Mat 17
17
1Gɔɔ soolo gbɛa Yesu Piɛɛ ń Zakio ń aà dãuna Zãao sɛ̀lɛ à gɛ̀ńnɔ gbɛsĩsĩ lɛsĩ musu ntɛ̃ɛ. 2Ɔ̃ à lì ń wáa. Aà oa lɛ́ tɛkɛ lan ĩatɛ̃wa, mɛ́ aà ulaɔ gɔ̃̀ puntaitai. 3Ɔ̃ Mɔizi ń Ɛliao bɔ̀ aa mɔ̀má, aalɛ yã'o ń Yesuo. 4Ɔ̃ Piɛɛ ò Yesuɛ: Dii, a maa wàɔ ku la. Tó ń yei, má lakpɛ dɔ mɛn aaɔ̃, n pɔ do, Mɔizi pɔ do, Ɛlia pɔ do. 5Gɔɔ pɔ àlɛ yã'o, lounaa tɛkɛa kùńla. Ɔ̃ aa yã'o mà lounaapiu à mɛ̀: Gbɛ̃́ɛ beeá ma Nɛ mɛndona yenzideɛ, aà yã ì kamagu. À aà yãma.#Mat 3.17 6Kɛ́ aà iwapiɔ yã'opi mà, vĩa ń kṹ maamaa, aa wùlɛ ń gbɛɛu. 7Ɔ̃ Yesu sɔ̃̀ńzi à ɔnàmá à mɛ̀: À fɛlɛ, ásu vĩakɛo. 8Kɛ́ aa wɛsɛ̀ musu, aai gbɛ̃e eo, sema Yesu ado.
9Kɛ́ aalɛ pila gbɛsĩsĩpiwa, Yesu yãdìlɛnɛ́ à mɛ̀: Ásu yã pɔ á è o gbɛ̃e mao e Gbɛ̃nazĩn Nɛ gɛ bɔò gau. 10Ɔ̃ aà iwaɔ aà là aa mɛ̀: Bɔyãi Mɔizi ikoyãdanɛdeɔ ì o Ɛlia mɛ́ a dɔaa mɔi?#Mal 3.23 11Ɔ̃ a wèmá à mɛ̀: Ɛlia a mɔ sĩanaɛ, i ɛa yãpii kɛkɛ. 12Ãma malɛ oɛ́: Ɛlia mɔ̀ kɔ̀,#Mat 11.13-14 wi aà dɔ̃o, ɔ̃ wà ń pɔeã dàɛ̀. Màa wa Gbɛ̃nazĩn Nɛ wɛtã lɔ. 13Ɔ̃ aà iwaɔ dɔ̃̀ kɛ́ Zãa Da'ilɛna yã àlɛ onɛ́.
Yesu nɛgɔ̃ɛ tãade gbãgbãa
(Maa 9.14-32; Luk 9.37-45)
14Kɛ́ aa kà bila guu, gɔ̃ɛe mɔ̀ kùlɛ Yesuɛ 15à mɛ̀: Dii, ma nɛ wɛ̃nagwa, asa gbakɔɔndeɛ. Ì taasikɛ maamaaɛ, ìɔ lɛlɛ tɛ́u ge íu mɔɔmɔɔɛ. 16Ma mɔaanɔ n iwaɔnɛ, aa fùa aà gbãgbãi. 17Ɔ̃ Yesu mɛ̀: Gbãgbɛ̃ dɔɔsai luanaaikɛnsaiɔ! Máɔ kuánɔ e bɔɛ ni? Máɔ mɛnakɛánɔ e bɔɛ ni? À mɔmɛɛaanɔ la. 18Yesu gì tãaɛ, ɔ̃ à gò nɛpiwa, à gbã̀gbã wegɔ̃ɔ.
19Bee gbɛa Yesu iwaɔ sɔ̃̀aazi ntɛ̃ɛ, aa aà là aa mɛ̀: Bɔyãi wa fua wà tãapi goi? 20A wèmá à mɛ̀: Kɛ́ á Lua naai vĩ bilao yãiɛ. Sĩana malɛ oɛ́: Tó á Lua naai vĩ a gbɛ̃̀nɛ kà ɛfɔ wɛnawa, mɛ́ á ò gbɛsĩsĩɛ beeɛ aà fɛlɛ la aà gɛ́ le, a fɛlɛɛ. Yãe a á fuo. 21Wabikɛa ń lɛyeao mɛ́ ì tãa bee taa go.
