ខគម្ពីរពេញនិយមពី Bɔk 20

ចែក​រំលែក

«Ne ye Masaba ye, aw ka Ala, min y'aw bɔ Ezipiti jamana na, k'aw bɔ jɔnya la. «Aw kana fɛɛn wɛrɛ bato fɔɔ ne kelenpe.

«Aw kana joo si dilan aw yɛrɛ ye, k'a kɛ i n'a fɔ sanfɛ fɛɛn dɔ jaa, walima dugukolo kan fɛɛn, walima jikɔnɔfɛn. Aw kana aw kunbiri gwan o kɔrɔ, aw kana u bato, bari ne Masaba aw ka Ala, keliya be ne la. Ne be faaw ka tilenbaliyako hakɛ bɔ u deenw na fɔɔ ka ta'a bila ne kɔniyabagaw mamadenw n'u ka tulomasamaw na.

«Aw k'aw faa n'aw baa boɲa, janko ne, Masaba aw ka Ala bena jamana min d'aw ma, aw ka sijan sɔrɔ o kɔnɔ.

«Aw k'aw hakili to lafiɲɛlon na k'a bila ne Masaba ye.

«Aw kana ne, Masaba aw ka Ala tɔgɔ wele gwansan, bari mɔgɔ min be ne tɔgɔ wele gwansan, ne Masaba tena o tigi jalakibali to.

Tile wɔɔrɔ kɔnɔ, aw bena aw ka baara bɛɛ kɛ. Nga tile wolonwulanan loon ye ne Masaba aw ka Ala ka lafiɲɛlon ye. Aw kana baara si kɛ o loon na, aw n'aw dencɛw, n'aw denmusow, ani aw ka jɔncɛw n'aw ka jɔnmusow, ani aw ka begɛnw ni lonanw, minw b'aw ka dugu kɔnɔ.

«Aw ɲaa kana bɔ aw mɔgɔɲɔgɔn ka soo fɛ. Aw ɲaa kana bɔ aw mɔgɔɲɔgɔn muso fɛ, walima a ka jɔncɛ, walima a ka jɔnmuso, walima a ka misi, walima a ka fali, walima a bololafɛn si fɛ.»

«Aw kana galon la aw mɔgɔɲɔgɔn kan.

«Aw kana kakalaya kɛ.

«Aw kana mɔgɔ faga.

«Aw kana soɲali kɛ.