Levis Kevcai 22
22
Tej Khoom Fij Uas Dawbhuv
1Tus TSWV hais rau Mauxes 2kom hais rau Aloos thiab nws cov tub tias, “Nej yuavtsum ceev tej khoom fij dawbhuv uas cov Yixalayees coj tuaj fij rau Kuv kom zoo. Nej thiaj tsis ua rau Kuv lub npe uas dawbhuv raug thuam; Kuv yog tus TSWV. 3Yog nej cov xeebntxwv leejtwg, thaum nws lub cev tseem tsis tau huv, nws ciali mus ze rau ntawm tej khoom fij dawbhuv uas cov Yixalayees coj tuaj fij rau Kuv, nws yuav ua tsis tau tes haujlwm fij khoom ntawm lub thaj mus ntxiv li lawm. Nej yuavtsum coj li no ib tiam rau ib tiam mus li. Kuv yog tus TSWV.
4“Aloos cajces yog muaj leejtwg mob ruas#22:4: mob ruas: Lus Henplais siv lolus no rau ntau yam kab mob uas yog mob phem-phem rau ntawm daim tawv nqaij, kuj yuav tsis yog kiag mob ruas xwb. lossis mob ua kua paug, ces tsis txhob pub nws noj tej khoom fij dawbhuv mus txog thaum nws lub cev huv lawm. Tus povthawj hlob uas tsis huv, yog nws mus kov ib tug neeg tuag lub cev lossis ib tug uas muaj mob ua kua paug rau nws qhov chaw xis, 5lossis nws mus kov tej tsiaj tsis huv lossis tej neeg tsis huv. 6Tus povthawj hlob twg uas nws lub cev tsis huv lawm, nws yuav tsis huv mus txog thaum tsausntuj, thiab nws tsis txhob noj tej khoom fij uas dawbhuv mus txog thaum nws da dej tag tso. 7Tomqab lub hnub poobqho lawm, nws thiajli huv, ces nws mamli noj tau tej khoom fij dawbhuv uas yog nws tej zaub-mov. 8Nws tsis txhob noj tej tsiaj uas ciali tuag lossis tej uas raug tsiaj qus tom tuag; cov nqaij ntawd yuav ua rau nws tsis huv. Kuv yog tus TSWV.
9“Txhua tus povthawj hlob yuavtsum hwm tej kevcai uas Kuv tau muab rau lawv lawm. Yog lawv tsis hwm, lawv yuav raug txim thiab yuav tuag, rauqhov lawv tsis hwm tej kevcai uas tseemceeb. Kuv yog tus TSWV thiab yog tus ua kom lawv dawbhuv.
10“Tsuas yog tus povthawj hlob tsev neeg nkaus xwb, thiaj noj tau tej khoom fij uas dawbhuv; lwmtus noj tsis tau tej khoom ntawd, txawm yog tus neeg uas nrog tus povthawj hlob nyob lossis tus tubzog uas raug ntiav ua haujlwm los yeej noj tsis tau li. 11Tiamsis tus qhev uas tus povthawj hlob muab nyiaj yuav los lossis tus uas yug hauv nws tsev, thiaj noj tau tej khoom uas yog tus povthawj hlob tug. 12Tus povthawj hlob tus ntxhais uas mus yuav txiv lawm, yog nws tus txiv tsis yog ib tug povthawj hlob, nws yuavtsum tsis txhob noj tej khoom fij uas dawbhuv ntawd. 13Tiamsis yog tus povthawj hlob tus ntxhais dhau mus ua ib tug pojntsuam lossis ib tug pojnrauj uas tseem tsis tau muaj menyuam, es nws rov los nrog nws txiv nyob hauv nws txiv tsev, nws muaj cai noj tej khoom uas yog tus povthawj hlob tug.
14“Yog leejtwg tsis yog tus povthawj hlob tsev neeg, tiamsis ciali yuamkev mus muab tau tej khoom fij dawbhuv noj lawm, nws yuavtsum them cov khoom ntawd puvntoob rovqab thiab ntxiv neesnkaum feem pua rau tus povthawj hlob. 15Cov povthawj hlob yuavtsum tsis txhob saib tsis taus tej khoom dawbhuv uas cov Yixalayees coj tuaj fij rau tus TSWV 16los ntawm qhov uas cia cov neeg tsis muaj cai los noj tej khoom fij ntawd; qhov no yuav ua rau cov neeg ntawd ua txhaum thiab raug txim. Kuv yog tus TSWV thiab yog tus ua rau tej khoom fij ntawd dawbhuv.”
