Bɔk 20
20
Ala ka sariyaw
1Ala ye kuma nunu bɛɛ fɔ fana ko:
2«Ne ye Masaba ye, aw ka Ala, min y'aw bɔ Ezipiti jamana na, k'aw bɔ jɔnya la.
3«Aw kana fɛɛn wɛrɛ bato fɔɔ ne kelenpe.
4 #
Bɔk 34.17; Sar 19.4; 26.1; Sad 4.15-18; 27.15 «Aw kana joo si dilan aw yɛrɛ ye, k'a kɛ i n'a fɔ sanfɛ fɛɛn dɔ jaa, walima dugukolo kan fɛɛn, walima jikɔnɔfɛn. 5#Bɔk 34.6-7; Kok 14.18; Sad 7.9-10 Aw kana aw kunbiri gwan o kɔrɔ, aw kana u bato, bari ne Masaba aw ka Ala, keliya be ne la. Ne be faaw ka tilenbaliyako hakɛ bɔ u deenw na fɔɔ ka ta'a bila ne kɔniyabagaw mamadenw n'u ka tulomasamaw na. 6Nga minw be ne kanu ka ne ka kuma mara, ne be makari olu kɔmɔgɔw la fɔɔ *filankuru caaman.
7 #
Sar 19.12
«Aw kana ne, Masaba aw ka Ala tɔgɔ wele gwansan, bari mɔgɔ min be ne tɔgɔ wele gwansan, ne Masaba tena o tigi jalakibali to.
8 #
Bɔk 16.23-30; 31.12-14 «Aw k'aw hakili to lafiɲɛlon na k'a bila ne Masaba ye. 9#Bɔk 23.12; 31.15; 34.21; 35.2; Sar 23.3 Tile wɔɔrɔ kɔnɔ, aw bena aw ka baara bɛɛ kɛ. 10Nga tile wolonwulanan loon ye ne Masaba aw ka Ala ka lafiɲɛlon ye. Aw kana baara si kɛ o loon na, aw n'aw dencɛw, n'aw denmusow, ani aw ka jɔncɛw n'aw ka jɔnmusow, ani aw ka begɛnw ni lonanw, minw b'aw ka dugu kɔnɔ. 11#Kod 2.1-3; Bɔk 31.17 Bari ne, Masaba ye sankolo ni dugukolo ani kɔgɔji, n'u kɔnɔnafɛnw bɛɛ dan tile wɔɔrɔ kɔnɔ ka sɔrɔ ka lafiɲɛ tile wolonwulanan loon na. O le y'a to ne Masaba ye barika don lafiɲɛlon na k'a kɛ ne ta ye.
12 #
Sad 27.16; Mat 15.4; 19.19; Mar 7.10; 10.19; Luka 18.20; Efɛ 6.2-3 «Aw k'aw faa n'aw baa boɲa, janko ne, Masaba aw ka Ala bena jamana min d'aw ma, aw ka sijan sɔrɔ o kɔnɔ.
13 #
Kod 9.6; Sar 24.17; Mat 5.21; 19.18; Mar 10.19; Luka 18.20; Ɔrɔ 13.9; Zaki 2.11 «Aw kana mɔgɔ faga.
14 #
Sar 20.10; Mat 5.27; 19.18; Mar 10.19; Luka 18.20; Ɔrɔ 13.9; Zaki 2.11 «Aw kana kakalaya kɛ.
15 #
Sar 19.11; Mat 19.18; Mar 10.19; Luka 18.20; Ɔrɔ 13.9 «Aw kana soɲali kɛ.
16 #
Bɔk 23.1; Mat 19.18; Mar 10.19; Luka 18.20 «Aw kana galon la aw mɔgɔɲɔgɔn kan.
17 #
Ɔrɔ 7.7; 13.9 «Aw ɲaa kana bɔ aw mɔgɔɲɔgɔn ka soo fɛ. Aw ɲaa kana bɔ aw mɔgɔɲɔgɔn muso fɛ, walima a ka jɔncɛ, walima a ka jɔnmuso, walima a ka misi, walima a ka fali, walima a bololafɛn si fɛ.»
Isirayɛlidenw be siran
18 #
Ebu 12.18-19
Jama ye saan pɛrɛnkan ni buru fiyɛkan mɛn, ka saan manamanatɔ ye, ani ka kulu sisitɔ ye tuma min na, u yɛrɛyɛrɛla siranya bolo. U lɔra yɔrɔjan na 19k'a fɔ Musa ye ko: «Ele yɛrɛ ka kuma an fɛ, an bena i lamɛn, nga Ala yɛrɛ kana kuma an fɛ, n'o tɛ, an bena sa.»
20Musa y'a fɔ jama ye ko: «Aw kana siran, Ala nana aw kɔrɔbɔ le, janko aw ka siran a ɲa, ani aw kana na hakɛ kɛ.» 21Ayiwa, jama tora yɔrɔjan. Ala tun be sankaba finman min kɔnɔ, Musa gwɛrɛla o la.
Sariya minw sigira sarakabɔlan kosɔn
22Masaba y'a fɔ Musa ye ko a k'a fɔ Isirayɛlidenw ye ko: «Aw yɛrɛw y'a ye ko ne kumana aw fɛ ka bɔ sankolo la. 23Aw kana joo si dilan aw yɛrɛ ye ni warigwɛ, walima sanu ye ka fara ne kan. 24Aw ka sarakabɔyɔrɔ lɔ ne ye ni bɔgɔ ye k'aw ka saraka jɛnitaw n'aw ka jɛnɲɔgɔnya sarakaw bɔ ne ye o kan, aw ka begɛnmisɛnw n'aw ka misiw. Ne bena n yɛrɛ yira yɔrɔ o yɔrɔ, ne bena aw ta ɲa. 25#Sad 27.5-7; Zoz 8.31 N'aw be sarakabɔyɔrɔ lɔ ne ye ni kabakuruw ye, aw kan'a lɔ ni kabakurulɛsɛninw ye, bari n'aw be kabakuru lɛsɛ ni aw ka minanw ye tuma min na, aw b'o nɔgɔ. 26Aw kana yɛlɛ yɛlɛyɛlɛnan kan ka sɔrɔ ka yɛlɛ ne ka sarakabɔyɔrɔ kan janko aw yɛlɛtɔ, aw julakolon kana ye.»
ទើបបានជ្រើសរើសហើយ៖
Bɔk 20: AKKDC08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
La Bible en Jula © Alliance Biblique du Burkina Faso, 2007.