Levis Kevcai 19
19
Kevcai Dawbhuv Thiab Ncajncees
1Tus TSWV hais rau Mauxes 2kom hais rau cov neeg Yixalayees tias, “Nej yuavtsum ua neeg dawbhuv, rauqhov Kuv, uas yog tus TSWV, uas yog nej Tus Vajtswv, yog tus Dawbhuv. #Levi 11:44-45; 1Pet 1:16 3Nej txhua tus yuavtsum hwm nej niam nej txiv, thiab yuavtsum ceev hnub Xanpataus, rawsli Kuv tau xaaj rau nej lawm. Kuv yog tus TSWV, uas yog nej tus Vajtswv. #Khiav 20:12; 2Kev 5:16; Khiav 20:8; 2Kev 5:12
4“Tsis txhob tso Kuv tseg thiab mus pe tej mlom; tsis txhob muab tooj muab hlau nchuav ua mlom rau nej pe. Kuv yog tus TSWV, uas yog nej tus Vajtswv. #Levi 26:1; Khiav 20:23; 34:17
5“Thaum nej tua ib tug tsiaj fij ua kev sib raugzoo rau tus TSWV, nej yuavtsum hwm tej kevcai uas Kuv muab rau nej lawm, Kuv thiaj txais yuav nej tej khoom fij ntawd. 6Nej yuavtsum muab cov nqaij noj kom tag rau hnub uas nej tua tus tsiaj ntawd lossis hnub tomqab. Hnub thib peb, tej nqaij uas seem yuavtsum muab hlawv povtseg kom tag, 7rauqhov rawsli txojcai ces tej nqaij ntawd tsis huv lawm; yog leejtwg noj mas Kuv yuav tsis txais yuav tus ntawd tej khoom fij. 8Txhua tus uas noj cov khoom fij ntawd yuav raug txim, rauqhov nws ua tsis huv rau tej khoom dawbhuv uas fij rau Kuv lawm; thiab yuavtsum muab nws rho tawm ntawm Kuv haivneeg mus.
9“Thaum nej hlais nej tej nplej hauv nej tej teb, nej tsis txhob hlais cov nplej uas nyob tom ntug teb, thiab tsis txhob rovqab mus hlais tej hnab nplej uas seem. 10Tsis txhob rovqab mus sau tej txivhmab uas nej sau tsis txhua hauv nej tej vaj txivhmab lossis mus khaws tej txivhmab uas poob rau hauv av; tseg tej ntawd rau cov neeg txomnyem thiab cov neeg txawv tebchaws. Kuv yog tus TSWV, uas yog nej tus Vajtswv. #Levi 27:15; 2Kev 24:19-22
11“Tsis txhob ua tubsab, tsis txhob ntxo, thiab tsis txhob dag. #Khiav 20:15; 2Kev 5:19; Khiav 20:16; 2Kev 5:20 12Tsis txhob tuav Kuv lub npe coglus tsis tseeb, qhov nej ua li ntawd yog nej saib tsis taus Kuv lub npe. Kuv yog tus TSWV, uas yog nej tus Vajtswv. #Khiav 20:7; 2Kev 5:11; Math 5:33
13“Tsis txhob caijtsuj nej tej kwvtij zejzog lossis nyiag nws tug. Tsis txhob sej nej tej tubzog li nqizog ncua mus txog tagkis. #2Kev 24:14-15 14Tsis txhob foom phem rau tus neeg lagntseg lossis muab tej yam dabtsi mus tso thaiv tus neeg digmuag hauvntej kom nws dawm ntog. Nej yuavtsum mloog Kuv lus; Kuv yog tus TSWV, uas yog nej tus Vajtswv. #2Kev 27:18
15“Tsis txhob tu plaub tsis ncaj; tsis txhob saib tsis taus cov pluag lossis tsa cov npluanuj cai, tiamsis yuavtsum txiavtxim ncajncees rau nej tej kwvtij zejzog. #Khiav 23:6-8; 2Kev 16:19 16Tsis txhob mus taugxaiv txog ib leeg twg, thiab thaum muaj leejtwg raug luag iab-liam uas yog lub txim tuag, nej yuavtsum pab hais yog tias nej cov lus timkhawv ntawd yuav pab tau nws. Kuv yog tus TSWV.
