1 Corinthians 6
6
Uqaqsitaaġviŋmuutinagich Ukpiqtuaguqatisi
1Iḷari uqaġlaqutiqaġumi ukpiqtuaguqanmiñun, uqaġlaqutini iłuaqsipkaġniagaksraġiŋitkaa isivġiqsimun ukpiqtuaguŋitchuamun, aglaan iłuaqsipkaġumiñaġaa ukpiqtuaġuŋaruamun. Kanŋusuktuksraurusi ukpiŋaitchuamun iłuaqsruqtinnavsiuŋ. 2Naluvisi tamatkunuŋa ilaaguaqtauŋaruanun God-mun isivġiġumaaqtilaaŋanik nunam iñuŋi? Isivġiġumaaġniqavsigik iłuaqsruġumiñaġaluaġmigisi aŋiŋitchuat uqaġlaqutit. 3Nalummivisi-suli isivġiiyumaaqtilaaptiŋnik isaġuliŋnik? Nalupqinaitchuamik iłuaqsiriyumiñaqtugut uqaġlaqutinik paŋmapak iñuuniptiŋni. 4Tavraasii tainna uqaġlaqutinigniġuvsi iłuaqsrugaksranik, isivġiqsiksraqtuksrauŋitchusi iñuŋmik pisuiññiqsrauyumiñaqtuamik aŋaiyyuliqiruani. 5Kanŋusaaġniaqsaagaluaġivsi. Iñuitpaimña atausiuramik-unnii akunnavsiññi isumattutiqaqtuamik iłuaqsiriyumiñaġluni uqaġlaqutiŋiññik iḷauruat ukpiqtuanun aniqatinun. 6Unauvva piḷġusiġiłhaaġiksi. Aniqatim uuma uqaġlaqutini allamun aniqanmun, iłuaqsipkaġniagaqsiraġigai ukpiqtuaguŋitchuamun isivġiqsimun.
7Uqaġlaqutiqaġniq avanmun sivuniqaqtuq akiiḷipkaqtuamik piḷuunmun. Uqaġlaqutiqaqsaaniġmiñ, killukuaqtausitchiunnii, saglutaqtausitchiunniiḷu. 8Aglaan uvva ilivsi killukuaqtałhamaaġniqsusi saglutaġaqługiḷḷu allat, nanmiñiq unnii aniqatisi ukpiġunmi. 9Nalupqinaitchuamik iḷitchuġiŋarusi tamatkua iñuich nalaunŋasiŋaitchuat sivuġaani God-im qiḷaŋmukkumiñaisilaaŋannik, God-im atanniqsimavianun. Sagluqiraunasi, iñuuruat piḷuunmi tamatkualu ukpiqtuat God-auŋitchuamun, allatuqtillu naaggaunnii atunim timiqaġaluaŋŋaġmiŋ atuutiruat pigiitchuakun, 10naaggaunnii tigguuraqtit sigñaturuallu taaŋŋaqtillu uqamaqłuurririḷḷu tigligayuktiqpaiḷḷu qiḷaŋmukkumiñaitchut God-im atanniqsimavianun. 11Qaŋauvlugu iḷasi tainnasiuŋagaluaġmiruat. Aglaan paŋmapak salummaqtauŋavlusi piḷuutivsiññiñ, ilaaguaqtauvlusi God-mun, aasii ilaan akuqtuqłusi nalaunŋarualivḷusi, qanuq Ataniq Jesus Christ tuquŋaruq pisigivlugich piḷuutisi, aasii God-ipta Ilitqusiġiksuaŋan ukpiliqsinŋagaasi.
Atuqsigik Timisi God Nanġausiaqaġumiñaqsiḷugu
12 #
1 Co 10.23. Supayaat piñaiḷauŋitchut uvamnun, tainna uqaġuurusi. Aakkaluaq, aglaan supayaat anniqsuił̣haiññalaiñmiut. Supayaat piñaiḷauŋitchut uvamnun. Aakkaluaq, aglaan supayaamun atanniqsimaaqtitchumiñaiñmiuŋa. 13God savaŋaruq niqimik niġiraksrauvlugu aqiaqqumiglu niqim akuqtuqtiksraŋanik, naaggauvva God-im maqulipkaġniaġik iluqaaktun. Aglaan iñuum timaa savaaguŋaitchuq, allatuutigitqulugu. Aglaan savaaguruq savautigitquvlugu Ataniġmun, aasii Atanġum aŋalataksraġigaa. 14Tainnatuttauq God-im aŋipkaŋammatun Ataniq tuqqunmiñ, uvaguttauq aŋipkaġniaġmigaatigut ilaan suaŋŋataata.
