Mark 6
6
Jesus Ukpiġiŋitkaat Nazareth-mi
(Matthew 13.53-58; Luke 4.16-30)
1Tavra Jesus aullaŋaruq tavraŋŋa, aasii tikił̣ł̣uni nunamiñun. Suli iḷitchitquraŋisa maliŋagaat. 2Tavra Jew-guruat Savaiññiŋat tikiñman, iḷisaurrirraqsiŋaruq aŋaiyyuviŋmi. Tavra iñugiaktuat tusaavlugu kamasuŋarut, uqaqłutiŋ, Sumiñ una iḷisimmatinikpa? Qanuqłuni isumattutinikpa? Qanuqłuni suli aliuġnaqtuanik piva? 3Kaamniġuŋitpauna, Mary-m iġñiŋa, aapiyaŋa James-gum Joses-lu Judas-lu Simon-lu? Aasiisuli nayaaluŋi uvaniinŋitpat itqatigivluta? Tavra iliŋich qanuqpaaŋaliŋarut ilaanun. 4#Jn 4.44.Aasiiḷi Jesus uqallautiŋagai, God-im uqaqtaa nanġausiaqallaruq sumiḷiqaa, nunamiñiaglaan iḷamiñiḷu. 5Tavra Jesus tavrani savakkumiñaiñŋaruq aliuġnaqtuanik, aglaan aksiuŋagai iñukitchuat naŋittuat aasii iłuaqsivḷugich. 6Pisigivlugu ilaisa arguasuutaat, Jesus aliuŋaruq.
Jesus Tiligai Qulit Malġuk Iḷitchitqurat
(Matthew 10.5-15; Luke 9.1-6)
Aasii Jesus kukiḷuŋaruq nunaaqqiñi iḷisaurrivḷuni. 7Tavra qaitquŋagai ilimiñun qulit malġuk iḷitchitqurat, aasii aullaqtitchaaqsivḷugich malġuullaavlugich. Ilaan suaŋŋasiŋagai ilitqusiqł̣uiyaiḷḷasivḷugich. 8Suli piraksriŋagai upaluŋaiyaquŋił̣ł̣ugich sunik iglauniksramiŋnun, aglaan ayauppiuraq kisian, puukataiḷaaġlugich, taquagiḷaaġlugich, maniiḷaaġlugich maniqaġviŋmiŋni, 9aluġutiqaquvlugich, aglaan malġugnik qaliġuuraqaquŋił̣ł̣ugiḷḷu. 10Jesus uqallautivsaaŋagai, Nunaaqqiñun tikitkuvsi tukkuġiyumagisi iñuich aiyugaaqtisi aullaġataġnivsiññun aglaan. 11#Ac 13.51.#Lk 10.4-11.Aasii iñuich paġlaŋitpasi naalaġnisuŋitpatigiglu uqalusi, qimakkisigiksi taamna ini aasii piiyaġlugu avyuq isigavsiññiñ. Taamna kilgutauniaqtuq ilaiññun pisuŋisilaaŋanik tusaayugaaġiksuaq. 12Tavra aullaŋarut, aasii alġaqsruivḷutiŋ iñuich isumalitqiksuksraunivḷugich piḷuunmiŋniñ. 13#Jas 5.14.Suli anittaiŋarut iñugiaktuanik ilitqusiqł̣uŋnik, suli uqsruqtiqługich olive uqsruanik iñugiaktuat naŋittuat iłuaqsivḷugich.
Tuqutauniŋa John Paptaiqsim
(Matthew 14.1-12; Luke 9.7-9)
14 #
Mt 16.14; Mk 8.28; Lk 9.19. Tavra umialik Herod tusaaŋaruq iluqaiññik tamatkuniŋa, qanuq Jesus uqautigivlugu uqaluk siaminŋaruq sumulliqaa. Iñuich iḷaŋich uqaŋarut, John Paptaiqsi aŋiruq tuqqunmiñ, Tainnaqłuni aliuġnaqtuanik piḷḷaruq. 15Allalli uqaŋarut Elijah-univḷugu. Allallivsauq uqaŋarut, uqaqtigigaa God-im, iḷaŋatitun taipkua iŋiḷġaan kamanaqtuat uqaqtiŋisun God-im.
