MHATHOKO 9
9
Saul thelü rede keyi
1Sütüce Saul thedüfü phra mu kedokhri thita, Niepoo saji mikoyo, ta thevo kezhoo ce vode; 2Pücelü lesi pü Damascus lü ki Synagogues (kereshüce) kolü mhace thüma humi Choo lü keta ngoyi lize, thenomi sheri mori thepumi sheri pü süko tüzü Jerusalem lü vori ketola. 3Pü revü Damascus kemenoce vori, rekri tüyo kevepü tatsü pükhü metü va vekrüta; 4Pü retu cejü kita, pü mhafüpü püce kepo se, Saul, Saul, no ditole ameshu ta? 5Mu pü poti, Niepoo no sopü? Niepoo puce poti, I Jisu no meshu ketao, no phechopü tsahu mesü keti nla rüshü zoto? 6Pü reshü zode mpe püngo thi bata, Niepoo no apo kedipü thita? Niepoo puce poti, Tasüte, de ta nadelü kite, mu npo kedipü thino sheri nce po süto. 7Püzü revü keta thümako mhapüri poyisu bata, thefü-o se, vele mipüri ngomo. 8Saul cejü retu kezülü tasüri, pü mhürho süri, pü mhapüri ngo mota; vele uko pübe süsayi, side püzü Damascus lü ki. 9Pü zhosü mhangomo bata, mhari timo, jüri kramo. 10Damascus lü kemelümipü ba, püza Ananias, Niepoo zümholü pücepo, Ananias side pücü, pü I hiceba, (we sisü) Niepoo. 11Niepoo püce po, Tasüte, ta chopü Straight (chokemezi) lü kite, Judas cekromi mipü püza Saul, Tarsus lü kevori mipü, ketso vote, kekrelamori pü kecho thi bate. 12Pü zümholü mipü Ananias leno tavo pübe chopü püyosü, püpo mhangoyi tate sitha tingo. 13Süsa Ananias püfü kelasü, Niepoo I thüma kekro celü thüma hio ju seti pü Jerusalem lü kemesakoyo mhakesüshu thipü süti se; 14Thüma hiceko la pü thevoko celü keku choyi de nza kecüko metü tüyi ketola. 15Vele Niepoo püce pode tavote, kekrelamori I pükedapü amhabü thitole ba, aza khipü Jewmi kemokoce, kedekoce, mu Israel nunekoce posü ketola. 16Kekrelamori I püpo ala kemezhe ketoko thapü püka süto. 17Süla Ananias tavo de ta pücelü lü, pübe chopü püyosü, Asazüo, Saul, Niepoo Jisu cholü no tavori kezüce nmengo kesüo, aketsüsüle, npo nmhü mhangoyi ketola, Kemesa Rüpü po nchu yite. 18Sisü metha pümhülü mhakra retu keta thide pü mhango yita, tasü de jülo püyi.
Saul Damascus lü zhopo kethi
19Pü mhati keyisa püthi kemetüyi. Süsa pütühu Damascus lü kemelü miko züde kemekroba. 20Pü mezi Khrista zhopo thita Synagogues (kereshüce) kolü, pü Jihova nuzole sita. 21Vele püfü keseko uko ngo bata, Jerusalem lü püza kecükoyo mhathi mesu uko methimeni keta thüma hio zo mome? Süo thi keto kelüla mu uko tüpü thevoko ce vo ketola mome? 22Vele Saul pü keku neku prata, mu Jews miko zü kemetsu ta Damascus lü kehüko, hiohi Khrista zoleti pota.
Saul kharücelü ta Judako therü keta
23Tüsozho kekro saco Jews miko pü dokhri va keto rhü bata. 24Vele uko Saul re de rizo thi keba se vorita, uko tüso tüzü pü dokhri va ketola kharü kolü püfü re bata. 25Süla sajiko tüzülü püpü merhalü khasüde kharücelü metsa süva.
Saul Jerusalem lü kevo
26Pü Jerusalem lü vokeyice sajiko züde bata, vele uko metü pü methi bata; uko kemelü mipü thi keta uko melü mota. 27Vele Barnabas tavo püzü sajiko dolü vori, side pü cholü Niepoo zü kesüti ukoceposü. Side pü kedipü bide Damascus lü thepu shude Jisu ju po kesü kori sa posü. 28Pü Jerusalem lü ukozü tapra talü thi ba. Pü Jisu Niepoo zole ti thepu shude püza po bata, 29Side Greek miko (Hellenist) zü ketü bata, vele uko pü dokhri va keto rhüta. 30Kemelüko süo se keyice püzü Caesarea lü vota, side pü ketsüpü Tarsus lü süva. 31Sübide kehuko Judea, Galilee mu Samaria kolü tarho thi kethepu sü, ukopo Niepoo mpe de pü chothalü hü, Kemesa Rüpü thelü tho melu ketilü uko kro prata.
