Mat 18
18
Tɛa Yesuzi lan nɛwa
(Maa 9.33-48; Luk 9.46-48, 15.3-7)
1Zĩ́ bee Yesu iwaɔ mɔ̀ aa aà là aa mɛ̀: Demɛ dɛńla kpala pɔ Lua kpà guui? 2Ɔ̃ Yesu nɛ sìsi a zɛ̀ ń aɛ 3à mɛ̀: Sĩana malɛ oɛ́, tó i lilɛ a gɔ̃ lan nɛwao, á gɛ̃ kpala pɔ Lua kpà guuo. 4Gbɛ̃́ pɔ azĩa bùsa à gɔ̃̀ lan nɛɛ beewa mɛ́ dɛńla kpala pɔ Lua kpà guu. 5Gbɛ̃́ pɔ nɛ bee taa dìlɛ ma iwakɛ yãi, ade ma dilɛɛ.
6Tó gbɛ̃́ tò nɛ pɔ lɛ́ ma naaikɛɛ́ɔ do fù, a maa ń adeo yãa wà wisilɔgbɛ gbɛ̃̀nɛ dɔ aà nɔɛɛ, wi aà zu isi guo. 7Waiyoo dũnia, kɛ́ yã pɔ ì to wà fu ku a guu yãi. Sema yã pɔ ì to wà fu àɔ ku, ãma waiyoo gbɛ̃́ pɔ fua yãpi sù bɔ̀ aà kĩi. 8Tó n ɔ ge n gbá mɛ́ tò nlɛ fu, zɔ̃ ǹ vũaa. Gɛ̃a aizãna guu kɔ̃̀ɔ ge ɛɛ ũ maa dɛ wà n zu tɛ́ gasai guu ń ɔ mɛn plao ge ń gbá mɛn plaola. 9Tó n wɛ́ mɛ́ tò nlɛ fu, bɔ ǹ vũaa. Gɛ̃a aizãna guu wɛdode ũ maa dɛ wà n zu zia tɛ́ guu ń wɛ́ mɛn plaola.#Mat 5.29-30
10-11À laaika sakaa nɛ beeɔ douzi, asa malɛ oɛ́, an malaikaɔ ku luabɛ, aa ku kɔ̃ wɛ́u ń ma Mae pɔ ku weo gɔɔpiiɛ. 12Álɛ e kpelewa ni? Tó gbɛ̃́ sã vĩ mɛn basɔo, tó ado vũ̀aa, a a mɛn basɔo mɛndosaiɔ to gbɛpɔlɛu we à gɛ́ a pɔ pɔ vũ̀aapi wɛɛlɛio le? 13Sĩana malɛ oɛ́, tó a è, aà pɔ aɔ nawà dɛ a mɛn basɔo mɛndosai pɔ aai kɔlɛoɔla. 14Màa á Mae pɔ ku musu ye nɛɛ beeɔ do vũaa sɔ̃o.
Suuukɛa ń kɔ̃o
15Tó n gbɛ̃dee taaekɛ̀, gɛ ǹ aà le ndo, yãpi oaanɔ. Tó à n yãmà, n n gbɛ̃́pi misìɛ. 16Tó i n yãmao, gbɛ̃́ mɛndo ge gbɛ̃ɔn pla sɛ ǹ nama, kɛ́ à e yãpi si seelade gbɛ̃ɔn pla ge aaɔ̃ musu.#Iko 19.15 17Tó à gì n yãmai, yãpi o gãli guu. Tó à gì gãlipi yãmai lɔ, ǹ aà dilɛ zĩlo ũ luayãdansai ũ.
18Sĩana malɛ oɛ́: Pɔ pɔ á yè tɔɔlɛ la, aɔ yea musuɛ, mɛ́ pɔ pɔ á pòlo tɔɔlɛ la aɔ poloa musuɛ.#Mat 16.19 19Malɛ oɛ́ lɔ, tó á gbɛ̃ɔn plaɔ lɛ́ kɛ̀ doũ tɔɔlɛ la, yã pɔ a a wabikɛ̀ ma Mae pɔ ku musuwa pii, a kɛɛ́ɛ. 20Asa gu pɔ gbɛ̃ɔn pla ge gbɛ̃ɔn aaɔ̃ɔ kã̀aau ń ma tɔ́o, miɔ ku ń guuɛ.
