Levis Kevcai 20
20
Rautxim Rau Tus Tsis Mlooglus
1Tus TSWV hais rau Mauxes 2kom ciali hais rau cov Yixalayees tias, “Nej cov Yixalayees txhua tus lossis cov neeg txawv tebchaws uas nrog nej nyob uake, yog leejtwg muab nws cov menyuam coj mus txi rau Maulej, ces kom tagnrho tej neeg zejzog muab pobzeb txawb tus ntawd kom tuag mus. 3Yog leejtwg muab nws ib tug menyuam txi rau Maulej thiab ua rau Kuv lub Tsevntaub uas dawbhuv tsis huv lawm, thiab ua rau Kuv lub npe dawbhuv raug thuam, Kuv yuav tawmtsam nws thiab muab nws rho tawm ntawm Kuv haivneeg mus. 4Tiamsis yog cov pejxeem ciali tsis quavntsej tus uas muab nws tus menyuam txi rau Maulej thiab tsis muab tus ntawd tua kom tuag, 5Kuv yuav tawmtsam tus ntawd thiab nws tsev neeg, thiab tawmtsam tagnrho cov neeg uas koomsiab nrog nws ua tsis ncajncees rau Kuv es mus pehawm Maulej. Kuv yuav muab lawv rho tawm ntawm Kuv haivneeg mus.
6“Yog nej leejtwg mus saib neeb saib yaig tuav tswvyim nrog tej ntsuj tuag, Kuv yuav tawmtsam tus ntawd thiab yuav muab nws rho tawm ntawm Kuv haivneeg mus. 7Nej yuavtsum ua neeg dawbhuv, rauqhov Kuv yog tus TSWV uas yog nej tus Vajtswv. 8Yuavtsum ua rawsli Kuv tej kevcai, rauqhov Kuv yog tus TSWV thiab yog tus ua kom nej dawbhuv.
9“Yog leejtwg foom phem nws niam nws txiv, yuavtsum muab tus ntawd tua kom tuag; nws cov ntshav thiaj poob rau saum nws lub taubhau. #Khiav 21:17; Math 15:4; Malak 7:10
10“Yog ib tug txivneej twg mus deev nws tus kwvtij zejzog tus pojniam, ces yuavtsum muab ob tug uas sibdee ntawd tua kom tuag. #Khiav 20:14; Levi 18:20; 2Kev 5:18 11Yog ib tug txivneej twg deev nws txiv tus pojniam, yog nws ua saib tsis taus nws txiv, yuavtsum muab ob tug uas sibdee ntawd tua kom tuag. Nkawd yuavtsum ris nkawd lub txim tuag ntawd li ntshav yuav poob rau saum nkawd taubhau. #Levi 18:8; 2Kev 22:30; 27:20
12“Yog ib tug txivneej twg deev nws tus nyab, yuavtsum muab nkawd tua kom tuag. Vim nkawd tau ua txhaum cai loj heev, nkawd li ntshav yuav poob rau saum nkawd taubhau. #Levi 18:15 13Yog ib tug txivneej twg rov deev ib tug txivneej, ces yog nkawd ua yam uas qias vuabtsuab kawg nkaus, yuavtsum muab nkawd tua kom tuag; nkawd li ntshav yuav poob rau saum nkawd taubhau. #Levi 18:22
14“Yog ib tug txivneej twg yuav ib tug pojniam thiab tseem yuav tus pojniam ntawd leejniam los ua nws tus pojniam thiab, qhov uas lawv ua li ntawd yog ib yam uas phem qias heev, yuavtsum muab lawv peb leeg hlawv kom tuag, thiaj yuav tsis muaj txoj kev phem kev qias no nyob hauv nej lub tebchaws. #Levi 18:17; 2Kev 27:23 15Yog ib tug txivneej twg deev ib tug tsiaj, yuavtsum muab nws thiab tus tsiaj ntawd tua kom tuag. #Khiav 22:19; Levi 18:23; 2Kev 27:21 16Yog ib tug pojniam twg npajsiab mus rau ntawm tus tsiaj thiab xav deev nrog tus tsiaj ntawd, yuavtsum muab nws thiab tus tsiaj ntawd tua kom tuag; nkawd li ntshav yuav poob rau saum nkawd taubhau.
