lo ni sih a.
14Chuleiin, Moreseth-gath kuoma chun inthlana thilpêk i pêk ding a nih: Akzik inhai chu Israel lalhai ta dingin hlêmna nîng a tih.
15Aw Maresa mi, nangma neitu ding i kuomah la hung ṭhuoi ka tih; Israelhai ropuina chu Adullam chen rauin hung a tih.
16Invâw kawl la, i nau dittakhai lei chun invâw kawl rawh; mulukawl ang elin insukkawl nasa rawh, i kuoma inthawka sala ṭhuoiin an um ta sih a.
ទើបបានជ្រើសរើសហើយ៖
MIKA 1: HMARCLBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.