Uchokholha 37
37
Nayusufu ni ashilhoko aya
1Nayakhobo ahothepa ukhalha ilhapo yo Ukanaani, waakhanlhe aya athumwanaya thoko nlheto. 2Ulha phi mwaha unaacha nikosho ni Nayakhobo.
Nayusufu, vaari aya mmirawo o iyaakha khumi ni saba, yaari achungaka ikhondoro ni ipuri vamoka ni manyonnaya, achishaana ashilhopwana a Nabilha ni Nazilpa, manyaahanu a athumwanaya. Nayusufu, yaari yaahimeriaka athumwanaya chittu cho uhilhoka chaapangacha aya manyonnaya ayo.
3Naisraeli, yaani Nayakhobo, ahaattuna chinene Nayusufu waapwaha achishaana aya onkhaye, ukhalhawaya aayarelhe ikatema vaari aya anolhuvanlhe. Nkayaatottelha Nayusufu ikanzu yo urera chinene. 4Nansho manyonnaya vonne aya wiira athumwanaya yaattuna chinene Nayusufu, waapwaha ayo, yahochokholha waavenga, ata khayolhumana rata.
5Uhiyu mmoka, Nayusufu aholhoha itora, nansho vaahimiachenre aya manyonnaya, yahothepa uvengiya uwo. 6Yaahimianche wiira, “Mwiiweke itora kilhohilhe aka iyo. 7Kiholhoha wiira hii onkhaye va, naari umatani nittukaka ihiru. Wo uhikhulhuvelhiya ihiru aka nkayeemelha. Ihiru chinyu mwaatti nkachaathukumana, nkachaarukureria ihiru aka, nkachooromelha ihiru aka iyo.”
8Manyonnaya ayo nkayaakohacha, “Chani, nnothanana wiira, nnowa mwaanitawara? Ama, nnookhalha ni ikuru vachulhu ihu?” Paahi uvengiya nkawaathepa wo nlhatu no itora ni malhove aya ayo.
9Yamalheke, Nayusufu aholhoha itora ikina, nkaahimiachera manyonnaya, yeeraka, “Mwiiweke, kiholhoha itora ikina tho, kihoona nchuwa, mweri ni ittotwa khumi ni imoka chikooromelhaka.”
10Nansho vaahimenrie aya athumwanaya ni manyonnaya yeyo itora iyo, athumwanaya ahaachachera yeeraka, “Itora yaani yeyo ilhohilhe inyu iyo? Chani, nnoothanana wiira, mii, anumwaninyu, ni manyonninyu, ninowa nookhoromelhani inyuva?” 11Manyonnaya nkayoonelha ihache, nansho athumwanaya nkayaakhalha opuwelhaka nenno nlhove nno.
Nayusufu anoothumihiya
12Nihuku nimoka, manyonnaya Nayusufu yahorwaacha uchungani mihuwo cha athumwanaya, vakhiviru ni Ushekemu. 13Nayakhobo nkayeerelha Nayusufu, “Nhochuwelha wiira, manyonninyu akenlhe uchungani Ushekemu. Paahi etu, kinothanana urumani nrwee wowo.”
Nayusufu nkayaakhulha, “Aye, kiheewa.”
14Athumwanaya nkayeerelha, “Nrweeke mwaaweheke manyonninyu ni ashinama ayo wiira ari salama? Mwamalhaka, nhokolhieke mmweeke mwaakihimeria.” Paahi Nayakhobo nkayaaruma Nayusufu ukhuma nikoote no Uhebroni.
Ikatema Nayusufu vaatameria aya uphiya Ushekemu, 15ntu mmoka ahaaphwanya athemwaka nthakhwani, nkaakoha, “Nnaaviani?”
16Nayusufu nkayaakhulha, “Kinaavia manyonnaka. Nkakihimerieni vakittu vanaachungelha aya ashinama.”
17Ntu ulhe nkeerelha, “Veekinaka ahothamacha, ukhalhawaya kaheewa yeeraka wiira, anokelha Udothani.” Paahi Nayusufu nkayaattwara manyonnaya ayo, nkaaphwanyacha Udothani.
