Uchokholha 38
38
Nayuda ni Natamari
1Yeyo ikatema iyo, Nayuda, ahomwalhaana ni achihimaya, nkayaarwa ukhalhani ni ntu mmoka o Uadulami, nchina nawe Hira. 2Wowo, Nayuda ahomwoona mwalhi eehaniya Shuwa, ntu o Ukanaani, nkayanthelha. Vanrupanne aya 3ahorupalha irukulhu, nkannyara mwaana mwanlhopwana. Nayuda nkayammaha mwaana uyo nchina, Eri. 4Nashuwa ahorupalha irukulhu ikina tho, nkayannyara mwaana mwanlhopwana. Nkayammaha nchina, Onani. 5Nkayampatta mwaana nkina mwanlhopwana, nkayaamwiihana nchina nawe Shela. Ikatema Shela vaayarelhe awe, Nayuda yaari akhalhaka Ukezibu.
6Kaanyuma Nayuda ahonthelhiha mwaamwanaya o nttara Eri, nthiyana eehaniya Tamari. 7Nansho Eri, nttara ni Nayuda, aari ntu o mitheko cho uhilhoka umihoolho wa Apwiiya Nlhuku, paahi Apwiiya Nlhuku ahomwiiva. 8Nayuda nkayaamwiirelha Onani, “Ukelheke manupa wa munninyu, kwaani phi nothananiya upangiya, munnyarelhe munninyu ashaana.” 9Nansho Onani ahochuwelha wiira, ashaana anohalha uyaria ayo khanowa aakhalha awawe. Paahi etu, vaarumpe awe ni alhamu awe ayo, ahorihelha imbeyu chiyo vathi, haarupalhihe irukulhu, haayarelhe ashaana onnawe. 10Yoyo mwaha uyo wahaarusha Apwiiya Nlhuku, nkaamwiiva Onani ni uyo. 11Phi Nayuda verenlhe aya Natamari, ahanu o mwaamwanaya, “Nhokolhieke uwani etu, wa athumwaninyu. Mwakhalheke nankhwelhi mpaka mwaamwanaka Shela vanohalha awe wunnuwa vawo.” Nayuda yaari yoovaka wiira Shela ni uyo hiwe aakhwa thoko chikhwilhe aya manyonnawe. Paahi etu, Natamari ahohokolhia wa athumwanaya.
12Mahuku menchi avireke, Nashuwa ahanu a Nayuda ni ayo ahokhwa. Baada yo umalhiha mattanga, Nayuda ahothama ni ampwana aya Nahira, ntu o Uadulami, nkawaarweiya Utimna, wa attu aatturia mapururu o ikhondoro chaya. 13Ntu mmoka nkaahimeria Natamari wiira, ahokohi aya ari mphironi anokelha Utimna. 14Paahi ahorulha ikuwo chaya cho unankhwelhi chiyo, nkayeekhunelha ntandiyo wiira ahichuwelhiye. Nkayaakhalha vaari nlhako wo ukelhelha Uenaimu, iwani yaari mphironi ukelhaka Utimna. Yaapannge chiicho, ukhalhawaya yoona wiira, Shela mwaamwana mwankani a Nayuda uyo ahonnuwa, nansho khankelhihiya manupa.
15Paahi etu, Nayuda vaaphwannye aya Natamari vavawo, nkayaanyihera wiira aari nthiyana o ulhavalhava, ukhalhawaya yaari anekhunenlhe wiitho. 16Vavawo wo uhichuwelha wiira yaari ahanu a mwaamwanaya, yahorwaa vachereshere iphiro vawo, nkayeerelha, “Kinothanana urupa ni inyu.”
Natamari nkayaakoha, “Nnohalha ukivaha ittu yaani karumelhelhaka?”
17Nayuda nkayaakhulha, “Kinouvahani mwaapuri o nkutironi waka.”
Natamari nkayeera, “Nkivaheke etu ittu yo uvarelha, uhimiechesha wiira nnowa mwaakivaha.”
18Nayuda nkayaakoha, “Kuuvahekeni ittu yaani wiira nvarelhe?”
Natamari nkayaakhulha, “Nkivaheke pete uyo vamoka ni ikopo inyu iyo.” Paahi Nayuda nkayaavaha chittu chonkhaye chiyo, nkayaarupana. Natamari nkayaarupalha irukulhu. 19Paahi Natamari ahohokolhia uwani, nkayaarulha ntandiyo wekhunenlhe aya, nkayaawara tho ikuwo chaya cho unankhwelhi.
20Ikatema Nayuda vaarumilhe aya Nahira, ampwana aya, wiira anrwehelhe nthiyana ulhe mwaapuri wiira ahokolhosheriye chittu chivarelhiye chilhe, khayamphwannye nthiyana uyo. 21Nahira nkaayakoha anenchi o Uenaimu vawo, “Ri vayi nthiyana o ulhavalhava aakhanlhe vachereshere iphiro vakhiviru ni vaa ulhe?”
