Mark 1
1
Alġaqsruiñiŋa John Paptaiqsim
(Matthew 3.1-12; Luke 3.1-18; John 1.19-28)
1Uvva tusaayugaaġiksuat aullaqisaaŋat Jesus Christ-kun, Iġñiŋagun God-im. 2#Ml 3.1.God-im uqaqtaa Isaiah aglaŋaruq taavrumuuna aglakamigich God-im uqaluŋi inna,
“Uvva kivgaġa, tiliñiaġiga sivuŋni itqanaiyautitqulugu tikiññiksran.
3 #
Is 40.3. Iñuk imma alġaqsruiruq nipatuvluni nunagluktuami,
Ataniq qaiyasiruq. Apqutiksriuqsiuŋ sivukkiksiḷugich.”
4Tavraasii John Paptaiqsi iñukpalliŋaruq nunagluktuami, alġaqsruivḷuni iñuich paptaiqsautquvlugich isumalitqiqqaaġlutiŋ piḷuunmiŋniñ, God-mun suliqutigiŋaiqulugich itqaumayumiñaiġḷugich piḷuutitiŋ. 5Tavra iñuich ullaaŋagaat iluqaiññiñ nunaŋiñiñ Judea-m, Jerusalem-miḷḷu, aasii paptaiqsiłłutiŋ ilaanun kuuŋani Jordan, quliaqtuqługich piḷuutitiŋ God-mun.
6 #
2 K 1.8. Tavra John annuġaaqaŋaruq pikukturuam kakaktim amianik, tavsiqaqłuniḷu qisiŋmik, suli niqiqaqłuni nuttagayuŋnik qupilġunik, honey-miglu paqinnaqtuamik nunagluktuami. 7Suli alġaqsruiŋaruq uqaqłuni, Imma qairuaqaqtuq aqupkun sapiġñałhaaqtuamik uvamniñ, siŋiqsuutiŋik aluġutikisa nalliummatiŋitchuŋa putchumiñaġluŋa siŋiiyaġuglugu. 8Uvaŋa paptaiġivsi imiġmik, aglaan ilaan iḷiñiaġaa Ilitqusiġiksuaq iḷuvsiññun.
Paptaiqsauniŋa Ikł̣igutchaktinniaġusiaŋalu Jesus
(Matthew 3.13—4.11; Luke 3.21-22; 4.1-13)
9Taipkunani uvluni, Jesus qaiŋaruq iniqpaŋmiñ Nazareth-miñ, Galilee-miittuamiñ, aasii paptaiqsiłłuni John-mun kuuŋmi Jordan-mi. 10Tavra tavrauvvaa qakikami immamiñ, Jesus tautuŋagaa qiḷak aŋmaqtuaq, suli Ilitqusiġiksuaq tiŋmiatun atqaqtuaq inmiñun. 11#Gn 22.2; Ps 2.7; Is 42.1; Mt 3.17; 12.18; Mk 9.7; Lk 3.22.Tavra tusaaŋagaa nipi qiḷaŋmiñ, Ilivich piviuttaġivlutin Iġñiġigikpiñ, iviġaummatigilluataġikpiñ.
12Tavra tavrauvvaa Ilitqusiġiksuam aullautiŋagaa nunagluktuamun. 13Tavra Jesus nunagluktuamiinŋaruq malġukipiani uvluni. Aasii Satan-gum ikł̣igutchaktinniaŋagaa. Iqsiñaqtuat niġrutit tavraniinŋammiut, aasii isaġulgich qaivḷutiŋ ikayuŋagaat Jesus.
Jesus Ququaġai Sisamat Iqaluŋniaqtit
(Matthew 4.12-22; Luke 4.14-15; 5.1-11)
14Tavra John tigutaaqtauganiŋman, Jesus Galilee-muŋaruq alġaqsruivḷuni tusaayugaaġiksuanik God-miñ, 15#Mt 3.2.uqaqłuni, Piviksraq nalautittuq, God-im atanniqsimasaaqsigai iñuich. Isumalitqigitchi. Ukpiġisiuŋ tusaayugaaġiksuaq.
