MHATHOKO 10
10
Peter mu Cornelius niju
1Thümapü Cornelius ziti Caesarea lü tayo, Italimi paheko krapi kezho thiyo. 2Thüma kematho, pücekro metü khipü Jihova khrimeprü tayo, mha mechü khapü mitsü miza shuyo tipü, pütü metülü kecho thi bayo. 3Pü zümholü tüyo Jihova choyimipü ngo keba thecüce (sü), de süo püce poti, Hei, Cornelius. 4Pü tosüpe de mpeta, Niepoo dipüla? Püce poti, Nkechoko mu nmhazako rekrata keto sekho Jihova mhüjülü vote. 5Thümahu ketsüpü Joppa lü süte, Simon püza thopü Peter thi ketao cüsüte. 6Pü thiyi kethimipü Simon celü baho, püce jükezho khüceba, pü npo dipü thiti mesü sheri posüto. 7Tüyo choyi Cornelius ce po kevasa pü thekümi kejütho püfüsü kebami kena ketsüsü. 8Pü sekeyiko metü pü ukoce posü de uni ketsüpü Joppa lü sü. 9Süsanha uni cholü tavozü, vo nade menoyi, Peter keba thecüce (theva keba süce) cetuyo vo kecho thi ketola. 10Pü merita de mhatinyü ketala uko keredetha, süce pü renyüta. 11Pü tükhri kesü ngo, mhabüpü retu püce kiri, küda kethi fü püyo cejü lü kiri. 12Sülü khonu pheda kepü cejülü gu ketako, thiko, tüyo rako metü ta. 13Füphrapü püce vori, Peter tasü de dokhri tite. 14Vele Peter poti, Hole, Niepoo; I mhapü ceri mesakemo keho tiyo mozole. 15Vakenao füphrao püce posala, Jihova thi mesa kesüo no po merho hite. 16Hihi vasü thipü pü mengosü, mhabü süo khipü tüyo khota. 17Peter zümho mha süo püco dipüle sheri pü lü kebace, Cornelius thüma ketsü kesüni Simon ce ketso vorita, de cekhrice thatha. 18Uni Simon Peter lezi ketao ketsode cesülü balemhame. 19Peter zümhoco lü kebace, Hihe, misü nphu züho. 20Tasüte, de taki uko zü vote, mhapüri lü kedodu hite kekrelamori I uko ketsü sü tila. 21Süsa Peter taki Cornelius thüma ketsü kesüko ceki, de poti Hihe, I neko phukevori-o le, kedipüla neko aphu vorizüa? 22Uko püce pode, Cornelius thipahe krapi kezhoo thüma kejütho, Jihova mpe, Judah miko dolü pomeve shuyo tipü, tüyo choyi kemesami püce poti thüma ketsüpü ncüsü de npo ta püce vono süle, side püpo dipü thino sheri jüko reniyi no bale. 23Süsa Peter thüma süko cüpü celü sü de ukopo sülü bata. Süsanha Peter uko züde ta vota, mu Joppa lü kemelü miko hu püzü tavo. 24Süsanha uko tavo Caesarea tsoyi. Cornelius uko füba, pücekro miko mu pü khrethoko cüsü kenguyi. 25Peter tavori zütice Cornelius tavo püzü kesü, side neküki püphece pü reshüta. 26Vele Peter püphü mesüsü, de poti, sütha yite; I sheri thüma zole. 27Püzü tade kerethi vozü, pü talü thüma kekro kengupü keba ngoyi. 28Pü ukoce poti, Jew mipü thüma kekremi zü kemekroyo kemo neko ri seba, mori ta shuye kekremi ce voyo kemo sheri; vele Jihova amengo de ace poti, apo mipü sheri popü mesakemomi mori matu kehomi si hino süle. 29Süla I mhapüri kechodu mozode tavorizü, aketsü kesübi, süla neko kedipü kelüla acüsüa? 30Cornelius poti, zhoda vo ketace, tsütü mesücehi, basüce, (thecü) I cetuyo mevo de kecho thi kebace, mipü vekrü zode fü kemega be akhüce thatha. 31Pü ace poti, Cornelius nkecho se bate, mu no mhapü mitsü miza keti rekra taketo Jihova mhüjülü vote. 32Thüma ketsüpü Joppa lü süte, Simon püza thopü Peter thi kevao cü süte, pü Simon thiyi kethio celü baho jükezho poce, pü tavori ze npo dipü thito sheri posüto. 33Rekri I thüma ketsüsü, mu no vori ketahi veshute. Hice hako metü Jihova mhüjülü bate, Jihova posü ketoko reni ketola.