17Tus TSWV hais rau Mauxes 18kom muab tej kevcai no qhia rau Aloos, Aloos cov tub thiab tagnrho cov neeg Yixalayees hais tias, “Thaum cov Yixalayees lossis cov neeg txawv tebchaws uas nyob hauv lub tebchaws Yixalayees, muab khoom tuaj hlawv fij, tsis hais fij uatsaug rau kev coglus lossis fij ntawm lub siab dawbpaug, tus tsiaj ntawd yuavtsum yog tus uas tsis muaj ib qho phem hlo li. 19Tus tsiaj ntawd txawm yog nyuj, lossis tshis, lossis yaj los tau, tiamsis yuavtsum yog tus txiv thiab tsis muaj ib qho phem hlo li, mas tus TSWV thiaj kam txais yuav. 20Yog nej muab tej tsiaj phem tuaj fij, tus TSWV yuav tsis txais tus tsiaj ntawd. #2Kev 17:1
21“Thaum nej leejtwg muab khoom fij ua kev sib raugzoo rau tus TSWV, txawm yog fij uatsaug rau kev coglus lossis fij ntawm lub siab dawbpaug los xij, yuavtsum yog tus tsiaj uas tsis muaj ib qho phem li mas tus TSWV thiaj kam txais yuav. 22Tsis txhob muab tej tsiaj digmuag, lossis lov ceg, lossis tu ceg, lossis mob rwj, lossis mob txhab qawj, lossis muaj cawspliav, coj mus tua ua khoom fij lossis muab hlawv rau saum lub thaj rau tus TSWV hlo li. 23Tej tsiaj uas nej coj mus tua fij ntawm lub siab dawbpaug, txawm yog cobpob mentsis thiab zoo tsis heev pestsawg los tau, tiamsis cov tsiaj zooli ntawd yuav siv tsis tau rau kev uatsaug rau tej kev coglus. 24Tsis txhob muab tus tsiaj uas mob noobqes, lossis raug tsoo, lossis raug sam, lossis ntuag lawm, coj mus fij rau tus TSWV. Tsis pub nej ua li no nyob hauv nej lub tebchaws.
25“Tsis txhob muab tej tsiaj uas nej yuav ntawm lwm haivneeg los tua ua khoom noj fij rau nej tus Vajtswv. Tej tsiaj ntawd yog tsiaj tsis zoo thiab tsis huv, tus TSWV yuav tsis kam txais yuav tej tsiaj ntawd.”
26-27Tus TSWV hais rau Mauxes tias, “Thaum ib tug menyuam nyuj lossis menyuam yaj lossis menyuam tshis nyuamqhuav yug, yuavtsum cia nrog leejniam xya hnub, tomqab ntawd mamli muab fij los tus TSWV yeej txaussiab txais yuav. 28Tsis txhob muab tus maum nyuj nrog nws tus menyuam lossis tus maum yaj nrog nws tus menyuam, lossis tus maum tshis nrog nws tus menyuam tua ua khoom fij rau tibhnub. 29Thaum nej muab khoom mus fij ua tus TSWV tsaug, nej yuavtsum ua kom rawsli kevcai kom tus TSWV thiaj kam txais yuav; 30yuavtsum noj tej khoom fij kom tag rau hnub ntawd thiab tsis pub kom seem ib qho mus txog tagkis sawvntxov.”
31Tus TSWV hais tias, “Nej yuavtsum ua rawsli Kuv tej los xaaj; Kuv yog tus TSWV. 32Nej tsis txhob ua rau Kuv lub npe uas dawbhuv raug txobthuam; tagnrho cov Yixalayees yuavtsum paub tias Kuv yog tus dawbhuv thiab yog tus uas ua kom nej dawbhuv; 33thiab Kuv yog tus uas coj nej tawm hauv tebchaws Iziv los, kom Kuv tau ua nej tus Vajtswv. Kuv yog tus TSWV.”
