CORINTHMIKO KÜNAO 13
13
1I tsüo vasüh-o nieko ce vozü. thübü kühopühri zhopo küna mori süh bayi moyoshü. 2I niecie küvo cie phoma küvako mu kükreko ri tarho sü mu tsü nieko zü ba kümo cie nieko tarho lasü zü, a küvoce süko yo azho veyi ho. 3Kükrelamole nieko Khrista ayo dzüpoyo kütsü zhopo she nsa yo tsüla. Pü nieko yo ba kütsü thathi namo vele kushu no batsüla. 4Hidzü pü thathi no mipo püpüh vüve, vele Jihova küku la rhüh tate. Hari thathi no püyo hü, vele nieko cie küvoce püzü no Jihova küku lü hü süto. 5Nietho nie pesüte nie kümülü lü hü ba memo si. Nietho nie dojü süte, Khrista yo hü ba memo si? Nie uzholü hüyi ba mota motho! 6A kümüri nie ha uzhomo kütsü ngoyi hotho siyo. 7Ha Jihova cie niepo küshü thita mo kütola cho bayo, ha dojü kütsülü uzho kütsümi thiyi kütoo la mono niepo uzho thi hüyi küto lano, hatho küshümi thi ta zori. 8Ha mhapühri thipüh küthoo mutsu tayi ndi, vele küthoo la mhathi zoto. 9Ha thathi mu nie ku küba cie hanü bayo. Mu ha kücho sü niepo ve lotsüh küyio zo. 10Süla I nieko chücie ba kümocie dzü hiko thosü zü, süo a küvoce apo Nyepoo küku kha atsü küsü nieko dzürhüva mole thi mütü sü kütoo püh nieko yo müchie ta mo kütola. 11Külalü, küzüko, vetsüzo voyi. Niecho kütso kümüziyi, adzü züyi, külürhü bayi, küzüve bayi; mu kükhrü Jihova künüo nieko zü bayi to. 12Kümüsa mbo püh huniehu külü süte. 13Kümüsako mütü nie külü süho. 14Nyepoo Jisu Khrista ngokümüzhie, Jihova kükhrü, mu Kümüsa Ropü krothoo po nieko mütü zü ba küyio thiyi te. Amen.
ទើបបានជ្រើសរើសហើយ៖
CORINTHMIKO KÜNAO 13: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.