1 Corinthians 7
7
Apiqqutit Katitinnikun
1Paŋmapak sivuniġilavut qanuqirrutit tuyuutitigun apiqsruqtuutigirasi. Piḷḷuatauruq aŋun nuliagitkumi. 2Aglaan pisigilugu ikł̣igutchaktitauniaġniq allatuunmun, iñullaa nanmiñiq nuliaqaġli suli aġnallaa nanmiñiq uiqaġluni. 3Aŋun taŋŋiimaaqtuksrauruq uiguruam piraksraŋiñik nuliamiñun, tainnatuttauq aġnaq piruksraummiuq uimiñun. Avanmun anniqsuutigiiksuksrauruk pigiraksraġikkaġmikkun. 4Nuliaguruam kisimiñun pimaaqtuġumiñaitkaa timini, uiŋata pigimmigaa. Tainnatuttauq uiguruam kisimiñun pimaaqtuġumiñaiñmigaa timini, nuliaŋan pigimmigaa. 5Pisuŋirrutinatik avanmun aglaan sivunniullaŋaguptik qanutun killiksriġḷutik aŋaiyyuuqtuallagniksraptiŋnun. Aglaan atautchimuvsaaġumautik, iḷaanni Satan-gum ikł̣igutchaktinniaqpiaġaatik pisigilugu aŋalalluatalguiññiqtik ilivsiŋñun. 6Taamna uqausiġigiga, tuvaaqatinigukpan iñuk piñaġumiñaqsivḷugu, pitqurriutipiaġlugu piŋitkiga. 7Piyummatigigaluaġmigiga iñupayaaq iñuuniallatquvlugu tuvaaqataiḷḷuni uvaptuttauq, aglaan ukpiqtuallaat inmikkun aitchuusiaqaqłutiŋ God-miñ, iḷaŋich tuvaaqatinikkumiñaqłutiŋ, aasiivsauq allat tuvaaqataiḷḷutiŋ.
8Tuvaaqatiniŋaitchuanun uiḷgaŋaruanullu uqallaktuŋa, iłuaqtuagunivḷugu iliŋich itpata tuvaaqataiḷḷutiŋ uvaptun. 9Aglaan aŋalattaġilguitparruŋ inmun qaunakkutilluataq tuvaaqatiniktuksraurut. Qanuq iłuałhaaqtuq tuvaaqatiniktuni, ataramik nagriaġipkaġniġmiñ timim pisuutaanun.
10 #
Mt 5.32; 19.9; Mk 10.11, 12; Lk 16.18. Tuvaaqatiniŋaruanun piraksriiruŋa, ami uvaŋapiaŋiḷaaq aglaan Ataniq, nuliaguruaq avinnani uimiñiñ. 11Aglaan avinniġumi, tuvaaqataiḷaġli naaggaqaa iḷammiutqigḷi uimiñun. Aasiisuli piraksriiruŋa uiguruam avitaksraġiŋitkaa nuliani.
12Allanulli uqallaktuŋa, Ataniŋiḷaaq, kiñaliqaa aniqan tuvaaqatiqaqtuaq ukpiqtuaguŋitchuamik, aasii aġnaata iviġaumagilugu iñuuqatiginiŋa ilaa, ilaan avitaksraġiŋitkaa aġnaqtiŋ. 13Tainnatuttauq kiñaliqaa aġnaq tuvaaqatiqaġumi ukpiŋaitchuamik, uiŋata iviġaumagilugu iñuuqatigikpagu, aġnaata avitaksraġiŋitkaa uiñi. 14Qanuq ukpiŋaitchuaq uiŋa atausiŋŋuqatauŋavluni ukpiŋaruamun nuliamiñun katitinnamiŋ, qallił̣haaqtuq God-mun tuvaaqatiniŋaiññiġmiñiñ ukpiqtuamik. Tainnatuttauq ukpiŋaitchuaguluni nuliaguruaq qallił̣haaġmiuq God-mun atausiŋŋuqatigiŋavlugu uiñiktaani ukpiqtuaguruaq. Tamatkua tainnainŋitpata, miqłiqtusi avinŋanayaqtut God-miñ, tainnainniġmata iliŋich ilaaguaqtaurut God-mun. 15Aglaan ukpiŋaitchuaq tuvaaqatauruaq avitchuaqsikpan, tainna piḷi. Tainna pianikpan, ukpiqtuaguruaq, aŋun naagga aġnaq, pituummiŋaiqsuq tuvaaqanmiñun. Qanuq God-im ququaŋagaatigut iñuutquvluta aŋuyautairrunmi. 16Nuliaguruatiin, avinŋitkupku uigikkan iḷaanni annaurraupkaġniaġiñ. Tainnatuttauq uiguruatiin, avinŋitkupku nuliaġikkan iḷaanni annaurraupkaġniaġmigiñ.
