Levis Kevcai 21
21
Txojcai Rau Cov Povthawj Hlob
1Tus TSWV hais rau Mauxes kom nws hais rau Aloos cov tub uas yog cov povthawj hlob hais tias, “Tsis pub cov povthawj hlob ib tug twg ua rau nws lub cev tsis huv los ntawm qhov uas nws mus koom ib tug kwvtij neejtsa twg lub ntees tuag, 2tshwj hais tias yog nws tsev neeg kiag: xwsli nws niam, nws txiv, nws tus tub, nws tus ntxhais, nws tus tijlaug, nws tus kwv, 3lossis nws tus muam uas tsis tau yuav txiv uas tseem nrog nws nyob ua ib tse xwb. 4Nws yuavtsum tsis txhob ua rau nws tsis huv los ntawm qhov uas nws mus saib tej neeg txheebze tuag.#21:4: Nqe 4 no paub tsis meej tias lus Henplais yog txhais licas tiag.
5“Tsis pub cov povthawj hlob chais plaubhau lossis chais hwjtxwv lossis hlais lawv tej nqaij qhia rau sawvdaws paub tias lawv raug kev txomnyem quajntsuag. #Levi 19:27-28; 2Kev 14:1 6Lawv yuavtsum ua neeg dawbhuv rau lawv tus Vajtswv thiab tsis txhob ua rau lawv tus Vajtswv lub npe raug thuam; vim lawv yog cov uas muab Vajtswv tej khoom hlawv fij rau tus TSWV; yogli ntawd, lawv yuavtsum dawbhuv.
7“Lawv tsis txhob mus yuav ib tug pojniam uas txeev ua niamntiav los lawm lossis ib tug uas tsis yog nkaujxwb lawm lossis ib tug pojnrauj los ua pojniam, rauqhov lawv yog cov uas dawbhuv rau lawv tus Vajtswv. 8Sawvdaws yuavtsum suav hais tias cov povthawj hlob yog neeg dawbhuv, rauqhov lawv yog cov uas muab tej khoom fij rau nej tus Vajtswv. Nej yuavtsum suav hais tias lawv dawbhuv, rauqhov Kuv uas yog tus TSWV, yog tus dawbhuv thiab ua kom nej dawbhuv. 9Yog ib tug povthawj hlob twg tus ntxhais mus ua niamntiav, yog nws rhuav nws txiv ntsejmuag, yuavtsum muab nws hlawv kom tuag.
10“Tus Tuam Povthawj Hlob yog tus uas luag muab cov roj txhawb meejthawj hliv rau saum nws taubhau thiab raug tsa los hnav tej tsoostsho povthawj hlob. Yogli ntawd, nws yuavtsum ntsis nws cov plaubhau thiab tsis txhob dua nws cev tsoostsho qhia kom luag paub tias nws muaj kev quajntsuag. 11-12Nws yuavtsum tsis txhob ua rau nws lub cev tsis huv lossis ua rau Kuv lub Tsevntaub uas dawbhuv tsis huv los ntawm qhov uas nws mus rau hauv lub tsev pamtuag, txawm yog tus tuag ntawd yog nws niam nws txiv kiag los tsis txhob mus, rauqhov twb muab nws tus Vajtswv cov roj txhawb meejthawj pleev nws thiab tsa nws ua povthawj hlob lawm. Kuv yog tus TSWV.
13“Nws yuavtsum yuav tus ntxhais nkaujxwb los ua nws pojniam xwb, 14tsis txhob yuav pojntsuam, pojnrauj lossis tus hluasnkauj uas mus ua dua niamntiav lawm. Nws yuavtsum yuav nws cajces ib tug ntxhais uas tseem yog nkaujxwb los ua nws tus pojniam. 15Yog tsis ua li no, nws cov menyuam uas yuavtsum yog cov dawbhuv, yuav tsis huv lawm. Kuv yog tus TSWV thiab yog tus uas ua kom nws dawbhuv.”
16Tus TSWV hais rau Mauxes 17kom hais rau Aloos tias, “Tsis txhob pub ib tug twg ntawm koj cajces uas nws puascev coj tej khoom noj tuaj fij rau Kuv hlo li. Nej yuavtsum coj li no ib tiam rau ib tiam mus li. 18Tsis pub tus neeg uas puascev li nram no coj khoom mus fij: tus uas digmuag, cegtawv, ntsejmuag cawspliav lossis ceg ntev cev luv. 19Tsis pub tus neeg lov npab lov ceg; 20tsis pub tus neeg khoov duav lossis tus neeg cobpob; tsis pub tus neeg uas mob qhovmuag liab lossis mob kiavlig, thiab tus tsamxem.
21“Aloos cajces uas ua povthawj hlob, yog leejtwg puascev, nws tsis txhob coj tej khoom noj tuaj fij rau Kuv. 22Tus txivneej ntawd yuav noj tej zaub-mov uas muab fij rau Kuv, tsis hais tej uas dawbhuv thiab tej uas dawbhuv kawg nkaus, 23tiamsis vim qhov uas nws puascev, nws tsis txhob mus ze rau ntawm daim ntaub thaiv Chav dawbhuv thiab lub thaj. Nws tsis txhob mus ua rau tej khoom dawbhuv ntawd tsis huv, vim Kuv yog tus TSWV uas ua rau tej khoom ntawd dawbhuv.”
24Mauxes yeej muab tej no qhia rau Aloos, Aloos cov tub, thiab tagnrho cov Yixalayees huv tibsi lawm.