16Tavrali Herod tusaakami uqallaŋaruq, John-guruq aŋiruq tuqqunmiñ, niaquiŋakkaġa. 17#Lk 3.19, 20.Qanuq Herod tilisivḷuni aŋuyaktinik tigupkaŋagaa John, aasii qiḷiqsruivḷugu tigutaaġviŋmi pisigivlugu Herodias, aniqanmi Philip nuliaŋa, ilaan nulialiutikkani. 18John Paptaiqsim Herod uqallautigaluamiiŋagaa, Nalaunŋaitchuq ilivich tuvaaqasiutigupku aniqarvich nuliaŋa. 19Herodias isumamaqłuutiqaŋaruq John-mun tuqutitchumaliqsaallaan. Aglaan Herod-mik piñaiḷutaqaŋaruq. 20Qanuq Herod-gum John sivuuġagiŋagaa, iḷisimavluni iñulluatautilaaŋanik suli nalaunŋavluni iñuk, piyaqquqtaiḷiŋagaa. Herod-gum John naalaġniḷḷatuŋagaa tutqiiḷiqpaguugaluaŋŋaġmi naalaktuapayauraqamiuŋ.
21Kiisaimmaa Herodias piviksraŋa nalautitpuq. Herod annivia tikiñman niqinaqutimmagich iluqaisa qaukłiich kavamauruat, aŋuyaktillu qaukłiŋich, suġalliruallu Galilee-mi. 22Tavra Herodias pania isiqłuni kanaakkiumman, Herod iviġaktauŋaruq tuyuġmianiḷu. Aasii umialik uqallaŋaruq niviaqsiamun, Sumik piqaġukkaluaqpich? Aitchuġumiñaġikpiñ supayaamik pigisukkaġnik. 23Tavra unniqsuqłiiŋagaa nalupqinaiqł̣ugu, Supayaamik apiqsriguvich uvamniñ, aitchuutiginiaġiga iliŋnun, avvaġiluġaa unnii umialgunma. 24Tavra niviaqsiaq aniŋaruq, aasii uqallautivlugu aakani, Sumik piqaġugniaqpik? Tavra Herodias uqallaŋaruq, Niaquanik John Paptaiqsim. 25Tavra utiŋaruq qilamiqsruqłuni umialiŋmun, aasii apiqsrivḷuni, Aitchuŋŋa akkupak niaquanik John Paptaiqsim puggutauramun. 26Tavra umialik atqunaqłuni isumaaŋaruq, aasii unniqsuqłiisini pisigivlugu, pisigivlugiḷḷu tuyuġmiani, ilaan itigaurraqtitchumiñaiñŋagaa. 27Tavra tavrauvvaa umialik tilisiŋaruq qaunaksrimik, piraksriivḷuni John niaqua qaġġisitquvlugu. Tavra aullaqłuni, niaquiŋagaa John tigutaaġviŋmi. 28Aasii qaġġisivlugu niaqua puggutauramun, aitchuutigiŋagaa niviaqsiamun, aasiiḷi niviaqsiam aitchuutigivlugu aakamiñun. 29Tavra John iḷitchitquraŋi tusaakamiŋ taavrumiŋa, qaivḷutiŋ piŋagaat timaa aasii iḷuviqługu.