Iñuusitchi God-im Iñuutqutaa Tuvraġlugu
17Aglaan sivunniiguvsi tamatkuniŋa nalupqigiŋiḷḷugu piyumausi iñuutilaaqsi God-im sivunniutaa tuvraqługu ilivsiññun, illusi irrusiġiŋaravsiññi ukpiqqaaqavsi. Taamna pitqurriutigigiga iluqaiññun aŋaiyyuliqiruanun sumiḷiqaa. 18Uvvauna sivuniġigiga. Ukpiqtuaġuŋaruaq nalunaiñŋutaqaaniŋagumi timimiñi Jew-guruatun, ukpiqtitauŋaiñŋaġmi, piiġñiataŋaiḷḷiuŋ nalunaiñŋutani. Aasiivsauq ukpiqtuaġuŋaruaq nalunaiñŋutchiqsauŋaiñŋaġmi Jew-guruatun, nalunaiñŋutchiġñiataktuksrauŋiñmiuq. 19Qanuq nalunaiñŋutchiqsauniq naagga nalunaiñŋutchiqsauŋaiññiġḷu suliqutauŋitchuk God-mun. Naumałhaaqtuq kamagiruni God-im pitquraŋi. 20Iñupayaaq iñuuruksrauruq irrutchimi irvigikkaġmiñi ukpiqtitauqqaaqami. 21Kivgauruaguŋavich ukpiqtitauqqaaqavich? Suliqutiginagu. Aglaan atanġiqsitauyumiñaġuvich, piññaktaaġisaġniaġumagiñ piviksriqsauguvich. 22Iñuk kivgaullaġmi ukpiliqsitauŋaruaq Ataniġmun, atanġitchuq Atanġum sivuġaani. Tainnatuttauq iñuk kivgauŋitchuaq ukpiliqsitaukami, Christ-mun kivgaliutiruq. 23Christ tauqsiŋagaasi, akiḷiutivlusi tuquvluni pisivlusi. Tavraasii ilaa kamagiłhamaagaksraġigiksi tamatkunaŋŋaunnii atanaurauruaniñ nunami. 24Tavra aniqatiit qanusipayaami irviqaŋagumi iñullaa ukpiqtitauqqaaqami, tavrani illi piqatigilugu God.