ទើបបានជ្រើសរើសហើយ៖
Levis Kevcai 22: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
Levis Kevcai 22
22
Tej Khoom Fij Uas Dawbhuv
1Tus TSWV hais rau Mauxes 2kom hais rau Aloos thiab nws cov tub tias, “Nej yuavtsum ceev tej khoom fij dawbhuv uas cov Yixalayees coj tuaj fij rau Kuv kom zoo. Nej thiaj tsis ua rau Kuv lub npe uas dawbhuv raug thuam; Kuv yog tus TSWV. 3Yog nej cov xeebntxwv leejtwg, thaum nws lub cev tseem tsis tau huv, nws ciali mus ze rau ntawm tej khoom fij dawbhuv uas cov Yixalayees coj tuaj fij rau Kuv, nws yuav ua tsis tau tes haujlwm fij khoom ntawm lub thaj mus ntxiv li lawm. Nej yuavtsum coj li no ib tiam rau ib tiam mus li. Kuv yog tus TSWV.
4“Aloos cajces yog muaj leejtwg mob ruas#22:4: mob ruas: Lus Henplais siv lolus no rau ntau yam kab mob uas yog mob phem-phem rau ntawm daim tawv nqaij, kuj yuav tsis yog kiag mob ruas xwb. lossis mob ua kua paug, ces tsis txhob pub nws noj tej khoom fij dawbhuv mus txog thaum nws lub cev huv lawm. Tus povthawj hlob uas tsis huv, yog nws mus kov ib tug neeg tuag lub cev lossis ib tug uas muaj mob ua kua paug rau nws qhov chaw xis, 5lossis nws mus kov tej tsiaj tsis huv lossis tej neeg tsis huv. 6Tus povthawj hlob twg uas nws lub cev tsis huv lawm, nws yuav tsis huv mus txog thaum tsausntuj, thiab nws tsis txhob noj tej khoom fij uas dawbhuv mus txog thaum nws da dej tag tso. 7Tomqab lub hnub poobqho lawm, nws thiajli huv, ces nws mamli noj tau tej khoom fij dawbhuv uas yog nws tej zaub-mov. 8Nws tsis txhob noj tej tsiaj uas ciali tuag lossis tej uas raug tsiaj qus tom tuag; cov nqaij ntawd yuav ua rau nws tsis huv. Kuv yog tus TSWV.
9“Txhua tus povthawj hlob yuavtsum hwm tej kevcai uas Kuv tau muab rau lawv lawm. Yog lawv tsis hwm, lawv yuav raug txim thiab yuav tuag, rauqhov lawv tsis hwm tej kevcai uas tseemceeb. Kuv yog tus TSWV thiab yog tus ua kom lawv dawbhuv.
10“Tsuas yog tus povthawj hlob tsev neeg nkaus xwb, thiaj noj tau tej khoom fij uas dawbhuv; lwmtus noj tsis tau tej khoom ntawd, txawm yog tus neeg uas nrog tus povthawj hlob nyob lossis tus tubzog uas raug ntiav ua haujlwm los yeej noj tsis tau li. 11Tiamsis tus qhev uas tus povthawj hlob muab nyiaj yuav los lossis tus uas yug hauv nws tsev, thiaj noj tau tej khoom uas yog tus povthawj hlob tug. 12Tus povthawj hlob tus ntxhais uas mus yuav txiv lawm, yog nws tus txiv tsis yog ib tug povthawj hlob, nws yuavtsum tsis txhob noj tej khoom fij uas dawbhuv ntawd. 13Tiamsis yog tus povthawj hlob tus ntxhais dhau mus ua ib tug pojntsuam lossis ib tug pojnrauj uas tseem tsis tau muaj menyuam, es nws rov los nrog nws txiv nyob hauv nws txiv tsev, nws muaj cai noj tej khoom uas yog tus povthawj hlob tug.
14“Yog leejtwg tsis yog tus povthawj hlob tsev neeg, tiamsis ciali yuamkev mus muab tau tej khoom fij dawbhuv noj lawm, nws yuavtsum them cov khoom ntawd puvntoob rovqab thiab ntxiv neesnkaum feem pua rau tus povthawj hlob. 15Cov povthawj hlob yuavtsum tsis txhob saib tsis taus tej khoom dawbhuv uas cov Yixalayees coj tuaj fij rau tus TSWV 16los ntawm qhov uas cia cov neeg tsis muaj cai los noj tej khoom fij ntawd; qhov no yuav ua rau cov neeg ntawd ua txhaum thiab raug txim. Kuv yog tus TSWV thiab yog tus ua rau tej khoom fij ntawd dawbhuv.”