Jesus Niġipkaġai 5,000 Iñuich
(Matthew 14.13-21; Luke 9.10-17; John 6.1-14)
30Tavra tilirauŋaruat iḷitchitqurat utiŋarut Jesus-mun, aasii quliaqtuaġutivlugu supayaanik, savaamiŋniglu, suniglu iḷisaurrutigikkamiŋnik. 31Iñugiaktuat iñuich qairaġaŋarut aullaqsimmaġmiglu niġiḷḷaiqsitaallaisa Jesus-lu iḷitchitquraniḷu kiisaimmaa Jesus uqallautivai iḷitchitqurani, Aullallakta sumun iñuił̣aamun kisimġiuqtuallakkumaugut piḷaiŋaiqsiallagluta. 32Tavra aullaŋarut umiaqtuqłutiŋ iñuił̣aamun kisimiŋ.
33Iñugiaktuat iñuich tautukługich aullaġmata, iḷisaġiŋagaich kitkuutilaaŋat. Tavraasii iñuich aullaaŋarut iluqaiññiñ nunaaqqiñiñ aqpamik qutaaguqłutiŋ, aasii tikitqaaqłutiŋ inimun sivulikługich Jesus-lu iḷitchitquraniḷu. 34#Nu 27.17; 1 K 22.17; 2 Ch 18.16; Ez 34.5; Mt 9.36.Jesus niukami, tautuŋagai iñusalaich suli nagliksratchaŋaruq iliŋiññik, qanuq imnaisun inŋarut munaqsraitchuatun. Tavra ilaan iḷisautirraqsiqpaŋagai. 35Tavra uvlukłiaqsimman iḷitchitquraŋisa ullakługu uqallautiŋagaat, uvlukłivigruaqtuq nunaaqqiiñmiuq maani. 36Aullaqtitkich iñuich, aullaġlutiŋ nunaaqqiñun qanipayaaqtuanun tauqsiġumaut niqiksramiŋnik. 37Jesus kiuŋagai, ilivsi niġipkaqsigik. Ilaisali apiġiŋagaat, Aullaquvisigut tauqsiġiaquluta 200 taalatun niqiksraŋiññik aasii niġipkaġlugich? 38Jesus apiġiŋagai, Qavsiñik punniġutiqaqpisi? Tautugiaqsigik. Tavra iḷitchuġianikamiŋ uqallaŋarut, Tallimanik iqallugniglu malġugnik.
39Jesus uqallautiŋagai iḷitchitqurani, Qavsiuttaaġlugich aquvititquvlugich iñuich suŋaaqtuanun iviŋnun. 40Tavra aquptiŋarut qavsiuttaaqłutiŋ, tallimakipiaguttaqłutiglu, malġukipiaq quliguttaqłutiglu. 41Tavra tiguanikamigich tallimat punniġich iqalluglu, aaġluŋaruq qiḷaŋmun, aasii quyyavigivlugu God. Aasii avguqqaaqługich punniġich, qaiñŋagai iḷitchitquramiñun, niqłiqsuutigitquvlugich iñuŋnun. Iqalluk autaaŋammigik iluqaiññun. 42Iluqaġmiŋ niġiŋarut, niqinŋuġataqłutiŋ. 43Tavra iḷitchitqurat katitchiŋarut qulit malġugnik aguummaŋnik siḷiviłługich iḷakunik punniġnik iqallugniglu. 44Aasii taapkua niġiruat 5,000-guŋarut aŋutit.
