Uchokholha 39
39
Mwaha wa Nayusufu ni ahanu a Napotifa
1Paahi Nayusufu ahokushiya mpaka Umisri. Wowo ntu mmoka o ikuru upuwani u Nafarao, nholhelhi o mphingo aya wo manyaasikari, eehaniya Potifa, ahoopolha Nayusufu ukhuma wa Aishmaeli yaarwehilhe Umisri ayo. 2Apwiiya Nlhuku ahaareeriha Nayusufu, nkayaavara mitheko chaya rata. Nkayaakhalha unupani wa nkunya aya, Mmisri uyo. 3Yoyo Mmisri uyo nkaachuwelha wiira Apwiiya Nlhuku aari vamoka ni Nayusufu, ni wiira phi uyo aavahera wo kila ittu yaapanga aya. 4Paahi Nayusufu nkayaattuniya chinene ni Napotifa. Nkayaakhalha phi namitheko nkavihi aya, tho namitheko o weemelhelha inupa yonkhaye ni nhakhu waya wonkhaye. 5Toka ikatema Napotifa vaavanhe aya Nayusufu ntheko wo weemelhelha inupa aya ni weemelhelha nhakhu aya wonkhaye, Apwiiya Nlhuku ahohelha ibarakha chaya yeyo inupa ya yoyo Mmisri uyo wo nlhatu wa Nayusufu. Ibarakha cha Apwiiya Nlhuku nkachaakhalha vachulhu inupa iyo, kila ittu yaarina aya, toka nnupani mpaka mmamatani. 6Wo yoyo nlhatu uyo etu, Napotifa ahaavaha Nayusufu ikuru yo weemelhelhelha chittu chaya chonkhaye, ni Napotifa nkayaahiya uwehaweha ittu iriyoothe yaahikhalhe yolhia aya anene.
Nayusufu yaari mmirawo orera ikhove ni o ushichira. 7Paahi baada yo uvira mahuku, ahanu a Napotifa nkayaamirielha ishenye Nayusufu ni weerelha, “Nngwe mwakirupane.” 8Nansho Nayusufu nkayaakhota ni uweerelha ahanu a nkunya aya ayo, “Mena! Nkunya aka ulha va, hokivaha ikuru wo kila ittu vawani va, ni ukhalhawaya mii kihaawo, khanopanga ittu iriyoothe tho. 9Vawani va khaawo mulhupalhe nokipwaha mii. Khanakichiichiha uvara ittu iriyoothe, yaahikhalhe inyuva, ukhalhawaya inyuva ahanu aya. Kinoorieke chaani etu uwonya thoko chommo, ni unttekelha Nlhuku?” 10Inakhalhaka yahokhota, oopani ayo yahothepa waattwarattwara Nayusufu kila nihuku. Nansho Nayusufu khayewelhenlhe, mena waarumelhelha wiira aarupane.
11Nkanaakhalha nihuku nimoka Nayusufu naakenlhe aya mpaani uvarani ntheko waya thoko chaapanga aya, ni mmo khaariwo anamitheko akina. 12Paahi ahanu a Napotifa ahaavara Nayusufu mwiinjiro aya ni weerelha, “Nkirupane!” Nansho Nayusufu nkayaakulhuphuwa, nkayaahiyera mwiinjiro aya uyo anavarenlhe mmathathani, nkayaattawelha vathe. 13Vavawo oopani alhe vonne aya wiira Nayusufu ahohiya mwiinjiro aya, ahottawelha vathe, 14aheehanacha anamitheko akina o unupani waya, nkayeerelhacha, “Nkoonani! Muebraniya niwiiheriye ihu ulha chinre awe wo unulhiha muru. Ahokelha uchumbani waka athananaka ukivara wo machiri wiira kinrupane, nansho nkakaakhuwelha. 15Vaakiiwa awe kikhuwelhaka vawo, ahottawa, nkaakihiyera mwiinjiro awe ulha!”
16Paahi oopani alhe yahoshunga mwiinjiro uyo mpaka owannyaya, vaahokolhelhe aya uwani. 17Nkayaatangachera mwaha ulhe yeeraka, “Ipotta inyu Muebrania mummwihilhe inyu vawani ulha, ahowa nkaathanana ukiruwaniha. 18Nansho vaakonne awe kikhuwelhaka, ahohiya mwiinjiro awe nkaattawelha vathe.” 19Paahi owannyaya ayo veewilhe aya yayo malhove a ahanu aya ayo, wiira Nayusufu aheera chiicho, ahorushiya chinene. 20Nkaakusha Nayusufu ni waattuka ujerani, waattukachiya aya attu yaattekilhe wa amwene. 21Nansho ata ujerani uwo, Apwiiya Nlhuku yaari vamoka ni Nayusufu, nkayaapangelha moombone, mpaka nkayaattuniya umihoolho wa olhupalhe o weemelhelha ijera iyo. 22Paahi etu olhupalhe o weemelhelha ijera ayo nkayaathanlha Nayusufu ukhalha anyapara a attu attukiye onkhaye njerani mmo, kila ittu nkayaapangia wo ulheheriya ni Nayusufu. 23Olhupalhe o weemelhelha ijera ayo khayaavanre ntheko uriyoothe nkina wenshe aya mmathathani mwa Nayusufu, ukhalhawaya Apwiiya Nlhuku yaari vamoka ni ayo ni ahaareeriha wo kila ittu yaapannge aya.
ទើបបានជ្រើសរើសហើយ៖
Uchokholha 39: MOT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.
