MHATHOKO 7
7
Stephen kehuce kepo
1Süsa thevo kerekrüo pü ketso de poti, mha süko ketho zome? 2Pü poti, thümako mu asazü jürako, aponeko, reni süte; Jihova zapozale kethio upotsa Abraham mengosü, pü Mesopotamia lü kebace, pü Charran lü kehü mhüjü. 3Püce poti, n rünalü mu n cekrolü tapra tate, de ta cejü I thapü nmeka sü ketolü vo tate. 4Süsa pü ta Chaldean cejülü vori, de Haran lü hü bata. Püpo sa ketasa, Jihova püpo rede tavo tsü keba thethi hiolü hüta. 5Sülü kalüzhü mhapüri khapü pü tsümo, phezi düpüri khasü mozo; sizo sheri jükha kesü püpo süo yitole sisü, püshupüye pori, süketso pünu di. 6Jihova püce kepo, nnuneko cejü sekemolü revüvotato; uko tavo mijü thitato, side mipo uko meshu süto tütse kradapü. 7Shuye nekopü thejü kethio I pe süto, Jihova posü, süsalü uko taprarito, side thethi hilü achoyi thito. 8Pü yikerü khapü uko tsüsü; mu Abraham Isaac ngoyi, zho tütha nha püyi rüsü: Isaac Jacob menuyi, mu Jacob upotsaneko mi kerikena menusü. 9Upotsaneko püngo ukorode Joseph tüpü zhuva Egypt mice, vele Jihova püzüta. 10Pü kemezhe zori pü kelayi, mhase pü pütsüsü mu Pharoah Egypt kedeo po püngo unüyi, side püthipü Angh thisü Egypt cejü metülü mu pücelü zo sheri. 11Egypt mu Canaan cejü metülü kemekre vorita, kemezhe shuta, upotsaneko keti kekra ngoyi hota; 12Vele Jacob sekeyi Egypt lü ketico bati sesü, pü uponeko ketsü sü therao va. 13Va kenalü Joseph püpü püjürako mesesü, Joseph cekroko püvo Pharaoh mengosü. 14Joseph uko ketsüpü pücekroko mu püpo Jacob cüyi ta, mi hethüna püngu. 15Süla Jacob ta Egypt lü kita, side sülü püri mu upotsaneko ri sülü sata. 16Uko mo püvo Shechem lü khrüva, Abraham mhakhre thi Hammor nuneko ce presapü khri keyi thilü. 17Vele jüpopü kemeta pütü tso keyice, Jihova Abraham ce popü kemetajü, thümako ma kro sürita Egypt lü. 18Kede kekrepü Joseph sekemopü sürita. 19Pü ushuye yo thedo püde uponekopo ununeko kegüdü vanota, side ukopo sata ketola. 20Pütü sülü Moses menuyi, züve rizo, tekhri sü püpo celü theküba. 21Püpü kegü düva, süce Pharoah nupü pü püvo pünu thide theküyi. 22Moses Egypt lü mhaseko seyi, jülü sheri mu mhatholü sheri kushu. 23Pü tütse heda ketace pümelülü tavo pücekroko Israel miko pesü nyüsata. 24Mipü meshu ba keta ngode püsa thasü ketilü Egypt mipü kekhu va. 25Pükelüce pü cekromiko Jihova pükhrühi süde uko kelakeyi seyi totho ziri uko süo seyi mota, 26Süsanha pü tavo uko mhüngo thisü mu mikena kezheba ngo, pü unipo kezüveta nyüde unice poti, azüneko neko sazüjüra zole, ditole hunehu nükemo thiba? 27Vele mipü püzanuo nümo thikebao tasü Moses khupü düva, de poti, sopü nthipü hani ne mpe hani kekha keti thisü? 28No adokhri va tolime? No ndo Egypt mipü yo thi kesübi. 29Süsa jü hio keselü Moses takhi Median cejülü ta vota, sülü thepumi kena menuyi. 30Tütse heda tso ketasa, tüyo Niepoo choyi mipü Sinai cejütuyo nhatsalü sübopü meto keba melipülü püzü kerethi. 31Moses süo kengoce püngo thita, pü taphe süo petole menophe, Niepoo füphra pü meseta. 