17“Tsis txhob ntxub ib leeg twg rau nruabsiab, tiamsis yuavtsum mus nrog nws sibhais kom haum, kom nej thiaj yuav tsis ua txhaum vim qhov nej ntxub nws.#19:17: kom … nws; lossis kom nej thiaj yuav tsis ua qhov kev txhaum no tawmtsam nws. #Math 18:15 18Tsis txhob pauj chim rau ib leeg twg lossis pheej ntxub nws tas mus li, tiamsis yuavtsum hlub nej cov kwvtij zejzog ib yam li nej hlub nej tuskheej. Kuv yog tus TSWV. #Math 5:43; 19:19; 22:39; Malak 12:31; Lukas 10:27; Loos 13:9; Kalat 5:14; Yakau 2:8
19“Nej yuavtsum ua rawsli Kuv tej lus xaaj. Tsis txhob muab ib yam tsiaj los tso taw rau ib yam tsiaj kom txuamtsoov. Tsis txhob muab ob yam noobqoob mus tseb rau hauv ib daim teb. Tsis txhob hnav tej ristsho uas muab ob yam ntaub los xaws uake. #2Kev 22:9-11
20“Yog ib tug ntxhais qhev twg lees mus ua ib tug txivneej twg tus niamyau lawm, tiamsis tus txivneej ntawd tseem tsis tau them nqi thiab coj nws mus, yog muaj lwmtus txivneej tuaj deev nws, mas nkawd yuavtsum raug txim, tiamsis yuav tsis raug#19:20: nkawd… tiamsis; lossis luag tseem yuav taug nkawd rooj plaub tiamsis nkawd yuav tsis raug. muab tua, rauqhov nws tseem yog ib tug ntxhais qhev. 21Tus txivneej ntawd yuavtsum coj ib tug laug yaj mus rau ntawm lub qhovrooj uas mus rau hauv lub Tsevntaub Sibntsib, uas yog muab fij rau tus TSWV ua khoom daws nws txoj kev txhaum, 22thiab tus povthawj hlob yuav tau muab tus laug yaj fij ua kev ntxuav tus txivneej ntawd txoj kev txhaum, Vajtswv thiaj yuav zam nws lub txim.
23“Thaum nej mus txog rau hauv lub tebchaws Kana-as thiab cog txhua yam txivntoo, nej yuavtsum suav ntsoov hais tias thawj peb lub xyoo ntawd cov txivntoo tseem tsis tau huv. Lub sijhawm ntawd nej tsis txhob noj cov txivntoo ntawd hlo li. 24Xyoo thib plaub txhua yam txivhmab txivntoo yuavtsum muab fij thiab ua Kuv,#19:24: muab fij thiab ua Kuv lossis qhuas Kuv. uas yog tus TSWV tsaug. 25Tiamsis xyoo thib tsib nej noj tau cov txivntoo ntawd. Yog nej ua txhua yam no, nej tej txivntoo yuav txitxiv ncw. Kuv yog tus TSWV, uas yog nej tus Vajtswv.
26“Tsis txhob noj tej nqaij uas txheem ntshav. Tsis txhob xyaum ua ib yam yeessiv twg lossis ua neeb ua yaig. #Chiv 9:4; Levi 7:26-27; 17:10-14; 2Kev 12:16, 23; 15:23; 2Kev 18:20 27Tsis txhob txiav nej cov plaubhau ntawm ob sab taubhau lossis yim nej cov hwjtxwv #Levi 21:5; 2Kev 14:1 28lossis txaug duab rau nej tej tawv nqaij lossis hlais nej tej nqaij es mus quaj rau tej neeg tuag. Kuv yog tus TSWV.