21Bee gbɛa Piɛɛ mɔ̀, à Yesu là à mɛ̀: Dii, gɛ̃n ũma mà suuukɛ ń ma gbɛ̃dee pɔ ìɔ taaekɛmɛɛoi? Gɛ̃n sopla yã? 22Yesu wèwà à mɛ̀: Malɛ onɛ, i kɛ gɛ̃n sopla no, gɛ̃n sopla lɛɛ baaɔ̃kwiɛ.#Daa 4.24
23Bee yãi kpala pɔ Lua kpà dɛ lan kiaɛ bee yãwa. Kiae mɛ́ ye à a ɔ̃a yãgɔ̃gɔ̃ ń a iwaɔ. 24Kɛ́ à nà ɔ̃api yãwa, ɔ̃ wà mɔ̀ɛ̀ ń gbɛ̃́ pɔ aà fĩa sɛa miliɔ̃ ɔaa kwio. 25Lá a ɔ̃a vĩ à fĩapi boo, ɔ̃ aà dii mɛ̀ wà aà yia ń aà nao ń aà nɛɔ ń pɔ pɔ a vĩɔ pii, wi gbasa wà aà kɛ̃́. 26Ɔ̃ zĩkɛnapi wùlɛ a dii aɛ, à awakpàɛ̀ à mɛ̀: Mɛnakɛmanɔ, má n fĩabonɛ piiɛ. 27Ɔ̃ aà dii aà wɛ̃nagwà, à aà gbàɛ à fĩapi tòɛ̀. 28Kɛ́ zĩkɛnapi bɔ̀ lé, à kpàaũ ń a zĩkɛndee pɔ a fĩadɔwà ãnusu ɔwatɛ̃ basɔoo. Ɔ̃ à aà kũ̀, àlɛ aà kolo wi à mɛ̀: Ma fĩabomɛɛ. 29Aà gbɛ̃deepi wùlɛ aà aɛ à awakpàɛ̀ à mɛ̀: Mɛnakɛmanɔ, má n fĩabonɛ. 30Kási i weio. A tò wà aà dà kpɛ́u e aà a fĩaboɛ.
31Kɛ́ aà zĩkɛndeeɔ è màa, à kɛ̀nɛ́ ĩi maamaaɛ, ɔ̃ aa gɛ̀ aa yãpi sɛ̀lɛ aa sìu ń diiɛ pii. 32Ɔ̃ diipi aà sìsi à mɛ̀: Iwa vãi! Ma n fĩa tònɛ pii, kɛ́ n awakpàmɛɛ yãi. 33Lá ma suuukɛ̀nnɔ, a maa ǹ suuukɛ ń n gbɛ̃deeo sɔ̃o le? 34Aà diipi pɔ pà, a tò wà aà dà kpɛ́u wàɔ ĩadawà e aà gɛ fĩapi boò pii. 35Ɔ̃ Yesu ɛ̀a mɛ̀: Tó á baade lí suuukɛ ń a gbɛ̃deeo ń nɔsɛmɛndooo, màa ma Mae pɔ ku musu a kɛɛ́.
ទើបបានជ្រើសរើសហើយ៖
Mat 18: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.
Mat 18
18
Tɛa Yesuzi lan nɛwa
(Maa 9.33-48; Luk 9.46-48, 15.3-7)
1Zĩ́ bee Yesu iwaɔ mɔ̀ aa aà là aa mɛ̀: Demɛ dɛńla kpala pɔ Lua kpà guui? 2Ɔ̃ Yesu nɛ sìsi a zɛ̀ ń aɛ 3à mɛ̀: Sĩana malɛ oɛ́, tó i lilɛ a gɔ̃ lan nɛwao, á gɛ̃ kpala pɔ Lua kpà guuo. 4Gbɛ̃́ pɔ azĩa bùsa à gɔ̃̀ lan nɛɛ beewa mɛ́ dɛńla kpala pɔ Lua kpà guu. 5Gbɛ̃́ pɔ nɛ bee taa dìlɛ ma iwakɛ yãi, ade ma dilɛɛ.
6Tó gbɛ̃́ tò nɛ pɔ lɛ́ ma naaikɛɛ́ɔ do fù, a maa ń adeo yãa wà wisilɔgbɛ gbɛ̃̀nɛ dɔ aà nɔɛɛ, wi aà zu isi guo. 7Waiyoo dũnia, kɛ́ yã pɔ ì to wà fu ku a guu yãi. Sema yã pɔ ì to wà fu àɔ ku, ãma waiyoo gbɛ̃́ pɔ fua yãpi sù bɔ̀ aà kĩi. 8Tó n ɔ ge n gbá mɛ́ tò nlɛ fu, zɔ̃ ǹ vũaa. Gɛ̃a aizãna guu kɔ̃̀ɔ ge ɛɛ ũ maa dɛ wà n zu tɛ́ gasai guu ń ɔ mɛn plao ge ń gbá mɛn plaola. 9Tó n wɛ́ mɛ́ tò nlɛ fu, bɔ ǹ vũaa. Gɛ̃a aizãna guu wɛdode ũ maa dɛ wà n zu zia tɛ́ guu ń wɛ́ mɛn plaola.#Mat 5.29-30
10-11À laaika sakaa nɛ beeɔ douzi, asa malɛ oɛ́, an malaikaɔ ku luabɛ, aa ku kɔ̃ wɛ́u ń ma Mae pɔ ku weo gɔɔpiiɛ. 12Álɛ e kpelewa ni? Tó gbɛ̃́ sã vĩ mɛn basɔo, tó ado vũ̀aa, a a mɛn basɔo mɛndosaiɔ to gbɛpɔlɛu we à gɛ́ a pɔ pɔ vũ̀aapi wɛɛlɛio le? 13Sĩana malɛ oɛ́, tó a è, aà pɔ aɔ nawà dɛ a mɛn basɔo mɛndosai pɔ aai kɔlɛoɔla. 14Màa á Mae pɔ ku musu ye nɛɛ beeɔ do vũaa sɔ̃o.