32Sülü poti, I npotsaneko Rüo, Abraham Rüo, Isaac Rüo, mu Jacob Rüo. Süsa Moses meprüpü reshüta, side pe mpe ta. 33Süsa Niepoo püce poti, npheyo npheku phrü vate, kekrelamori no thakeba thethilü mesa tila. 34Athümako Egypt lü methi meni keba I ngo bate, uko panyo kebakori I se süte, süla I taki uko kelayi ketola kirizü. Tavote, I nketsüpü Egypt lü sü ketola. 35Moses hio uko pü mela kevao, sopü npo hako sheketi mu hako kekha keto thisü? Thüma süo Jihova pü ketsüpü uko kekha mu uko kela tozü, tüyo choyio sünhyo lü pü mengo kesüo bepü uko kela süto. 36Pü uko zü prasü, Egypt cejülü zasiko mu ungo mhathoko thipü mekasü, Kemere jü kezholü, mu rayho thilü tütse hedako. 37Hiohi Moses Israel mikoce po kebao, Niepoo neko Rüo neko dolü saju kepopü khapü neko tsü süto, abi tipü, neko püfü reni yite. 38Hiohi püzo, nhatsalü kehuko zü ketao, tüyo choyimi Sinai cejütulü jüpo kesüo, upotsa neko zü ketao, jüpo kese khapü utsü kesüo. 39Upotsa neko püfü zümu keta, sizo mori pü khupü düva, uko melüpü Egypt lü latsüta. 40Uko Aaron cepode, therü marheko thipü hako mhüjülü süte, kekrelamori Moses hio Egypt cejülü hako züpra kesüo püyo dipü bita sheri hako semote. 41Pütü sülü uko methonepü thiyi, side uko kereshü thipü marhe reshüta, side ukobe mhathopü uko rechüta. 42Vele Jihova ukoyo renüta, side uko khapü tüyo ketako reshüta, süo thajü saju kepoko lesilü thopü metati, O Israel cekroko, neko khonu kesamo khapü areshü tome, tütse hedako dolü nhatsalü ketace? 43Thiyi hozole, neko kereshüce thipü Moloch tsü, tüyo thenyüko rüo Raphan, neko therü hiko thipü reshü; süla I neko celepü Babylon saco süvato. 44Upotsaneko nhatsalü kereshüce zhopo thi vori, püpo thi süno püce kepoko Moses mengosü mu püpo uhü sübi thinosü. 45Upotsaneko Joshua züde süo püvori, uko Rüo shuyeko hu keva tüce. Süo khapü metazo tavo David ketso. 46Jihova David ngo pünüyi Jacob cekroko züde thethi pülü hü keto phu sünosü. 47Vele Solomon pula cepü thisü. 48Sizosheri Kerekrütho-o no thebepü kethi kereshücelü hü yomo, saju keseko kepobi. 49Tüsü akedeba, cejüsü aphezho, neko kedipü ce thipü atsüta? Niepoo sizipo, mori thethi ala kerelü dipü ba? 50Abe mha metü hiko thisü mome? 51Neko neküyi kehoko umelü uni yirü kemoko, neko pütü metülü Kemesa Rüpü nümo thi süyo, neko potsa neko bi neko ri sizi süyo. 52Saju kesekoyo nepotsaneko sopü methi kemo ba? Uko Ketho kemezio vori keto kepoko dokhri tsosüte, tsühi neko püpü zhu kevako mu pü dokhri kevakozo. 53Neko kedapü tüyo choyio thezho khakesüko thi mu zü ketola, vele neko thi mu züyi mote. (Ketsüpü Stephen zhe)
54Uko süko se kesüce uko melü thizode püyo uko hu thezhe püyi. 55Vele pü Kemesa Rüpüpo püchu püyi de tüyo pe türü bata, mu Jihova zapozale kethi ngosü, Jisu Jihova zaco keba ngo. 56Pü poti, Hihe, I tüko khri kesü ngo bate, Themanuo Jihova zaco sütha thate. 57Uko füphra meto shudeuko niko meka yita, ukometü kezü püthide püyo ta vota. 58Pü tüpü nade saco prata, ketsüpü püva, uko füneko khapü khresamipü phece kha mezü, püza Saul. 59Uko ketsüpü Stephen zhe, Pü kecho thide, “Niepo Jisu arüpü püyi tate.” 60Pü chütüyi, sesü, “Niepoo kephoma hio pü ukoyo sü hite.” Pü jü süo posü mu züta.