17“Yog ib tug txivneej twg yuav nws tus muam los ua pojniam, txawm tus muam ntawd yog koom niam koom txiv thiab tsis koom los xij, qhov ntawd yog ib yam uas phem qias heev. Nkawd yuavtsum raug muab ntiab tawm timntsej timmuag ntawm sawvdaws mus. Qhov uas nws deev nws tus muam ntawd yog nws ua saib tsis taus nws tus muam, yogli ntawd nws thiaj yuavtsum raug txim. #Levi 18:9; 2Kev 27:22 18Yog ib tug txivneej twg nrog ib tug pojniam pw thaum tus pojniam ntawd tabtom coj khaubncaws, yuavtsum muab nkawd ntiab tawm ntawm sawvdaws mus, rauqhov nkawd tau ua txhaum tej kevcai uas hais txog kev ua tsis huv lawm. #Levi 18:19
19“Yog ib tug txivneej twg deev nws niam ib tug vivncaus lossis nws txiv ib tug muam, nkawd yuavtsum raug txim vim yog txheebze. 20Yog ib tug txivneej twg mus deev nws tus dablaug lossis nws tus txivntxawm tus pojniam, yog nws ua saib tsis taus nws tus dablaug lossis nws tus txivntxawm, nkawd yuavtsum raug txim; thiab nkawd yuav tsis muaj menyuam mus txog hnub tuag. #Levi 18:12-14 21Yog ib tug txivneej twg txeeb nws tus kwvtij tus pojniam yuav, yam ntawd yog ib yam uas tsis dawbhuv; vim nws ua saib tsis taus nws tus kwvtij ntawd, nkawd yuav tsis muaj menyuam mus txog hnub tuag.” #Levi 18:16
22Tus TSWV hais tias, “Nej yuavtsum ceev tagnrho Kuv tej kevcai thiab Kuv tej lus xaaj, nej thiaj yuav tsis raug daim av Kana-as ntawd muab nej ntiab tawm hauv lub tebchaws uas Kuv yuav muab rau nej mus nyob ntawd mus. 23Tsis txhob mus coj cov neeg uas nyob hauv lub tebchaws ntawd tej kevcai; Kuv yuav muab cov neeg ntawd ntiab tawm mus, kom nej thiaj tau mus nyob hauv lub tebchaws ntawd. Vim lawv pheej ua tej kev phem kev qias ntawd Kuv thiaj ntxub lawv heev. 24Tiamsis Kuv tau coglus muab lub tebchaws uas muaj kua mis thiab zib ntab rau nej ua nej tug mus li. Kuv yog tus TSWV, uas yog nej tus Vajtswv. Kuv tau muab nej cais tawm ntawm lwm haivneeg mus lawm.
25“Yogli ntawd, nej yuavtsum ua tibzoo saib tej tsiaj thiab tej noog seb yam twg huv thiab yam twg tsis huv. Tsis txhob noj tej tsiaj lossis tej noog lossis tej uas ntaug hauv av uas Kuv tau suav hais tias tsis huv lawm. Kuv twb qhia tej tsiaj tsis huv rau nej lawm, yog nej noj tej tsiaj ntawd yuav ua rau nej tsis huv. 26Nej yuavtsum ua neeg dawbhuv rau Kuv, rauqhov Kuv yog tus TSWV thiab yog tus uas dawbhuv. Kuv tau xaiv nej tawm ntawm lwm haivneeg los ua Kuv tug nkaus xwb.
27“Tus txivneej lossis tus pojniam twg uas saib neeb saib yaig tuav tswvyim nrog tej ntsuj tuag, yuavtsum muab pobzeb txawb nws kom tuag. Tus uas ua tej no nws li ntshav yuav poob rau saum nws taubhau.”