16Tavra Jesus pisuaġniallaġmi siñiqsraqługu tasia Galilee-m, tautuŋagaa Simon Andrew-lu aniqataa kuvriqsuak tatchimun, iqalugniaqtauvlutik. 17Tavra Jesus uqallautiŋagik, Maliktinŋa. Iqalugniaġusiptiktun, iḷisautiniaġiptik iñunnagniaġniġmik. 18Tavra tavrauvvaa qimaŋagaik kuvratik, aasii malikługu. 19Ayuuġuraanilgiññami tavraŋŋa, tautuŋagik aniqatigiik James-lu, John-lu, iġñiŋik Zebedee-m, umiaqpauramiinniqsuat aapariglu, allaiyaqługich kuvratik. 20Tavra tautupqaqamigik ququaŋagik, aasii iliŋikta qimakługu aapariŋ Zebedee umiaqpauramun tuvaaqatiqaqługu akiññagniaqtuanik kivganik, maliŋagaak Jesus.
Iñuk Ilitqusiqł̣ulik
(Luke 4.31-37)
21Tavra Capernaum-muŋarut. Aasii tavrauvva Jew-guruat Savairvianni, Jesus aŋaiyyuliaŋaruq, aasii iḷisaurrivḷuni. 22#Mt 7.28, 29.Tavra iñuich kamasuŋarut iḷisaurrutiŋigun, qanuq ilaan iḷisaurrutiŋi kamanaŋarut. Iḷisaurriŋaitchuq pitquranik iḷisaurritun.
23Tavra aŋaiyyuviŋmiinŋaruq iñuk ilitqusiqł̣uqaqtuaq, aasii nipaalaŋaruq, 24uqaqłuni, Jesus Nazareth-miu, summan iḷaksiavisigut? Uvaniitpich suksraunġiġukłuta? Iḷisimagiga kiutilaan. Ilivich piḷuutaitchuaq God-im pia. 25Tavra Jesus suaŋagaa uqaqłuni, Nipaisaaġiñ. Anniiñ ilaaniñ. 26Tavra ilitqusiqł̣uum uuliksipkasugruŋagaa suli nipaalavluni aniŋaruq ilaaniñ. 27Tavra iluqaġmiŋ kamanniuŋarut, kamasukpaił̣ł̣utiŋ apiqsruqtuutiŋarut ilimiŋnun, Sunauna? Nutauruaq iḷisaurrun? Ataniġnaqutiqaqłuni piraksriḷḷagai ilitqusiqł̣uich, aasii ilaisa kamagillavlugu. 28Tavra Jesus tusaaŋagaat aliuġnaġniŋa uqaluk siamiłłuni qilamik sumulliqaa nunaaqqiñun Galilee-mi.
Jesus Iłuaqsigai Iñugiaktuat Iñuich
(Matthew 8.14-17; Luke 4.38-41)
29Tavra anikamiŋ aŋaiyyuviŋmiñ, tavrauvvaa isiŋarut igluagnun Simon-lu Andrew-vlu, tuvaaqatigivlugik James-lu John-lu. 30Tavra Simon aakaruaŋa nalaŋaruq naŋiłłuni uunaqsivḷuni, aasii tavrauvvaa uqallautiŋagaat Jesus. 31Tavra ullakługu tiguŋagaa argaŋigun, aasii makitiłługu. Suli tavrauvvaa uunnautaiŋaruq, aasii niqłiuġutiaqsivḷugich.
32Tavra anaqaksraaġman, siqiñiq nipianiŋman, Jesus-muutiŋagaich iluqaisa naŋirrutilgich, tamatkualu ilitqusiqł̣uqaqtuat. 33Tavra iñupayaaŋi iniqpaum katinŋarut sivuġaanun iglum. 34Aasii ilaan iluaqsiŋagai iñugiaktuat naŋirrutilgich qanusiḷimaanik, suli aniłługich iñugiaktuat ilitqusiqł̣uich. Suli ilitqusiqł̣uich uqaqtaiḷivḷugich qanuq iḷisimaŋagaat kiutilaaŋanik.