Jesus Pisuaqtuq Immam Qaaŋagun
(Matthew 14.22-33; John 6.15-21)
45Tavra tavrauvvaa Jesus ikitqupiaŋagai iḷitchitqurani umiaqpauramun ayutquvlugich Bethsaida-mun, tatchim taaguŋatchianun, ilaa iñuŋnik aullaqtitchipkaqtilluni. 46Tavra iñuich aullaqtitanikamigich, ilaa aullaŋaruq iġġimun aŋaiyyuyaqtuqłuni. 47Tanuġaksimman, umiaqpauraq qitqanuiḷiŋaruq tatchim, aasii Jesus kisimġiuqłuni nunami. 48Tautuŋagai iḷitchitqurani siġġaqiruat ipuqsruqłutiŋ anuġi arguġiannaqłuni. Tavra uvluyasimman ilaan ullaŋagai pisuaqłuni immam qaaŋagun. Qaaŋiqsaġumaruatun piŋagai. 49Tavra tautukamirruŋ pisuaqtuaq qaaŋagun immam, ilitqusiunasugiŋagaat, aasii nipaalavlutiŋ. 50Qanuq iluqaġmiŋ tautuŋagaat, aasii iqsitchapiaġataŋarut. Tavra tavrauvvaa ilaan uqallautiŋagai, Quviatchaktitausitchi. Uvaŋauruŋa. Iqsiñasi. 51Tavra ikiŋaruq umiaqpauramun, suli anuġaiŋaruq. Tavra iḷitchitquraŋi kamanniupiaġataŋarut sivuniksraqsiḷḷaiŋarut, 52qanuq kaŋiqsiŋaitkaat sivuniŋa aliuġnaqtuaq savaaŋa punniġnik, ukpiġilguił̣ł̣ugu.
Jesus Iłuaqsigai Naŋittuat Gennesaret-mi
(Matthew 14.34-36)
53Tavra ikaaganikamiŋ, tikiñŋarut nunaŋannun Gennesaret aasii tulakłutiŋ nunamun. 54Tavra niuganiŋmata umiaqpauramiñ, tavrauvvaa iñuich iḷisaġiŋagaat Jesus. 55Aasii aqpanŋarut iluqaagun nunakun sumulliqaa, qaġġisivḷugich nallaviksuummaisa naŋittuat, tusaaraġikamiŋ sumiitilaaŋanik. 56Tavra sumupayauraq Jesus tikiñman, nunaaqqiñun, naagga iniqpaŋnun, naaggaunnii nautchialiqirinun, iñuich naŋittuat iḷiŋagaich apqutinun, aasii apiġipiaġataqługu aksiullagukługuunni annuġaaŋan siñiġutaa. Aasii iluqaġmiŋ aksiuktuat ilaanik iłuaqsiŋarut.
ទើបបានជ្រើសរើសហើយ៖
Mark 6: INUPIAQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Mark 6
6
Jesus Ukpiġiŋitkaat Nazareth-mi
(Matthew 13.53-58; Luke 4.16-30)
1Tavra Jesus aullaŋaruq tavraŋŋa, aasii tikił̣ł̣uni nunamiñun. Suli iḷitchitquraŋisa maliŋagaat. 2Tavra Jew-guruat Savaiññiŋat tikiñman, iḷisaurrirraqsiŋaruq aŋaiyyuviŋmi. Tavra iñugiaktuat tusaavlugu kamasuŋarut, uqaqłutiŋ, Sumiñ una iḷisimmatinikpa? Qanuqłuni isumattutinikpa? Qanuqłuni suli aliuġnaqtuanik piva? 3Kaamniġuŋitpauna, Mary-m iġñiŋa, aapiyaŋa James-gum Joses-lu Judas-lu Simon-lu? Aasiisuli nayaaluŋi uvaniinŋitpat itqatigivluta? Tavra iliŋich qanuqpaaŋaliŋarut ilaanun. 4#Jn 4.44.Aasiiḷi Jesus uqallautiŋagai, God-im uqaqtaa nanġausiaqallaruq sumiḷiqaa, nunamiñiaglaan iḷamiñiḷu. 5Tavra Jesus tavrani savakkumiñaiñŋaruq aliuġnaqtuanik, aglaan aksiuŋagai iñukitchuat naŋittuat aasii iłuaqsivḷugich. 6Pisigivlugu ilaisa arguasuutaat, Jesus aliuŋaruq.
