MHATHOKO 11
11
Peter sükoju pü Jerusalem lü kehuko cepo kesü
1Apostleko mu kemelümi Judea lü kebako Gentiles kori Jihova jü thimzüyi keta sesü. 2Peter ta Jerusalem lü khori, süce yikerüko püzü kemelita. 3Uko poti, no yirükemoko ce vo ukozü mhati. 4Vele Peter ukoce theralü dipü thita sheri pozovo tsosü. 5I tavo Joppa nadelü kecho thiba, siri zümholü I mhapü ngo; mhabüpü kiri, tüyo mhabü kezhopü küda thi kiri, süo ta ace kirita. 6I süo amhüpü pe türü kebace cejülü uphe kepü pheda khonu, gu ketako ri mu türako ri ngo. 7Thefüpü ace kepo se, Peter tasüte, de khonuko dokhri pü tite. 8Vele I püfü kelasü, Hole, Niepoo, mhakeho mesakemo püri atalü süyo mo zole. 9Mhafü süo tüyo kiri ace posalasü, Mhakedipü Jihova thi kemesa sü sheri no süo po merho hite. 10Mha süo vasü thipü amengosü, süsa süko pü tüyo lakhota. 11Hihe, siziba metha, Caesarea lü misü ketsüpü akeba celü aphu vorita. 12Rüpü apo süko zü tavono sita, mhapüri kelüdu hino zi. Kemelümi hiko mi shurü azüde tavo, hako ta thümao celü vo. 13Pü hakoce tüyo choyimipü ngo, pücelü, tha de püce poti, thüma ketsüpü Joppalü süte, Simon püza thopü Peter thi ketao cü süte sizi püce po sülezi. 14Pü nce jüko po süto, no mu ncekroko kelayi ketola. 15I jüpo shudü kebalü Kemesa Rüpü ukoyo kuta, therace ukoyo vo ti bide. 16Süsa I Niepoo jü dipü posü sheri rekra vorita, ‘John jüpü jülo khasü, vele neko Rüpülü jülo khasüto.’ 17Mhace Jihova ukoyo sheri mhaphrü kemhati uko Jisu Khrista melü keyice bide ngoyi ta lize, I sü sopüle zide, Jihova mhathoko khava yiveta? 18Süko se keyice uko kemekreta, side Jihova chuta, side poti, Süsa Jihova thelü rede keyi mu kerhü ngo keyi khapü Gentiles kori tsü süte-ese.
Antioch lü kehu
19Hitüce kehu kemethila uko phopü preta Stephen yolü, uko ta Phoenicia, Cypres, mu Antioch ketso vota, zhopo thi Jews mi dolü sasü kekremi ce sümolu. 20Süko dolü humi Cypresmi, mu Cerenemi ta, uko ta Antioch lü vori, side Greek (Hellenists) koce Niepoo Jisu zhopo thisü. 21Niepoo be uko züta, thüma kekro melüyi de Niepoo ce vorita. 22Theju hiko sevo Jerusalem lü kehuko nilü tsota, uko Barnabas ketsüsü, de tazo Antioch ketso vo. 23Pü tavo Niepoo ngokemezhe ngode pünü phita, side uko tarho thi kethepu sü, ukopo umelü pü Niepoo yo tha kemetü yino posü. 24Kekrelamori pü thüma kevepü, kemelü kemetü, mu Kemesa Rüpü püchupü ta tila, thüma kekro sapü Niepoo cesü. 25Süsa Barnabas ta Tarsus lü Saul phu vota. 26Tavo püngoyi de zü Antioch lü vorita. Tütsepü metü kehuko zü bata sülü, kehuko metha shusü. Sajiko cüpü Christian miko zikeyi Antioch lü cü theratho thiyi. 27Pütü hitüce sajukepoko Jerusalem lü ta Antioch lü vori. 28Uko dolü mipü püza Agabus, Rüpü lü zasi tha kesü cejü metülü kemekre vori ta keto posü; Claudius Caesar tüce vorita. 29Süsa kemelü sajiko mipüpü thiyi kevedü kekhrühi ketsüpü usazüjürako Judea lü hükebako tsüsü keto rhüyi. 30Uko süo thipü ketsüsü, Saul mu Barnabas ni belü ketsüsü.
