Levis Kevcai 18
18
Txwv Tsis Pub Txhaum Kev Nkauj Kev Nraug
1Tus TSWV hais rau Mauxes 2kom hais rau cov Yixalayees tias, “Kuv yog tus TSWV, uas yog nej tus Vajtswv. 3Nej tsis txhob ua li cov neeg Iziv nram qhov chaw uas nej twb nyob ib zaug los lawm lossis tsis txhob ua li cov neeg uas nyob hauv lub tebchaws Kana-as uas Kuv tabtom coj nej mus nyob txeev ua. 4Nej yuavtsum hwm Kuv tej kevcai thiab ua rawsli Kuv tej lus xaaj. Kuv Yog tus TSWV, uas yog nej tus Vajtswv. 5Nej yuavtsum ua rawsli tej kablig kevcai uas Kuv muab cob rau nej lawm; tus uas ua rawsli no, tus ntawd yuav tau txojsia. Kuv yog tus TSWV.” #Nehemi 9:29; Exek 18:9; 20:11-13; Lukas 10:28; Loos 10:5; Kalat 3:2
6Tus TSWV hais tias, “Tsis txhob mus deev nej tej txheebze. 7Tsis txhob saib tsis taus koj txiv los ntawm qhov uas koj deev koj niam. Nws yog koj niam, koj tsis txhob ua saib tsis taus nws. 8Tsis txhob saib tsis taus koj txiv los ntawm qhov uas koj mus deev nws cov pojniam ib tug twg. #Levi 20:11; 2Kev 22:30; 27:20 9Tsis txhob deev koj tus muam, txawm yog neb koom niam koom txiv thiab tsis koom los xij, thiab txawm yog nws yug hauv tiblub tsev uas yug koj lossis coj lwmqhov los, los xij. #Levi 20:17; 2Kev 27:22
10“Tsis txhob deev koj tus ntxhais xeebntxwv; qhov ntawd yuav ua rau koj poob ntsejmuag. 11Tsis txhob deev koj tus muam uas tsis nrog koj koom niam; nws kuj yog koj tus muam ib yam nkaus thiab. 12-13Tsis txhob deev koj tus phauj uas yog koj txiv tus muam lossis koj niam cov vivncaus. 14Tsis txhob deev koj tus dablaug lossis koj tus txivntxawm tus pojniam, rauqhov nws yog koj tus niamhlob lossis koj tus niamntxawm. #Levi 20:19-20 15Tsis txhob deev koj tus nyab, rauqhov nws yog koj tus tub tus pojniam. #Levi 20:12 16Tsis txhob saib tsis taus koj tus tijlaug lossis koj tus kwv los ntawm qhov uas koj mus deev nws tus pojniam.
17“Tsis txhob deev tus pojniam uas koj twb tau ntxias dua los lawm tus ntxhais lossis nws tus ntxhais xeebntxwv, rauqhov lawv yog koj rojntsha, thiab kev ua li ntawd yog kev phem qias kawg nkaus. #Levi 20:14; 2Kev 27:23 18Tsis txhob mus yuav koj tus pojniam tus niamhluas lossis niamlaus los ua koj tus niamyau, thaum koj tus pojniam tseem ua neej nyob.
