Mark 5
5
Jesus Iłuaqsigaa Iñuk Iñugiaktuanik Ilitqusiqł̣ulik
(Matthew 8.28-34; Luke 8.26-39)
1Tavra ikaaŋarut taaguŋatchianun tatchim Galilee-m, nunaŋannun Gerasenes. 2Aasii niumman Jesus umiaqpauramiñ, tavrauvvaa paaŋagaa iñuum ilitqusiqł̣uqaqtuam iḷuviġniñ. 3Taamna iñuk iñuuniqsuaq akunġanni iḷuvviviich, aasii kialiqaa qiḷiqsruiḷaiññiġaa, kalimñanikunnii. 4Qanuq ilaa akulaił̣ł̣ugu qiḷiqsruigaluaġaġniġaat kalimñanik isigaŋigullu tayaġniŋigullu. Kalimñat kiktuġaaġaġniġai, suli kalimñat isigagmiñiittuat kanuqqivḷugich. Iñulimaam ittuayusipkalaiññiġaa. 5Aasii ataramik unnuamiḷu uvlumiḷu qimialuŋniitkayugniqsuq iḷuvviviŋniḷu nipaalavluni, kiḷḷiaqłuni ilimiñik uyaġagnun.
6Tavra ilaan tautukamiuŋ Jesus uŋasiñun, aqpanŋaruq, aasii pułłuni sivuġaanun. 7Suli nipaalaqpaŋaruq, Jesus, Iġñiŋa sapiġñaġniqsrauruam God-im, suniaqpiŋa? Apiġipiaġikpiñ God-ikun, tatavsaġnaŋa. 8Qanuq Jesus uqallautiŋagaa, Ilitqusiqł̣uuk anniiñ iñuŋmiñ. 9Suli Jesus apiġiŋagaa, Sumik atiqaqpich? Tavra kiuŋagaa, Uvaŋa atiġa Legion, qanuq iñugiaktugut. 10Tavra ilitqusiqł̣uqaqtuam apiġipiaġataŋagaa Jesus aullaqtitquŋił̣ł̣ugich ilitqusiqł̣uich tamattumaŋŋa nunamiñ.
11Aasii tuttuqłusalaich tavraniinniqsut qaniłłutiŋ qimialuŋni niġiñiaqtuat. 12Tavra ilitqusiqł̣uich iluqaġmiŋ apiġipiaġataŋagaat, Tillisigut tuttuqługnun, isiġumagivut. 13Tavra tavraŋŋa Jesus aullaqtinŋagai. Aasii ilitqusiqł̣uich aniŋarut iñuŋmiñ isiqłutiŋ tuttuqługnun. Tavra tuttuqłuich paŋaliŋarut suamavlutiŋ anmun qutaŋŋiaġiksuakun immamun, aasii ipivlutiŋ. Iñugiaktilaaqaqpalliŋarut 2,000-tun.
14Tavrali qaunaksriruat tuttuqługnik pigruŋarut, aasii quliaqtuaġivlugu taamna iniqpaŋmi nunaaqqiñiḷu. Tavra iñuich qaiŋarut tautugiaqługu suna pisilaaŋanik. 15Tavra ullaaŋagaat Jesus, suli tautukługu ilitqusiqł̣uqaŋaruaq iñugiaktuanik, aquppiruaq annuġaaŋavluni qauriŋavluniḷu. Tavra iliŋich iqsitchaŋarut. 16Aasii tamatkua tautuktuat quliaqtuaġutiŋagaich iñuich, qanuq pirauŋatilaaŋanik taamna ilitqusiqł̣uqaŋaruaq, tuttuqłuktigullu. 17Tavra apiġipiaŋagaat Jesus aullaquvlugu nunamiŋniñ.
18Tavra ikiaqsimman umiaqpauramun, taavruma ilitqusiqł̣uqaŋaruam apiġipiaŋagaluaġaa nayuġukługu. 19Tavra Jesus pipkaŋaitkaa, aglaan uqallautiŋagaa, Aggiiñ avilaitqatiŋnun, aasii quliaqtuaġutilugich qanuq kamanaqtigiruanik Atanġum piraŋiñik iliŋnun, suli naglikkutiqaŋatilaaŋanik iliŋnun. 20Tavra iñuk aullaŋaruq, aasii quliaqtuagaqsivḷuni qulinun nunaaqqiñun qanuq kamanaqtuanik Jesus savaaġikkaŋiñik ilimiñun. Aasii iluqaġmiŋ iñuich kamasuŋarut.