Nkayaakhulhiya wiira, “Khanapacha va ukhalha nthiyana o ulhavalhava.”
22Paahi nkaahokolhia wa ampwana aya, Nayuda, nkeerelha, “Akimpantte! Tho, anenchi o wowo ayo ahokihimeria wiira, khanapacha ukhalha nthiyana o ulhavalhava riyoothe wowo.” 23Nayuda nkayeera, “Munhiyeke awieke chittu chiyo, nihiwe noolhihiya muru. Inyu mwaanene nhoona, kihonrwehelha mwaapuri ulha, nansho khamumpantte.”
24Baada yo uvira mieri miraru, Nayuda nkayaahimeriya wiira, “Ahokohi inyu, Natamari aholhuva, ahorupalhihiya irukulhu.”
Paahi Nayuda nkayaalhehera wiira, “Akumihiye vathe, apahiye mooro akhwe.”
25Natamari vaakumihiya aya vathe, ahoruma nttenga wa ahokohi aya, Nayuda, yeeraka, “Mwanene chi chittu chi, phi kirupalhinhe irukulhu. Paahi etu, kinoulhepelhani wiira, mmwaavieke mwanene ulha pete ulha ni nripwe aya, ni ikopo ilha.”
26Nayuda nkayaachuwelha chittu chaya chiyo, nkayeera, “Natamari, ahanaa ikekhiaye ukipwaha mii. Eiyo, ukhalhawaya akankelhinhe manupa mwaamwanaka Shela.” Toka nenno nihuku nno, Nayuda khayarupanne tho Natamari.
27Nihuku no wiithaphulha Natamari vaaphilhe aya, nkayaachuwania wiira, irukulhu iyo yaari yo ashaana mavata.
28Paahi nkuri vaahachuwanche aya, mwaana mmoka ahokumiha nthatha nawe vathe, ni oopani o uyariha ayo ahonttuka nttoche no khwilha, eeraka, “Ulha holhenlhe uyaria ulha, phi nttara.” 29Nansho mwaana uyo vaahokolhoshilhe awe moono awe nhina, nhima awe nkaayaria wo uchokholha. Oopani o uyariha nkayeera, “Mbona uwe uhovira wo machiri?” Paahi nkeehaniya, Peresi, maana aya, “ukhuma wo machiri.” 30Kaanyuma aya munnawe nkaayaria nari ni nttoche nawe mmoononi, nkeehaniya nchina nawe Zera, maana aya, “usha.”
ទើបបានជ្រើសរើសហើយ៖
Uchokholha 38: MOT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.
Uchokholha 38
38
Nayuda ni Natamari
1Yeyo ikatema iyo, Nayuda, ahomwalhaana ni achihimaya, nkayaarwa ukhalhani ni ntu mmoka o Uadulami, nchina nawe Hira. 2Wowo, Nayuda ahomwoona mwalhi eehaniya Shuwa, ntu o Ukanaani, nkayanthelha. Vanrupanne aya 3ahorupalha irukulhu, nkannyara mwaana mwanlhopwana. Nayuda nkayammaha mwaana uyo nchina, Eri. 4Nashuwa ahorupalha irukulhu ikina tho, nkayannyara mwaana mwanlhopwana. Nkayammaha nchina, Onani. 5Nkayampatta mwaana nkina mwanlhopwana, nkayaamwiihana nchina nawe Shela. Ikatema Shela vaayarelhe awe, Nayuda yaari akhalhaka Ukezibu.
6Kaanyuma Nayuda ahonthelhiha mwaamwanaya o nttara Eri, nthiyana eehaniya Tamari. 7Nansho Eri, nttara ni Nayuda, aari ntu o mitheko cho uhilhoka umihoolho wa Apwiiya Nlhuku, paahi Apwiiya Nlhuku ahomwiiva. 8Nayuda nkayaamwiirelha Onani, “Ukelheke manupa wa munninyu, kwaani phi nothananiya upangiya, munnyarelhe munninyu ashaana.” 9Nansho Onani ahochuwelha wiira, ashaana anohalha uyaria ayo khanowa aakhalha awawe. Paahi etu, vaarumpe awe ni alhamu awe ayo, ahorihelha imbeyu chiyo vathi, haarupalhihe irukulhu, haayarelhe ashaana onnawe. 10Yoyo mwaha uyo wahaarusha Apwiiya Nlhuku, nkaamwiiva Onani ni uyo. 11Phi Nayuda verenlhe aya Natamari, ahanu o mwaamwanaya, “Nhokolhieke uwani etu, wa athumwaninyu. Mwakhalheke nankhwelhi mpaka mwaamwanaka Shela vanohalha awe wunnuwa vawo.” Nayuda yaari yoovaka wiira Shela ni uyo hiwe aakhwa thoko chikhwilhe aya manyonnawe. Paahi etu, Natamari ahohokolhia wa athumwanaya.