Jesus Alġaqsruiruq Galilee-mi
(Luke 4.42-44)
35Tavra uvlaami Jesus itiqłuni uvluġiaġituŋŋaan aniŋaruq, aasii aullaqłuni iñuił̣aamun aŋaiyyuŋaruq. 36Tavra Simon piqatiniḷu aullaŋarut ivaġiaqługu, 37aasii paqinnamirruŋ uqallautiŋagaat, Iñupayaat ivaqłiarut iliŋnik. 38Tavra ilaan uqallautiŋagai, Aullaqta tuglivsiŋñun nunaaqqiñun alġaqsruimmiyumauŋa taamani. Tainnaġiaqłuŋa qaiŋaruŋa. 39#Mt 4.23; 9.35.Tavra alġaqsruiŋaruq aŋaiyyuviŋiññi iluqaani Galilee-mi, anittaqługiḷḷu ilitqusiqł̣uich iñuŋniñ.
Jesus Mamititkaa Kiḷḷiġruaqtuqtuaq
(Matthew 8.1-4; Luke 5.12-16)
40Tavra kiḷḷiġruaqtuqtuaq ullautiŋaruq ilaanun aasii sitquqłuni qasiḷivḷugu uqaqłuni, Pisukkuvich mamititchumiñaġiŋma. 41Tavra Jesus nagliksratchakłuni isaaŋaruq, aasii aksiukługu uqallautiŋagaa, Piyummatiqaqtuŋa. Mamittin. 42Tavrauvvaa kiḷḷiġruaŋi maminŋarut, aasii salummaqłuni. 43Tavra aullaqtitchaqamiuŋ, uqaullaapiaġataŋagaa, 44#Lv 14.1-32.Sumikunnii uqaġnak taavrumiŋa kimulliqaa. Aglaan aŋaiyyuliqsiqpaŋmugiñ qanuqitilaaġiaġlutin, aasii aitchuiḷutin ikipkautinik Moses piraksriutiŋiñik, ukpiġnaqsisaġlugu paŋmapak salumasisilaan. 45Aglaan aullaqami quliaqtuaqsautigillaġmi piŋaruq sumulliqaa. Quliaqtuaqpaił̣ł̣uni Jesus isiġumiñaiŋagaa iniqpaŋnun takkuqsraġlugich iñuich. Tavra nunagluktuamiinŋaruq, aasii iñuich qaiguŋarut ilaanun sumiḷḷiqaa.
ទើបបានជ្រើសរើសហើយ៖
Mark 1: INUPIAQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Mark 1
1
Alġaqsruiñiŋa John Paptaiqsim
(Matthew 3.1-12; Luke 3.1-18; John 1.19-28)
1Uvva tusaayugaaġiksuat aullaqisaaŋat Jesus Christ-kun, Iġñiŋagun God-im. 2#Ml 3.1.God-im uqaqtaa Isaiah aglaŋaruq taavrumuuna aglakamigich God-im uqaluŋi inna,
“Uvva kivgaġa, tiliñiaġiga sivuŋni itqanaiyautitqulugu tikiññiksran.
3 #
Is 40.3. Iñuk imma alġaqsruiruq nipatuvluni nunagluktuami,
Ataniq qaiyasiruq. Apqutiksriuqsiuŋ sivukkiksiḷugich.”
4Tavraasii John Paptaiqsi iñukpalliŋaruq nunagluktuami, alġaqsruivḷuni iñuich paptaiqsautquvlugich isumalitqiqqaaġlutiŋ piḷuunmiŋniñ, God-mun suliqutigiŋaiqulugich itqaumayumiñaiġḷugich piḷuutitiŋ. 5Tavra iñuich ullaaŋagaat iluqaiññiñ nunaŋiñiñ Judea-m, Jerusalem-miḷḷu, aasii paptaiqsiłłutiŋ ilaanun kuuŋani Jordan, quliaqtuqługich piḷuutitiŋ God-mun.
6 #
2 K 1.8. Tavra John annuġaaqaŋaruq pikukturuam kakaktim amianik, tavsiqaqłuniḷu qisiŋmik, suli niqiqaqłuni nuttagayuŋnik qupilġunik, honey-miglu paqinnaqtuamik nunagluktuami. 7Suli alġaqsruiŋaruq uqaqłuni, Imma qairuaqaqtuq aqupkun sapiġñałhaaqtuamik uvamniñ, siŋiqsuutiŋik aluġutikisa nalliummatiŋitchuŋa putchumiñaġluŋa siŋiiyaġuglugu. 8Uvaŋa paptaiġivsi imiġmik, aglaan ilaan iḷiñiaġaa Ilitqusiġiksuaq iḷuvsiññun.