Apiqqutit Tuvaaqatiniŋaitchuatigun Uiḷgaŋaruatigullu
25Paŋmapagli sivuniġilugich tuvaaqataitchuat, pitqurriutiksraitchuŋa Ataniġmiñ. Aglaan ukpiġnaqtuaguvluŋa kivgaunimni nagliktuutaagun Atanġum, qaitkiga uvaŋa isummatiga. 26Isumaruŋa nalaunŋanasugalugu iñuk iñuukpan irrusiġikkaġmisun, pisigilugu tavraġuqtuaq iłuiḷḷiuġun. 27Tuvaaqatiqaqpich? Avinniaqsaanak. Tuvaaqataitpich? Tuvaaqataiḷaaġiñ. 28Aglaan tuvaaqatinikkuvich piḷuksiŋitchutin. Suli niviaqsiaq tuvaaqatinikkumi piḷuksiŋitchuq. Aglaattauq tamatkua tuvaaqatiniktuat isumaaluutiqałhaaġniaqtut tuvaaqataitchuaniñ, aasii taavrumaŋŋa isumaaluutivsaaksramiñ piisitchukkivsi. 29Uvva una sivuniġigiga aniqatiit. Savaurriviksraq Ataniġmik sivikłipiaġataġman, paŋmapaŋmiñ aglaan tamatkua tuvaaqatiqaqtuat savautilirruŋ Ataniq tuvaaqataitchuatun iḷiḷutiŋ. 30Tainnatuttauq ipiqtusuutit, naagga quviasuutit, naagga suġalġich piñaiḷutchiqsuqtaksraġiŋitkaatigut savaurriñiksraptiŋniñ Ataniġmik. 31Tamatkualu atugaqaqtuat nunam piŋiñik piññagniaqsiññaġniġmun iñuuŋaiġḷutiŋ, qanuq manna nuna suġauttaqtuummaġmi piiġumaaqtuq.
32Isumaaluutiqaquŋitkivsi. Tuvaaqataitchuaq isumasuŋaiññaġuuruq qanutchikun savautiyumiñaqtilaaŋanik Ataniq, ataramik iviġagukługu. 33Aglaalli tuvaaqatiqaqtuaq isumasuŋaiññaġuuruq nunam suġautaŋiñun, qanuġlugu iviġagumavlugu nuliani. 34Tainnainniġman, iviġagniatagligik iluqaaktun Ataniġlu nulianiḷu. Tainnatuttauq tuvaaqataitchuaq aġnaq isumaqasuŋaiññaġuuruq qanuġluni savautilluatapiaġumiñaqtilaaŋanik Ataniq iñuggunmiñik iluqaanik. Aglaalli tuvaaqatiqaqtuaq aġnaq isummatiqasuŋaiññaġuuruq nunam suġauttaŋiñik, iviġagumavlugu uiñi. 35Uqautigivsi tamatkuniŋa ikayuqsaqłusi, suli iñuuniaġniq siġḷiġnaiqsaqługu ilivsiññun. Pitqugivsi sunik nalaunŋaruanik savautilluataquvlugu Ataniq pisuqtilaavsisun avigaaŋaŋaiġḷusi.
36Iññuk piksrautigiiksinŋaruak katititchumaŋaiġumiŋ pisigilugu savaurriñiq Ataniġmik aasii aŋutim piḷḷuatapiaŋaiqpagu tuvaaqatiksrautini katitinŋaiḷġataqłutiŋ utuqqalisaiññaġmipkaġlugu suli ilaan pisuutini ilaanun suaŋavluni, katitillik. Taamna piḷuutaiuŋitchuq. 37Aglaattauq aŋun sivunnipiaŋagumi katitinŋisaaġugluni nuliaksraunmiñun, isumaqaġumi katitinŋaisaallagugluni pisigilugu aŋalalluataqługu kipiġniuġutini nuliaksraunmiñun, katitinŋaisaaġumi piḷḷuataġmiuq. 38Tavra taamna katitittuaq nuliaksrautigikkaġmiñun piḷḷuataqtuq aasii taamna katitinŋaitchuaq piḷḷuatałhaaġniaqtuq.
39Nuliaguruaq pituummiruq uimiñun iñuuniqtutilaaŋatun uiñi. Uiguruaq tuqukpan, nuliaguruaq atanġitchuq tuvaaqasiutisukkumi kimik pisukkumi, aglaan uiñigluni ukpiqtuaguruamik. 40Aglaalli uvaŋa isummatimni quviasułhaaġniaqtuq kisimġiuqtuaġumi. Piraksriġasugigivsi taavrumiŋa Ilitqusiġiksuaŋaniñ God-im.