Aeneas thikesürho kesü
32Peter hitüce kemelüko dolü tapra talü thi bayo, pü ta Lydda lü kehüko kemelü kocevo. 33Sülü mipüza Aeneas siti ba, püzilü tütse tütha zütata, lasa kethi thide. 34Peter pücepode, Aeneas! Jisu Khrista nthi nve sütaho, Tasütate, de nzi püyite. Sizi sü metha pü tasüta. 35Lydda mu Sharon lü kehüko sü ngode Niepoo melüyita.
Peter Joppa lü Tabitha thi merhü kesü
36Tabitha, kemelü mipü Joppa lü hüyo, püzaco Dorcas; theno hipü mhakeve thi shuyo mu mhakha mitsü shuyo. 37Sizi tavo mhathita, de sata; uko jüpü pükhrüva de khapü cemesoyo kha mezü. 38Lydda Joppa kemenoce ba, kemelüko seketi Peter sülü bale sesü, uko mikena ketsüpü pücesü, püpo tamhai ukoce vorino posü. 39Süsa Peter tasüde uko züvota. Pü ta ukoce vori mu uko püzüde cemesolü ku, samepüko metü pükri kraba, bola mu fümene püthi kesüko kha pü mekaba, pü rhü kebace kethiko. 40Vele Peter uko metüpo chozu prata, chütüyi de kecho thisü; Pü kesamo ce taphe de pü cüsü, Tabitha! Tasürite. Pü mhürho sürita, tasü Peter ngoyi, de bayita. 41Pübepü pücesüthasü, kemelü miko mu samepüko cüsü de pü merhüpü uko tsüsü. 42Joppa lü kehüko metü süo sede Niepoo melüyi. 43Pü tüsozho kekro Joppa lü bata, Simon thiyi kethi mipü celü.
ទើបបានជ្រើសរើសហើយ៖
MHATHOKO 9: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
MHATHOKO 9
9
Saul thelü rede keyi
1Sütüce Saul thedüfü phra mu kedokhri thita, Niepoo saji mikoyo, ta thevo kezhoo ce vode; 2Pücelü lesi pü Damascus lü ki Synagogues (kereshüce) kolü mhace thüma humi Choo lü keta ngoyi lize, thenomi sheri mori thepumi sheri pü süko tüzü Jerusalem lü vori ketola. 3Pü revü Damascus kemenoce vori, rekri tüyo kevepü tatsü pükhü metü va vekrüta; 4Pü retu cejü kita, pü mhafüpü püce kepo se, Saul, Saul, no ditole ameshu ta? 5Mu pü poti, Niepoo no sopü? Niepoo puce poti, I Jisu no meshu ketao, no phechopü tsahu mesü keti nla rüshü zoto? 6Pü reshü zode mpe püngo thi bata, Niepoo no apo kedipü thita? Niepoo puce poti, Tasüte, de ta nadelü kite, mu npo kedipü thino sheri nce po süto. 7Püzü revü keta thümako mhapüri poyisu bata, thefü-o se, vele mipüri ngomo. 8Saul cejü retu kezülü tasüri, pü mhürho süri, pü mhapüri ngo mota; vele uko pübe süsayi, side püzü Damascus lü ki. 9Pü zhosü mhangomo bata, mhari timo, jüri kramo. 10Damascus lü kemelümipü ba, püza Ananias, Niepoo zümholü pücepo, Ananias side pücü, pü I hiceba, (we sisü) Niepoo. 11Niepoo püce po, Tasüte, ta chopü Straight (chokemezi) lü kite, Judas cekromi mipü püza Saul, Tarsus lü kevori mipü, ketso vote, kekrelamori pü kecho thi bate. 12Pü zümholü mipü Ananias leno tavo pübe chopü püyosü, püpo mhangoyi tate sitha tingo. 13Süsa Ananias püfü kelasü, Niepoo I thüma kekro celü thüma hio ju seti pü Jerusalem lü kemesakoyo mhakesüshu thipü süti se; 14Thüma hiceko la pü thevoko celü keku choyi de nza kecüko metü tüyi ketola. 15Vele Niepoo püce pode tavote, kekrelamori I pükedapü amhabü thitole ba, aza khipü Jewmi kemokoce, kedekoce, mu Israel nunekoce posü ketola. 16Kekrelamori I püpo ala kemezhe ketoko thapü püka süto. 17Süla Ananias tavo de ta pücelü lü, pübe chopü püyosü, Asazüo, Saul, Niepoo Jisu cholü no tavori kezüce nmengo kesüo, aketsüsüle, npo nmhü mhangoyi ketola, Kemesa Rüpü po nchu yite. 18Sisü metha pümhülü mhakra retu keta thide pü mhango yita, tasü de jülo püyi.