Paptaiqsauniŋa Ikł̣igutchaktinniaġusiaŋalu Jesus
(Matthew 3.13—4.11; Luke 3.21-22; 4.1-13)
9Taipkunani uvluni, Jesus qaiŋaruq iniqpaŋmiñ Nazareth-miñ, Galilee-miittuamiñ, aasii paptaiqsiłłuni John-mun kuuŋmi Jordan-mi. 10Tavra tavrauvvaa qakikami immamiñ, Jesus tautuŋagaa qiḷak aŋmaqtuaq, suli Ilitqusiġiksuaq tiŋmiatun atqaqtuaq inmiñun. 11#Gn 22.2; Ps 2.7; Is 42.1; Mt 3.17; 12.18; Mk 9.7; Lk 3.22.Tavra tusaaŋagaa nipi qiḷaŋmiñ, Ilivich piviuttaġivlutin Iġñiġigikpiñ, iviġaummatigilluataġikpiñ.
12Tavra tavrauvvaa Ilitqusiġiksuam aullautiŋagaa nunagluktuamun. 13Tavra Jesus nunagluktuamiinŋaruq malġukipiani uvluni. Aasii Satan-gum ikł̣igutchaktinniaŋagaa. Iqsiñaqtuat niġrutit tavraniinŋammiut, aasii isaġulgich qaivḷutiŋ ikayuŋagaat Jesus.
Jesus Ququaġai Sisamat Iqaluŋniaqtit
(Matthew 4.12-22; Luke 4.14-15; 5.1-11)
14Tavra John tigutaaqtauganiŋman, Jesus Galilee-muŋaruq alġaqsruivḷuni tusaayugaaġiksuanik God-miñ, 15#Mt 3.2.uqaqłuni, Piviksraq nalautittuq, God-im atanniqsimasaaqsigai iñuich. Isumalitqigitchi. Ukpiġisiuŋ tusaayugaaġiksuaq.
16Tavra Jesus pisuaġniallaġmi siñiqsraqługu tasia Galilee-m, tautuŋagaa Simon Andrew-lu aniqataa kuvriqsuak tatchimun, iqalugniaqtauvlutik. 17Tavra Jesus uqallautiŋagik, Maliktinŋa. Iqalugniaġusiptiktun, iḷisautiniaġiptik iñunnagniaġniġmik. 18Tavra tavrauvvaa qimaŋagaik kuvratik, aasii malikługu. 19Ayuuġuraanilgiññami tavraŋŋa, tautuŋagik aniqatigiik James-lu, John-lu, iġñiŋik Zebedee-m, umiaqpauramiinniqsuat aapariglu, allaiyaqługich kuvratik. 20Tavra tautupqaqamigik ququaŋagik, aasii iliŋikta qimakługu aapariŋ Zebedee umiaqpauramun tuvaaqatiqaqługu akiññagniaqtuanik kivganik, maliŋagaak Jesus.
Iñuk Ilitqusiqł̣ulik
(Luke 4.31-37)
21Tavra Capernaum-muŋarut. Aasii tavrauvva Jew-guruat Savairvianni, Jesus aŋaiyyuliaŋaruq, aasii iḷisaurrivḷuni. 22#Mt 7.28, 29.Tavra iñuich kamasuŋarut iḷisaurrutiŋigun, qanuq ilaan iḷisaurrutiŋi kamanaŋarut. Iḷisaurriŋaitchuq pitquranik iḷisaurritun.
23Tavra aŋaiyyuviŋmiinŋaruq iñuk ilitqusiqł̣uqaqtuaq, aasii nipaalaŋaruq, 24uqaqłuni, Jesus Nazareth-miu, summan iḷaksiavisigut? Uvaniitpich suksraunġiġukłuta? Iḷisimagiga kiutilaan. Ilivich piḷuutaitchuaq God-im pia. 25Tavra Jesus suaŋagaa uqaqłuni, Nipaisaaġiñ. Anniiñ ilaaniñ. 26Tavra ilitqusiqł̣uum uuliksipkasugruŋagaa suli nipaalavluni aniŋaruq ilaaniñ. 27Tavra iluqaġmiŋ kamanniuŋarut, kamasukpaił̣ł̣utiŋ apiqsruqtuutiŋarut ilimiŋnun, Sunauna? Nutauruaq iḷisaurrun? Ataniġnaqutiqaqłuni piraksriḷḷagai ilitqusiqł̣uich, aasii ilaisa kamagillavlugu. 28Tavra Jesus tusaaŋagaat aliuġnaġniŋa uqaluk siamiłłuni qilamik sumulliqaa nunaaqqiñun Galilee-mi.
