THESSALONIAKO KÜRAO 1
1
1Paul, Silvanus, mu Timothy lesi thopü Thessalonian miko kehulü kesü, Jihova u Po mu Khrista Jisu celü ketako uko Niepoo; ngokemezhe po neko celü bayite, kezü keve Jihova uko po mu Niepoo Jisu Khrista. 2Hako Jihova kethezü khasü süzo bayo nekola, neko zathe de kechothi bayo. 3Neko kemelü mhatho rekra mota yomo, kekhrü mhatho, sügü süheti kemeri Niepoo Jisu Khrista Jihova mhüngolü ukopo. 4Sekeba, sazüjüra kethi kehülü, neko keda mekreyi keta. 5Kekrelamori hako jüyi khipü nekoce kevori jüo lebi zomo vele kekulü, rizo mu Kemesa Rüpü, mu setü melütü tilü; neko sekeba hako thüma dipü bitisheri hazhorele neko dolü kebace. 6Neko hasa mejite, mu Niepoo sajimi thite, kemezhe tilü jüo khiyi, Kemesa Rüpü kenelü. 7Süla neko kehü thaka thipü Macedonia mu Achaia lü keba metüko kemelü zasi thisüte. 8Kekrelamori neko yo Niepoo jü keyepü Macedonia mu Achaia lü lebi kemo, vele sükezü therüo kemelü ceco la keye kemeyolü vote, süla hako jüpüri posamori vete. 9Kekrelamori uko hako tha mengo püsüte, hako zhorele dipü bide ta nekoce vori sheri neko seba, mu neko therümarhe kereshülü regüsü kerhü ketho Jihova püce vori keto. 10Mu pü Nu tülü kevori meri, pü kesalü phu merhü kesü, Jisu zo, lekhu vori ketolü pü uko merhü süve.
ទើបបានជ្រើសរើសហើយ៖
THESSALONIAKO KÜRAO 1: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.