Jairus Pania, Aġnaġlu Aksiuktuaq Jesus Annuġaaŋanik
(Matthew 9.18-26; Luke 8.40-56)
21Tavra Jesus ikaatqianiŋman umiaqpaurakun taaguŋatchiġmun, iñusalaich katinŋarut ilaanun. Aasii ilaa tatchim siñaaniinŋaruq. 22Tavra qaiŋaruq iḷaŋat umialiŋnaŋat Jew-guruat aŋaiyyuviata, Jairus-mik atilik. Aasii tautukamiuŋ Jesus punŋaruq sivuġaanun. 23Aasii qiññuaqtupiaŋaruq uqaqłuni, Paniuraġa amma tuquaqsiuraqtuq. Qaiḷutin aksiugiapiaqugiga iliŋnun iłuaqsitquvlugu iñuuyumauq. 24Tavra Jesus piqasiŋagaa. Suli iñugaaġruich malikługu tatiŋagaat.
25Tavra aġnaq suniġluqaqtuaq auŋmik qulit malġugni ukiuni tamaaniinŋaruq. 26Taamna aġnaq nagliksaaqtuaq sapunniaqtiqaŋagaluaqtuq iñugiaktuanik taaktinik. Ilaa maniiġutiŋagaluaqtuqunnii nakuusipayaaŋaitchuq, aglaan pigiiḷisaiññaŋaruq. 27Tusaaganiŋavluni Jesus-mik, qaiŋaruq tatiruatigun tunuaniñ, aasii aksiukługu Jesus annuġaaŋa, 28isumavluni, aksiuksiññaġupkich unnii annuġaaŋi, iłuaqsiyumiñaqtuŋa. 29Tavra aksiuŋagaa Jesus annuġaaŋa, aasii aunaaqsruŋaiqł̣uni tavrauvvaa. Timimiñi iḷitchuġigaa iłuaqsisilaani naŋirrunmiñiñ. 30Tavra Jesus, tavrauvvaa iḷitchuġivluni ilimiñiñ suaŋŋan aullaqtilaaŋanik, kiŋiaŋaruq tatiruani, aasii uqallakłuni, Kia aksiukpagich annuġaatka? 31Tavra iḷitchitquraŋisa kiuŋagaat, Tautukkitin iñusalaich tatiruat iliŋnun. Summan aasii apiqsrivich kimun aksiuŋmagaaqpich? 32Tavra alaqiñŋaruq avanmun tautugniaqługu kimun aksiuktilaani. 33Tavra aġnaq sivuuġallaġmi uulillaġmiḷu, qaiŋaruq Jesus-mun iḷisimavluni iluaqsisilaamiñik, aasii pułłuni sivuġaanun, uqautivlugu iluqaanik iḷumun ittuamik. 34Tavra ilaan uqallautiŋagaa, Paniuruatiin, ukpiġurvich iłuaqsipkaġaatin. Aullaġiñ tutqiksiḷutin, suli iłuaqsiraulutin naŋirrutiŋniñ.
35Jesus uqaġniaqtillugu, qaiŋarut iḷaŋich kivgat Jairus igluaniñ aasii uqallautivlugu, Paniiñ tuquaniktuq. Iḷaksiaŋaiġuŋ Iḷisaurri. 36Tavra Jesus suliqutigisuŋaġnagu uqallautaat, uqallautiŋagaa umialiŋnaq, Iqsiñak, ukpiqsiññaġiñ. 37Tavra Jesus iñuŋmun maliktinŋaitchuq, aglaan Peter-mun James-mullu John-mullu aniqataanun James. 38Tavra ilaa tikiñŋaruq igluanun umialiŋnaŋata aŋaiyyuvium, aasii tautukługich tuavaalaruat, tamatkualu qiaqpaktuat. 39Tavra isiqami ilaan uqallautiŋagai, Summan inna pivisi qiavisiḷu? Niviaqsiaġruk tuquŋaitchuq. Siñiksiññaqtuq. 40Tavra iglautigiŋagaat kipagivlugu. Aasii ilaan anitanikkamigich iluqaisa, piŋagik aapaŋalu aakaŋalu niviaqsiaġruum, taapkualu piŋasut iḷitchitqurani, aasii isiqłutiŋ niviaqsiaġruum irvianun. 41Tavra Jesus tiguŋagaa niviaqsiaġruk argaŋigun, aasii uqallautivlugu, Talitha koum, sivuniqaqtuamik, Niviaqsiaġruuk, uqallautigikpiñ, makittin. 42Tavra tavrauvvaa niviaqsiaġruk makinŋaruq, aasii pisuaqłuni. Ukiuqaŋaruq qulit malġugnik. Tavra kamasupiaġataŋarut iñuich. 43Tavra uqautipiaŋagai iñuŋmun iḷitchuġitquŋił̣ł̣ugu. Aasii niġipkaquŋagaa.