18Manyonnaya vonne aya awaaka, ahinaya uphiya rata, ahopanga miruku cho uweeva. 19Yeerelhanacha ashineneru, “Mmwooneke ntu o ulhohalhoha itora uyo noowa! 20Nngwe nimwiive, ninrihelhe nlhushi, ilhushi yowiisha imoka yo chilha ilhushi chilha. Kaanyuma, niweeke neera, hokhuriya ni ashinama o mwiithuphini. Nooneke etu, itora chawe chiyo chinohalha aya ukhalha.”
21Nansho Narobeni, veewilhe aya yayo malhove ayo, aholhikacha wookholha. Paahi nkeerelha ashikhunanaya ayo wiira, “Mwaatti, nihimwiive. 22Nihirihakache iphome. Nansho muntumbucheriheke munlhikitini uthakoni va, nhinthurie.” Enre chiicho, wo ukhulhuvellha wiira ookholhe mmathathani mwaya, kaanyuma, awe yaahokolhosha wa athumwanaya. 23Nayusufu vaaphilhe aya wa manyonnaya vawo, ahovariya nkayaarulhiya ikanzu aya yorera yaawanre aya iyo. 24Nkaavariya ni urihelhiya nlhushi. Nansho ilhushi yo wiisha iyo yaari yo uhikhalha maashi.
25Vaakhalhanche aya ulhia yolhia, nkayoona mphingo wa Aishmaeli yaakhuma Ugileadi, arwaaka Umisri. Ingamiya chaya chaari chinakunshe misigo cho ubani, izeri ni manemane. 26Vavawo Nayuda nkayeerelhacha ashikhunanaya, “Ninohalha upatta ifaida yaani namwiivaka mwanhima ihu, ni uvitha ukhwa wawe? 27Nambaya etu ninthumihe wa Aishmaeli alha, kuliko umwiiva, ukhalhawaya ulha mwanhima ihu, iphome imoka ni hii.” Ashikhunanaya nkayaarumelhelha nenno nlhove nno. 28Attu o upanga maronda Aishmaeli ayo ari phi Amidiyani vaaphilhe aya vavawo, manyaattu ayo yahaakumiha Nayusufu nlhushi mmo, nkayaathumihiya wo malhivo o nchurukhu makhobilhi makhumi melhi. Ni yayo Aishmaeli ayo ahaakusha Nayusufu mpaka Umisri.
29Paahi Narobeni vaahokolhelhe aya ni uweha valhushi valhe, ni uhoona Nayusufu, ahaahulha ikuwo chaya wo nlhatu no ihuzuni. 30Nkayaarwa wa ashikhunanaya, ni weerelha, “Mmirawo khaawo! Vano kiireke chani etu?”
31Nansho onkhaye khayaari ni nlhove no waahimeria athumwanaya. Paahi nkayaahitha ipuri, nkayaakusha ikanzu ya Nayusufu ni uruwia mphomeni mwo ipuri ilhe. 32Nkayaahokolhia wa athumwanaya ni waarwehelha ikanzu ilhe, yeeraka, “Nihorokotta ikanzu ilha. Nkawehani, yakhalhaka yo mwaamwaninyu, ama kihiwe.”
33Athumwanaya ahochuwelha, nkayeera, “Phi yeyo! Mwaamwanaka hokhuuriya ni nshene. Wo ikekhiaye, Yusufu hopapharulhiya!” 34Paahi, vavawo Nayakhobo ahaahulhacha ikuwo chaya wo nlhatu no ihuzuni yaarina aya, nkayaawara majuniya. Nkayonlha, umunlhelha mwaamwanaya wo mahuku menchi. 35Achishaana aya ashilhopwana ni ashithiyana ahowaacha uwaamaalhihani, nansho nkayaakhota umaalhihiya, yeeraka, “Nkihiyeke, kithepeke umunlhelha mwaamwanaka, mpaka vanohalha aka uwuhelhiya vawo.” Phi chiichammo chaamunlhenlhe aya mwaamwanaya.
36Yeyo ikatema iyo Umisri ulhe, Amidiyani alhe yahaathumiha Nayusufu wa ntu eeehaniya Potifa, mmoka a attu o ikuru munlhokoni mwa manyaasikari a Nafarao, amwene o Umisri.
ទើបបានជ្រើសរើសហើយ៖
Uchokholha 37: MOT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.