Jesus Tiligai Qulit Malġuk Iḷitchitqurat
(Matthew 10.5-15; Luke 9.1-6)
Aasii Jesus kukiḷuŋaruq nunaaqqiñi iḷisaurrivḷuni. 7Tavra qaitquŋagai ilimiñun qulit malġuk iḷitchitqurat, aasii aullaqtitchaaqsivḷugich malġuullaavlugich. Ilaan suaŋŋasiŋagai ilitqusiqł̣uiyaiḷḷasivḷugich. 8Suli piraksriŋagai upaluŋaiyaquŋił̣ł̣ugich sunik iglauniksramiŋnun, aglaan ayauppiuraq kisian, puukataiḷaaġlugich, taquagiḷaaġlugich, maniiḷaaġlugich maniqaġviŋmiŋni, 9aluġutiqaquvlugich, aglaan malġugnik qaliġuuraqaquŋił̣ł̣ugiḷḷu. 10Jesus uqallautivsaaŋagai, Nunaaqqiñun tikitkuvsi tukkuġiyumagisi iñuich aiyugaaqtisi aullaġataġnivsiññun aglaan. 11#Ac 13.51.#Lk 10.4-11.Aasii iñuich paġlaŋitpasi naalaġnisuŋitpatigiglu uqalusi, qimakkisigiksi taamna ini aasii piiyaġlugu avyuq isigavsiññiñ. Taamna kilgutauniaqtuq ilaiññun pisuŋisilaaŋanik tusaayugaaġiksuaq. 12Tavra aullaŋarut, aasii alġaqsruivḷutiŋ iñuich isumalitqiksuksraunivḷugich piḷuunmiŋniñ. 13#Jas 5.14.Suli anittaiŋarut iñugiaktuanik ilitqusiqł̣uŋnik, suli uqsruqtiqługich olive uqsruanik iñugiaktuat naŋittuat iłuaqsivḷugich.
Tuqutauniŋa John Paptaiqsim
(Matthew 14.1-12; Luke 9.7-9)
14 #
Mt 16.14; Mk 8.28; Lk 9.19. Tavra umialik Herod tusaaŋaruq iluqaiññik tamatkuniŋa, qanuq Jesus uqautigivlugu uqaluk siaminŋaruq sumulliqaa. Iñuich iḷaŋich uqaŋarut, John Paptaiqsi aŋiruq tuqqunmiñ, Tainnaqłuni aliuġnaqtuanik piḷḷaruq. 15Allalli uqaŋarut Elijah-univḷugu. Allallivsauq uqaŋarut, uqaqtigigaa God-im, iḷaŋatitun taipkua iŋiḷġaan kamanaqtuat uqaqtiŋisun God-im.
16Tavrali Herod tusaakami uqallaŋaruq, John-guruq aŋiruq tuqqunmiñ, niaquiŋakkaġa. 17#Lk 3.19, 20.Qanuq Herod tilisivḷuni aŋuyaktinik tigupkaŋagaa John, aasii qiḷiqsruivḷugu tigutaaġviŋmi pisigivlugu Herodias, aniqanmi Philip nuliaŋa, ilaan nulialiutikkani. 18John Paptaiqsim Herod uqallautigaluamiiŋagaa, Nalaunŋaitchuq ilivich tuvaaqasiutigupku aniqarvich nuliaŋa. 19Herodias isumamaqłuutiqaŋaruq John-mun tuqutitchumaliqsaallaan. Aglaan Herod-mik piñaiḷutaqaŋaruq. 20Qanuq Herod-gum John sivuuġagiŋagaa, iḷisimavluni iñulluatautilaaŋanik suli nalaunŋavluni iñuk, piyaqquqtaiḷiŋagaa. Herod-gum John naalaġniḷḷatuŋagaa tutqiiḷiqpaguugaluaŋŋaġmi naalaktuapayauraqamiuŋ.
