MHATHOKO 8
8
Saul kehu methi keti
1Saul kedokhri hio pü medo zole siziba. Pütü süce Jerusalem lü kehuko methi shuta, uko metü tapre Judea, Samaria, khü umhükolü vota; apostleko lebi zota. 2Kemathoko Stephen püvo khrü va, de uko püla thekri thisü. 3Saul lano kehupo kerekra thi, cepüpülü talü de thepu miri mu theno miri tüpü thejü celü sü.
Philip Samarialü zhopo kethi
4Süla uko pre ta ketako jüo zhopo thi vota. 5Süsa Philip ta Samaria nadelü ki, sülü Khrista zhopo thipü ukoce sü. 6Thümako lüpü thi Philip pokesüko unü shude reniyi, pü ungo mhatho thi kesükori ngo mu reniyi. 7Kekrelamori mesakemo rüpüko semeto de ukoyo ketakoyo taprata, lasako mu pheyho miko kekro thi kesürhosü. 8Nade sülü thümako rethu shuta. 9Vele thümapü süce ba püza Simon, nade sülü kemedu thenyü thiyo, Samaria thümako po pü melü phiyo, side püpü thüma kezho mipü zole sibayo. 10Pü füko reni mu zü tayo thüma kezhotholü ki kenitho ketso, thüma hio Therü kezhoo keku khiyo side melüba. 11Pü thenyü medukola pütü kecho thümakopo pü melü mu pürho tayo. 12Vele Philip Jihova kede kethi mu Jisu Khrista zapü zhopo thi kesüko melü ketala uko jülopüyi, thenokori mu thepukori. 13Simon sheri melü yita, pü jülopü keyice pü Philip sameji de ungo mhathoko mu zasi thi kesüko pepü pü mahüthi püngo thita. 14Tsühi apostleko Jerusalem lü kebako Samaria lü sheri Jihova jüko melüyi keta sesü, uko Peter mu John ni ketsüsü. 15Uni taki keyice ukola kecho thisü, Kemesa Rüpü ukopo ngoyi ketola. 16Kemesa Rüpü sütüce uko mipü yori vo molu, uko Niepo Jisu yolü jülopü keyi zolu tila. 17Süsa unibe chopü ukoyosü, side uko Kemesa Rüpü ngoyi. 18Simon apostleni ngoti unibe chopü miyo süze Kemesa Rüpü kha mitsü kesü ngo, süla pü presapü uni tsüsü. 19Unice poti, keku hio khapü asheri tsü süte, side apo abe chopü miyo kesüce mipori Kemesa Rüpü ngoyi ketola. 20Vele Peter püce pode n presapo nzü shü tate, kekrelamori nlü kelü presapü Kemesa Rüpü khri keyi kelüla. 21No hilü kesa keto mori nzari bamo, kekrelamori nkelü Jihova mhüjülü mezi kemola. 22Süla no mhakesu hilü thelü rede yite, side Jihova ce kecho thi yite, mhace nkelü kesu hiolü nkejo vayiri sehomo. 23Kekrelamori nmelülü kekhu mu kesu kelü ba, mesakemopo nphapü ta. 24Süsa Simon pode, ala Niepoo ce kecho thisüte, nkepoko püpori ayo vorimo ketola. 25Uni sülü Niepoo jü zhopo thi kevasa ta sala Jerusalem lü khota, Jüyikeve pü Samaria rüna kekrolü zhopo thi sü. 26Tüyo Niepoo choyimi Philip cepode, Tasüte, de ta Jerusalem mekhroco Gaza lü kite, kesacejü lü. 27Pü tasü süco vota, Hihe, mipü Ethiopiami, phove mipü, Candace kedepü celü kezho kekutho mipü, cene metü kekhi mipü, pü Jerusalem lü kho de kereshü thi. 28Ta sala vo tazü, gura gariyo ta, de Isaiah saju kese lesiko phrita. 29Süsa Kemesa Rüpü Philip cepode, Ta meno phete, side ta gura gariyo kute. 30Philip tasü pücephe, pü Isaiah phri keta sesü, süla püce poti, no phri keta se bame? 31Püpode, dipübi seyita, humi ace posü kemosa? Philip po püzüde gura gariyo ku püzü bayite sita. 32Pü phri keta süo hiohi, tekonu kedokhri bi püzüvo, tekonu püma kebümi mhüjülü kemekre kethabi, püta taga chemo. 33Püthi zhoshu kesülü kemezilü thimo, somi pü nushünuye poyi veta? Kekrelamori pü kerhüro cejülü khipü tate. 34Phoveo Philip cepode, saju kepoo sopüju poba? Pütho püju me mode thüma kekre ju poba? 35Süsa Philip püta taga de püce poti, lesi sülü shudü thide po, side Jisu ju posü. 36Uni cholü tavo kezüce, jü süce keba ngoyi; phoveo püce poti, Hihe, hice jü bale, apo jülo kepü khati bamotho? 37Philip püce poti, no nmelü metü khi melüyi ta tisa no jülo püyive. Pü poti, Jisu Khrista Jihova nuzo, I melüte. 38Pü gura gari po thayite zisü, uni kenani ta jülü lü, Philip mu Phoveo ni, side püpü jülo püsü. 39Uni jülü taprari, Kemesa Rüpü Philip khipü tata, phoveo püngo samota, mu pü cholü pünü rechü de ta vota. 40Vele Philip tavo Azotus lü mipo püngoyi, pü ta kevo nadekolü zhopo thi vota, tavo Caesarea lü tsoyi kemothe.