ទើបបានជ្រើសរើសហើយ៖
Levis Kevcai 21: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
Levis Kevcai 21
21
Txojcai Rau Cov Povthawj Hlob
1Tus TSWV hais rau Mauxes kom nws hais rau Aloos cov tub uas yog cov povthawj hlob hais tias, “Tsis pub cov povthawj hlob ib tug twg ua rau nws lub cev tsis huv los ntawm qhov uas nws mus koom ib tug kwvtij neejtsa twg lub ntees tuag, 2tshwj hais tias yog nws tsev neeg kiag: xwsli nws niam, nws txiv, nws tus tub, nws tus ntxhais, nws tus tijlaug, nws tus kwv, 3lossis nws tus muam uas tsis tau yuav txiv uas tseem nrog nws nyob ua ib tse xwb. 4Nws yuavtsum tsis txhob ua rau nws tsis huv los ntawm qhov uas nws mus saib tej neeg txheebze tuag.#21:4: Nqe 4 no paub tsis meej tias lus Henplais yog txhais licas tiag.
5“Tsis pub cov povthawj hlob chais plaubhau lossis chais hwjtxwv lossis hlais lawv tej nqaij qhia rau sawvdaws paub tias lawv raug kev txomnyem quajntsuag. #Levi 19:27-28; 2Kev 14:1 6Lawv yuavtsum ua neeg dawbhuv rau lawv tus Vajtswv thiab tsis txhob ua rau lawv tus Vajtswv lub npe raug thuam; vim lawv yog cov uas muab Vajtswv tej khoom hlawv fij rau tus TSWV; yogli ntawd, lawv yuavtsum dawbhuv.
7“Lawv tsis txhob mus yuav ib tug pojniam uas txeev ua niamntiav los lawm lossis ib tug uas tsis yog nkaujxwb lawm lossis ib tug pojnrauj los ua pojniam, rauqhov lawv yog cov uas dawbhuv rau lawv tus Vajtswv. 8Sawvdaws yuavtsum suav hais tias cov povthawj hlob yog neeg dawbhuv, rauqhov lawv yog cov uas muab tej khoom fij rau nej tus Vajtswv. Nej yuavtsum suav hais tias lawv dawbhuv, rauqhov Kuv uas yog tus TSWV, yog tus dawbhuv thiab ua kom nej dawbhuv. 9Yog ib tug povthawj hlob twg tus ntxhais mus ua niamntiav, yog nws rhuav nws txiv ntsejmuag, yuavtsum muab nws hlawv kom tuag.
10“Tus Tuam Povthawj Hlob yog tus uas luag muab cov roj txhawb meejthawj hliv rau saum nws taubhau thiab raug tsa los hnav tej tsoostsho povthawj hlob. Yogli ntawd, nws yuavtsum ntsis nws cov plaubhau thiab tsis txhob dua nws cev tsoostsho qhia kom luag paub tias nws muaj kev quajntsuag. 11-12Nws yuavtsum tsis txhob ua rau nws lub cev tsis huv lossis ua rau Kuv lub Tsevntaub uas dawbhuv tsis huv los ntawm qhov uas nws mus rau hauv lub tsev pamtuag, txawm yog tus tuag ntawd yog nws niam nws txiv kiag los tsis txhob mus, rauqhov twb muab nws tus Vajtswv cov roj txhawb meejthawj pleev nws thiab tsa nws ua povthawj hlob lawm. Kuv yog tus TSWV.
13“Nws yuavtsum yuav tus ntxhais nkaujxwb los ua nws pojniam xwb, 14tsis txhob yuav pojntsuam, pojnrauj lossis tus hluasnkauj uas mus ua dua niamntiav lawm. Nws yuavtsum yuav nws cajces ib tug ntxhais uas tseem yog nkaujxwb los ua nws tus pojniam. 15Yog tsis ua li no, nws cov menyuam uas yuavtsum yog cov dawbhuv, yuav tsis huv lawm. Kuv yog tus TSWV thiab yog tus uas ua kom nws dawbhuv.”
16Tus TSWV hais rau Mauxes 17kom hais rau Aloos tias, “Tsis txhob pub ib tug twg ntawm koj cajces uas nws puascev coj tej khoom noj tuaj fij rau Kuv hlo li. Nej yuavtsum coj li no ib tiam rau ib tiam mus li. 18Tsis pub tus neeg uas puascev li nram no coj khoom mus fij: tus uas digmuag, cegtawv, ntsejmuag cawspliav lossis ceg ntev cev luv. 19Tsis pub tus neeg lov npab lov ceg; 20tsis pub tus neeg khoov duav lossis tus neeg cobpob; tsis pub tus neeg uas mob qhovmuag liab lossis mob kiavlig, thiab tus tsamxem.
21“Aloos cajces uas ua povthawj hlob, yog leejtwg puascev, nws tsis txhob coj tej khoom noj tuaj fij rau Kuv. 22Tus txivneej ntawd yuav noj tej zaub-mov uas muab fij rau Kuv, tsis hais tej uas dawbhuv thiab tej uas dawbhuv kawg nkaus, 23tiamsis vim qhov uas nws puascev, nws tsis txhob mus ze rau ntawm daim ntaub thaiv Chav dawbhuv thiab lub thaj. Nws tsis txhob mus ua rau tej khoom dawbhuv ntawd tsis huv, vim Kuv yog tus TSWV uas ua rau tej khoom ntawd dawbhuv.”
24Mauxes yeej muab tej no qhia rau Aloos, Aloos cov tub, thiab tagnrho cov Yixalayees huv tibsi lawm.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.