21Kiisaimmaa Herodias piviksraŋa nalautitpuq. Herod annivia tikiñman niqinaqutimmagich iluqaisa qaukłiich kavamauruat, aŋuyaktillu qaukłiŋich, suġalliruallu Galilee-mi. 22Tavra Herodias pania isiqłuni kanaakkiumman, Herod iviġaktauŋaruq tuyuġmianiḷu. Aasii umialik uqallaŋaruq niviaqsiamun, Sumik piqaġukkaluaqpich? Aitchuġumiñaġikpiñ supayaamik pigisukkaġnik. 23Tavra unniqsuqłiiŋagaa nalupqinaiqł̣ugu, Supayaamik apiqsriguvich uvamniñ, aitchuutiginiaġiga iliŋnun, avvaġiluġaa unnii umialgunma. 24Tavra niviaqsiaq aniŋaruq, aasii uqallautivlugu aakani, Sumik piqaġugniaqpik? Tavra Herodias uqallaŋaruq, Niaquanik John Paptaiqsim. 25Tavra utiŋaruq qilamiqsruqłuni umialiŋmun, aasii apiqsrivḷuni, Aitchuŋŋa akkupak niaquanik John Paptaiqsim puggutauramun. 26Tavra umialik atqunaqłuni isumaaŋaruq, aasii unniqsuqłiisini pisigivlugu, pisigivlugiḷḷu tuyuġmiani, ilaan itigaurraqtitchumiñaiñŋagaa. 27Tavra tavrauvvaa umialik tilisiŋaruq qaunaksrimik, piraksriivḷuni John niaqua qaġġisitquvlugu. Tavra aullaqłuni, niaquiŋagaa John tigutaaġviŋmi. 28Aasii qaġġisivlugu niaqua puggutauramun, aitchuutigiŋagaa niviaqsiamun, aasiiḷi niviaqsiam aitchuutigivlugu aakamiñun. 29Tavra John iḷitchitquraŋi tusaakamiŋ taavrumiŋa, qaivḷutiŋ piŋagaat timaa aasii iḷuviqługu.
Jesus Niġipkaġai 5,000 Iñuich
(Matthew 14.13-21; Luke 9.10-17; John 6.1-14)
30Tavra tilirauŋaruat iḷitchitqurat utiŋarut Jesus-mun, aasii quliaqtuaġutivlugu supayaanik, savaamiŋniglu, suniglu iḷisaurrutigikkamiŋnik. 31Iñugiaktuat iñuich qairaġaŋarut aullaqsimmaġmiglu niġiḷḷaiqsitaallaisa Jesus-lu iḷitchitquraniḷu kiisaimmaa Jesus uqallautivai iḷitchitqurani, Aullallakta sumun iñuił̣aamun kisimġiuqtuallakkumaugut piḷaiŋaiqsiallagluta. 32Tavra aullaŋarut umiaqtuqłutiŋ iñuił̣aamun kisimiŋ.
33Iñugiaktuat iñuich tautukługich aullaġmata, iḷisaġiŋagaich kitkuutilaaŋat. Tavraasii iñuich aullaaŋarut iluqaiññiñ nunaaqqiñiñ aqpamik qutaaguqłutiŋ, aasii tikitqaaqłutiŋ inimun sivulikługich Jesus-lu iḷitchitquraniḷu. 34#Nu 27.17; 1 K 22.17; 2 Ch 18.16; Ez 34.5; Mt 9.36.Jesus niukami, tautuŋagai iñusalaich suli nagliksratchaŋaruq iliŋiññik, qanuq imnaisun inŋarut munaqsraitchuatun. Tavra ilaan iḷisautirraqsiqpaŋagai. 35Tavra uvlukłiaqsimman iḷitchitquraŋisa ullakługu uqallautiŋagaat, uvlukłivigruaqtuq nunaaqqiiñmiuq maani. 36Aullaqtitkich iñuich, aullaġlutiŋ nunaaqqiñun qanipayaaqtuanun tauqsiġumaut niqiksramiŋnik. 37Jesus kiuŋagai, ilivsi niġipkaqsigik. Ilaisali apiġiŋagaat, Aullaquvisigut tauqsiġiaquluta 200 taalatun niqiksraŋiññik aasii niġipkaġlugich? 38Jesus apiġiŋagai, Qavsiñik punniġutiqaqpisi? Tautugiaqsigik. Tavra iḷitchuġianikamiŋ uqallaŋarut, Tallimanik iqallugniglu malġugnik.