Uchokholha 39
39
Mwaha wa Nayusufu ni ahanu a Napotifa
1Paahi Nayusufu ahokushiya mpaka Umisri. Wowo ntu mmoka o ikuru upuwani u Nafarao, nholhelhi o mphingo aya wo manyaasikari, eehaniya Potifa, ahoopolha Nayusufu ukhuma wa Aishmaeli yaarwehilhe Umisri ayo. 2Apwiiya Nlhuku ahaareeriha Nayusufu, nkayaavara mitheko chaya rata. Nkayaakhalha unupani wa nkunya aya, Mmisri uyo. 3Yoyo Mmisri uyo nkaachuwelha wiira Apwiiya Nlhuku aari vamoka ni Nayusufu, ni wiira phi uyo aavahera wo kila ittu yaapanga aya. 4Paahi Nayusufu nkayaattuniya chinene ni Napotifa. Nkayaakhalha phi namitheko nkavihi aya, tho namitheko o weemelhelha inupa yonkhaye ni nhakhu waya wonkhaye. 5Toka ikatema Napotifa vaavanhe aya Nayusufu ntheko wo weemelhelha inupa aya ni weemelhelha nhakhu aya wonkhaye, Apwiiya Nlhuku ahohelha ibarakha chaya yeyo inupa ya yoyo Mmisri uyo wo nlhatu wa Nayusufu. Ibarakha cha Apwiiya Nlhuku nkachaakhalha vachulhu inupa iyo, kila ittu yaarina aya, toka nnupani mpaka mmamatani. 6Wo yoyo nlhatu uyo etu, Napotifa ahaavaha Nayusufu ikuru yo weemelhelhelha chittu chaya chonkhaye, ni Napotifa nkayaahiya uwehaweha ittu iriyoothe yaahikhalhe yolhia aya anene.
Nayusufu yaari mmirawo orera ikhove ni o ushichira. 7Paahi baada yo uvira mahuku, ahanu a Napotifa nkayaamirielha ishenye Nayusufu ni weerelha, “Nngwe mwakirupane.” 8Nansho Nayusufu nkayaakhota ni uweerelha ahanu a nkunya aya ayo, “Mena! Nkunya aka ulha va, hokivaha ikuru wo kila ittu vawani va, ni ukhalhawaya mii kihaawo, khanopanga ittu iriyoothe tho. 9Vawani va khaawo mulhupalhe nokipwaha mii. Khanakichiichiha uvara ittu iriyoothe, yaahikhalhe inyuva, ukhalhawaya inyuva ahanu aya. Kinoorieke chaani etu uwonya thoko chommo, ni unttekelha Nlhuku?” 10Inakhalhaka yahokhota, oopani ayo yahothepa waattwarattwara Nayusufu kila nihuku. Nansho Nayusufu khayewelhenlhe, mena waarumelhelha wiira aarupane.
11Nkanaakhalha nihuku nimoka Nayusufu naakenlhe aya mpaani uvarani ntheko waya thoko chaapanga aya, ni mmo khaariwo anamitheko akina. 12Paahi ahanu a Napotifa ahaavara Nayusufu mwiinjiro aya ni weerelha, “Nkirupane!” Nansho Nayusufu nkayaakulhuphuwa, nkayaahiyera mwiinjiro aya uyo anavarenlhe mmathathani, nkayaattawelha vathe. 13Vavawo oopani alhe vonne aya wiira Nayusufu ahohiya mwiinjiro aya, ahottawelha vathe, 14aheehanacha anamitheko akina o unupani waya, nkayeerelhacha, “Nkoonani! Muebraniya niwiiheriye ihu ulha chinre awe wo unulhiha muru. Ahokelha uchumbani waka athananaka ukivara wo machiri wiira kinrupane, nansho nkakaakhuwelha. 15Vaakiiwa awe kikhuwelhaka vawo, ahottawa, nkaakihiyera mwiinjiro awe ulha!”
16Paahi oopani alhe yahoshunga mwiinjiro uyo mpaka owannyaya, vaahokolhelhe aya uwani. 17Nkayaatangachera mwaha ulhe yeeraka, “Ipotta inyu Muebrania mummwihilhe inyu vawani ulha, ahowa nkaathanana ukiruwaniha. 18Nansho vaakonne awe kikhuwelhaka, ahohiya mwiinjiro awe nkaattawelha vathe.” 19Paahi owannyaya ayo veewilhe aya yayo malhove a ahanu aya ayo, wiira Nayusufu aheera chiicho, ahorushiya chinene. 20Nkaakusha Nayusufu ni waattuka ujerani, waattukachiya aya attu yaattekilhe wa amwene. 21Nansho ata ujerani uwo, Apwiiya Nlhuku yaari vamoka ni Nayusufu, nkayaapangelha moombone, mpaka nkayaattuniya umihoolho wa olhupalhe o weemelhelha ijera iyo. 22Paahi etu olhupalhe o weemelhelha ijera ayo nkayaathanlha Nayusufu ukhalha anyapara a attu attukiye onkhaye njerani mmo, kila ittu nkayaapangia wo ulheheriya ni Nayusufu. 23Olhupalhe o weemelhelha ijera ayo khayaavanre ntheko uriyoothe nkina wenshe aya mmathathani mwa Nayusufu, ukhalhawaya Apwiiya Nlhuku yaari vamoka ni ayo ni ahaareeriha wo kila ittu yaapannge aya.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.