ទើបបានជ្រើសរើសហើយ៖
MHATHOKO 11: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
MHATHOKO 11
11
Peter sükoju pü Jerusalem lü kehuko cepo kesü
1Apostleko mu kemelümi Judea lü kebako Gentiles kori Jihova jü thimzüyi keta sesü. 2Peter ta Jerusalem lü khori, süce yikerüko püzü kemelita. 3Uko poti, no yirükemoko ce vo ukozü mhati. 4Vele Peter ukoce theralü dipü thita sheri pozovo tsosü. 5I tavo Joppa nadelü kecho thiba, siri zümholü I mhapü ngo; mhabüpü kiri, tüyo mhabü kezhopü küda thi kiri, süo ta ace kirita. 6I süo amhüpü pe türü kebace cejülü uphe kepü pheda khonu, gu ketako ri mu türako ri ngo. 7Thefüpü ace kepo se, Peter tasüte, de khonuko dokhri pü tite. 8Vele I püfü kelasü, Hole, Niepoo, mhakeho mesakemo püri atalü süyo mo zole. 9Mhafü süo tüyo kiri ace posalasü, Mhakedipü Jihova thi kemesa sü sheri no süo po merho hite. 10Mha süo vasü thipü amengosü, süsa süko pü tüyo lakhota. 11Hihe, siziba metha, Caesarea lü misü ketsüpü akeba celü aphu vorita. 12Rüpü apo süko zü tavono sita, mhapüri kelüdu hino zi. Kemelümi hiko mi shurü azüde tavo, hako ta thümao celü vo. 13Pü hakoce tüyo choyimipü ngo, pücelü, tha de püce poti, thüma ketsüpü Joppalü süte, Simon püza thopü Peter thi ketao cü süte sizi püce po sülezi. 14Pü nce jüko po süto, no mu ncekroko kelayi ketola. 15I jüpo shudü kebalü Kemesa Rüpü ukoyo kuta, therace ukoyo vo ti bide. 16Süsa I Niepoo jü dipü posü sheri rekra vorita, ‘John jüpü jülo khasü, vele neko Rüpülü jülo khasüto.’ 17Mhace Jihova ukoyo sheri mhaphrü kemhati uko Jisu Khrista melü keyice bide ngoyi ta lize, I sü sopüle zide, Jihova mhathoko khava yiveta? 18Süko se keyice uko kemekreta, side Jihova chuta, side poti, Süsa Jihova thelü rede keyi mu kerhü ngo keyi khapü Gentiles kori tsü süte-ese.
Antioch lü kehu
19Hitüce kehu kemethila uko phopü preta Stephen yolü, uko ta Phoenicia, Cypres, mu Antioch ketso vota, zhopo thi Jews mi dolü sasü kekremi ce sümolu. 20Süko dolü humi Cypresmi, mu Cerenemi ta, uko ta Antioch lü vori, side Greek (Hellenists) koce Niepoo Jisu zhopo thisü. 21Niepoo be uko züta, thüma kekro melüyi de Niepoo ce vorita. 22Theju hiko sevo Jerusalem lü kehuko nilü tsota, uko Barnabas ketsüsü, de tazo Antioch ketso vo. 23Pü tavo Niepoo ngokemezhe ngode pünü phita, side uko tarho thi kethepu sü, ukopo umelü pü Niepoo yo tha kemetü yino posü. 24Kekrelamori pü thüma kevepü, kemelü kemetü, mu Kemesa Rüpü püchupü ta tila, thüma kekro sapü Niepoo cesü. 25Süsa Barnabas ta Tarsus lü Saul phu vota. 26Tavo püngoyi de zü Antioch lü vorita. Tütsepü metü kehuko zü bata sülü, kehuko metha shusü. Sajiko cüpü Christian miko zikeyi Antioch lü cü theratho thiyi. 27Pütü hitüce sajukepoko Jerusalem lü ta Antioch lü vori. 28Uko dolü mipü püza Agabus, Rüpü lü zasi tha kesü cejü metülü kemekre vori ta keto posü; Claudius Caesar tüce vorita. 29Süsa kemelü sajiko mipüpü thiyi kevedü kekhrühi ketsüpü usazüjürako Judea lü hükebako tsüsü keto rhüyi. 30Uko süo thipü ketsüsü, Saul mu Barnabas ni belü ketsüsü.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.