Uchokholha 37
37
Nayusufu ni ashilhoko aya
1Nayakhobo ahothepa ukhalha ilhapo yo Ukanaani, waakhanlhe aya athumwanaya thoko nlheto. 2Ulha phi mwaha unaacha nikosho ni Nayakhobo.
Nayusufu, vaari aya mmirawo o iyaakha khumi ni saba, yaari achungaka ikhondoro ni ipuri vamoka ni manyonnaya, achishaana ashilhopwana a Nabilha ni Nazilpa, manyaahanu a athumwanaya. Nayusufu, yaari yaahimeriaka athumwanaya chittu cho uhilhoka chaapangacha aya manyonnaya ayo.
3Naisraeli, yaani Nayakhobo, ahaattuna chinene Nayusufu waapwaha achishaana aya onkhaye, ukhalhawaya aayarelhe ikatema vaari aya anolhuvanlhe. Nkayaatottelha Nayusufu ikanzu yo urera chinene. 4Nansho manyonnaya vonne aya wiira athumwanaya yaattuna chinene Nayusufu, waapwaha ayo, yahochokholha waavenga, ata khayolhumana rata.
5Uhiyu mmoka, Nayusufu aholhoha itora, nansho vaahimiachenre aya manyonnaya, yahothepa uvengiya uwo. 6Yaahimianche wiira, “Mwiiweke itora kilhohilhe aka iyo. 7Kiholhoha wiira hii onkhaye va, naari umatani nittukaka ihiru. Wo uhikhulhuvelhiya ihiru aka nkayeemelha. Ihiru chinyu mwaatti nkachaathukumana, nkachaarukureria ihiru aka, nkachooromelha ihiru aka iyo.”
8Manyonnaya ayo nkayaakohacha, “Chani, nnothanana wiira, nnowa mwaanitawara? Ama, nnookhalha ni ikuru vachulhu ihu?” Paahi uvengiya nkawaathepa wo nlhatu no itora ni malhove aya ayo.
9Yamalheke, Nayusufu aholhoha itora ikina, nkaahimiachera manyonnaya, yeeraka, “Mwiiweke, kiholhoha itora ikina tho, kihoona nchuwa, mweri ni ittotwa khumi ni imoka chikooromelhaka.”
10Nansho vaahimenrie aya athumwanaya ni manyonnaya yeyo itora iyo, athumwanaya ahaachachera yeeraka, “Itora yaani yeyo ilhohilhe inyu iyo? Chani, nnoothanana wiira, mii, anumwaninyu, ni manyonninyu, ninowa nookhoromelhani inyuva?” 11Manyonnaya nkayoonelha ihache, nansho athumwanaya nkayaakhalha opuwelhaka nenno nlhove nno.
Nayusufu anoothumihiya
12Nihuku nimoka, manyonnaya Nayusufu yahorwaacha uchungani mihuwo cha athumwanaya, vakhiviru ni Ushekemu. 13Nayakhobo nkayeerelha Nayusufu, “Nhochuwelha wiira, manyonninyu akenlhe uchungani Ushekemu. Paahi etu, kinothanana urumani nrwee wowo.”
Nayusufu nkayaakhulha, “Aye, kiheewa.”
14Athumwanaya nkayeerelha, “Nrweeke mwaaweheke manyonninyu ni ashinama ayo wiira ari salama? Mwamalhaka, nhokolhieke mmweeke mwaakihimeria.” Paahi Nayakhobo nkayaaruma Nayusufu ukhuma nikoote no Uhebroni.
Ikatema Nayusufu vaatameria aya uphiya Ushekemu, 15ntu mmoka ahaaphwanya athemwaka nthakhwani, nkaakoha, “Nnaaviani?”
16Nayusufu nkayaakhulha, “Kinaavia manyonnaka. Nkakihimerieni vakittu vanaachungelha aya ashinama.”
17Ntu ulhe nkeerelha, “Veekinaka ahothamacha, ukhalhawaya kaheewa yeeraka wiira, anokelha Udothani.” Paahi Nayusufu nkayaattwara manyonnaya ayo, nkaaphwanyacha Udothani.
