Romans 3
3
1Tamatkua tainna itpata, sumik anniqsuusiaqaqpa Jew-guniq? Sumik anniqsuusiaqaqpa piqaġniq God-im nalunaiñŋutchiutaanik? 2Atqunaq anniqsuusiaqaġnaqtuq Jew-guniq. Sivulliġmi, God-im aitchuŋagai Jew-guruat aglausimaruanik pitquranik Moses-kun. 3Jew-guruat iḷaŋich ukpiġutaitkaluaqpata kamagilaiḷḷugich God-im pitquraŋi, ukpiġutairrutaata God taŋŋiipkaġumiñaitparruŋ unniqsuqłiisiŋiñik tamatkunuŋa ukpiqtuanun? 4#Ps 51.4.Naaggapiaġataq. Iñupayaaq saglusuugaluaġniqpan, God sagluyumiñaitchuq. Bible-ni aglausimaruq God-ikun inna,
“Nalaunŋasuurut uqaluktin
iñuich unnii uqaġaluaġmata nalaunŋiññivḷutin pisaaŋavlutin.”
5Iñuich iḷaŋich killukun uqaġuurut inna, Uvagurguuq piḷuksigupta, tautuktinniaġivut iñuich God-im nalaunŋataanik, tavraasii uqallakłutiŋ nakuuniḷugu piḷuksiruni. Tavrasuligguuq God killukuaġniqsuq tatavsaqamisigut. 6Tavra tamatkua uqaqtuat tainna killukuaqtut qanuq nalupqinaitchuq iḷisimarugut God-im isivġiġñiaġai nunam iñuŋi piḷuktuat. 7Uvaŋaptauq killukuaġmiuŋa uqaqama inna. Sagluniġma iñuich qiñiqtillakpagich God-im iḷumun irrutaanik aasii nanġaġlugu, pasiyumiñaitkaaŋa piḷuusiqirauniḷuŋa. 8Taamna iḷumun inniqpan, piḷuusiqiugaqta iñuŋnun nanġavsaaqulugu God. Iḷisaurriŋitchuŋa tainnatchiñik saglunik. Aglaan iñuich iḷaŋisa uqautigiŋagaanŋa tainnatchiñik iḷisaurriñivḷuŋa. Taapkua iñuich God-im isivġiġñiaġai nalaunŋaruakun.
Iñuŋmik Nalaunŋaruagitchuq
9Taapkua uqautigianikaptigik uqallakkumiñaqpisa Jew-guruat nalaunŋałhaaġniḷugich allaniñ iñuŋniñ? Naaggapiaġataq. Iḷitchuġipkaaniŋagivsi iñupayaurat Jew-gugaluaġumiŋ Jew-guŋitkaluaġumiŋ, aŋalatiqaqtut piḷuunmik. 10#Ps 14.1-3; 53.1-3.Bible-ni aglausimarut uqaluich inna,
“Iñuitchuq nalaunŋaruamik,
atausiuramikunnii nunam iñupayauraŋi.
11Iñuŋmik piitchuq atausiuramikunnii kaŋiqsiruamik
naagga kaŋiqsisuktuamik God-mun qanuq iñuutqutilaamiñik.
12Iñupayaat asivaŋarut nalaunŋaruaniñ apqutiniñ,
aasii tammaqłutiŋ piḷuunmi.
Iñuitchuq nalaunŋarualiqiruamik atausiuramikunnii.
13 #
Ps 5.9;
Ps 140.3. Uqaluŋich salumaitchut tivluktigiruġlu tipaatun aŋmaruam iḷuvvivium.
Saglutupiaġataqtut.
Nimiġiatun tuqunamik qaniġmiutaqaqtuatun,
uqaluŋmiŋni tainnatun ittut.
14 #
Ps 10.7. Siḷivinŋarut uqamaqłuutinik qinnaŋaruaniglu uqaluŋnik.
15 #
Is 59.7, 8. Iñuaqsayarut.
16Sumun aullaqamiŋ, maqutchirut iłuiḷḷiuqtitchirullu.
