Markus 2
2
Si Isa makawuliꞌ aꞌa matey barannen
(Mateo 9:1-8; Lukas 5:17-26)
1Palabey bang piye ellew, balik si Isa pī si puweblo Kapernaum. Taꞌaka weꞌ laꞌi iye si dambuwaꞌ lumaꞌ. 2Ekka meꞌ aꞌa patipun pī si lumaꞌ palaꞌihan si Isa miyaꞌan. Hangkan gaꞌ ne niyaꞌ kasiguwehande, bisan pe si behe gawang. Minahalayak weꞌ si Isa lapal Tuhanin si siye. 3Manjari niyaꞌ binoꞌo pī si iye aꞌa saki pinagtanggungan weꞌ ampat aꞌa. Aꞌa masaki miyaꞌan matey barannen. 4Peggeꞌ gaꞌi siye tumapit pu si Isa hawal ekka aꞌahin, manjari ilarakan weꞌ de sapew madatag si atag kōk si Isahin. Pagubus ne siye ngahinang pamalānan, pinatuntun weꞌ de aꞌa masakihin diyataꞌ tanggungannen. 5Pagtakite si Isa weꞌ sandel teꞌed siye si iye, paꞌinne si aꞌa mamatey barannen, “Bagay, taꞌampun ne meꞌ dusenun.”
6Saguwaꞌ niyaꞌ magtingkoloꞌ laꞌi meꞌ guru si saraꞌ āgama. Ngutuꞌ-ngutuꞌ siye dem ateyde peggeꞌ missā si Isa sa īꞌ. 7“Uy!” paꞌinde. “Missā iye kuweꞌ Tuhanin iye. Sine makaꞌampun dusehin bang dumaꞌin dambuwaꞌ-buwaꞌ Tuhan.” 8Magtawus kataꞌuhan si Isa bang ine pinikilden duk paꞌinne si siye, “Weꞌey kaꞌam magtilew-tilew sa iyan dem ateybi? 9Ine mamurahin, binissā si aꞌa mamatey baranne inin, ‘Inampun ne dusenun,’ atawa ‘Dongaꞌ kew, boꞌohun pabākannun bu nu ne lumengngan.’ 10Pakoleꞌku aꞌa inin supaya kataꞌuhanbi weꞌ aku, Anak Manusiyaꞌin, taga kapatut tuꞌu si dunya ngampun meꞌ duse.” 11Manjari paꞌin si Isa si aꞌa mamatey barannen, “Dongaꞌ kew, boꞌohun pabākannun bu nu ne hap lumaꞌ.” 12Manjari dongaꞌ aꞌa masakihin duk magtawus eddoꞌne pabākannen duk pabukut iye si pagmatahande kēmon. Bengngangan meꞌ aꞌahin kēmon. Pinudji weꞌ de Tuhanin, paꞌinde, “Gaꞌ teꞌed kite bi bakas ngite sa inin.”
Binoꞌo si Libi weꞌ si Isa
(Mateo 9:9-13; Lukas 5:27-32)
13Manjari pī ne isab si Isa si susulan lamew Jalil. Patipun pī si iye meꞌ aꞌa maꞌekkahin duk magusihat iye si siye. 14Na paglanjalne, takitene si Libi, anak Alpahin, ningkoloꞌ laꞌi si upisinane pagbayed-bayedan sukeyin. Paꞌin si Isa si iye, “Dayiꞌ kew, nuhut kew aku.” Manjari kuwat si Libi duk nuhut ne iye si Isa.
15Manjari mangan si Isa laꞌi si lumaꞌ si Libi. Ekka isab meꞌ aꞌa magpāku-pāku sukey duk meꞌ aꞌa dusehan ningkoloꞌ mangan pasumbayaꞌ si iye duk meꞌ tindegnen. Peggeꞌ ekka siye manuhut iyehin. 16Niyaꞌ laꞌi meꞌ Pariseo, meꞌ guru si saraꞌ āgama. Pagkitede weꞌ mangan si Isa magsumbayaꞌ duk meꞌ aꞌa dusehan duk meꞌ aꞌa magpāku-pāku sukey, paꞌinde si meꞌ tindeg si Isahin, “Weꞌey si Isa palamud magkakanan duk meꞌ aꞌa magpāku-pāku sukeyin duk meꞌ aꞌa dusehan sinduwehin?” 17Pagkale si Isa inin, paꞌinne si siye, “Meꞌ aꞌa saki hep hap doktolin; bang meꞌ makoleꞌin gaꞌ niyaꞌ gunane hap doktol. Dumaꞌin ku pitu miha meꞌ aꞌa mabentelin saguwaꞌ pitu ku miha meꞌ aꞌa dusehanin.”