15Nalupqinaitchuamik puttuqsriŋarusi Christ-mun pigitilaaŋiññik timisi. Timaan iḷagimmatun itkai. Taamna tainnainman, uvaŋa tiguniaqpigu iḷaŋa Christ aasii iḷaliutipkaġlugu aġnamun allatuqtimun? Naaggapiaġataq. 16#Gn 2.24.Nalupqinaitchuamik puttuqsrirusi aŋun iḷaliutiruaq inmiñik aġnamun allatuqtauruamun timiqasiutitilaaŋanik, qanuq Bible-ni aglausimaruq inna, “Malġuuruak atausiŋŋuġniaqtuk.” 17Aglaalli iñuk iḷaliutiruaq Ataniġmun atausiŋŋuqatauruq ilaanun ilitqutchimi. 18Suuramikunnii piḷuusiqinasi allatuutikun. Iñuk piḷuksikami allanik piḷuutinik, piḷuksisiqalaitchuq timimiñik. Aglaan iñuk piḷuksikami allatuutikun, ilaa piḷuksiruq atuqługu timini. 19#1 Co 3.16; 2 Co 6.16.Iḷisimapiaġataqtusi timisi aŋaiyyuvigitilaaŋiññik Ilitqusiġiksuamun God-im aitchuutigiŋakkaŋanun ilivsiññun. Ilivsiññik pigiŋitchusi, 20qanuq tauqsiagurusi akiḷiqł̣usi tuqqutaanik Jesus. Taamna pisigilugu, aŋalatchigik timisi God nanġausiaqaġumiñaqsiḷugu.
ទើបបានជ្រើសរើសហើយ៖
1 Corinthians 6: INUPIAQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
1 Corinthians 6
6
Uqaqsitaaġviŋmuutinagich Ukpiqtuaguqatisi
1Iḷari uqaġlaqutiqaġumi ukpiqtuaguqanmiñun, uqaġlaqutini iłuaqsipkaġniagaksraġiŋitkaa isivġiqsimun ukpiqtuaguŋitchuamun, aglaan iłuaqsipkaġumiñaġaa ukpiqtuaġuŋaruamun. Kanŋusuktuksraurusi ukpiŋaitchuamun iłuaqsruqtinnavsiuŋ. 2Naluvisi tamatkunuŋa ilaaguaqtauŋaruanun God-mun isivġiġumaaqtilaaŋanik nunam iñuŋi? Isivġiġumaaġniqavsigik iłuaqsruġumiñaġaluaġmigisi aŋiŋitchuat uqaġlaqutit. 3Nalummivisi-suli isivġiiyumaaqtilaaptiŋnik isaġuliŋnik? Nalupqinaitchuamik iłuaqsiriyumiñaqtugut uqaġlaqutinik paŋmapak iñuuniptiŋni. 4Tavraasii tainna uqaġlaqutinigniġuvsi iłuaqsrugaksranik, isivġiqsiksraqtuksrauŋitchusi iñuŋmik pisuiññiqsrauyumiñaqtuamik aŋaiyyuliqiruani. 5Kanŋusaaġniaqsaagaluaġivsi. Iñuitpaimña atausiuramik-unnii akunnavsiññi isumattutiqaqtuamik iłuaqsiriyumiñaġluni uqaġlaqutiŋiññik iḷauruat ukpiqtuanun aniqatinun. 6Unauvva piḷġusiġiłhaaġiksi. Aniqatim uuma uqaġlaqutini allamun aniqanmun, iłuaqsipkaġniagaqsiraġigai ukpiqtuaguŋitchuamun isivġiqsimun.