ទើបបានជ្រើសរើសហើយ៖
Levis Kevcai 20: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
Levis Kevcai 20
20
Rautxim Rau Tus Tsis Mlooglus
1Tus TSWV hais rau Mauxes 2kom ciali hais rau cov Yixalayees tias, “Nej cov Yixalayees txhua tus lossis cov neeg txawv tebchaws uas nrog nej nyob uake, yog leejtwg muab nws cov menyuam coj mus txi rau Maulej, ces kom tagnrho tej neeg zejzog muab pobzeb txawb tus ntawd kom tuag mus. 3Yog leejtwg muab nws ib tug menyuam txi rau Maulej thiab ua rau Kuv lub Tsevntaub uas dawbhuv tsis huv lawm, thiab ua rau Kuv lub npe dawbhuv raug thuam, Kuv yuav tawmtsam nws thiab muab nws rho tawm ntawm Kuv haivneeg mus. 4Tiamsis yog cov pejxeem ciali tsis quavntsej tus uas muab nws tus menyuam txi rau Maulej thiab tsis muab tus ntawd tua kom tuag, 5Kuv yuav tawmtsam tus ntawd thiab nws tsev neeg, thiab tawmtsam tagnrho cov neeg uas koomsiab nrog nws ua tsis ncajncees rau Kuv es mus pehawm Maulej. Kuv yuav muab lawv rho tawm ntawm Kuv haivneeg mus.
6“Yog nej leejtwg mus saib neeb saib yaig tuav tswvyim nrog tej ntsuj tuag, Kuv yuav tawmtsam tus ntawd thiab yuav muab nws rho tawm ntawm Kuv haivneeg mus. 7Nej yuavtsum ua neeg dawbhuv, rauqhov Kuv yog tus TSWV uas yog nej tus Vajtswv. 8Yuavtsum ua rawsli Kuv tej kevcai, rauqhov Kuv yog tus TSWV thiab yog tus ua kom nej dawbhuv.
9“Yog leejtwg foom phem nws niam nws txiv, yuavtsum muab tus ntawd tua kom tuag; nws cov ntshav thiaj poob rau saum nws lub taubhau. #Khiav 21:17; Math 15:4; Malak 7:10
10“Yog ib tug txivneej twg mus deev nws tus kwvtij zejzog tus pojniam, ces yuavtsum muab ob tug uas sibdee ntawd tua kom tuag. #Khiav 20:14; Levi 18:20; 2Kev 5:18 11Yog ib tug txivneej twg deev nws txiv tus pojniam, yog nws ua saib tsis taus nws txiv, yuavtsum muab ob tug uas sibdee ntawd tua kom tuag. Nkawd yuavtsum ris nkawd lub txim tuag ntawd li ntshav yuav poob rau saum nkawd taubhau. #Levi 18:8; 2Kev 22:30; 27:20
12“Yog ib tug txivneej twg deev nws tus nyab, yuavtsum muab nkawd tua kom tuag. Vim nkawd tau ua txhaum cai loj heev, nkawd li ntshav yuav poob rau saum nkawd taubhau. #Levi 18:15 13Yog ib tug txivneej twg rov deev ib tug txivneej, ces yog nkawd ua yam uas qias vuabtsuab kawg nkaus, yuavtsum muab nkawd tua kom tuag; nkawd li ntshav yuav poob rau saum nkawd taubhau. #Levi 18:22
14“Yog ib tug txivneej twg yuav ib tug pojniam thiab tseem yuav tus pojniam ntawd leejniam los ua nws tus pojniam thiab, qhov uas lawv ua li ntawd yog ib yam uas phem qias heev, yuavtsum muab lawv peb leeg hlawv kom tuag, thiaj yuav tsis muaj txoj kev phem kev qias no nyob hauv nej lub tebchaws. #Levi 18:17; 2Kev 27:23 15Yog ib tug txivneej twg deev ib tug tsiaj, yuavtsum muab nws thiab tus tsiaj ntawd tua kom tuag. #Khiav 22:19; Levi 18:23; 2Kev 27:21 16Yog ib tug pojniam twg npajsiab mus rau ntawm tus tsiaj thiab xav deev nrog tus tsiaj ntawd, yuavtsum muab nws thiab tus tsiaj ntawd tua kom tuag; nkawd li ntshav yuav poob rau saum nkawd taubhau.