29“Tsis txhob ua rau nej tej ntxhais poob ntsejmuag los ntawm qhov uas tso lawv mus ua niamntiav hauv lub tuamtsev;#19:29: niamntiav hauv lub tuamtsev: Cov pojniam no muaj nyob hauv cov neeg Kana-as tej tuamtsev, qhov chaw uas lawv pehawm cov nyuag vajtswv uas pub tub pub ki. Lawv ntseeg tias kev deev cov niamntiav no ua rau lawv tej teb zoo qoob thiab tej tsiajtxhu los huamvam. yog nej ua li ntawd, nej yuav tig mus pe lwmtus nyuag vajtswv thiab nej lub tebchaws yuav puvnkaus kev phem kev qias. #2Kev 23:17 30Ncontsoov ceev hnub Xanpataus uas yog hnub so, thiab hwm lub chaw uas nej mus pehawm Kuv. Kuv yog tus TSWV. #Levi 26:2; 19:31; 2Kev 18:11; 1Xamu 28:3; 2Vaj 23:4; Yaxaya 8:19
31“Tsis txhob mus cuag cov neeg uas saib neeb saib yaig tuav tswvyim nrog tej ntsuj tuag hlo li. Yog nej ua li ntawd, nej yuav ua neeg tsis huv. Kuv yog tus TSWV, uas yog nej tus Vajtswv.
32“Yuavtsum sawv hwm cov uas muaj hnubnyoog, thiab saib taus cov neeg laus. Yuavtsum paub ntshai nej tus Vajtswv. Kuv yog tus TSWV.
33“Tsis txhob ua phem rau cov neeg txawv tebchaws uas nrog nej nyob hauv nej daim av. #Khiav 22:21; 2Kev 24:17-18 34Ua zoo rau lawv ib yam li nej ua zoo rau nej cov Yixalayees, thiab hlub lawv ib yam li nej hlub nej tuskheej. Ncontsoov tias nej twb txeev yog neeg txawv tebchaws nyob rau hauv Iziv ib zaug los lawm. Kuv yog tus TSWV, uas yog nej tus Vajtswv.
35“Tsis txhob ua neeg tsis ncaj rau luag, los ntawm kev ntsuas, kev luj, lossis kev suav. #2Kev 25:13-16; Paj 20:10; Exek 45:10 36Yuavtsum ntsuas kom ncaj, luj kom haum, thiab suav kom raug. Kuv yog tus TSWV, uas yog nej tus Vajtswv, Kuv tau coj nej tawm hauv tebchaws Iziv los. 37Nej yuavtsum coj ua rawsli Kuv tej kevcai thiab tej lus xaaj txhua nqe. Kuv yog tus TSWV.”
ទើបបានជ្រើសរើសហើយ៖
Levis Kevcai 19: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
Levis Kevcai 19
19
Kevcai Dawbhuv Thiab Ncajncees
1Tus TSWV hais rau Mauxes 2kom hais rau cov neeg Yixalayees tias, “Nej yuavtsum ua neeg dawbhuv, rauqhov Kuv, uas yog tus TSWV, uas yog nej Tus Vajtswv, yog tus Dawbhuv. #Levi 11:44-45; 1Pet 1:16 3Nej txhua tus yuavtsum hwm nej niam nej txiv, thiab yuavtsum ceev hnub Xanpataus, rawsli Kuv tau xaaj rau nej lawm. Kuv yog tus TSWV, uas yog nej tus Vajtswv. #Khiav 20:12; 2Kev 5:16; Khiav 20:8; 2Kev 5:12
4“Tsis txhob tso Kuv tseg thiab mus pe tej mlom; tsis txhob muab tooj muab hlau nchuav ua mlom rau nej pe. Kuv yog tus TSWV, uas yog nej tus Vajtswv. #Levi 26:1; Khiav 20:23; 34:17
5“Thaum nej tua ib tug tsiaj fij ua kev sib raugzoo rau tus TSWV, nej yuavtsum hwm tej kevcai uas Kuv muab rau nej lawm, Kuv thiaj txais yuav nej tej khoom fij ntawd. 6Nej yuavtsum muab cov nqaij noj kom tag rau hnub uas nej tua tus tsiaj ntawd lossis hnub tomqab. Hnub thib peb, tej nqaij uas seem yuavtsum muab hlawv povtseg kom tag, 7rauqhov rawsli txojcai ces tej nqaij ntawd tsis huv lawm; yog leejtwg noj mas Kuv yuav tsis txais yuav tus ntawd tej khoom fij. 8Txhua tus uas noj cov khoom fij ntawd yuav raug txim, rauqhov nws ua tsis huv rau tej khoom dawbhuv uas fij rau Kuv lawm; thiab yuavtsum muab nws rho tawm ntawm Kuv haivneeg mus.
