Galatiamiko 1
1
Kelu kesü
1Paul apostle mipü, thüma celü mo, vele Jisu Khrista mu Poo Jihova celü, püthi merhü kesüo. 2Uko sazüjürako azü kebako, thopü Galatiamiko ce kesü. 3Phikezhe kekhrü po neko yo ba keyi thite, mu thelü kenü Jihova ukopo celü kevori mu u Niepo Jisu Khrista celü kevori. 4Uko kephomako la pü khapü utsüsü, side tsüdo cejülü mha kesuko lü uphuyi ketola, Jihova mharhülü mu uko Poo zalü. 5Püpo kechothe zapozale thiyite; Amen (jüpo mu lesi ketholü). 6Ango zo, (umahü) neko rekri (dithemolü) Khrista phikemezhe kekhrü jüyi kevelü neko cükeyilü rede keta. 7Süosü thüma kekremi mo, vele humi neko kebü kesü Khrista jüyikeve thipü kebü kesü. 8Vele hako sheri, mori tüyo jüyi mitho tülü kiri zo sheri, jüyikeve hako zhopo thiketa mode kekre zhopo thita lize püpo reshu kepüo thitate. 9Himhüjü hako poketa bi, mu tsühi sheri I pokesü bi, mhace thüma humi zhopo kekre potayo lize hako ngokeyi jüyikeve kemopü, poyo lize püpo reshu kepüo thite.
Paul zhopo jüyikeve rüpülü kehala kesü, thüma zhorele lü kemo
10I thüma nü, tsühi, thinyü de jüpo züme, mori Jihova nü thinyü zü? Mori I thüma medo thi kenyü phu züme? Kekrelamori I thüma nü medo thinyü ta yo lize I Khrista cetami kethi mesümo. 11Vele I jükeve po keta hio thüma celü vorimo siti I zhopo thi neko cesü yo. 12Kekrelamori I süo thüma celü ngoyi mo tila, mori I süo metha sümo, vele Jisu Khrista celü kehala kesüzo. 13Neko thajü Jewmiko mha kepo keti keba sesü te, uko nanifü, dipü bide I Jihova kehu methi meni, thi kesü pi kezü sheri, mu süo vameka süri. 14Jewmiko a shuyelü anani kütso meveyi, azü ketü kethedü tiko dülü ukopi thisü; aponeko zho relekolü alü keni mezüri ta ketala. 15Vele Jihova pünü pü medo ketace, pü azu nobulü athi süphra mekre mu pü kekhrü kene lü acüyi. 16Pünu kehala ace sü, apo therünamiko ce jüyikeve poketola, sizi metha I uthi uza medo zü tamo. 17Sizo mori I ta Jerusalem lüri vomo, amhüjü apostle thi ketako celü, vele I ta Arabia lü vo, mu ta sala Damascus lü vori; 18Süsa tetse sü (3) sa lü I tavo Peter zü kesü ketola, mu zho keripüngu (15) püzü ba. 19Vele I apostle kekreko ngomo, James Niepoo sazüo lebi ngo. 20Tsühi I lesi thopü neko tsü kesüko, Hihe, Jihova mhüjülü I meda mozo. 21Süsa laco I ta Syria mu Cilicia khüko whivo. 22Judealü kehuceko se bamo, Khrista lü ta ketako. 23Vele uko seti lebi, “thajü uko methi meni ketao tsüdo jüyikeve zhopo thipü pü meka keva kehuko ce süba tele.” 24Mu uko ala Niepoo zapo zale thisü ta.
ទើបបានជ្រើសរើសហើយ៖
Galatiamiko 1: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.