Yesu a gaa ń a vuao yã'oa
(Maa 9.30-32; Luk 9.43-45)
22Gɔɔ pɔ a ku ń a iwaɔ sãnu Galile, a ònɛ́: Sema wà Gbɛ̃nazĩn Nɛ kpamá, 23wi aà dɛ, i vu a gɔɔ aaɔ̃dezĩ. Ɔ̃ an pɔ yà maamaa.
Lua kpɛ wɛ̃̀'ɔ̃a fĩaboa
24Kɛ́ aa kà Kapɛnaũ, Lua kpɛ ɔsinaɔ mɔ̀ aa Piɛɛ là aa mɛ̀: Á yãdanɛde lí wɛ̃̀'ɔ̃a kpao le?#Bɔa 30.13-16 25Piɛɛ wèmá à mɛ̀: Ì kpá. Kɛ́ Piɛɛ lɛ́ gɛ̃ ua, Yesu dɔ̀aa a òɛ̀ gɔ̃̀ɔ: Simɔ, deɔ dũniaɛ bee kiaɔ ì wɛ̃̀'ɔ̃a ge asea simái? An nɛɔ yã̀, ge gbɛ̃pãleɔnɛ? N yãpi è kpelewai? 26Piɛɛ mɛ̀: Gbɛ̃pãleɔnɛ. Yesu òɛ̀: Tó beewaɛ, an nɛɔ kpao. 27Ãma kɛ́ wá yã su ɔ̃máo yãi, gɛ́ kokoadai isidai. Kpɔ pɔ ń kũ̀ sɛ̃ia, ǹ a lɛ́ wɛ̃aa, ńyɔ̃ ɔ̃a e a guu. Bee sɛ ǹ kpamá, mapi ń mpio pɔ ũ.
ទើបបានជ្រើសរើសហើយ៖
Mat 17: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.
Mat 17
17
1Gɔɔ soolo gbɛa Yesu Piɛɛ ń Zakio ń aà dãuna Zãao sɛ̀lɛ à gɛ̀ńnɔ gbɛsĩsĩ lɛsĩ musu ntɛ̃ɛ. 2Ɔ̃ à lì ń wáa. Aà oa lɛ́ tɛkɛ lan ĩatɛ̃wa, mɛ́ aà ulaɔ gɔ̃̀ puntaitai. 3Ɔ̃ Mɔizi ń Ɛliao bɔ̀ aa mɔ̀má, aalɛ yã'o ń Yesuo. 4Ɔ̃ Piɛɛ ò Yesuɛ: Dii, a maa wàɔ ku la. Tó ń yei, má lakpɛ dɔ mɛn aaɔ̃, n pɔ do, Mɔizi pɔ do, Ɛlia pɔ do. 5Gɔɔ pɔ àlɛ yã'o, lounaa tɛkɛa kùńla. Ɔ̃ aa yã'o mà lounaapiu à mɛ̀: Gbɛ̃́ɛ beeá ma Nɛ mɛndona yenzideɛ, aà yã ì kamagu. À aà yãma.#Mat 3.17 6Kɛ́ aà iwapiɔ yã'opi mà, vĩa ń kṹ maamaa, aa wùlɛ ń gbɛɛu. 7Ɔ̃ Yesu sɔ̃̀ńzi à ɔnàmá à mɛ̀: À fɛlɛ, ásu vĩakɛo. 8Kɛ́ aa wɛsɛ̀ musu, aai gbɛ̃e eo, sema Yesu ado.