ទើបបានជ្រើសរើសហើយ៖
Mark 5: INUPIAQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Mark 5
5
Jesus Iłuaqsigaa Iñuk Iñugiaktuanik Ilitqusiqł̣ulik
(Matthew 8.28-34; Luke 8.26-39)
1Tavra ikaaŋarut taaguŋatchianun tatchim Galilee-m, nunaŋannun Gerasenes. 2Aasii niumman Jesus umiaqpauramiñ, tavrauvvaa paaŋagaa iñuum ilitqusiqł̣uqaqtuam iḷuviġniñ. 3Taamna iñuk iñuuniqsuaq akunġanni iḷuvviviich, aasii kialiqaa qiḷiqsruiḷaiññiġaa, kalimñanikunnii. 4Qanuq ilaa akulaił̣ł̣ugu qiḷiqsruigaluaġaġniġaat kalimñanik isigaŋigullu tayaġniŋigullu. Kalimñat kiktuġaaġaġniġai, suli kalimñat isigagmiñiittuat kanuqqivḷugich. Iñulimaam ittuayusipkalaiññiġaa. 5Aasii ataramik unnuamiḷu uvlumiḷu qimialuŋniitkayugniqsuq iḷuvviviŋniḷu nipaalavluni, kiḷḷiaqłuni ilimiñik uyaġagnun.
6Tavra ilaan tautukamiuŋ Jesus uŋasiñun, aqpanŋaruq, aasii pułłuni sivuġaanun. 7Suli nipaalaqpaŋaruq, Jesus, Iġñiŋa sapiġñaġniqsrauruam God-im, suniaqpiŋa? Apiġipiaġikpiñ God-ikun, tatavsaġnaŋa. 8Qanuq Jesus uqallautiŋagaa, Ilitqusiqł̣uuk anniiñ iñuŋmiñ. 9Suli Jesus apiġiŋagaa, Sumik atiqaqpich? Tavra kiuŋagaa, Uvaŋa atiġa Legion, qanuq iñugiaktugut. 10Tavra ilitqusiqł̣uqaqtuam apiġipiaġataŋagaa Jesus aullaqtitquŋił̣ł̣ugich ilitqusiqł̣uich tamattumaŋŋa nunamiñ.
11Aasii tuttuqłusalaich tavraniinniqsut qaniłłutiŋ qimialuŋni niġiñiaqtuat. 12Tavra ilitqusiqł̣uich iluqaġmiŋ apiġipiaġataŋagaat, Tillisigut tuttuqługnun, isiġumagivut. 13Tavra tavraŋŋa Jesus aullaqtinŋagai. Aasii ilitqusiqł̣uich aniŋarut iñuŋmiñ isiqłutiŋ tuttuqługnun. Tavra tuttuqłuich paŋaliŋarut suamavlutiŋ anmun qutaŋŋiaġiksuakun immamun, aasii ipivlutiŋ. Iñugiaktilaaqaqpalliŋarut 2,000-tun.
14Tavrali qaunaksriruat tuttuqługnik pigruŋarut, aasii quliaqtuaġivlugu taamna iniqpaŋmi nunaaqqiñiḷu. Tavra iñuich qaiŋarut tautugiaqługu suna pisilaaŋanik. 15Tavra ullaaŋagaat Jesus, suli tautukługu ilitqusiqł̣uqaŋaruaq iñugiaktuanik, aquppiruaq annuġaaŋavluni qauriŋavluniḷu. Tavra iliŋich iqsitchaŋarut. 16Aasii tamatkua tautuktuat quliaqtuaġutiŋagaich iñuich, qanuq pirauŋatilaaŋanik taamna ilitqusiqł̣uqaŋaruaq, tuttuqłuktigullu. 17Tavra apiġipiaŋagaat Jesus aullaquvlugu nunamiŋniñ.
18Tavra ikiaqsimman umiaqpauramun, taavruma ilitqusiqł̣uqaŋaruam apiġipiaŋagaluaġaa nayuġukługu. 19Tavra Jesus pipkaŋaitkaa, aglaan uqallautiŋagaa, Aggiiñ avilaitqatiŋnun, aasii quliaqtuaġutilugich qanuq kamanaqtigiruanik Atanġum piraŋiñik iliŋnun, suli naglikkutiqaŋatilaaŋanik iliŋnun. 20Tavra iñuk aullaŋaruq, aasii quliaqtuagaqsivḷuni qulinun nunaaqqiñun qanuq kamanaqtuanik Jesus savaaġikkaŋiñik ilimiñun. Aasii iluqaġmiŋ iñuich kamasuŋarut.