19“Tsis txhob nrog tus pojniam uas tseem tabtom coj khaubncaws pw, rauqhov nws lub cev tsis huv lawm. #Levi 20:18 20Tsis txhob deev lwmtus txivneej tus pojniam; qhov ntawd yuav ua rau koj lub cev tsis huv. #Levi 20:1-5
21“Tsis txhob muab nej tej menyuam tua txi tus nyuag vajtswv Maulej hlo li, rauqhov yuav ua rau luag saib tsis taus tus TSWV uas yog Vajtswv lub npe. 22Tsis pub tej txivneej deev txivneej. Vajtswv ntxub qhov kev phem ntawd kawg li. #Levi 20:13 23Tsis txhob mus deev tsiaj, lossis tej pojniam tsis txhob muab nws lub cev mus rau tej tsiaj deev, qhov ntawd ua rau nej tsis huv. #Khiav 22:19; Levi 20:15-16; 2Kev 27:21
24“Nej tsis txhob ua rau nej tsis huv vim tej kev phem no. Cov neeg uas tsis yog Kuv haivneeg lawv ua tej ntawd es lawv thiaj tsis huv, Kuv thiaj muab lawv ntiab tawm kom nej tau los nyob rau hauv. 25Lawv ua rau daim av no tsis huv, yogli ntawd Kuv thiaj rautxim rau daim av vim lawv tej kev txhaum, thiab kom daim av muab lawv ntiab tawm hauv lub tebchaws mus. 26-27Lawv ua ntau yam kev qias vuabtsuab thiab ua rau lub tebchaws tsis huv lawm, tiamsis nej yuavtsum tsis txhob ua tej kev phem ntawd. Tagnrho nej sawvdaws, tsis hais cov Yixalayees lossis cov neeg txawv tebchaws uas nrog nej nyob los xij, yuavtsum coj Kuv tej kevcai thiab tej lus xaaj, 28yog nej tsis ua li ntawd, ces nej yuav raug ntiab ntawm hauv lub tebchaws no mus ib yam li cov neeg uas nyob uantej nej ntawd thiab. 29Yog leejtwg ua tej kev qias vuabtsuab no, yuav muab tus ntawd rho tawm ntawm Vajtswv haivneeg mus.”
30Tus TSWV hais tias, “Nej yuavtsum hwm Kuv tej lus xaaj thiab tsis txhob ua li tej uas cov neeg uas xub nyob hauv lub tebchaws no ua, thiab tsis txhob ua rau nej tsis huv los ntawm qhov uas nej ua tej kev txhaum no. Kuv yog tus TSWV, uas yog nej tus Vajtswv.”
ទើបបានជ្រើសរើសហើយ៖
Levis Kevcai 18: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
Levis Kevcai 18
18
Txwv Tsis Pub Txhaum Kev Nkauj Kev Nraug
1Tus TSWV hais rau Mauxes 2kom hais rau cov Yixalayees tias, “Kuv yog tus TSWV, uas yog nej tus Vajtswv. 3Nej tsis txhob ua li cov neeg Iziv nram qhov chaw uas nej twb nyob ib zaug los lawm lossis tsis txhob ua li cov neeg uas nyob hauv lub tebchaws Kana-as uas Kuv tabtom coj nej mus nyob txeev ua. 4Nej yuavtsum hwm Kuv tej kevcai thiab ua rawsli Kuv tej lus xaaj. Kuv Yog tus TSWV, uas yog nej tus Vajtswv. 5Nej yuavtsum ua rawsli tej kablig kevcai uas Kuv muab cob rau nej lawm; tus uas ua rawsli no, tus ntawd yuav tau txojsia. Kuv yog tus TSWV.” #Nehemi 9:29; Exek 18:9; 20:11-13; Lukas 10:28; Loos 10:5; Kalat 3:2
6Tus TSWV hais tias, “Tsis txhob mus deev nej tej txheebze. 7Tsis txhob saib tsis taus koj txiv los ntawm qhov uas koj deev koj niam. Nws yog koj niam, koj tsis txhob ua saib tsis taus nws. 8Tsis txhob saib tsis taus koj txiv los ntawm qhov uas koj mus deev nws cov pojniam ib tug twg. #Levi 20:11; 2Kev 22:30; 27:20 9Tsis txhob deev koj tus muam, txawm yog neb koom niam koom txiv thiab tsis koom los xij, thiab txawm yog nws yug hauv tiblub tsev uas yug koj lossis coj lwmqhov los, los xij. #Levi 20:17; 2Kev 27:22
10“Tsis txhob deev koj tus ntxhais xeebntxwv; qhov ntawd yuav ua rau koj poob ntsejmuag. 11Tsis txhob deev koj tus muam uas tsis nrog koj koom niam; nws kuj yog koj tus muam ib yam nkaus thiab. 12-13Tsis txhob deev koj tus phauj uas yog koj txiv tus muam lossis koj niam cov vivncaus. 14Tsis txhob deev koj tus dablaug lossis koj tus txivntxawm tus pojniam, rauqhov nws yog koj tus niamhlob lossis koj tus niamntxawm. #Levi 20:19-20 15Tsis txhob deev koj tus nyab, rauqhov nws yog koj tus tub tus pojniam. #Levi 20:12 16Tsis txhob saib tsis taus koj tus tijlaug lossis koj tus kwv los ntawm qhov uas koj mus deev nws tus pojniam.