Panilew sabab pagpuwasehin
(Mateo 9:14-17; Lukas 5:33-39)
18Manjari baytu magpuwase meꞌ tindeg Yahiyahin duk meꞌ Pariseohin, niyaꞌ meꞌ aꞌa pī pu si Isa nilew iye, paꞌinde, “Weꞌey magpuwase meꞌ tindeg Yahiyahin duk meꞌ tindeg meꞌ Pariseohin bu meꞌ tindegnun gaꞌi magpuwase?” 19Sambungan si Isa siye si dalilan. Pasaliꞌne meꞌ tindegnen si meꞌ aꞌa si pagkawinan. Paꞌinne, “Makapagpuwase ke meꞌ aꞌa si pagkawinanin samantaꞌan laꞌi pe si siye pangantin lellahin? Gaꞌi. Samantaꞌan laꞌi pe si siye pangantin lellahin, gaꞌi siye makapagpuwase. 20Saguwaꞌ si sinōng inin, bang pinatahalaꞌ ne pangantin lellahin, meke ne siye muwase.”
21Manjari magdalilan si Isa sabab panoloꞌ matuꞌuhin duk panoloꞌnen. Paꞌinne, “Gaꞌ niyaꞌ aꞌa matopak tela baꞌahu, gaꞌ pe kadekdakan, pī si semmek andang. Peggeꞌ bang sa īꞌne, pagngekkeꞌ tela baꞌahuhin, garet balik semmek maꞌandangin duk namba ngaluha garetnen.” 22Pinasaliꞌ isab weꞌ si Isa toloꞌnen si boheꞌ ubas baꞌahu inisi dem puyuꞌ kuwit kambing. Paꞌinne, “Gaꞌ niyaꞌ aꞌa ngisi boheꞌ ubas baꞌahu, mukal-mukal pe, dem puyuꞌ andang. Peggeꞌ bang sa īꞌne, buslad puyuꞌin weꞌ boheꞌ ubasin. Manjari buꞌus boheꞌ ubasin duk magkaꞌat puyuꞌin. Saguwaꞌ subey inisi boheꞌ ubas baꞌahuhin dem puyuꞌ baꞌahu.”
Panilew sabab ellew liꞌihin
(Mateo 12:1-8; Lukas 6:1-5)
23Manjari dambuwaꞌ Sabtuꞌ, ellew liꞌi meꞌ Yahudihin, pabutas si Isa duk meꞌ tindegnen dem tanaꞌ. Paglabey meꞌ tindegnen, ngalupuꞌ siye meꞌ buwaꞌ tanaꞌin. 24Manjari paꞌin meꞌ Pariseohin pu si Isa, “Payamanun be. Weꞌey teꞌ meꞌ tindegnun hinangde tinaggahan saraꞌ si ellew liꞌihin?” 25Nambung si Isa, paꞌinne, “Gaꞌ ke bakas tabatsabi bang ine hininang Sultan Daꞌudin masa Imam Abiyatar imam nakuraꞌin? Kaꞌinusanan hep si Daꞌud duk meꞌ saweꞌnen duk gaꞌ niyaꞌ kinakande. 26Padiyalem hep iye pī si lumaꞌ Tuhanin duk kinakan weꞌ ne pan binettad laꞌi pangurung si Tuhanin. Bu tinaggahan hep weꞌ saraꞌ kinakan pan miyaꞌan, luwal hadja para si meꞌ imam. Duk inurungan isab weꞌ si Daꞌud meꞌ saweꞌnen. Saguwaꞌ gaꞌ du iye makaduse si hininangne miyaꞌan.” 27Duk paꞌin si Isa si siye, “Hininang weꞌ Tuhanin ellew liꞌihin panabang si manusiyaꞌ. Dumaꞌin hangkan pinapanjari manusiyaꞌin supaya hadja tapagaddatanne ellew liꞌihin. 28Hangkan aku, Anak Manusiyaꞌin, taga kapatut ku magpaꞌin bang ine-ine mapatut hininang si ellew liꞌihin.”