9“Thaum nej hlais nej tej nplej hauv nej tej teb, nej tsis txhob hlais cov nplej uas nyob tom ntug teb, thiab tsis txhob rovqab mus hlais tej hnab nplej uas seem. 10Tsis txhob rovqab mus sau tej txivhmab uas nej sau tsis txhua hauv nej tej vaj txivhmab lossis mus khaws tej txivhmab uas poob rau hauv av; tseg tej ntawd rau cov neeg txomnyem thiab cov neeg txawv tebchaws. Kuv yog tus TSWV, uas yog nej tus Vajtswv. #Levi 27:15; 2Kev 24:19-22
11“Tsis txhob ua tubsab, tsis txhob ntxo, thiab tsis txhob dag. #Khiav 20:15; 2Kev 5:19; Khiav 20:16; 2Kev 5:20 12Tsis txhob tuav Kuv lub npe coglus tsis tseeb, qhov nej ua li ntawd yog nej saib tsis taus Kuv lub npe. Kuv yog tus TSWV, uas yog nej tus Vajtswv. #Khiav 20:7; 2Kev 5:11; Math 5:33
13“Tsis txhob caijtsuj nej tej kwvtij zejzog lossis nyiag nws tug. Tsis txhob sej nej tej tubzog li nqizog ncua mus txog tagkis. #2Kev 24:14-15 14Tsis txhob foom phem rau tus neeg lagntseg lossis muab tej yam dabtsi mus tso thaiv tus neeg digmuag hauvntej kom nws dawm ntog. Nej yuavtsum mloog Kuv lus; Kuv yog tus TSWV, uas yog nej tus Vajtswv. #2Kev 27:18
15“Tsis txhob tu plaub tsis ncaj; tsis txhob saib tsis taus cov pluag lossis tsa cov npluanuj cai, tiamsis yuavtsum txiavtxim ncajncees rau nej tej kwvtij zejzog. #Khiav 23:6-8; 2Kev 16:19 16Tsis txhob mus taugxaiv txog ib leeg twg, thiab thaum muaj leejtwg raug luag iab-liam uas yog lub txim tuag, nej yuavtsum pab hais yog tias nej cov lus timkhawv ntawd yuav pab tau nws. Kuv yog tus TSWV.
17“Tsis txhob ntxub ib leeg twg rau nruabsiab, tiamsis yuavtsum mus nrog nws sibhais kom haum, kom nej thiaj yuav tsis ua txhaum vim qhov nej ntxub nws.#19:17: kom … nws; lossis kom nej thiaj yuav tsis ua qhov kev txhaum no tawmtsam nws. #Math 18:15 18Tsis txhob pauj chim rau ib leeg twg lossis pheej ntxub nws tas mus li, tiamsis yuavtsum hlub nej cov kwvtij zejzog ib yam li nej hlub nej tuskheej. Kuv yog tus TSWV. #Math 5:43; 19:19; 22:39; Malak 12:31; Lukas 10:27; Loos 13:9; Kalat 5:14; Yakau 2:8
19“Nej yuavtsum ua rawsli Kuv tej lus xaaj. Tsis txhob muab ib yam tsiaj los tso taw rau ib yam tsiaj kom txuamtsoov. Tsis txhob muab ob yam noobqoob mus tseb rau hauv ib daim teb. Tsis txhob hnav tej ristsho uas muab ob yam ntaub los xaws uake. #2Kev 22:9-11
20“Yog ib tug ntxhais qhev twg lees mus ua ib tug txivneej twg tus niamyau lawm, tiamsis tus txivneej ntawd tseem tsis tau them nqi thiab coj nws mus, yog muaj lwmtus txivneej tuaj deev nws, mas nkawd yuavtsum raug txim, tiamsis yuav tsis raug#19:20: nkawd… tiamsis; lossis luag tseem yuav taug nkawd rooj plaub tiamsis nkawd yuav tsis raug. muab tua, rauqhov nws tseem yog ib tug ntxhais qhev. 21Tus txivneej ntawd yuavtsum coj ib tug laug yaj mus rau ntawm lub qhovrooj uas mus rau hauv lub Tsevntaub Sibntsib, uas yog muab fij rau tus TSWV ua khoom daws nws txoj kev txhaum, 22thiab tus povthawj hlob yuav tau muab tus laug yaj fij ua kev ntxuav tus txivneej ntawd txoj kev txhaum, Vajtswv thiaj yuav zam nws lub txim.