ទើបបានជ្រើសរើសហើយ៖
1 Corinthians 7: INUPIAQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
1 Corinthians 7
7
Apiqqutit Katitinnikun
1Paŋmapak sivuniġilavut qanuqirrutit tuyuutitigun apiqsruqtuutigirasi. Piḷḷuatauruq aŋun nuliagitkumi. 2Aglaan pisigilugu ikł̣igutchaktitauniaġniq allatuunmun, iñullaa nanmiñiq nuliaqaġli suli aġnallaa nanmiñiq uiqaġluni. 3Aŋun taŋŋiimaaqtuksrauruq uiguruam piraksraŋiñik nuliamiñun, tainnatuttauq aġnaq piruksraummiuq uimiñun. Avanmun anniqsuutigiiksuksrauruk pigiraksraġikkaġmikkun. 4Nuliaguruam kisimiñun pimaaqtuġumiñaitkaa timini, uiŋata pigimmigaa. Tainnatuttauq uiguruam kisimiñun pimaaqtuġumiñaiñmigaa timini, nuliaŋan pigimmigaa. 5Pisuŋirrutinatik avanmun aglaan sivunniullaŋaguptik qanutun killiksriġḷutik aŋaiyyuuqtuallagniksraptiŋnun. Aglaan atautchimuvsaaġumautik, iḷaanni Satan-gum ikł̣igutchaktinniaqpiaġaatik pisigilugu aŋalalluatalguiññiqtik ilivsiŋñun. 6Taamna uqausiġigiga, tuvaaqatinigukpan iñuk piñaġumiñaqsivḷugu, pitqurriutipiaġlugu piŋitkiga. 7Piyummatigigaluaġmigiga iñupayaaq iñuuniallatquvlugu tuvaaqataiḷḷuni uvaptuttauq, aglaan ukpiqtuallaat inmikkun aitchuusiaqaqłutiŋ God-miñ, iḷaŋich tuvaaqatinikkumiñaqłutiŋ, aasiivsauq allat tuvaaqataiḷḷutiŋ.
8Tuvaaqatiniŋaitchuanun uiḷgaŋaruanullu uqallaktuŋa, iłuaqtuagunivḷugu iliŋich itpata tuvaaqataiḷḷutiŋ uvaptun. 9Aglaan aŋalattaġilguitparruŋ inmun qaunakkutilluataq tuvaaqatiniktuksraurut. Qanuq iłuałhaaqtuq tuvaaqatiniktuni, ataramik nagriaġipkaġniġmiñ timim pisuutaanun.
10 #
Mt 5.32; 19.9; Mk 10.11, 12; Lk 16.18. Tuvaaqatiniŋaruanun piraksriiruŋa, ami uvaŋapiaŋiḷaaq aglaan Ataniq, nuliaguruaq avinnani uimiñiñ. 11Aglaan avinniġumi, tuvaaqataiḷaġli naaggaqaa iḷammiutqigḷi uimiñun. Aasiisuli piraksriiruŋa uiguruam avitaksraġiŋitkaa nuliani.