ទើបបានជ្រើសរើសហើយ៖
MHATHOKO 8: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
MHATHOKO 8
8
Saul kehu methi keti
1Saul kedokhri hio pü medo zole siziba. Pütü süce Jerusalem lü kehuko methi shuta, uko metü tapre Judea, Samaria, khü umhükolü vota; apostleko lebi zota. 2Kemathoko Stephen püvo khrü va, de uko püla thekri thisü. 3Saul lano kehupo kerekra thi, cepüpülü talü de thepu miri mu theno miri tüpü thejü celü sü.
Philip Samarialü zhopo kethi
4Süla uko pre ta ketako jüo zhopo thi vota. 5Süsa Philip ta Samaria nadelü ki, sülü Khrista zhopo thipü ukoce sü. 6Thümako lüpü thi Philip pokesüko unü shude reniyi, pü ungo mhatho thi kesükori ngo mu reniyi. 7Kekrelamori mesakemo rüpüko semeto de ukoyo ketakoyo taprata, lasako mu pheyho miko kekro thi kesürhosü. 8Nade sülü thümako rethu shuta. 9Vele thümapü süce ba püza Simon, nade sülü kemedu thenyü thiyo, Samaria thümako po pü melü phiyo, side püpü thüma kezho mipü zole sibayo. 10Pü füko reni mu zü tayo thüma kezhotholü ki kenitho ketso, thüma hio Therü kezhoo keku khiyo side melüba. 11Pü thenyü medukola pütü kecho thümakopo pü melü mu pürho tayo. 12Vele Philip Jihova kede kethi mu Jisu Khrista zapü zhopo thi kesüko melü ketala uko jülopüyi, thenokori mu thepukori. 13Simon sheri melü yita, pü jülopü keyice pü Philip sameji de ungo mhathoko mu zasi thi kesüko pepü pü mahüthi püngo thita. 14Tsühi apostleko Jerusalem lü kebako Samaria lü sheri Jihova jüko melüyi keta sesü, uko Peter mu John ni ketsüsü. 15Uni taki keyice ukola kecho thisü, Kemesa Rüpü ukopo ngoyi ketola. 16Kemesa Rüpü sütüce uko mipü yori vo molu, uko Niepo Jisu yolü jülopü keyi zolu tila. 17Süsa unibe chopü ukoyosü, side uko Kemesa Rüpü ngoyi. 18Simon apostleni ngoti unibe chopü miyo süze Kemesa Rüpü kha mitsü kesü ngo, süla pü presapü uni tsüsü. 19Unice poti, keku hio khapü asheri tsü süte, side apo abe chopü miyo kesüce mipori Kemesa Rüpü ngoyi ketola. 20Vele Peter püce pode n presapo nzü shü tate, kekrelamori nlü kelü presapü Kemesa Rüpü khri keyi kelüla. 21No hilü kesa keto mori nzari bamo, kekrelamori nkelü Jihova mhüjülü mezi kemola. 22Süla no mhakesu hilü thelü rede yite, side Jihova ce kecho thi yite, mhace nkelü kesu hiolü nkejo vayiri sehomo. 23Kekrelamori nmelülü kekhu mu kesu kelü ba, mesakemopo nphapü ta. 24Süsa Simon pode, ala Niepoo ce kecho thisüte, nkepoko püpori ayo vorimo ketola. 25Uni sülü Niepoo jü zhopo thi kevasa ta sala Jerusalem lü khota, Jüyikeve pü Samaria rüna kekrolü zhopo thi sü. 26Tüyo Niepoo choyimi Philip cepode, Tasüte, de ta Jerusalem mekhroco Gaza lü kite, kesacejü lü. 27Pü tasü süco vota, Hihe, mipü Ethiopiami, phove mipü, Candace kedepü celü kezho kekutho mipü, cene metü kekhi mipü, pü Jerusalem lü kho de kereshü thi. 28Ta sala vo tazü, gura gariyo ta, de Isaiah saju kese lesiko phrita. 29Süsa Kemesa Rüpü Philip cepode, Ta meno phete, side ta gura gariyo kute. 30Philip tasü pücephe, pü Isaiah phri keta sesü, süla püce poti, no phri keta se bame? 31Püpode, dipübi seyita, humi ace posü kemosa? Philip po püzüde gura gariyo ku püzü bayite sita. 32Pü phri keta süo hiohi, tekonu kedokhri bi püzüvo, tekonu püma kebümi mhüjülü kemekre kethabi, püta taga chemo. 33Püthi zhoshu kesülü kemezilü thimo, somi pü nushünuye poyi veta? Kekrelamori pü kerhüro cejülü khipü tate. 34Phoveo Philip cepode, saju kepoo sopüju poba? Pütho püju me mode thüma kekre ju poba? 35Süsa Philip püta taga de püce poti, lesi sülü shudü thide po, side Jisu ju posü. 36Uni cholü tavo kezüce, jü süce keba ngoyi; phoveo püce poti, Hihe, hice jü bale, apo jülo kepü khati bamotho? 37Philip püce poti, no nmelü metü khi melüyi ta tisa no jülo püyive. Pü poti, Jisu Khrista Jihova nuzo, I melüte. 38Pü gura gari po thayite zisü, uni kenani ta jülü lü, Philip mu Phoveo ni, side püpü jülo püsü. 39Uni jülü taprari, Kemesa Rüpü Philip khipü tata, phoveo püngo samota, mu pü cholü pünü rechü de ta vota. 40Vele Philip tavo Azotus lü mipo püngoyi, pü ta kevo nadekolü zhopo thi vota, tavo Caesarea lü tsoyi kemothe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.