23“Thaum nej mus txog rau hauv lub tebchaws Kana-as thiab cog txhua yam txivntoo, nej yuavtsum suav ntsoov hais tias thawj peb lub xyoo ntawd cov txivntoo tseem tsis tau huv. Lub sijhawm ntawd nej tsis txhob noj cov txivntoo ntawd hlo li. 24Xyoo thib plaub txhua yam txivhmab txivntoo yuavtsum muab fij thiab ua Kuv,#19:24: muab fij thiab ua Kuv lossis qhuas Kuv. uas yog tus TSWV tsaug. 25Tiamsis xyoo thib tsib nej noj tau cov txivntoo ntawd. Yog nej ua txhua yam no, nej tej txivntoo yuav txitxiv ncw. Kuv yog tus TSWV, uas yog nej tus Vajtswv.
26“Tsis txhob noj tej nqaij uas txheem ntshav. Tsis txhob xyaum ua ib yam yeessiv twg lossis ua neeb ua yaig. #Chiv 9:4; Levi 7:26-27; 17:10-14; 2Kev 12:16, 23; 15:23; 2Kev 18:20 27Tsis txhob txiav nej cov plaubhau ntawm ob sab taubhau lossis yim nej cov hwjtxwv #Levi 21:5; 2Kev 14:1 28lossis txaug duab rau nej tej tawv nqaij lossis hlais nej tej nqaij es mus quaj rau tej neeg tuag. Kuv yog tus TSWV.
29“Tsis txhob ua rau nej tej ntxhais poob ntsejmuag los ntawm qhov uas tso lawv mus ua niamntiav hauv lub tuamtsev;#19:29: niamntiav hauv lub tuamtsev: Cov pojniam no muaj nyob hauv cov neeg Kana-as tej tuamtsev, qhov chaw uas lawv pehawm cov nyuag vajtswv uas pub tub pub ki. Lawv ntseeg tias kev deev cov niamntiav no ua rau lawv tej teb zoo qoob thiab tej tsiajtxhu los huamvam. yog nej ua li ntawd, nej yuav tig mus pe lwmtus nyuag vajtswv thiab nej lub tebchaws yuav puvnkaus kev phem kev qias. #2Kev 23:17 30Ncontsoov ceev hnub Xanpataus uas yog hnub so, thiab hwm lub chaw uas nej mus pehawm Kuv. Kuv yog tus TSWV. #Levi 26:2; 19:31; 2Kev 18:11; 1Xamu 28:3; 2Vaj 23:4; Yaxaya 8:19
31“Tsis txhob mus cuag cov neeg uas saib neeb saib yaig tuav tswvyim nrog tej ntsuj tuag hlo li. Yog nej ua li ntawd, nej yuav ua neeg tsis huv. Kuv yog tus TSWV, uas yog nej tus Vajtswv.
32“Yuavtsum sawv hwm cov uas muaj hnubnyoog, thiab saib taus cov neeg laus. Yuavtsum paub ntshai nej tus Vajtswv. Kuv yog tus TSWV.
33“Tsis txhob ua phem rau cov neeg txawv tebchaws uas nrog nej nyob hauv nej daim av. #Khiav 22:21; 2Kev 24:17-18 34Ua zoo rau lawv ib yam li nej ua zoo rau nej cov Yixalayees, thiab hlub lawv ib yam li nej hlub nej tuskheej. Ncontsoov tias nej twb txeev yog neeg txawv tebchaws nyob rau hauv Iziv ib zaug los lawm. Kuv yog tus TSWV, uas yog nej tus Vajtswv.
35“Tsis txhob ua neeg tsis ncaj rau luag, los ntawm kev ntsuas, kev luj, lossis kev suav. #2Kev 25:13-16; Paj 20:10; Exek 45:10 36Yuavtsum ntsuas kom ncaj, luj kom haum, thiab suav kom raug. Kuv yog tus TSWV, uas yog nej tus Vajtswv, Kuv tau coj nej tawm hauv tebchaws Iziv los. 37Nej yuavtsum coj ua rawsli Kuv tej kevcai thiab tej lus xaaj txhua nqe. Kuv yog tus TSWV.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.