12Allanulli uqallaktuŋa, Ataniŋiḷaaq, kiñaliqaa aniqan tuvaaqatiqaqtuaq ukpiqtuaguŋitchuamik, aasii aġnaata iviġaumagilugu iñuuqatiginiŋa ilaa, ilaan avitaksraġiŋitkaa aġnaqtiŋ. 13Tainnatuttauq kiñaliqaa aġnaq tuvaaqatiqaġumi ukpiŋaitchuamik, uiŋata iviġaumagilugu iñuuqatigikpagu, aġnaata avitaksraġiŋitkaa uiñi. 14Qanuq ukpiŋaitchuaq uiŋa atausiŋŋuqatauŋavluni ukpiŋaruamun nuliamiñun katitinnamiŋ, qallił̣haaqtuq God-mun tuvaaqatiniŋaiññiġmiñiñ ukpiqtuamik. Tainnatuttauq ukpiŋaitchuaguluni nuliaguruaq qallił̣haaġmiuq God-mun atausiŋŋuqatigiŋavlugu uiñiktaani ukpiqtuaguruaq. Tamatkua tainnainŋitpata, miqłiqtusi avinŋanayaqtut God-miñ, tainnainniġmata iliŋich ilaaguaqtaurut God-mun. 15Aglaan ukpiŋaitchuaq tuvaaqatauruaq avitchuaqsikpan, tainna piḷi. Tainna pianikpan, ukpiqtuaguruaq, aŋun naagga aġnaq, pituummiŋaiqsuq tuvaaqanmiñun. Qanuq God-im ququaŋagaatigut iñuutquvluta aŋuyautairrunmi. 16Nuliaguruatiin, avinŋitkupku uigikkan iḷaanni annaurraupkaġniaġiñ. Tainnatuttauq uiguruatiin, avinŋitkupku nuliaġikkan iḷaanni annaurraupkaġniaġmigiñ.
Iñuusitchi God-im Iñuutqutaa Tuvraġlugu
17Aglaan sivunniiguvsi tamatkuniŋa nalupqigiŋiḷḷugu piyumausi iñuutilaaqsi God-im sivunniutaa tuvraqługu ilivsiññun, illusi irrusiġiŋaravsiññi ukpiqqaaqavsi. Taamna pitqurriutigigiga iluqaiññun aŋaiyyuliqiruanun sumiḷiqaa. 18Uvvauna sivuniġigiga. Ukpiqtuaġuŋaruaq nalunaiñŋutaqaaniŋagumi timimiñi Jew-guruatun, ukpiqtitauŋaiñŋaġmi, piiġñiataŋaiḷḷiuŋ nalunaiñŋutani. Aasiivsauq ukpiqtuaġuŋaruaq nalunaiñŋutchiqsauŋaiñŋaġmi Jew-guruatun, nalunaiñŋutchiġñiataktuksrauŋiñmiuq. 19Qanuq nalunaiñŋutchiqsauniq naagga nalunaiñŋutchiqsauŋaiññiġḷu suliqutauŋitchuk God-mun. Naumałhaaqtuq kamagiruni God-im pitquraŋi. 20Iñupayaaq iñuuruksrauruq irrutchimi irvigikkaġmiñi ukpiqtitauqqaaqami. 21Kivgauruaguŋavich ukpiqtitauqqaaqavich? Suliqutiginagu. Aglaan atanġiqsitauyumiñaġuvich, piññaktaaġisaġniaġumagiñ piviksriqsauguvich. 22Iñuk kivgaullaġmi ukpiliqsitauŋaruaq Ataniġmun, atanġitchuq Atanġum sivuġaani. Tainnatuttauq iñuk kivgauŋitchuaq ukpiliqsitaukami, Christ-mun kivgaliutiruq. 23Christ tauqsiŋagaasi, akiḷiutivlusi tuquvluni pisivlusi. Tavraasii ilaa kamagiłhamaagaksraġigiksi tamatkunaŋŋaunnii atanaurauruaniñ nunami. 24Tavra aniqatiit qanusipayaami irviqaŋagumi iñullaa ukpiqtitauqqaaqami, tavrani illi piqatigilugu God.