Judahmi kemoko (Gentiles) Jüyikeve reni se keyi
34Peter püta chopü ukoce poti Jihova mipüri rho mekreyo kemo kethozo. 35Vele shuye kehopülü sheri sopüno pü mpe mu kemezilü mhathi yo sheri pü sümizüyiyo. 36Jihova jü khapü Israel nuneko tsü, Jisu Khrista kezükeve popü mi metha, Pü metüko pi Niepoo zo. 37Jü süo neko metü sebate, Judea metülü po keye vote, Galilee lü John mipü jülompü keti zü zhopo shudü thi. 38Jihova dipü bide Kemesa Rüpü mu Keku pü Nazareth mi Jisu kenhüsü, pü mhakeve thishu, kethi miko thi kesürho sü, therü kesupo ukebü ketako thi mevesü, kekrelamori Jihova püzü ketala. 39Hako se mu ngo keti zhopo kozo, Jewmi cejülü mu Jerusalem lü; uko püpü süyo guva de pü dokhri ve. 40Jihova zhosünha püphü merhüve, side pü mhotsu mi mengosü. 41Thüma metümo vele Jihova kedakeyi hako, püzhopo thi ketoko, püzü mhati mhakra; pü rhüla sü ketasa. 42Hakopo thümako ce zhopo thino pü hako ketsüsü, Jihova pü kesüpü kerhüko mu kesako sheco thi keto püzo. 43Saju kepoko metü zhopo süo thitazo, somi püza melüyi sheri sümi kejo keva ngo yito.
Judahmi kemoko Kemesa Rüpü ngo keyi
44Peter jü süko pokebalü Kemesa Rüpü jüreni kebako metü yokuta. 45Yi kerümi Peter zü kevori kemelüko ungo thita, kekrelamori Kemesa Rüpü khapü Gentiles (Judah kemomiko) yo ri sü ketala. 46Kekrelamori uko jü sekemo meyilü po ketala, side Jihova po kerekrü süta. 47Peter süsa uko ketsode poti, ukopo jülo kepü jü khayi veme humi, uko bide Kemesa Rüpü ngoyi ketako? 48Süla pü ukopo Jisu Khrista zalü jülo püyi keveposü, side uko püpo tüsozhohu uko zübatano chota.
ទើបបានជ្រើសរើសហើយ៖
MHATHOKO 10: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
MHATHOKO 10
10
Peter mu Cornelius niju
1Thümapü Cornelius ziti Caesarea lü tayo, Italimi paheko krapi kezho thiyo. 2Thüma kematho, pücekro metü khipü Jihova khrimeprü tayo, mha mechü khapü mitsü miza shuyo tipü, pütü metülü kecho thi bayo. 3Pü zümholü tüyo Jihova choyimipü ngo keba thecüce (sü), de süo püce poti, Hei, Cornelius. 4Pü tosüpe de mpeta, Niepoo dipüla? Püce poti, Nkechoko mu nmhazako rekrata keto sekho Jihova mhüjülü vote. 5Thümahu ketsüpü Joppa lü süte, Simon püza thopü Peter thi ketao cüsüte. 6Pü thiyi kethimipü Simon celü baho, püce jükezho khüceba, pü npo dipü thiti mesü sheri posüto. 7Tüyo choyi Cornelius ce po kevasa pü thekümi kejütho püfüsü kebami kena ketsüsü. 8Pü sekeyiko metü pü ukoce posü de uni ketsüpü Joppa lü sü. 9Süsanha uni cholü tavozü, vo nade menoyi, Peter keba thecüce (theva keba süce) cetuyo vo kecho thi ketola. 10Pü merita de mhatinyü ketala uko keredetha, süce pü renyüta. 11Pü tükhri kesü ngo, mhabüpü retu püce kiri, küda kethi fü püyo cejü lü kiri. 12Sülü khonu pheda kepü cejülü gu ketako, thiko, tüyo rako metü ta. 13Füphrapü püce vori, Peter tasü de dokhri tite. 14Vele Peter poti, Hole, Niepoo; I mhapü ceri mesakemo keho tiyo mozole. 15Vakenao füphrao püce posala, Jihova thi mesa kesüo no po merho hite. 16Hihi vasü thipü pü mengosü, mhabü süo khipü tüyo khota. 17Peter zümho mha süo püco dipüle sheri pü lü kebace, Cornelius thüma ketsü kesüni Simon ce ketso vorita, de cekhrice thatha. 18Uni Simon Peter lezi ketao ketsode cesülü balemhame. 