ទើបបានជ្រើសរើសហើយ៖
MHATHOKO 7: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
MHATHOKO 7
7
Stephen kehuce kepo
1Süsa thevo kerekrüo pü ketso de poti, mha süko ketho zome? 2Pü poti, thümako mu asazü jürako, aponeko, reni süte; Jihova zapozale kethio upotsa Abraham mengosü, pü Mesopotamia lü kebace, pü Charran lü kehü mhüjü. 3Püce poti, n rünalü mu n cekrolü tapra tate, de ta cejü I thapü nmeka sü ketolü vo tate. 4Süsa pü ta Chaldean cejülü vori, de Haran lü hü bata. Püpo sa ketasa, Jihova püpo rede tavo tsü keba thethi hiolü hüta. 5Sülü kalüzhü mhapüri khapü pü tsümo, phezi düpüri khasü mozo; sizo sheri jükha kesü püpo süo yitole sisü, püshupüye pori, süketso pünu di. 6Jihova püce kepo, nnuneko cejü sekemolü revüvotato; uko tavo mijü thitato, side mipo uko meshu süto tütse kradapü. 7Shuye nekopü thejü kethio I pe süto, Jihova posü, süsalü uko taprarito, side thethi hilü achoyi thito. 8Pü yikerü khapü uko tsüsü; mu Abraham Isaac ngoyi, zho tütha nha püyi rüsü: Isaac Jacob menuyi, mu Jacob upotsaneko mi kerikena menusü. 9Upotsaneko püngo ukorode Joseph tüpü zhuva Egypt mice, vele Jihova püzüta. 10Pü kemezhe zori pü kelayi, mhase pü pütsüsü mu Pharoah Egypt kedeo po püngo unüyi, side püthipü Angh thisü Egypt cejü metülü mu pücelü zo sheri. 11Egypt mu Canaan cejü metülü kemekre vorita, kemezhe shuta, upotsaneko keti kekra ngoyi hota; 12Vele Jacob sekeyi Egypt lü ketico bati sesü, pü uponeko ketsü sü therao va. 13Va kenalü Joseph püpü püjürako mesesü, Joseph cekroko püvo Pharaoh mengosü. 14Joseph uko ketsüpü pücekroko mu püpo Jacob cüyi ta, mi hethüna püngu. 15Süla Jacob ta Egypt lü kita, side sülü püri mu upotsaneko ri sülü sata. 16Uko mo püvo Shechem lü khrüva, Abraham mhakhre thi Hammor nuneko ce presapü khri keyi thilü. 17Vele jüpopü kemeta pütü tso keyice, Jihova Abraham ce popü kemetajü, thümako ma kro sürita Egypt lü. 18Kede kekrepü Joseph sekemopü sürita. 19Pü ushuye yo thedo püde uponekopo ununeko kegüdü vanota, side ukopo sata ketola. 20Pütü sülü Moses menuyi, züve rizo, tekhri sü püpo celü theküba. 21Püpü kegü düva, süce Pharoah nupü pü püvo pünu thide theküyi. 22Moses Egypt lü mhaseko seyi, jülü sheri mu mhatholü sheri kushu. 23Pü tütse heda ketace pümelülü tavo pücekroko Israel miko pesü nyüsata. 24Mipü meshu ba keta ngode püsa thasü ketilü Egypt mipü kekhu va. 25Pükelüce pü cekromiko Jihova pükhrühi süde uko kelakeyi seyi totho ziri uko süo seyi mota, 26Süsanha pü tavo uko mhüngo thisü mu mikena kezheba ngo, pü unipo kezüveta nyüde unice poti, azüneko neko sazüjüra zole, ditole hunehu nükemo thiba? 27Vele mipü püzanuo nümo thikebao tasü Moses khupü düva, de poti, sopü nthipü hani ne mpe hani kekha keti thisü? 28No adokhri va tolime? No ndo Egypt mipü yo thi kesübi. 29Süsa jü hio keselü Moses takhi Median cejülü ta vota, sülü thepumi kena menuyi. 30Tütse heda tso ketasa, tüyo Niepoo choyi mipü Sinai cejütuyo nhatsalü sübopü meto keba melipülü püzü kerethi. 31Moses süo kengoce püngo thita, pü taphe süo petole menophe, Niepoo füphra pü meseta. 