7Uqaġlaqutiqaġniq avanmun sivuniqaqtuq akiiḷipkaqtuamik piḷuunmun. Uqaġlaqutiqaqsaaniġmiñ, killukuaqtausitchiunnii, saglutaqtausitchiunniiḷu. 8Aglaan uvva ilivsi killukuaqtałhamaaġniqsusi saglutaġaqługiḷḷu allat, nanmiñiq unnii aniqatisi ukpiġunmi. 9Nalupqinaitchuamik iḷitchuġiŋarusi tamatkua iñuich nalaunŋasiŋaitchuat sivuġaani God-im qiḷaŋmukkumiñaisilaaŋannik, God-im atanniqsimavianun. Sagluqiraunasi, iñuuruat piḷuunmi tamatkualu ukpiqtuat God-auŋitchuamun, allatuqtillu naaggaunnii atunim timiqaġaluaŋŋaġmiŋ atuutiruat pigiitchuakun, 10naaggaunnii tigguuraqtit sigñaturuallu taaŋŋaqtillu uqamaqłuurririḷḷu tigligayuktiqpaiḷḷu qiḷaŋmukkumiñaitchut God-im atanniqsimavianun. 11Qaŋauvlugu iḷasi tainnasiuŋagaluaġmiruat. Aglaan paŋmapak salummaqtauŋavlusi piḷuutivsiññiñ, ilaaguaqtauvlusi God-mun, aasii ilaan akuqtuqłusi nalaunŋarualivḷusi, qanuq Ataniq Jesus Christ tuquŋaruq pisigivlugich piḷuutisi, aasii God-ipta Ilitqusiġiksuaŋan ukpiliqsinŋagaasi.
Atuqsigik Timisi God Nanġausiaqaġumiñaqsiḷugu
12 #
1 Co 10.23. Supayaat piñaiḷauŋitchut uvamnun, tainna uqaġuurusi. Aakkaluaq, aglaan supayaat anniqsuił̣haiññalaiñmiut. Supayaat piñaiḷauŋitchut uvamnun. Aakkaluaq, aglaan supayaamun atanniqsimaaqtitchumiñaiñmiuŋa. 13God savaŋaruq niqimik niġiraksrauvlugu aqiaqqumiglu niqim akuqtuqtiksraŋanik, naaggauvva God-im maqulipkaġniaġik iluqaaktun. Aglaan iñuum timaa savaaguŋaitchuq, allatuutigitqulugu. Aglaan savaaguruq savautigitquvlugu Ataniġmun, aasii Atanġum aŋalataksraġigaa. 14Tainnatuttauq God-im aŋipkaŋammatun Ataniq tuqqunmiñ, uvaguttauq aŋipkaġniaġmigaatigut ilaan suaŋŋataata.
15Nalupqinaitchuamik puttuqsriŋarusi Christ-mun pigitilaaŋiññik timisi. Timaan iḷagimmatun itkai. Taamna tainnainman, uvaŋa tiguniaqpigu iḷaŋa Christ aasii iḷaliutipkaġlugu aġnamun allatuqtimun? Naaggapiaġataq. 16#Gn 2.24.Nalupqinaitchuamik puttuqsrirusi aŋun iḷaliutiruaq inmiñik aġnamun allatuqtauruamun timiqasiutitilaaŋanik, qanuq Bible-ni aglausimaruq inna, “Malġuuruak atausiŋŋuġniaqtuk.” 17Aglaalli iñuk iḷaliutiruaq Ataniġmun atausiŋŋuqatauruq ilaanun ilitqutchimi. 18Suuramikunnii piḷuusiqinasi allatuutikun. Iñuk piḷuksikami allanik piḷuutinik, piḷuksisiqalaitchuq timimiñik. Aglaan iñuk piḷuksikami allatuutikun, ilaa piḷuksiruq atuqługu timini. 19#1 Co 3.16; 2 Co 6.16.Iḷisimapiaġataqtusi timisi aŋaiyyuvigitilaaŋiññik Ilitqusiġiksuamun God-im aitchuutigiŋakkaŋanun ilivsiññun. Ilivsiññik pigiŋitchusi, 20qanuq tauqsiagurusi akiḷiqł̣usi tuqqutaanik Jesus. Taamna pisigilugu, aŋalatchigik timisi God nanġausiaqaġumiñaqsiḷugu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)