ទើបបានជ្រើសរើសហើយ៖
Markus 2: yakV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.
Markus 2
2
Si Isa makawuliꞌ aꞌa matey barannen
(Mateo 9:1-8; Lukas 5:17-26)
1Palabey bang piye ellew, balik si Isa pī si puweblo Kapernaum. Taꞌaka weꞌ laꞌi iye si dambuwaꞌ lumaꞌ. 2Ekka meꞌ aꞌa patipun pī si lumaꞌ palaꞌihan si Isa miyaꞌan. Hangkan gaꞌ ne niyaꞌ kasiguwehande, bisan pe si behe gawang. Minahalayak weꞌ si Isa lapal Tuhanin si siye. 3Manjari niyaꞌ binoꞌo pī si iye aꞌa saki pinagtanggungan weꞌ ampat aꞌa. Aꞌa masaki miyaꞌan matey barannen. 4Peggeꞌ gaꞌi siye tumapit pu si Isa hawal ekka aꞌahin, manjari ilarakan weꞌ de sapew madatag si atag kōk si Isahin. Pagubus ne siye ngahinang pamalānan, pinatuntun weꞌ de aꞌa masakihin diyataꞌ tanggungannen. 5Pagtakite si Isa weꞌ sandel teꞌed siye si iye, paꞌinne si aꞌa mamatey barannen, “Bagay, taꞌampun ne meꞌ dusenun.”
6Saguwaꞌ niyaꞌ magtingkoloꞌ laꞌi meꞌ guru si saraꞌ āgama. Ngutuꞌ-ngutuꞌ siye dem ateyde peggeꞌ missā si Isa sa īꞌ. 7“Uy!” paꞌinde. “Missā iye kuweꞌ Tuhanin iye. Sine makaꞌampun dusehin bang dumaꞌin dambuwaꞌ-buwaꞌ Tuhan.” 8Magtawus kataꞌuhan si Isa bang ine pinikilden duk paꞌinne si siye, “Weꞌey kaꞌam magtilew-tilew sa iyan dem ateybi? 9Ine mamurahin, binissā si aꞌa mamatey baranne inin, ‘Inampun ne dusenun,’ atawa ‘Dongaꞌ kew, boꞌohun pabākannun bu nu ne lumengngan.’ 10Pakoleꞌku aꞌa inin supaya kataꞌuhanbi weꞌ aku, Anak Manusiyaꞌin, taga kapatut tuꞌu si dunya ngampun meꞌ duse.” 11Manjari paꞌin si Isa si aꞌa mamatey barannen, “Dongaꞌ kew, boꞌohun pabākannun bu nu ne hap lumaꞌ.” 12Manjari dongaꞌ aꞌa masakihin duk magtawus eddoꞌne pabākannen duk pabukut iye si pagmatahande kēmon. Bengngangan meꞌ aꞌahin kēmon. Pinudji weꞌ de Tuhanin, paꞌinde, “Gaꞌ teꞌed kite bi bakas ngite sa inin.”
Binoꞌo si Libi weꞌ si Isa
(Mateo 9:9-13; Lukas 5:27-32)
13Manjari pī ne isab si Isa si susulan lamew Jalil. Patipun pī si iye meꞌ aꞌa maꞌekkahin duk magusihat iye si siye. 14Na paglanjalne, takitene si Libi, anak Alpahin, ningkoloꞌ laꞌi si upisinane pagbayed-bayedan sukeyin. Paꞌin si Isa si iye, “Dayiꞌ kew, nuhut kew aku.” Manjari kuwat si Libi duk nuhut ne iye si Isa.
15Manjari mangan si Isa laꞌi si lumaꞌ si Libi. Ekka isab meꞌ aꞌa magpāku-pāku sukey duk meꞌ aꞌa dusehan ningkoloꞌ mangan pasumbayaꞌ si iye duk meꞌ tindegnen. Peggeꞌ ekka siye manuhut iyehin. 16Niyaꞌ laꞌi meꞌ Pariseo, meꞌ guru si saraꞌ āgama. Pagkitede weꞌ mangan si Isa magsumbayaꞌ duk meꞌ aꞌa dusehan duk meꞌ aꞌa magpāku-pāku sukey, paꞌinde si meꞌ tindeg si Isahin, “Weꞌey si Isa palamud magkakanan duk meꞌ aꞌa magpāku-pāku sukeyin duk meꞌ aꞌa dusehan sinduwehin?” 17Pagkale si Isa inin, paꞌinne si siye, “Meꞌ aꞌa saki hep hap doktolin; bang meꞌ makoleꞌin gaꞌ niyaꞌ gunane hap doktol. Dumaꞌin ku pitu miha meꞌ aꞌa mabentelin saguwaꞌ pitu ku miha meꞌ aꞌa dusehanin.”