17Nalurut aŋuyautaiññiaġniġmik.
18 #
Ps 36.1. Aŋalanŋitkai qiksiksrautim God-mun.”
19Paŋmapak iḷitchuġirugut pitquraŋi God-im qaisaŋi Moses-kun aŋalatchirut iñuŋnik aitchuusiaqaqtuanik pitquranik. Tavraasii, kiñaliqaa patchisiksraqaġumiñaitchuq kamaksriŋiññiġmigun pitquranik, suli nunam iñupayaaŋa pasikkusiaqaġniaqtuq God-miñ. 20#Ps 143.2; Ga 2.16.Kiñaliqaa nalaunŋarualiyumiñaitchuq inmiñik sivuġaani God-im, kamagiugaġniḷugich pitquraŋi God-im ataramik, qanuq pitqurat iḷisautigiññaġaatigut qanutun piḷuktilaaptiŋnik.
Qanuqłuni God-im Nalaunŋasiḷḷagai Iñuich
21Aasii paŋmapak God-im salapqiŋagaa qanuq iñuk nalaunŋasiyumiñaqtilaaŋanik sivuqqamiñi, pitqurat piqutigiŋaiġḷugich. Uqaqtiŋisa God-im Bible-ni iŋiḷġaan uqautigiŋagaat taamna nalaunŋasiñiq sivuġaani God-im. 22#Ga 2.16.Taamna nalaunŋasipkaun qairuq ukpiġutikun. Iñupayaaq ukpiqtuaq Jesus Christ-mun nalaunŋasipkaqtauniaqtuq sivuġaani God-im. Iñuich iluqaġmiŋ atirut, 23qanuq iñupayaat piḷuksiŋarut aasii God-im nanġaġumiñaitkaa kiñaliqaa nalaunŋaniḷugu. 24Tavraasii, nagliktuutiqpaqaqłuni, God-im nalaunŋasipkaŋagai iñupayaat akiiḷaamik. Ilaan tiliŋagaa Christ Jesus akiḷiquvlugich piḷuutipayaurat tuqulugu aŋarraurami. 25God-im tiliŋagaa Jesus tuqutquvlugu aasii maqipkaġlugu auŋa akiḷiqsaġlugich piḷuutiŋich iluqaġmiŋ ukpiqtuat inmiñun. Taamna piŋagaa salapqiġukługu nalaunŋatini suliqutigiŋaiqsiñiġmigun piḷuutinik, piḷuusiqiaŋiññik-unnii iñuich Christ tuquŋaiñŋaan. God-im tatavsaŋaitkai tavrauvvaa manimmiḷgutiqaqłuni. 26Tavra paŋmapak God-im salapqiġaa nalaunŋatilaani suli nalaunŋasipkallatilaaŋanik kiñaliqaa ukpiqtuaq Jesus-mun.
27Tainnainniġman, uqavigaaġutiksraipiaqtugut qanuq nalaunŋasiyumiñaitchugut kamagilugich God-im pitquraŋi. Nalaunŋasipkaqtaurugut ukpiġutiptigun, 28qanuq iḷisimarugut iñuk nalaunŋasipkaqtautilaaŋanik ukpiġutaagun Christ Jesus-mun. Iñuk nalaunŋasipkaqtaulaitchuq kamaginiḷugich pitqurat. 29God Jew-guruat kisimik God-igiŋitkaat. God-igimmigaat Jew-guŋitchuat. 30#Dt 6.4; Ga 3.20.Atausiuniġman God, ilaan nalaunŋasipkaġniaġai iñupayaat pisigilugu ukpiġutaat, Jew-guruallu Jew-guŋitchuallu. 31Nalaunŋasipkaqtaullaniqapta ukpiġutiptigun, sivuniqaŋipiaġataqtuq kamagiraksraiġñiḷugich God-im pitquraŋi qaisaŋi Moses-kun. Aglaan paŋmapak ukpiliqapta Jesus-mun, kamagiyumiñaġivut pitqurat.
ទើបបានជ្រើសរើសហើយ៖
Romans 3: INUPIAQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