18Manyonnaya vonne aya awaaka, ahinaya uphiya rata, ahopanga miruku cho uweeva. 19Yeerelhanacha ashineneru, “Mmwooneke ntu o ulhohalhoha itora uyo noowa! 20Nngwe nimwiive, ninrihelhe nlhushi, ilhushi yowiisha imoka yo chilha ilhushi chilha. Kaanyuma, niweeke neera, hokhuriya ni ashinama o mwiithuphini. Nooneke etu, itora chawe chiyo chinohalha aya ukhalha.”
21Nansho Narobeni, veewilhe aya yayo malhove ayo, aholhikacha wookholha. Paahi nkeerelha ashikhunanaya ayo wiira, “Mwaatti, nihimwiive. 22Nihirihakache iphome. Nansho muntumbucheriheke munlhikitini uthakoni va, nhinthurie.” Enre chiicho, wo ukhulhuvellha wiira ookholhe mmathathani mwaya, kaanyuma, awe yaahokolhosha wa athumwanaya. 23Nayusufu vaaphilhe aya wa manyonnaya vawo, ahovariya nkayaarulhiya ikanzu aya yorera yaawanre aya iyo. 24Nkaavariya ni urihelhiya nlhushi. Nansho ilhushi yo wiisha iyo yaari yo uhikhalha maashi.
25Vaakhalhanche aya ulhia yolhia, nkayoona mphingo wa Aishmaeli yaakhuma Ugileadi, arwaaka Umisri. Ingamiya chaya chaari chinakunshe misigo cho ubani, izeri ni manemane. 26Vavawo Nayuda nkayeerelhacha ashikhunanaya, “Ninohalha upatta ifaida yaani namwiivaka mwanhima ihu, ni uvitha ukhwa wawe? 27Nambaya etu ninthumihe wa Aishmaeli alha, kuliko umwiiva, ukhalhawaya ulha mwanhima ihu, iphome imoka ni hii.” Ashikhunanaya nkayaarumelhelha nenno nlhove nno. 28Attu o upanga maronda Aishmaeli ayo ari phi Amidiyani vaaphilhe aya vavawo, manyaattu ayo yahaakumiha Nayusufu nlhushi mmo, nkayaathumihiya wo malhivo o nchurukhu makhobilhi makhumi melhi. Ni yayo Aishmaeli ayo ahaakusha Nayusufu mpaka Umisri.
29Paahi Narobeni vaahokolhelhe aya ni uweha valhushi valhe, ni uhoona Nayusufu, ahaahulha ikuwo chaya wo nlhatu no ihuzuni. 30Nkayaarwa wa ashikhunanaya, ni weerelha, “Mmirawo khaawo! Vano kiireke chani etu?”
31Nansho onkhaye khayaari ni nlhove no waahimeria athumwanaya. Paahi nkayaahitha ipuri, nkayaakusha ikanzu ya Nayusufu ni uruwia mphomeni mwo ipuri ilhe. 32Nkayaahokolhia wa athumwanaya ni waarwehelha ikanzu ilhe, yeeraka, “Nihorokotta ikanzu ilha. Nkawehani, yakhalhaka yo mwaamwaninyu, ama kihiwe.”
33Athumwanaya ahochuwelha, nkayeera, “Phi yeyo! Mwaamwanaka hokhuuriya ni nshene. Wo ikekhiaye, Yusufu hopapharulhiya!” 34Paahi, vavawo Nayakhobo ahaahulhacha ikuwo chaya wo nlhatu no ihuzuni yaarina aya, nkayaawara majuniya. Nkayonlha, umunlhelha mwaamwanaya wo mahuku menchi. 35Achishaana aya ashilhopwana ni ashithiyana ahowaacha uwaamaalhihani, nansho nkayaakhota umaalhihiya, yeeraka, “Nkihiyeke, kithepeke umunlhelha mwaamwanaka, mpaka vanohalha aka uwuhelhiya vawo.” Phi chiichammo chaamunlhenlhe aya mwaamwanaya.
36Yeyo ikatema iyo Umisri ulhe, Amidiyani alhe yahaathumiha Nayusufu wa ntu eeehaniya Potifa, mmoka a attu o ikuru munlhokoni mwa manyaasikari a Nafarao, amwene o Umisri.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.