Mark 2
2
Jesus Iłuaqsigaa Aulalaitchuaq Iñuk
(Matthew 9.1-8; Luke 5.17-26)
1Tavra Jesus utitqiŋaruq Capernaum-mun uvluġaaġruurat pianiŋmata. Aasii tusaaŋaniġaat aiŋatilaaŋanik. 2Tavra iñugiaktuat katinŋarut atautchimun, sumikunnii iniksraiġutivlutiŋ, paakkaluamiunnii. Tavra alġaqsruiŋaruq ilaiññun. 3Tavra iñuich qaiŋarut ilaanun, qaġġisivlugu naŋittuaq avatiŋi tuquŋavlutiŋ, akigaqługu sisamat iñuich. 4Aasii qaninŋaġumiñaiññiqamirruŋ Jesus tativlutiŋ iñuich, qiḷaiŋagaat iglum qiḷaŋa nalaagun Jesus. Tavra qiḷaiganikamirruŋ niŋinŋagaat nalaruaq ikuvġamiñi aulasuił̣ł̣uni. 5Jesus puttuqsrikamiuŋ ukpiġutaat, uqallautiŋagaa aulalaitchuaq, Iġñiiŋ, piḷuutitin suliqutigiŋaiqsaurut itqaumayumiñaiqł̣ugich. 6Iḷaŋich iḷisaurrit pitquranik aquppiruat tavrani isummatiqaŋarut inna, 7Qanuqłuniuna uqaġumiñaqpa tainna God-itun? Kiñaliqaa suliqutigiŋaiqsiyumiñaitchuq piḷuutinik itqaumayumiñaiġḷugich aglaan God kisimi. 8Tavra tavrauvvaa Jesus puttuqsrikami tainna isumaniġmata, uqallautiŋagai, Summan isumavisi tamatkuniŋa? 9Nalliak siġḷiġnaitpa uqallaksaqtuni, Piḷuutitin suliqutigiŋaiqsaurut iliŋnun, naaggaunnii uqallaktuni, Makittin, tigulugich ikuvġatin, pisuaġiñ? 10Tavraasii ukpiġnaqsiḷiġniaġiga ilivsiññun Iġñiŋa Iñuum ataniġnaqutiqaqtilaaŋanik nunami suliqutigiŋaiġumiñaqługich piḷuutit. Ilaan aasii uqallautiŋagaa aulalaitchuaq iñuk, 11Uqallautigikpiñ, Makittin. Tigulugich ikuvġatin, aggiiñ iglugnun. 12Tavra tavrauvvaa ilaa makinŋaruq, tiguvlugich ikuvġani, aniŋaruq takkuanni iluqaġmiŋ. Iluqaġmiŋ kamasuŋarut, suli nanġaŋagaat God uqaqłutiŋ, Qaŋaunnii innatchimik tautuŋaitchugut.
Jesus Ququaġaa Levi
(Matthew 9.9-13; Luke 5.27-32)
13Tavra Jesus saavitqiŋaruq tatchim siñaanun, aasii iluqaġmiŋ iñusalaich ullautiŋarut ilaanun. Tavrani ilaan iḷisautiŋagai. 14Pisuallaġmi Jesus tautuŋagaa tax-nik katitchiri, Levi iġñiŋa Alphaeus, aquppiruaq akiḷiiviŋmi tax-iñik. Jesus uqallaŋaruq ilaanun, Maliŋŋa. Levi-m makiłłuni maliŋagaa Jesus.