39Jesus uqallautiŋagai iḷitchitqurani, Qavsiuttaaġlugich aquvititquvlugich iñuich suŋaaqtuanun iviŋnun. 40Tavra aquptiŋarut qavsiuttaaqłutiŋ, tallimakipiaguttaqłutiglu, malġukipiaq quliguttaqłutiglu. 41Tavra tiguanikamigich tallimat punniġich iqalluglu, aaġluŋaruq qiḷaŋmun, aasii quyyavigivlugu God. Aasii avguqqaaqługich punniġich, qaiñŋagai iḷitchitquramiñun, niqłiqsuutigitquvlugich iñuŋnun. Iqalluk autaaŋammigik iluqaiññun. 42Iluqaġmiŋ niġiŋarut, niqinŋuġataqłutiŋ. 43Tavra iḷitchitqurat katitchiŋarut qulit malġugnik aguummaŋnik siḷiviłługich iḷakunik punniġnik iqallugniglu. 44Aasii taapkua niġiruat 5,000-guŋarut aŋutit.
Jesus Pisuaqtuq Immam Qaaŋagun
(Matthew 14.22-33; John 6.15-21)
45Tavra tavrauvvaa Jesus ikitqupiaŋagai iḷitchitqurani umiaqpauramun ayutquvlugich Bethsaida-mun, tatchim taaguŋatchianun, ilaa iñuŋnik aullaqtitchipkaqtilluni. 46Tavra iñuich aullaqtitanikamigich, ilaa aullaŋaruq iġġimun aŋaiyyuyaqtuqłuni. 47Tanuġaksimman, umiaqpauraq qitqanuiḷiŋaruq tatchim, aasii Jesus kisimġiuqłuni nunami. 48Tautuŋagai iḷitchitqurani siġġaqiruat ipuqsruqłutiŋ anuġi arguġiannaqłuni. Tavra uvluyasimman ilaan ullaŋagai pisuaqłuni immam qaaŋagun. Qaaŋiqsaġumaruatun piŋagai. 49Tavra tautukamirruŋ pisuaqtuaq qaaŋagun immam, ilitqusiunasugiŋagaat, aasii nipaalavlutiŋ. 50Qanuq iluqaġmiŋ tautuŋagaat, aasii iqsitchapiaġataŋarut. Tavra tavrauvvaa ilaan uqallautiŋagai, Quviatchaktitausitchi. Uvaŋauruŋa. Iqsiñasi. 51Tavra ikiŋaruq umiaqpauramun, suli anuġaiŋaruq. Tavra iḷitchitquraŋi kamanniupiaġataŋarut sivuniksraqsiḷḷaiŋarut, 52qanuq kaŋiqsiŋaitkaat sivuniŋa aliuġnaqtuaq savaaŋa punniġnik, ukpiġilguił̣ł̣ugu.
Jesus Iłuaqsigai Naŋittuat Gennesaret-mi
(Matthew 14.34-36)
53Tavra ikaaganikamiŋ, tikiñŋarut nunaŋannun Gennesaret aasii tulakłutiŋ nunamun. 54Tavra niuganiŋmata umiaqpauramiñ, tavrauvvaa iñuich iḷisaġiŋagaat Jesus. 55Aasii aqpanŋarut iluqaagun nunakun sumulliqaa, qaġġisivḷugich nallaviksuummaisa naŋittuat, tusaaraġikamiŋ sumiitilaaŋanik. 56Tavra sumupayauraq Jesus tikiñman, nunaaqqiñun, naagga iniqpaŋnun, naaggaunnii nautchialiqirinun, iñuich naŋittuat iḷiŋagaich apqutinun, aasii apiġipiaġataqługu aksiullagukługuunni annuġaaŋan siñiġutaa. Aasii iluqaġmiŋ aksiuktuat ilaanik iłuaqsiŋarut.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)