32Sülü poti, I npotsaneko Rüo, Abraham Rüo, Isaac Rüo, mu Jacob Rüo. Süsa Moses meprüpü reshüta, side pe mpe ta. 33Süsa Niepoo püce poti, npheyo npheku phrü vate, kekrelamori no thakeba thethilü mesa tila. 34Athümako Egypt lü methi meni keba I ngo bate, uko panyo kebakori I se süte, süla I taki uko kelayi ketola kirizü. Tavote, I nketsüpü Egypt lü sü ketola. 35Moses hio uko pü mela kevao, sopü npo hako sheketi mu hako kekha keto thisü? Thüma süo Jihova pü ketsüpü uko kekha mu uko kela tozü, tüyo choyio sünhyo lü pü mengo kesüo bepü uko kela süto. 36Pü uko zü prasü, Egypt cejülü zasiko mu ungo mhathoko thipü mekasü, Kemere jü kezholü, mu rayho thilü tütse hedako. 37Hiohi Moses Israel mikoce po kebao, Niepoo neko Rüo neko dolü saju kepopü khapü neko tsü süto, abi tipü, neko püfü reni yite. 38Hiohi püzo, nhatsalü kehuko zü ketao, tüyo choyimi Sinai cejütulü jüpo kesüo, upotsa neko zü ketao, jüpo kese khapü utsü kesüo. 39Upotsa neko püfü zümu keta, sizo mori pü khupü düva, uko melüpü Egypt lü latsüta. 40Uko Aaron cepode, therü marheko thipü hako mhüjülü süte, kekrelamori Moses hio Egypt cejülü hako züpra kesüo püyo dipü bita sheri hako semote. 41Pütü sülü uko methonepü thiyi, side uko kereshü thipü marhe reshüta, side ukobe mhathopü uko rechüta. 42Vele Jihova ukoyo renüta, side uko khapü tüyo ketako reshüta, süo thajü saju kepoko lesilü thopü metati, O Israel cekroko, neko khonu kesamo khapü areshü tome, tütse hedako dolü nhatsalü ketace? 43Thiyi hozole, neko kereshüce thipü Moloch tsü, tüyo thenyüko rüo Raphan, neko therü hiko thipü reshü; süla I neko celepü Babylon saco süvato. 44Upotsaneko nhatsalü kereshüce zhopo thi vori, püpo thi süno püce kepoko Moses mengosü mu püpo uhü sübi thinosü. 45Upotsaneko Joshua züde süo püvori, uko Rüo shuyeko hu keva tüce. Süo khapü metazo tavo David ketso. 46Jihova David ngo pünüyi Jacob cekroko züde thethi pülü hü keto phu sünosü. 47Vele Solomon pula cepü thisü. 48Sizosheri Kerekrütho-o no thebepü kethi kereshücelü hü yomo, saju keseko kepobi. 49Tüsü akedeba, cejüsü aphezho, neko kedipü ce thipü atsüta? Niepoo sizipo, mori thethi ala kerelü dipü ba? 50Abe mha metü hiko thisü mome? 51Neko neküyi kehoko umelü uni yirü kemoko, neko pütü metülü Kemesa Rüpü nümo thi süyo, neko potsa neko bi neko ri sizi süyo. 52Saju kesekoyo nepotsaneko sopü methi kemo ba? Uko Ketho kemezio vori keto kepoko dokhri tsosüte, tsühi neko püpü zhu kevako mu pü dokhri kevakozo. 53Neko kedapü tüyo choyio thezho khakesüko thi mu zü ketola, vele neko thi mu züyi mote. (Ketsüpü Stephen zhe)
54Uko süko se kesüce uko melü thizode püyo uko hu thezhe püyi. 55Vele pü Kemesa Rüpüpo püchu püyi de tüyo pe türü bata, mu Jihova zapozale kethi ngosü, Jisu Jihova zaco keba ngo. 56Pü poti, Hihe, I tüko khri kesü ngo bate, Themanuo Jihova zaco sütha thate. 57Uko füphra meto shudeuko niko meka yita, ukometü kezü püthide püyo ta vota. 58Pü tüpü nade saco prata, ketsüpü püva, uko füneko khapü khresamipü phece kha mezü, püza Saul. 59Uko ketsüpü Stephen zhe, Pü kecho thide, “Niepo Jisu arüpü püyi tate.” 60Pü chütüyi, sesü, “Niepoo kephoma hio pü ukoyo sü hite.” Pü jü süo posü mu züta.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.