12Mahuku menchi avireke, Nashuwa ahanu a Nayuda ni ayo ahokhwa. Baada yo umalhiha mattanga, Nayuda ahothama ni ampwana aya Nahira, ntu o Uadulami, nkawaarweiya Utimna, wa attu aatturia mapururu o ikhondoro chaya. 13Ntu mmoka nkaahimeria Natamari wiira, ahokohi aya ari mphironi anokelha Utimna. 14Paahi ahorulha ikuwo chaya cho unankhwelhi chiyo, nkayeekhunelha ntandiyo wiira ahichuwelhiye. Nkayaakhalha vaari nlhako wo ukelhelha Uenaimu, iwani yaari mphironi ukelhaka Utimna. Yaapannge chiicho, ukhalhawaya yoona wiira, Shela mwaamwana mwankani a Nayuda uyo ahonnuwa, nansho khankelhihiya manupa.
15Paahi etu, Nayuda vaaphwannye aya Natamari vavawo, nkayaanyihera wiira aari nthiyana o ulhavalhava, ukhalhawaya yaari anekhunenlhe wiitho. 16Vavawo wo uhichuwelha wiira yaari ahanu a mwaamwanaya, yahorwaa vachereshere iphiro vawo, nkayeerelha, “Kinothanana urupa ni inyu.”
Natamari nkayaakoha, “Nnohalha ukivaha ittu yaani karumelhelhaka?”
17Nayuda nkayaakhulha, “Kinouvahani mwaapuri o nkutironi waka.”
Natamari nkayeera, “Nkivaheke etu ittu yo uvarelha, uhimiechesha wiira nnowa mwaakivaha.”
18Nayuda nkayaakoha, “Kuuvahekeni ittu yaani wiira nvarelhe?”
Natamari nkayaakhulha, “Nkivaheke pete uyo vamoka ni ikopo inyu iyo.” Paahi Nayuda nkayaavaha chittu chonkhaye chiyo, nkayaarupana. Natamari nkayaarupalha irukulhu. 19Paahi Natamari ahohokolhia uwani, nkayaarulha ntandiyo wekhunenlhe aya, nkayaawara tho ikuwo chaya cho unankhwelhi.
20Ikatema Nayuda vaarumilhe aya Nahira, ampwana aya, wiira anrwehelhe nthiyana ulhe mwaapuri wiira ahokolhosheriye chittu chivarelhiye chilhe, khayamphwannye nthiyana uyo. 21Nahira nkaayakoha anenchi o Uenaimu vawo, “Ri vayi nthiyana o ulhavalhava aakhanlhe vachereshere iphiro vakhiviru ni vaa ulhe?”
Nkayaakhulhiya wiira, “Khanapacha va ukhalha nthiyana o ulhavalhava.”
22Paahi nkaahokolhia wa ampwana aya, Nayuda, nkeerelha, “Akimpantte! Tho, anenchi o wowo ayo ahokihimeria wiira, khanapacha ukhalha nthiyana o ulhavalhava riyoothe wowo.” 23Nayuda nkayeera, “Munhiyeke awieke chittu chiyo, nihiwe noolhihiya muru. Inyu mwaanene nhoona, kihonrwehelha mwaapuri ulha, nansho khamumpantte.”
24Baada yo uvira mieri miraru, Nayuda nkayaahimeriya wiira, “Ahokohi inyu, Natamari aholhuva, ahorupalhihiya irukulhu.”
Paahi Nayuda nkayaalhehera wiira, “Akumihiye vathe, apahiye mooro akhwe.”
25Natamari vaakumihiya aya vathe, ahoruma nttenga wa ahokohi aya, Nayuda, yeeraka, “Mwanene chi chittu chi, phi kirupalhinhe irukulhu. Paahi etu, kinoulhepelhani wiira, mmwaavieke mwanene ulha pete ulha ni nripwe aya, ni ikopo ilha.”
26Nayuda nkayaachuwelha chittu chaya chiyo, nkayeera, “Natamari, ahanaa ikekhiaye ukipwaha mii. Eiyo, ukhalhawaya akankelhinhe manupa mwaamwanaka Shela.” Toka nenno nihuku nno, Nayuda khayarupanne tho Natamari.
27Nihuku no wiithaphulha Natamari vaaphilhe aya, nkayaachuwania wiira, irukulhu iyo yaari yo ashaana mavata.
28Paahi nkuri vaahachuwanche aya, mwaana mmoka ahokumiha nthatha nawe vathe, ni oopani o uyariha ayo ahonttuka nttoche no khwilha, eeraka, “Ulha holhenlhe uyaria ulha, phi nttara.” 29Nansho mwaana uyo vaahokolhoshilhe awe moono awe nhina, nhima awe nkaayaria wo uchokholha. Oopani o uyariha nkayeera, “Mbona uwe uhovira wo machiri?” Paahi nkeehaniya, Peresi, maana aya, “ukhuma wo machiri.” 30Kaanyuma aya munnawe nkaayaria nari ni nttoche nawe mmoononi, nkeehaniya nchina nawe Zera, maana aya, “usha.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.