15Qakugulimman Jesus niġiyaqtuŋaruq Levi-m igluanun. Tavrani iñugiaŋarut tax-nik katitchirit piḷuusiqirillu maliktuat Jesus-mun, aasii iḷaŋisa niġiñiaqasiqł̣ugu ilaa iḷitchitquraŋiḷu. 16Tavra iḷisaurrit pitquranik Pharisee-guruat tautukługu niġiqatiqaqtuaq tax-nik katitchirinik, piḷuusiqiriniglu, uqallautiŋagaich iḷitchitquraŋi, Qanuqłuni niġiqatiqaqpa imiqatiqaqpalu tax-nik katitchirinik piḷuusiqiriniglu? 17Jesus tusaakamiuŋ taamna, uqallaŋaruq ilaiññun, Surruitchuat taaktituaksraitchut, aglaan naŋittuat. Qaiŋaitchuŋa ququaġiaġlugich nalaunŋaruat iñuich aglaan piḷuusiqirit isumalitqiquvlugich.
Apiqqun Niġiḷaiḷaġnikun Aŋaiyyuuqłuni
(Matthew 9.14-17; Luke 5.33-39)
18Iḷaanni qakugumman iḷitchitquraŋi John Paptaiqsim Pharisee-ḷḷu niġiḷaitkayuktut aŋaiyyuuqłutiŋ. Iñuich iḷaŋich ullautiŋarut Jesus-mun aasii apiġivlugu, Summan iḷitchitquraŋi John Paptaiqsim Pharisee-ḷḷu iḷitchitquraŋich niġiḷaitchuuvat aŋaiyyuuqłutiŋ, aasii ilivich iḷitchitquratin tainna piḷaił̣ł̣utiŋ? 19Jesus kiuŋagai, Isummatigivisigik tuyuġmiat katirrusiqiruani niġiḷaitquvlugich? Sivisutilaaŋatun uiksrautim nayuutiniŋata iliŋiññun, niġiḷaiññiaŋitchut. 20Aglaan uiksrautim aullaurrauviksraŋa tikitchumaaqtuq, aasii taimanigu niġiḷaitpaallugniaqtut.
21Iñuk iḷaaqtuutiqalaitchuq iḷiġniġmik nutauruamik ugliŋaitchuamik ukił̣haamik annuġaaluŋmun, qanuq nutauruaq iḷiġniq iḷaaġutauruaq ugligluni aligaaġutiniaqtuq utuqqauruamiñ annuġaamiñ, aasii allaq aglił̣haaġluni. 22Iñuum suli immiutilaitkaa nutauruaq wine puuġruanun, qanuq nutauruam wine-gum puvlagluni qaaġniaġaa puuġruaq, aasii wine maqiluni asiñun, aasiiḷi puut maqulutiŋ. Aglaan nutauruaq wine puugaksraupiaqtuq nutauruanik puunik.
Apiqqun Jew-guruat Savaiññiŋatigun
(Matthew 12.1-8; Luke 6.1-5)
23 #
Dt 23.25. Savairvianni Jew-guruat, Jesus pisuaŋaruq palauvaksranik nautchiaqaġvikun, aasii iḷitchitquraŋi iglaullaġmiŋ nutchugairraqsiŋarut palauvaksranik. 24Pharisees uqallautiŋagaat, Tautukkich. Iḷitchitquratin navgirut Savaiññikun pitquraptignik. 25Jesus kiuŋagai, Taiguaġiŋaitpisiuŋ qaŋaunnii qanuq David piŋatilaaŋa, ilaalu iñuŋniḷu piiḷḷiuliqł̣utiŋ kaaksiuliqamiŋ? 26#Lv 24.9.#1 S 21.1-6.David isiŋaruq igluanun God-im aasii niġivḷugu punniq aitchuutauŋaruaq God-mun. Taamna piŋaruq Abiathar aŋaiyyuliqsiqpaumman. Pitqurat uqaluatigun aŋaiyyuliqsiqpaich kisimiŋ niġiyumiñakkaŋat taamna punniq. 27Jesus suli uqallaŋaruq, Savaiññiq savaaguruq anniqsuqsaqługu iñuk, iñuk savaaguŋaitchuq pisigilugu Savaiññiq. 28Iġñiŋa Iñuum ataniġnaqutiqałhaaqtuq pitquraniñ aŋalatchiruaniñ iñuŋnik Savaiññiġmi.
