Efexaus 1
1
1Kuv yog Paulus, uas yog Yexus Khetos ib tug timthawj rawsli Vajtswv tus dejsiab.
Kuv sau tsab ntawv no rau cov ntseeg Vajtswv hauv lub nroog Efexaus,#1:1: Tej phau ntawv qub uas xuas tes sau, tsis muaj hauv lub nroog Efexaus. uas yog cov koomxeeb nrog Yexus Khetos thiab muab siab rau ntseeg Vajtswv. #Teshl 18:19-21; 19:1
2Thov Vajtswv uas yog peb Leejtxiv thiab tus Tswv Yexus Khetos pub txoj hmoovhlub thiab kev nyabxeeb rau nej.
Txoj Koobhmoov Uas Vajtswv Pub Rau Cov Ntseeg Nyob Hauv Khetos
3Peb ciali ua Vajtswv uas yog peb tus Tswv Yexus Khetos Leejtxiv tsaug! Vim qhov uas peb tau los nrog Khetos koom uake lawm, Vajtswv thiaj foom txhua yam koobhmoov ntawm sab ntsujplig uas los saum ceebtsheej ntuj los rau peb. 4Thaum tsis tau tsim ntuj tsim teb, Vajtswv twb xub xaiv peb los ua Nws tug los ntawm peb txoj kev koomxeeb nrog Khetos los ua Vajtswv haivneeg lawm, kom peb thiajli dawbhuv thiab tsis muaj ib qho txhaum tabmeeg Vajtswv li.
Vim Vajtswv txoj kev hlub, 5Vajtswv#1:5: tabmeeg Vajtswv li. Vim Vajtswv txoj kev hlub, Vajtswv; lossis tabmeeg Vajtswv li, thiab ua lub neej nyob hauv txoj kev hlub. Vajtswv. thiaj tau txiavtxim siab hais tias Nws yuav saws peb los ua Nws cov menyuam los ntawm Yexus Khetos, rawsli Vajtswv lub siab nyiam thiab Nws lub homphiaj. 6Peb ciali qhuas Vajtswv rau Nws txoj hmoovhlub zoo kawg nkaus uas Nws tau pub dawb-dawb rau peb hauv Nws tus Tub uas Nws hlub! 7Rauqhov los ntawm Khetos cov ntshav,#1:7: Los ntawm Khetos cov ntshav; lossis Los ntawm Khetos txoj kev tuag. peb thiaj tau txais kev dim txim, uas yog Vajtswv zam peb lub txim. Vajtswv txoj hmoovhlub loj heev, #Kaulx 1:14 8Nws thiaj pub nplua-mias rau peb!
Vajtswv yog tus uas muaj tswvyim thiab paub ibpuas tsavyam, 9Nws pub peb paub txog tej uas Nws tau muab zais cia lawm, uas nws twb npajsiab yuav ua kom tiav nyob rau hauv Khetos. 10Lub homphiaj no, thaum txog lub sijhawm uas tau teem cia lawm, Vajtswv yuav ua kom tiav, Nws yuav muab ibpuas tsavyam uas nyob saum nruabntug thiab nyob hauv ntiajteb no los tso uake, cia Khetos ua tus kav.
11Txhua yam yeej tiav raws nraim li Vajtswv lub homphiaj thiab Nws kev txiavtxim siab; Vajtswv tau xaiv peb hauv Khetos rawsli Vajtswv lub homphiaj uas Nws twb xub xav tseg thaum tsis tau tsim lub ntuj thiab lub ntiajteb lawm. 12Yogli ntawd, peb cov uas xub muaj kev ciasiab rau ntawm Khetos, ciali qhuas Vajtswv tus tshwjchim!
13Thiab nej dhau los ua Vajtswv cov menyuam thaum nej hnov Txoj Moo Zoo uas yog txojlus tseeb uas cawm tau nej dim nej lub txim. Nej los ntseeg Khetos lawm, Vajtswv thiaj nias Nws lub homthawj rau nej los ntawm qhov uas Nws pub Vaj Ntsujplig tus Dawbhuv los rau nej rawsli Nws tau coglus tseg lawm. 14Qhov uas Vajtswv pub Vaj Ntsujplig tus Dawbhuv rau peb ntawd yog ib yam puavpheej uas qhia rau peb paub tias peb yuav tau tej uas Vajtswv tau coglus rau nws haivneeg, thiab qhov no ua rau peb ruajsiab hais tias Vajtswv yuav muab kev ywjpheej rau peb cov uas yog Vajtswv haivneeg. Peb ciali qhuas Vajtswv tus tshwjchim!
Paulus Cov Lus Thov Vajtswv
15Twb yog vimli ntawd, txij thaum kuv hnov tias nej muab siab rau ntseeg tus Tswv Yexus thiab hlub Vajtswv haivneeg txhua tus, 16mas kuv yeej niajhnub ua Vajtswv tsaug tsis tu tsis so rau nej li. Kuv yeej ncontsoov nej nyob rau hauv kuv txoj kev thov Vajtswv 17thiab thov peb tus Tswv Yexus Khetos tus Vajtswv, tus uas yog peb Leejtxiv uas muaj tshwjchim ci ntsa-iab, kom Nws pub Vaj Ntsujplig tus Dawbhuv rau nej. Tus Ntsujplig ntawd yuav ua rau nej muaj tswvyim thiab yuav qhia Vajtswv rau nej, kom nej thiaj paub Vajtswv zoo dua qub ntxiv.
18Kuv thov Vajtswv qhib nej lub qhovmuag siab kom nej pom Nws lub teeb ci, kom nej thiaj paub txog txoj kev ciasiab uas Vajtswv tau hu nej los cuag Nws ntawd, hais tias Nws tej koobhmoov uas Nws tau coglus tseg rau Nws haivneeg yog zoo npaum licas tiag, 19thiab paub tias Vajtswv lub hwjchim uas ua haujlwm nyob hauv peb cov ntseeg, loj npaum licas. Lub hwjchim uas ua haujlwm nyob hauv peb ntawd twb yog tiblub hwjchim 20uas Vajtswv siv tsa Khetos sawv hauv qhovtuag rovqab los thiab coj Nws mus nyob ntawm Vajtswv sab xis saum ntuj ceebtsheej. #Nnkauj 110:1
21Khetos nyob siab tshaj txhua tus ntsujplig uas kav saum nruabntug, siab tshaj tej uas muaj meejmom, tej uas muaj hwjchim thiab tej vajntxwv; Nws tseem nyob siab tshaj txhua lub npe uas muaj hwjchim hauv ntiajteb no, tsis hais tiam no lossis tiam tomntej huv tibsi. 22Vajtswv muab ibpuas tsavyam tso rau Khetos ua tus kav, thiab Vajtswv tsa Nws ua lub taubhau saib tagnrho txhua yam hauv pawg ntseeg. #Nnkauj 8:6 23Pawg ntseeg yog Khetos lub cev; Khetos yog tus uas ua rau muaj txhua yam txhijzog, Nws yog tus uas nyob puvnpo hauv txhua yam uas nyob txhua qhov.#1:23: Nws yog tus uas nyob puvnpo hauv txhua yam uas nyob txhua qhov; lossis Nws yog tus uas muaj Vajtswv puvnpo nyob rau hauv Nws. #Kaulx 1:18
ទើបបានជ្រើសរើសហើយ៖
Efexaus 1: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.