17Tus TSWV hais rau Mauxes 18kom muab tej kevcai no qhia rau Aloos, Aloos cov tub thiab tagnrho cov neeg Yixalayees hais tias, “Thaum cov Yixalayees lossis cov neeg txawv tebchaws uas nyob hauv lub tebchaws Yixalayees, muab khoom tuaj hlawv fij, tsis hais fij uatsaug rau kev coglus lossis fij ntawm lub siab dawbpaug, tus tsiaj ntawd yuavtsum yog tus uas tsis muaj ib qho phem hlo li. 19Tus tsiaj ntawd txawm yog nyuj, lossis tshis, lossis yaj los tau, tiamsis yuavtsum yog tus txiv thiab tsis muaj ib qho phem hlo li, mas tus TSWV thiaj kam txais yuav. 20Yog nej muab tej tsiaj phem tuaj fij, tus TSWV yuav tsis txais tus tsiaj ntawd. #2Kev 17:1
21“Thaum nej leejtwg muab khoom fij ua kev sib raugzoo rau tus TSWV, txawm yog fij uatsaug rau kev coglus lossis fij ntawm lub siab dawbpaug los xij, yuavtsum yog tus tsiaj uas tsis muaj ib qho phem li mas tus TSWV thiaj kam txais yuav. 22Tsis txhob muab tej tsiaj digmuag, lossis lov ceg, lossis tu ceg, lossis mob rwj, lossis mob txhab qawj, lossis muaj cawspliav, coj mus tua ua khoom fij lossis muab hlawv rau saum lub thaj rau tus TSWV hlo li. 23Tej tsiaj uas nej coj mus tua fij ntawm lub siab dawbpaug, txawm yog cobpob mentsis thiab zoo tsis heev pestsawg los tau, tiamsis cov tsiaj zooli ntawd yuav siv tsis tau rau kev uatsaug rau tej kev coglus. 24Tsis txhob muab tus tsiaj uas mob noobqes, lossis raug tsoo, lossis raug sam, lossis ntuag lawm, coj mus fij rau tus TSWV. Tsis pub nej ua li no nyob hauv nej lub tebchaws.
25“Tsis txhob muab tej tsiaj uas nej yuav ntawm lwm haivneeg los tua ua khoom noj fij rau nej tus Vajtswv. Tej tsiaj ntawd yog tsiaj tsis zoo thiab tsis huv, tus TSWV yuav tsis kam txais yuav tej tsiaj ntawd.”
26-27Tus TSWV hais rau Mauxes tias, “Thaum ib tug menyuam nyuj lossis menyuam yaj lossis menyuam tshis nyuamqhuav yug, yuavtsum cia nrog leejniam xya hnub, tomqab ntawd mamli muab fij los tus TSWV yeej txaussiab txais yuav. 28Tsis txhob muab tus maum nyuj nrog nws tus menyuam lossis tus maum yaj nrog nws tus menyuam, lossis tus maum tshis nrog nws tus menyuam tua ua khoom fij rau tibhnub. 29Thaum nej muab khoom mus fij ua tus TSWV tsaug, nej yuavtsum ua kom rawsli kevcai kom tus TSWV thiaj kam txais yuav; 30yuavtsum noj tej khoom fij kom tag rau hnub ntawd thiab tsis pub kom seem ib qho mus txog tagkis sawvntxov.”
31Tus TSWV hais tias, “Nej yuavtsum ua rawsli Kuv tej los xaaj; Kuv yog tus TSWV. 32Nej tsis txhob ua rau Kuv lub npe uas dawbhuv raug txobthuam; tagnrho cov Yixalayees yuavtsum paub tias Kuv yog tus dawbhuv thiab yog tus uas ua kom nej dawbhuv; 33thiab Kuv yog tus uas coj nej tawm hauv tebchaws Iziv los, kom Kuv tau ua nej tus Vajtswv. Kuv yog tus TSWV.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.