ទើបបានជ្រើសរើសហើយ៖
Mark 2: INUPIAQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Mark 2
2
Jesus Iłuaqsigaa Aulalaitchuaq Iñuk
(Matthew 9.1-8; Luke 5.17-26)
1Tavra Jesus utitqiŋaruq Capernaum-mun uvluġaaġruurat pianiŋmata. Aasii tusaaŋaniġaat aiŋatilaaŋanik. 2Tavra iñugiaktuat katinŋarut atautchimun, sumikunnii iniksraiġutivlutiŋ, paakkaluamiunnii. Tavra alġaqsruiŋaruq ilaiññun. 3Tavra iñuich qaiŋarut ilaanun, qaġġisivlugu naŋittuaq avatiŋi tuquŋavlutiŋ, akigaqługu sisamat iñuich. 4Aasii qaninŋaġumiñaiññiqamirruŋ Jesus tativlutiŋ iñuich, qiḷaiŋagaat iglum qiḷaŋa nalaagun Jesus. Tavra qiḷaiganikamirruŋ niŋinŋagaat nalaruaq ikuvġamiñi aulasuił̣ł̣uni. 5Jesus puttuqsrikamiuŋ ukpiġutaat, uqallautiŋagaa aulalaitchuaq, Iġñiiŋ, piḷuutitin suliqutigiŋaiqsaurut itqaumayumiñaiqł̣ugich. 6Iḷaŋich iḷisaurrit pitquranik aquppiruat tavrani isummatiqaŋarut inna, 7Qanuqłuniuna uqaġumiñaqpa tainna God-itun? Kiñaliqaa suliqutigiŋaiqsiyumiñaitchuq piḷuutinik itqaumayumiñaiġḷugich aglaan God kisimi. 8Tavra tavrauvvaa Jesus puttuqsrikami tainna isumaniġmata, uqallautiŋagai, Summan isumavisi tamatkuniŋa? 9Nalliak siġḷiġnaitpa uqallaksaqtuni, Piḷuutitin suliqutigiŋaiqsaurut iliŋnun, naaggaunnii uqallaktuni, Makittin, tigulugich ikuvġatin, pisuaġiñ? 10Tavraasii ukpiġnaqsiḷiġniaġiga ilivsiññun Iġñiŋa Iñuum ataniġnaqutiqaqtilaaŋanik nunami suliqutigiŋaiġumiñaqługich piḷuutit. Ilaan aasii uqallautiŋagaa aulalaitchuaq iñuk, 11Uqallautigikpiñ, Makittin. Tigulugich ikuvġatin, aggiiñ iglugnun. 12Tavra tavrauvvaa ilaa makinŋaruq, tiguvlugich ikuvġani, aniŋaruq takkuanni iluqaġmiŋ. Iluqaġmiŋ kamasuŋarut, suli nanġaŋagaat God uqaqłutiŋ, Qaŋaunnii innatchimik tautuŋaitchugut.
Jesus Ququaġaa Levi
(Matthew 9.9-13; Luke 5.27-32)
13Tavra Jesus saavitqiŋaruq tatchim siñaanun, aasii iluqaġmiŋ iñusalaich ullautiŋarut ilaanun. Tavrani ilaan iḷisautiŋagai. 14Pisuallaġmi Jesus tautuŋagaa tax-nik katitchiri, Levi iġñiŋa Alphaeus, aquppiruaq akiḷiiviŋmi tax-iñik. Jesus uqallaŋaruq ilaanun, Maliŋŋa. Levi-m makiłłuni maliŋagaa Jesus.