19Peter zümhoco lü kebace, Hihe, misü nphu züho. 20Tasüte, de taki uko zü vote, mhapüri lü kedodu hite kekrelamori I uko ketsü sü tila. 21Süsa Peter taki Cornelius thüma ketsü kesüko ceki, de poti Hihe, I neko phukevori-o le, kedipüla neko aphu vorizüa? 22Uko püce pode, Cornelius thipahe krapi kezhoo thüma kejütho, Jihova mpe, Judah miko dolü pomeve shuyo tipü, tüyo choyi kemesami püce poti thüma ketsüpü ncüsü de npo ta püce vono süle, side püpo dipü thino sheri jüko reniyi no bale. 23Süsa Peter thüma süko cüpü celü sü de ukopo sülü bata. Süsanha Peter uko züde ta vota, mu Joppa lü kemelü miko hu püzü tavo. 24Süsanha uko tavo Caesarea tsoyi. Cornelius uko füba, pücekro miko mu pü khrethoko cüsü kenguyi. 25Peter tavori zütice Cornelius tavo püzü kesü, side neküki püphece pü reshüta. 26Vele Peter püphü mesüsü, de poti, sütha yite; I sheri thüma zole. 27Püzü tade kerethi vozü, pü talü thüma kekro kengupü keba ngoyi. 28Pü ukoce poti, Jew mipü thüma kekremi zü kemekroyo kemo neko ri seba, mori ta shuye kekremi ce voyo kemo sheri; vele Jihova amengo de ace poti, apo mipü sheri popü mesakemomi mori matu kehomi si hino süle. 29Süla I mhapüri kechodu mozode tavorizü, aketsü kesübi, süla neko kedipü kelüla acüsüa? 30Cornelius poti, zhoda vo ketace, tsütü mesücehi, basüce, (thecü) I cetuyo mevo de kecho thi kebace, mipü vekrü zode fü kemega be akhüce thatha. 31Pü ace poti, Cornelius nkecho se bate, mu no mhapü mitsü miza keti rekra taketo Jihova mhüjülü vote. 32Thüma ketsüpü Joppa lü süte, Simon püza thopü Peter thi kevao cü süte, pü Simon thiyi kethio celü baho jükezho poce, pü tavori ze npo dipü thito sheri posüto. 33Rekri I thüma ketsüsü, mu no vori ketahi veshute. Hice hako metü Jihova mhüjülü bate, Jihova posü ketoko reni ketola.
Judahmi kemoko (Gentiles) Jüyikeve reni se keyi
34Peter püta chopü ukoce poti Jihova mipüri rho mekreyo kemo kethozo. 35Vele shuye kehopülü sheri sopüno pü mpe mu kemezilü mhathi yo sheri pü sümizüyiyo. 36Jihova jü khapü Israel nuneko tsü, Jisu Khrista kezükeve popü mi metha, Pü metüko pi Niepoo zo. 37Jü süo neko metü sebate, Judea metülü po keye vote, Galilee lü John mipü jülompü keti zü zhopo shudü thi. 38Jihova dipü bide Kemesa Rüpü mu Keku pü Nazareth mi Jisu kenhüsü, pü mhakeve thishu, kethi miko thi kesürho sü, therü kesupo ukebü ketako thi mevesü, kekrelamori Jihova püzü ketala. 39Hako se mu ngo keti zhopo kozo, Jewmi cejülü mu Jerusalem lü; uko püpü süyo guva de pü dokhri ve. 40Jihova zhosünha püphü merhüve, side pü mhotsu mi mengosü. 41Thüma metümo vele Jihova kedakeyi hako, püzhopo thi ketoko, püzü mhati mhakra; pü rhüla sü ketasa. 42Hakopo thümako ce zhopo thino pü hako ketsüsü, Jihova pü kesüpü kerhüko mu kesako sheco thi keto püzo. 43Saju kepoko metü zhopo süo thitazo, somi püza melüyi sheri sümi kejo keva ngo yito.
Judahmi kemoko Kemesa Rüpü ngo keyi
44Peter jü süko pokebalü Kemesa Rüpü jüreni kebako metü yokuta. 45Yi kerümi Peter zü kevori kemelüko ungo thita, kekrelamori Kemesa Rüpü khapü Gentiles (Judah kemomiko) yo ri sü ketala. 46Kekrelamori uko jü sekemo meyilü po ketala, side Jihova po kerekrü süta. 47Peter süsa uko ketsode poti, ukopo jülo kepü jü khayi veme humi, uko bide Kemesa Rüpü ngoyi ketako? 48Süla pü ukopo Jisu Khrista zalü jülo püyi keveposü, side uko püpo tüsozhohu uko zübatano chota.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.