17“Tsis txhob deev tus pojniam uas koj twb tau ntxias dua los lawm tus ntxhais lossis nws tus ntxhais xeebntxwv, rauqhov lawv yog koj rojntsha, thiab kev ua li ntawd yog kev phem qias kawg nkaus. #Levi 20:14; 2Kev 27:23 18Tsis txhob mus yuav koj tus pojniam tus niamhluas lossis niamlaus los ua koj tus niamyau, thaum koj tus pojniam tseem ua neej nyob.
19“Tsis txhob nrog tus pojniam uas tseem tabtom coj khaubncaws pw, rauqhov nws lub cev tsis huv lawm. #Levi 20:18 20Tsis txhob deev lwmtus txivneej tus pojniam; qhov ntawd yuav ua rau koj lub cev tsis huv. #Levi 20:1-5
21“Tsis txhob muab nej tej menyuam tua txi tus nyuag vajtswv Maulej hlo li, rauqhov yuav ua rau luag saib tsis taus tus TSWV uas yog Vajtswv lub npe. 22Tsis pub tej txivneej deev txivneej. Vajtswv ntxub qhov kev phem ntawd kawg li. #Levi 20:13 23Tsis txhob mus deev tsiaj, lossis tej pojniam tsis txhob muab nws lub cev mus rau tej tsiaj deev, qhov ntawd ua rau nej tsis huv. #Khiav 22:19; Levi 20:15-16; 2Kev 27:21
24“Nej tsis txhob ua rau nej tsis huv vim tej kev phem no. Cov neeg uas tsis yog Kuv haivneeg lawv ua tej ntawd es lawv thiaj tsis huv, Kuv thiaj muab lawv ntiab tawm kom nej tau los nyob rau hauv. 25Lawv ua rau daim av no tsis huv, yogli ntawd Kuv thiaj rautxim rau daim av vim lawv tej kev txhaum, thiab kom daim av muab lawv ntiab tawm hauv lub tebchaws mus. 26-27Lawv ua ntau yam kev qias vuabtsuab thiab ua rau lub tebchaws tsis huv lawm, tiamsis nej yuavtsum tsis txhob ua tej kev phem ntawd. Tagnrho nej sawvdaws, tsis hais cov Yixalayees lossis cov neeg txawv tebchaws uas nrog nej nyob los xij, yuavtsum coj Kuv tej kevcai thiab tej lus xaaj, 28yog nej tsis ua li ntawd, ces nej yuav raug ntiab ntawm hauv lub tebchaws no mus ib yam li cov neeg uas nyob uantej nej ntawd thiab. 29Yog leejtwg ua tej kev qias vuabtsuab no, yuav muab tus ntawd rho tawm ntawm Vajtswv haivneeg mus.”
30Tus TSWV hais tias, “Nej yuavtsum hwm Kuv tej lus xaaj thiab tsis txhob ua li tej uas cov neeg uas xub nyob hauv lub tebchaws no ua, thiab tsis txhob ua rau nej tsis huv los ntawm qhov uas nej ua tej kev txhaum no. Kuv yog tus TSWV, uas yog nej tus Vajtswv.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.