Apiqqutit Tuvaaqatiniŋaitchuatigun Uiḷgaŋaruatigullu
25Paŋmapagli sivuniġilugich tuvaaqataitchuat, pitqurriutiksraitchuŋa Ataniġmiñ. Aglaan ukpiġnaqtuaguvluŋa kivgaunimni nagliktuutaagun Atanġum, qaitkiga uvaŋa isummatiga. 26Isumaruŋa nalaunŋanasugalugu iñuk iñuukpan irrusiġikkaġmisun, pisigilugu tavraġuqtuaq iłuiḷḷiuġun. 27Tuvaaqatiqaqpich? Avinniaqsaanak. Tuvaaqataitpich? Tuvaaqataiḷaaġiñ. 28Aglaan tuvaaqatinikkuvich piḷuksiŋitchutin. Suli niviaqsiaq tuvaaqatinikkumi piḷuksiŋitchuq. Aglaattauq tamatkua tuvaaqatiniktuat isumaaluutiqałhaaġniaqtut tuvaaqataitchuaniñ, aasii taavrumaŋŋa isumaaluutivsaaksramiñ piisitchukkivsi. 29Uvva una sivuniġigiga aniqatiit. Savaurriviksraq Ataniġmik sivikłipiaġataġman, paŋmapaŋmiñ aglaan tamatkua tuvaaqatiqaqtuat savautilirruŋ Ataniq tuvaaqataitchuatun iḷiḷutiŋ. 30Tainnatuttauq ipiqtusuutit, naagga quviasuutit, naagga suġalġich piñaiḷutchiqsuqtaksraġiŋitkaatigut savaurriñiksraptiŋniñ Ataniġmik. 31Tamatkualu atugaqaqtuat nunam piŋiñik piññagniaqsiññaġniġmun iñuuŋaiġḷutiŋ, qanuq manna nuna suġauttaqtuummaġmi piiġumaaqtuq.
32Isumaaluutiqaquŋitkivsi. Tuvaaqataitchuaq isumasuŋaiññaġuuruq qanutchikun savautiyumiñaqtilaaŋanik Ataniq, ataramik iviġagukługu. 33Aglaalli tuvaaqatiqaqtuaq isumasuŋaiññaġuuruq nunam suġautaŋiñun, qanuġlugu iviġagumavlugu nuliani. 34Tainnainniġman, iviġagniatagligik iluqaaktun Ataniġlu nulianiḷu. Tainnatuttauq tuvaaqataitchuaq aġnaq isumaqasuŋaiññaġuuruq qanuġluni savautilluatapiaġumiñaqtilaaŋanik Ataniq iñuggunmiñik iluqaanik. Aglaalli tuvaaqatiqaqtuaq aġnaq isummatiqasuŋaiññaġuuruq nunam suġauttaŋiñik, iviġagumavlugu uiñi. 35Uqautigivsi tamatkuniŋa ikayuqsaqłusi, suli iñuuniaġniq siġḷiġnaiqsaqługu ilivsiññun. Pitqugivsi sunik nalaunŋaruanik savautilluataquvlugu Ataniq pisuqtilaavsisun avigaaŋaŋaiġḷusi.
36Iññuk piksrautigiiksinŋaruak katititchumaŋaiġumiŋ pisigilugu savaurriñiq Ataniġmik aasii aŋutim piḷḷuatapiaŋaiqpagu tuvaaqatiksrautini katitinŋaiḷġataqłutiŋ utuqqalisaiññaġmipkaġlugu suli ilaan pisuutini ilaanun suaŋavluni, katitillik. Taamna piḷuutaiuŋitchuq. 37Aglaattauq aŋun sivunnipiaŋagumi katitinŋisaaġugluni nuliaksraunmiñun, isumaqaġumi katitinŋaisaallagugluni pisigilugu aŋalalluataqługu kipiġniuġutini nuliaksraunmiñun, katitinŋaisaaġumi piḷḷuataġmiuq. 38Tavra taamna katitittuaq nuliaksrautigikkaġmiñun piḷḷuataqtuq aasii taamna katitinŋaitchuaq piḷḷuatałhaaġniaqtuq.
39Nuliaguruaq pituummiruq uimiñun iñuuniqtutilaaŋatun uiñi. Uiguruaq tuqukpan, nuliaguruaq atanġitchuq tuvaaqasiutisukkumi kimik pisukkumi, aglaan uiñigluni ukpiqtuaguruamik. 40Aglaalli uvaŋa isummatimni quviasułhaaġniaqtuq kisimġiuqtuaġumi. Piraksriġasugigivsi taavrumiŋa Ilitqusiġiksuaŋaniñ God-im.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)