17“Yog ib tug txivneej twg yuav nws tus muam los ua pojniam, txawm tus muam ntawd yog koom niam koom txiv thiab tsis koom los xij, qhov ntawd yog ib yam uas phem qias heev. Nkawd yuavtsum raug muab ntiab tawm timntsej timmuag ntawm sawvdaws mus. Qhov uas nws deev nws tus muam ntawd yog nws ua saib tsis taus nws tus muam, yogli ntawd nws thiaj yuavtsum raug txim. #Levi 18:9; 2Kev 27:22 18Yog ib tug txivneej twg nrog ib tug pojniam pw thaum tus pojniam ntawd tabtom coj khaubncaws, yuavtsum muab nkawd ntiab tawm ntawm sawvdaws mus, rauqhov nkawd tau ua txhaum tej kevcai uas hais txog kev ua tsis huv lawm. #Levi 18:19
19“Yog ib tug txivneej twg deev nws niam ib tug vivncaus lossis nws txiv ib tug muam, nkawd yuavtsum raug txim vim yog txheebze. 20Yog ib tug txivneej twg mus deev nws tus dablaug lossis nws tus txivntxawm tus pojniam, yog nws ua saib tsis taus nws tus dablaug lossis nws tus txivntxawm, nkawd yuavtsum raug txim; thiab nkawd yuav tsis muaj menyuam mus txog hnub tuag. #Levi 18:12-14 21Yog ib tug txivneej twg txeeb nws tus kwvtij tus pojniam yuav, yam ntawd yog ib yam uas tsis dawbhuv; vim nws ua saib tsis taus nws tus kwvtij ntawd, nkawd yuav tsis muaj menyuam mus txog hnub tuag.” #Levi 18:16
22Tus TSWV hais tias, “Nej yuavtsum ceev tagnrho Kuv tej kevcai thiab Kuv tej lus xaaj, nej thiaj yuav tsis raug daim av Kana-as ntawd muab nej ntiab tawm hauv lub tebchaws uas Kuv yuav muab rau nej mus nyob ntawd mus. 23Tsis txhob mus coj cov neeg uas nyob hauv lub tebchaws ntawd tej kevcai; Kuv yuav muab cov neeg ntawd ntiab tawm mus, kom nej thiaj tau mus nyob hauv lub tebchaws ntawd. Vim lawv pheej ua tej kev phem kev qias ntawd Kuv thiaj ntxub lawv heev. 24Tiamsis Kuv tau coglus muab lub tebchaws uas muaj kua mis thiab zib ntab rau nej ua nej tug mus li. Kuv yog tus TSWV, uas yog nej tus Vajtswv. Kuv tau muab nej cais tawm ntawm lwm haivneeg mus lawm.
25“Yogli ntawd, nej yuavtsum ua tibzoo saib tej tsiaj thiab tej noog seb yam twg huv thiab yam twg tsis huv. Tsis txhob noj tej tsiaj lossis tej noog lossis tej uas ntaug hauv av uas Kuv tau suav hais tias tsis huv lawm. Kuv twb qhia tej tsiaj tsis huv rau nej lawm, yog nej noj tej tsiaj ntawd yuav ua rau nej tsis huv. 26Nej yuavtsum ua neeg dawbhuv rau Kuv, rauqhov Kuv yog tus TSWV thiab yog tus uas dawbhuv. Kuv tau xaiv nej tawm ntawm lwm haivneeg los ua Kuv tug nkaus xwb.
27“Tus txivneej lossis tus pojniam twg uas saib neeb saib yaig tuav tswvyim nrog tej ntsuj tuag, yuavtsum muab pobzeb txawb nws kom tuag. Tus uas ua tej no nws li ntshav yuav poob rau saum nws taubhau.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.