Jesus Iłuaqsigai Iñugiaktuat Iñuich
(Matthew 8.14-17; Luke 4.38-41)
29Tavra anikamiŋ aŋaiyyuviŋmiñ, tavrauvvaa isiŋarut igluagnun Simon-lu Andrew-vlu, tuvaaqatigivlugik James-lu John-lu. 30Tavra Simon aakaruaŋa nalaŋaruq naŋiłłuni uunaqsivḷuni, aasii tavrauvvaa uqallautiŋagaat Jesus. 31Tavra ullakługu tiguŋagaa argaŋigun, aasii makitiłługu. Suli tavrauvvaa uunnautaiŋaruq, aasii niqłiuġutiaqsivḷugich.
32Tavra anaqaksraaġman, siqiñiq nipianiŋman, Jesus-muutiŋagaich iluqaisa naŋirrutilgich, tamatkualu ilitqusiqł̣uqaqtuat. 33Tavra iñupayaaŋi iniqpaum katinŋarut sivuġaanun iglum. 34Aasii ilaan iluaqsiŋagai iñugiaktuat naŋirrutilgich qanusiḷimaanik, suli aniłługich iñugiaktuat ilitqusiqł̣uich. Suli ilitqusiqł̣uich uqaqtaiḷivḷugich qanuq iḷisimaŋagaat kiutilaaŋanik.
Jesus Alġaqsruiruq Galilee-mi
(Luke 4.42-44)
35Tavra uvlaami Jesus itiqłuni uvluġiaġituŋŋaan aniŋaruq, aasii aullaqłuni iñuił̣aamun aŋaiyyuŋaruq. 36Tavra Simon piqatiniḷu aullaŋarut ivaġiaqługu, 37aasii paqinnamirruŋ uqallautiŋagaat, Iñupayaat ivaqłiarut iliŋnik. 38Tavra ilaan uqallautiŋagai, Aullaqta tuglivsiŋñun nunaaqqiñun alġaqsruimmiyumauŋa taamani. Tainnaġiaqłuŋa qaiŋaruŋa. 39#Mt 4.23; 9.35.Tavra alġaqsruiŋaruq aŋaiyyuviŋiññi iluqaani Galilee-mi, anittaqługiḷḷu ilitqusiqł̣uich iñuŋniñ.
Jesus Mamititkaa Kiḷḷiġruaqtuqtuaq
(Matthew 8.1-4; Luke 5.12-16)
40Tavra kiḷḷiġruaqtuqtuaq ullautiŋaruq ilaanun aasii sitquqłuni qasiḷivḷugu uqaqłuni, Pisukkuvich mamititchumiñaġiŋma. 41Tavra Jesus nagliksratchakłuni isaaŋaruq, aasii aksiukługu uqallautiŋagaa, Piyummatiqaqtuŋa. Mamittin. 42Tavrauvvaa kiḷḷiġruaŋi maminŋarut, aasii salummaqłuni. 43Tavra aullaqtitchaqamiuŋ, uqaullaapiaġataŋagaa, 44#Lv 14.1-32.Sumikunnii uqaġnak taavrumiŋa kimulliqaa. Aglaan aŋaiyyuliqsiqpaŋmugiñ qanuqitilaaġiaġlutin, aasii aitchuiḷutin ikipkautinik Moses piraksriutiŋiñik, ukpiġnaqsisaġlugu paŋmapak salumasisilaan. 45Aglaan aullaqami quliaqtuaqsautigillaġmi piŋaruq sumulliqaa. Quliaqtuaqpaił̣ł̣uni Jesus isiġumiñaiŋagaa iniqpaŋnun takkuqsraġlugich iñuich. Tavra nunagluktuamiinŋaruq, aasii iñuich qaiguŋarut ilaanun sumiḷḷiqaa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)