Jairus Pania, Aġnaġlu Aksiuktuaq Jesus Annuġaaŋanik
(Matthew 9.18-26; Luke 8.40-56)
21Tavra Jesus ikaatqianiŋman umiaqpaurakun taaguŋatchiġmun, iñusalaich katinŋarut ilaanun. Aasii ilaa tatchim siñaaniinŋaruq. 22Tavra qaiŋaruq iḷaŋat umialiŋnaŋat Jew-guruat aŋaiyyuviata, Jairus-mik atilik. Aasii tautukamiuŋ Jesus punŋaruq sivuġaanun. 23Aasii qiññuaqtupiaŋaruq uqaqłuni, Paniuraġa amma tuquaqsiuraqtuq. Qaiḷutin aksiugiapiaqugiga iliŋnun iłuaqsitquvlugu iñuuyumauq. 24Tavra Jesus piqasiŋagaa. Suli iñugaaġruich malikługu tatiŋagaat.
25Tavra aġnaq suniġluqaqtuaq auŋmik qulit malġugni ukiuni tamaaniinŋaruq. 26Taamna aġnaq nagliksaaqtuaq sapunniaqtiqaŋagaluaqtuq iñugiaktuanik taaktinik. Ilaa maniiġutiŋagaluaqtuqunnii nakuusipayaaŋaitchuq, aglaan pigiiḷisaiññaŋaruq. 27Tusaaganiŋavluni Jesus-mik, qaiŋaruq tatiruatigun tunuaniñ, aasii aksiukługu Jesus annuġaaŋa, 28isumavluni, aksiuksiññaġupkich unnii annuġaaŋi, iłuaqsiyumiñaqtuŋa. 29Tavra aksiuŋagaa Jesus annuġaaŋa, aasii aunaaqsruŋaiqł̣uni tavrauvvaa. Timimiñi iḷitchuġigaa iłuaqsisilaani naŋirrunmiñiñ. 30Tavra Jesus, tavrauvvaa iḷitchuġivluni ilimiñiñ suaŋŋan aullaqtilaaŋanik, kiŋiaŋaruq tatiruani, aasii uqallakłuni, Kia aksiukpagich annuġaatka? 31Tavra iḷitchitquraŋisa kiuŋagaat, Tautukkitin iñusalaich tatiruat iliŋnun. Summan aasii apiqsrivich kimun aksiuŋmagaaqpich? 32Tavra alaqiñŋaruq avanmun tautugniaqługu kimun aksiuktilaani. 33Tavra aġnaq sivuuġallaġmi uulillaġmiḷu, qaiŋaruq Jesus-mun iḷisimavluni iluaqsisilaamiñik, aasii pułłuni sivuġaanun, uqautivlugu iluqaanik iḷumun ittuamik. 34Tavra ilaan uqallautiŋagaa, Paniuruatiin, ukpiġurvich iłuaqsipkaġaatin. Aullaġiñ tutqiksiḷutin, suli iłuaqsiraulutin naŋirrutiŋniñ.
35Jesus uqaġniaqtillugu, qaiŋarut iḷaŋich kivgat Jairus igluaniñ aasii uqallautivlugu, Paniiñ tuquaniktuq. Iḷaksiaŋaiġuŋ Iḷisaurri. 36Tavra Jesus suliqutigisuŋaġnagu uqallautaat, uqallautiŋagaa umialiŋnaq, Iqsiñak, ukpiqsiññaġiñ. 37Tavra Jesus iñuŋmun maliktinŋaitchuq, aglaan Peter-mun James-mullu John-mullu aniqataanun James. 38Tavra ilaa tikiñŋaruq igluanun umialiŋnaŋata aŋaiyyuvium, aasii tautukługich tuavaalaruat, tamatkualu qiaqpaktuat. 39Tavra isiqami ilaan uqallautiŋagai, Summan inna pivisi qiavisiḷu? Niviaqsiaġruk tuquŋaitchuq. Siñiksiññaqtuq. 40Tavra iglautigiŋagaat kipagivlugu. Aasii ilaan anitanikkamigich iluqaisa, piŋagik aapaŋalu aakaŋalu niviaqsiaġruum, taapkualu piŋasut iḷitchitqurani, aasii isiqłutiŋ niviaqsiaġruum irvianun. 41Tavra Jesus tiguŋagaa niviaqsiaġruk argaŋigun, aasii uqallautivlugu, Talitha koum, sivuniqaqtuamik, Niviaqsiaġruuk, uqallautigikpiñ, makittin. 42Tavra tavrauvvaa niviaqsiaġruk makinŋaruq, aasii pisuaqłuni. Ukiuqaŋaruq qulit malġugnik. Tavra kamasupiaġataŋarut iñuich. 43Tavra uqautipiaŋagai iñuŋmun iḷitchuġitquŋił̣ł̣ugu. Aasii niġipkaquŋagaa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)