Saul Damascus lü zhopo kethi
19Pü mhati keyisa püthi kemetüyi. Süsa pütühu Damascus lü kemelü miko züde kemekroba. 20Pü mezi Khrista zhopo thita Synagogues (kereshüce) kolü, pü Jihova nuzole sita. 21Vele püfü keseko uko ngo bata, Jerusalem lü püza kecükoyo mhathi mesu uko methimeni keta thüma hio zo mome? Süo thi keto kelüla mu uko tüpü thevoko ce vo ketola mome? 22Vele Saul pü keku neku prata, mu Jews miko zü kemetsu ta Damascus lü kehüko, hiohi Khrista zoleti pota.
Saul kharücelü ta Judako therü keta
23Tüsozho kekro saco Jews miko pü dokhri va keto rhü bata. 24Vele uko Saul re de rizo thi keba se vorita, uko tüso tüzü pü dokhri va ketola kharü kolü püfü re bata. 25Süla sajiko tüzülü püpü merhalü khasüde kharücelü metsa süva.
Saul Jerusalem lü kevo
26Pü Jerusalem lü vokeyice sajiko züde bata, vele uko metü pü methi bata; uko kemelü mipü thi keta uko melü mota. 27Vele Barnabas tavo püzü sajiko dolü vori, side pü cholü Niepoo zü kesüti ukoceposü. Side pü kedipü bide Damascus lü thepu shude Jisu ju po kesü kori sa posü. 28Pü Jerusalem lü ukozü tapra talü thi ba. Pü Jisu Niepoo zole ti thepu shude püza po bata, 29Side Greek miko (Hellenist) zü ketü bata, vele uko pü dokhri va keto rhüta. 30Kemelüko süo se keyice püzü Caesarea lü vota, side pü ketsüpü Tarsus lü süva. 31Sübide kehuko Judea, Galilee mu Samaria kolü tarho thi kethepu sü, ukopo Niepoo mpe de pü chothalü hü, Kemesa Rüpü thelü tho melu ketilü uko kro prata.
Aeneas thikesürho kesü
32Peter hitüce kemelüko dolü tapra talü thi bayo, pü ta Lydda lü kehüko kemelü kocevo. 33Sülü mipüza Aeneas siti ba, püzilü tütse tütha zütata, lasa kethi thide. 34Peter pücepode, Aeneas! Jisu Khrista nthi nve sütaho, Tasütate, de nzi püyite. Sizi sü metha pü tasüta. 35Lydda mu Sharon lü kehüko sü ngode Niepoo melüyita.
Peter Joppa lü Tabitha thi merhü kesü
36Tabitha, kemelü mipü Joppa lü hüyo, püzaco Dorcas; theno hipü mhakeve thi shuyo mu mhakha mitsü shuyo. 37Sizi tavo mhathita, de sata; uko jüpü pükhrüva de khapü cemesoyo kha mezü. 38Lydda Joppa kemenoce ba, kemelüko seketi Peter sülü bale sesü, uko mikena ketsüpü pücesü, püpo tamhai ukoce vorino posü. 39Süsa Peter tasüde uko züvota. Pü ta ukoce vori mu uko püzüde cemesolü ku, samepüko metü pükri kraba, bola mu fümene püthi kesüko kha pü mekaba, pü rhü kebace kethiko. 40Vele Peter uko metüpo chozu prata, chütüyi de kecho thisü; Pü kesamo ce taphe de pü cüsü, Tabitha! Tasürite. Pü mhürho sürita, tasü Peter ngoyi, de bayita. 41Pübepü pücesüthasü, kemelü miko mu samepüko cüsü de pü merhüpü uko tsüsü. 42Joppa lü kehüko metü süo sede Niepoo melüyi. 43Pü tüsozho kekro Joppa lü bata, Simon thiyi kethi mipü celü.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.