Suuukɛa ń kɔ̃o
15Tó n gbɛ̃dee taaekɛ̀, gɛ ǹ aà le ndo, yãpi oaanɔ. Tó à n yãmà, n n gbɛ̃́pi misìɛ. 16Tó i n yãmao, gbɛ̃́ mɛndo ge gbɛ̃ɔn pla sɛ ǹ nama, kɛ́ à e yãpi si seelade gbɛ̃ɔn pla ge aaɔ̃ musu.#Iko 19.15 17Tó à gì n yãmai, yãpi o gãli guu. Tó à gì gãlipi yãmai lɔ, ǹ aà dilɛ zĩlo ũ luayãdansai ũ.
18Sĩana malɛ oɛ́: Pɔ pɔ á yè tɔɔlɛ la, aɔ yea musuɛ, mɛ́ pɔ pɔ á pòlo tɔɔlɛ la aɔ poloa musuɛ.#Mat 16.19 19Malɛ oɛ́ lɔ, tó á gbɛ̃ɔn plaɔ lɛ́ kɛ̀ doũ tɔɔlɛ la, yã pɔ a a wabikɛ̀ ma Mae pɔ ku musuwa pii, a kɛɛ́ɛ. 20Asa gu pɔ gbɛ̃ɔn pla ge gbɛ̃ɔn aaɔ̃ɔ kã̀aau ń ma tɔ́o, miɔ ku ń guuɛ.
21Bee gbɛa Piɛɛ mɔ̀, à Yesu là à mɛ̀: Dii, gɛ̃n ũma mà suuukɛ ń ma gbɛ̃dee pɔ ìɔ taaekɛmɛɛoi? Gɛ̃n sopla yã? 22Yesu wèwà à mɛ̀: Malɛ onɛ, i kɛ gɛ̃n sopla no, gɛ̃n sopla lɛɛ baaɔ̃kwiɛ.#Daa 4.24
23Bee yãi kpala pɔ Lua kpà dɛ lan kiaɛ bee yãwa. Kiae mɛ́ ye à a ɔ̃a yãgɔ̃gɔ̃ ń a iwaɔ. 24Kɛ́ à nà ɔ̃api yãwa, ɔ̃ wà mɔ̀ɛ̀ ń gbɛ̃́ pɔ aà fĩa sɛa miliɔ̃ ɔaa kwio. 25Lá a ɔ̃a vĩ à fĩapi boo, ɔ̃ aà dii mɛ̀ wà aà yia ń aà nao ń aà nɛɔ ń pɔ pɔ a vĩɔ pii, wi gbasa wà aà kɛ̃́. 26Ɔ̃ zĩkɛnapi wùlɛ a dii aɛ, à awakpàɛ̀ à mɛ̀: Mɛnakɛmanɔ, má n fĩabonɛ piiɛ. 27Ɔ̃ aà dii aà wɛ̃nagwà, à aà gbàɛ à fĩapi tòɛ̀. 28Kɛ́ zĩkɛnapi bɔ̀ lé, à kpàaũ ń a zĩkɛndee pɔ a fĩadɔwà ãnusu ɔwatɛ̃ basɔoo. Ɔ̃ à aà kũ̀, àlɛ aà kolo wi à mɛ̀: Ma fĩabomɛɛ. 29Aà gbɛ̃deepi wùlɛ aà aɛ à awakpàɛ̀ à mɛ̀: Mɛnakɛmanɔ, má n fĩabonɛ. 30Kási i weio. A tò wà aà dà kpɛ́u e aà a fĩaboɛ.
31Kɛ́ aà zĩkɛndeeɔ è màa, à kɛ̀nɛ́ ĩi maamaaɛ, ɔ̃ aa gɛ̀ aa yãpi sɛ̀lɛ aa sìu ń diiɛ pii. 32Ɔ̃ diipi aà sìsi à mɛ̀: Iwa vãi! Ma n fĩa tònɛ pii, kɛ́ n awakpàmɛɛ yãi. 33Lá ma suuukɛ̀nnɔ, a maa ǹ suuukɛ ń n gbɛ̃deeo sɔ̃o le? 34Aà diipi pɔ pà, a tò wà aà dà kpɛ́u wàɔ ĩadawà e aà gɛ fĩapi boò pii. 35Ɔ̃ Yesu ɛ̀a mɛ̀: Tó á baade lí suuukɛ ń a gbɛ̃deeo ń nɔsɛmɛndooo, màa ma Mae pɔ ku musu a kɛɛ́.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.