Panilew sabab pagpuwasehin
(Mateo 9:14-17; Lukas 5:33-39)
18Manjari baytu magpuwase meꞌ tindeg Yahiyahin duk meꞌ Pariseohin, niyaꞌ meꞌ aꞌa pī pu si Isa nilew iye, paꞌinde, “Weꞌey magpuwase meꞌ tindeg Yahiyahin duk meꞌ tindeg meꞌ Pariseohin bu meꞌ tindegnun gaꞌi magpuwase?” 19Sambungan si Isa siye si dalilan. Pasaliꞌne meꞌ tindegnen si meꞌ aꞌa si pagkawinan. Paꞌinne, “Makapagpuwase ke meꞌ aꞌa si pagkawinanin samantaꞌan laꞌi pe si siye pangantin lellahin? Gaꞌi. Samantaꞌan laꞌi pe si siye pangantin lellahin, gaꞌi siye makapagpuwase. 20Saguwaꞌ si sinōng inin, bang pinatahalaꞌ ne pangantin lellahin, meke ne siye muwase.”
21Manjari magdalilan si Isa sabab panoloꞌ matuꞌuhin duk panoloꞌnen. Paꞌinne, “Gaꞌ niyaꞌ aꞌa matopak tela baꞌahu, gaꞌ pe kadekdakan, pī si semmek andang. Peggeꞌ bang sa īꞌne, pagngekkeꞌ tela baꞌahuhin, garet balik semmek maꞌandangin duk namba ngaluha garetnen.” 22Pinasaliꞌ isab weꞌ si Isa toloꞌnen si boheꞌ ubas baꞌahu inisi dem puyuꞌ kuwit kambing. Paꞌinne, “Gaꞌ niyaꞌ aꞌa ngisi boheꞌ ubas baꞌahu, mukal-mukal pe, dem puyuꞌ andang. Peggeꞌ bang sa īꞌne, buslad puyuꞌin weꞌ boheꞌ ubasin. Manjari buꞌus boheꞌ ubasin duk magkaꞌat puyuꞌin. Saguwaꞌ subey inisi boheꞌ ubas baꞌahuhin dem puyuꞌ baꞌahu.”
Panilew sabab ellew liꞌihin
(Mateo 12:1-8; Lukas 6:1-5)
23Manjari dambuwaꞌ Sabtuꞌ, ellew liꞌi meꞌ Yahudihin, pabutas si Isa duk meꞌ tindegnen dem tanaꞌ. Paglabey meꞌ tindegnen, ngalupuꞌ siye meꞌ buwaꞌ tanaꞌin. 24Manjari paꞌin meꞌ Pariseohin pu si Isa, “Payamanun be. Weꞌey teꞌ meꞌ tindegnun hinangde tinaggahan saraꞌ si ellew liꞌihin?” 25Nambung si Isa, paꞌinne, “Gaꞌ ke bakas tabatsabi bang ine hininang Sultan Daꞌudin masa Imam Abiyatar imam nakuraꞌin? Kaꞌinusanan hep si Daꞌud duk meꞌ saweꞌnen duk gaꞌ niyaꞌ kinakande. 26Padiyalem hep iye pī si lumaꞌ Tuhanin duk kinakan weꞌ ne pan binettad laꞌi pangurung si Tuhanin. Bu tinaggahan hep weꞌ saraꞌ kinakan pan miyaꞌan, luwal hadja para si meꞌ imam. Duk inurungan isab weꞌ si Daꞌud meꞌ saweꞌnen. Saguwaꞌ gaꞌ du iye makaduse si hininangne miyaꞌan.” 27Duk paꞌin si Isa si siye, “Hininang weꞌ Tuhanin ellew liꞌihin panabang si manusiyaꞌ. Dumaꞌin hangkan pinapanjari manusiyaꞌin supaya hadja tapagaddatanne ellew liꞌihin. 28Hangkan aku, Anak Manusiyaꞌin, taga kapatut ku magpaꞌin bang ine-ine mapatut hininang si ellew liꞌihin.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.