9Kɛ́ aalɛ pila gbɛsĩsĩpiwa, Yesu yãdìlɛnɛ́ à mɛ̀: Ásu yã pɔ á è o gbɛ̃e mao e Gbɛ̃nazĩn Nɛ gɛ bɔò gau. 10Ɔ̃ aà iwaɔ aà là aa mɛ̀: Bɔyãi Mɔizi ikoyãdanɛdeɔ ì o Ɛlia mɛ́ a dɔaa mɔi?#Mal 3.23 11Ɔ̃ a wèmá à mɛ̀: Ɛlia a mɔ sĩanaɛ, i ɛa yãpii kɛkɛ. 12Ãma malɛ oɛ́: Ɛlia mɔ̀ kɔ̀,#Mat 11.13-14 wi aà dɔ̃o, ɔ̃ wà ń pɔeã dàɛ̀. Màa wa Gbɛ̃nazĩn Nɛ wɛtã lɔ. 13Ɔ̃ aà iwaɔ dɔ̃̀ kɛ́ Zãa Da'ilɛna yã àlɛ onɛ́.
Yesu nɛgɔ̃ɛ tãade gbãgbãa
(Maa 9.14-32; Luk 9.37-45)
14Kɛ́ aa kà bila guu, gɔ̃ɛe mɔ̀ kùlɛ Yesuɛ 15à mɛ̀: Dii, ma nɛ wɛ̃nagwa, asa gbakɔɔndeɛ. Ì taasikɛ maamaaɛ, ìɔ lɛlɛ tɛ́u ge íu mɔɔmɔɔɛ. 16Ma mɔaanɔ n iwaɔnɛ, aa fùa aà gbãgbãi. 17Ɔ̃ Yesu mɛ̀: Gbãgbɛ̃ dɔɔsai luanaaikɛnsaiɔ! Máɔ kuánɔ e bɔɛ ni? Máɔ mɛnakɛánɔ e bɔɛ ni? À mɔmɛɛaanɔ la. 18Yesu gì tãaɛ, ɔ̃ à gò nɛpiwa, à gbã̀gbã wegɔ̃ɔ.
19Bee gbɛa Yesu iwaɔ sɔ̃̀aazi ntɛ̃ɛ, aa aà là aa mɛ̀: Bɔyãi wa fua wà tãapi goi? 20A wèmá à mɛ̀: Kɛ́ á Lua naai vĩ bilao yãiɛ. Sĩana malɛ oɛ́: Tó á Lua naai vĩ a gbɛ̃̀nɛ kà ɛfɔ wɛnawa, mɛ́ á ò gbɛsĩsĩɛ beeɛ aà fɛlɛ la aà gɛ́ le, a fɛlɛɛ. Yãe a á fuo. 21Wabikɛa ń lɛyeao mɛ́ ì tãa bee taa go.
Yesu a gaa ń a vuao yã'oa
(Maa 9.30-32; Luk 9.43-45)
22Gɔɔ pɔ a ku ń a iwaɔ sãnu Galile, a ònɛ́: Sema wà Gbɛ̃nazĩn Nɛ kpamá, 23wi aà dɛ, i vu a gɔɔ aaɔ̃dezĩ. Ɔ̃ an pɔ yà maamaa.
Lua kpɛ wɛ̃̀'ɔ̃a fĩaboa
24Kɛ́ aa kà Kapɛnaũ, Lua kpɛ ɔsinaɔ mɔ̀ aa Piɛɛ là aa mɛ̀: Á yãdanɛde lí wɛ̃̀'ɔ̃a kpao le?#Bɔa 30.13-16 25Piɛɛ wèmá à mɛ̀: Ì kpá. Kɛ́ Piɛɛ lɛ́ gɛ̃ ua, Yesu dɔ̀aa a òɛ̀ gɔ̃̀ɔ: Simɔ, deɔ dũniaɛ bee kiaɔ ì wɛ̃̀'ɔ̃a ge asea simái? An nɛɔ yã̀, ge gbɛ̃pãleɔnɛ? N yãpi è kpelewai? 26Piɛɛ mɛ̀: Gbɛ̃pãleɔnɛ. Yesu òɛ̀: Tó beewaɛ, an nɛɔ kpao. 27Ãma kɛ́ wá yã su ɔ̃máo yãi, gɛ́ kokoadai isidai. Kpɔ pɔ ń kũ̀ sɛ̃ia, ǹ a lɛ́ wɛ̃aa, ńyɔ̃ ɔ̃a e a guu. Bee sɛ ǹ kpamá, mapi ń mpio pɔ ũ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.