15Qakugulimman Jesus niġiyaqtuŋaruq Levi-m igluanun. Tavrani iñugiaŋarut tax-nik katitchirit piḷuusiqirillu maliktuat Jesus-mun, aasii iḷaŋisa niġiñiaqasiqł̣ugu ilaa iḷitchitquraŋiḷu. 16Tavra iḷisaurrit pitquranik Pharisee-guruat tautukługu niġiqatiqaqtuaq tax-nik katitchirinik, piḷuusiqiriniglu, uqallautiŋagaich iḷitchitquraŋi, Qanuqłuni niġiqatiqaqpa imiqatiqaqpalu tax-nik katitchirinik piḷuusiqiriniglu? 17Jesus tusaakamiuŋ taamna, uqallaŋaruq ilaiññun, Surruitchuat taaktituaksraitchut, aglaan naŋittuat. Qaiŋaitchuŋa ququaġiaġlugich nalaunŋaruat iñuich aglaan piḷuusiqirit isumalitqiquvlugich.
Apiqqun Niġiḷaiḷaġnikun Aŋaiyyuuqłuni
(Matthew 9.14-17; Luke 5.33-39)
18Iḷaanni qakugumman iḷitchitquraŋi John Paptaiqsim Pharisee-ḷḷu niġiḷaitkayuktut aŋaiyyuuqłutiŋ. Iñuich iḷaŋich ullautiŋarut Jesus-mun aasii apiġivlugu, Summan iḷitchitquraŋi John Paptaiqsim Pharisee-ḷḷu iḷitchitquraŋich niġiḷaitchuuvat aŋaiyyuuqłutiŋ, aasii ilivich iḷitchitquratin tainna piḷaił̣ł̣utiŋ? 19Jesus kiuŋagai, Isummatigivisigik tuyuġmiat katirrusiqiruani niġiḷaitquvlugich? Sivisutilaaŋatun uiksrautim nayuutiniŋata iliŋiññun, niġiḷaiññiaŋitchut. 20Aglaan uiksrautim aullaurrauviksraŋa tikitchumaaqtuq, aasii taimanigu niġiḷaitpaallugniaqtut.
21Iñuk iḷaaqtuutiqalaitchuq iḷiġniġmik nutauruamik ugliŋaitchuamik ukił̣haamik annuġaaluŋmun, qanuq nutauruaq iḷiġniq iḷaaġutauruaq ugligluni aligaaġutiniaqtuq utuqqauruamiñ annuġaamiñ, aasii allaq aglił̣haaġluni. 22Iñuum suli immiutilaitkaa nutauruaq wine puuġruanun, qanuq nutauruam wine-gum puvlagluni qaaġniaġaa puuġruaq, aasii wine maqiluni asiñun, aasiiḷi puut maqulutiŋ. Aglaan nutauruaq wine puugaksraupiaqtuq nutauruanik puunik.
Apiqqun Jew-guruat Savaiññiŋatigun
(Matthew 12.1-8; Luke 6.1-5)
23 #
Dt 23.25. Savairvianni Jew-guruat, Jesus pisuaŋaruq palauvaksranik nautchiaqaġvikun, aasii iḷitchitquraŋi iglaullaġmiŋ nutchugairraqsiŋarut palauvaksranik. 24Pharisees uqallautiŋagaat, Tautukkich. Iḷitchitquratin navgirut Savaiññikun pitquraptignik. 25Jesus kiuŋagai, Taiguaġiŋaitpisiuŋ qaŋaunnii qanuq David piŋatilaaŋa, ilaalu iñuŋniḷu piiḷḷiuliqł̣utiŋ kaaksiuliqamiŋ? 26#Lv 24.9.#1 S 21.1-6.David isiŋaruq igluanun God-im aasii niġivḷugu punniq aitchuutauŋaruaq God-mun. Taamna piŋaruq Abiathar aŋaiyyuliqsiqpaumman. Pitqurat uqaluatigun aŋaiyyuliqsiqpaich kisimiŋ niġiyumiñakkaŋat taamna punniq. 27Jesus suli uqallaŋaruq, Savaiññiq savaaguruq anniqsuqsaqługu iñuk, iñuk savaaguŋaitchuq pisigilugu Savaiññiq. 28Iġñiŋa Iñuum ataniġnaqutiqałhaaqtuq pitquraniñ aŋalatchiruaniñ iñuŋnik Savaiññiġmi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)