Mat 16
16
Falisiɔ seelagbɛaa
(Maa 8.11-21; Luk 12.54-56)
1Falisiɔ ń Saduseɔ mɔ̀ Yesu kĩi. Aalɛ aà kpakpa, ɔ̃ aa gbɛ̀awà aà seelakɛnɛ́ ń Lua gbãao wà e.#Mat 12.38 2Ɔ̃ Yesu a zãsìmá à mɛ̀: Tó ĩatɛ̃ gɛ̃̀ kpɛ́u i mɛ: Gu a weeɛ, asa musu tɛ̃akũ̀ɛ. 3Tó kɔɔɛ i mɛ: Lou a ma gbã, asa musu dɛ tɛ̃nduuduuɛ. Á musu wɛ́ dɔ̃kɔ̃ɛ, ãma i fɔ̃ a gɔɔɛ bee seela dɔ̃̀o. 4Gbãgbɛ̃ɔ vãi, luanaaikɛnsaiɔnɛ! Aaì seela gbɛaa, ãma má seelae kɛnɛ́o, sema Yonasi pɔ.#Mat 12.39 Ɔ̃ à ń tó we à tà.
5Kɛ́ aà iwaɔ bùa baa we, pɛ̃ɛ kũsũa yã sã̀ńgu. 6Ɔ̃ Yesu ònɛ́: Àɔ ázĩa kũa dɔ̃! À laaika Falisiɔ ń Saduseɔ pɛ̃ɛsɛ'ɛsɛi. 7Ɔ̃ aalɛ okɔ̃ɛ: Pɛ̃ɛ pɔ wi sɛo yãi a òi màa. 8Yesu dɔ̃̀má, ɔ̃ à ń lá à mɛ̀: Luanaaifɛ̃nɛndeɔ, bɔyãi álɛ okɔ̃ɛ kɛ́ á pɛ̃ɛ vĩo yãiɛi? 9E tia i dɔ̃oa? Pɛ̃ɛ mɛn sɔo pɔ má kpà gbɛ̃ɔn ɔaasɔsɔo lɛɛ sɔoɔwa (5 000) yã dɔáguo le? Á sɛ̀lɛ gbi ũma ni?#Mat 14.17-21 10Pɛ̃ɛ mɛn sopla pɔ má kpà gbɛ̃ɔn ɔaasɔsɔo lɛɛ siiɔ̃ɔwa (4 000) sɔ̃, á sɛ̀lɛ sɔ ũma ni?#Mat 15.34-38 11Bɔyãi i dɔ̃ kɛ́ pɛ̃ɛ yã má òɛ́oo ni? À laaika Falisiɔ ń Saduseɔ pɛ̃ɛsɛ'ɛsɛi! 12Ɔ̃ aa dɔ̃̀ sa i kɛ pɛ̃ɛsɛ'ɛsɛ àlɛ onɛ́ wà laaikaio, Falisiɔ ń Saduseɔ yãdanɛɛ.
Piɛɛ Yesu Mɛsikɛ oa
(Maa 8.27-33; Luk 9.18-22)
13Kɛ́ Yesu kà Sezale Filipi busuu, ɔ̃ à a iwaɔ là à mɛ̀: Dé wàlɛ o Gbɛ̃nazĩn Nɛ dɛ a ũi? 14Aa mɛ̀: Gbɛ̃eɔ ì mɛ Zãa Da'ilɛnaɛ.#Mat 14.1-2 Gbɛ̃eɔ ì mɛ Ɛlia. Gbɛ̃eɔ ì mɛ Zelemi ge ãnabi yãaen n ũ. 15Yesu mɛ̀: Apiɔ sɔ̃, dé i mɛ má dɛ a ũi? 16Simɔ Piɛɛ wèwà à mɛ̀: Mɛsin n ũ, Lua bɛ̃́ɛ Nɛ. 17Ɔ̃ Yesu òɛ̀: Baaaden n ũ, Yonasi nɛ Simɔ! Asa i kɛ gbɛ̃nazĩna mɛ́ yãpi dànɛo, ma Mae pɔ ku musuɛ. 18Malɛ onɛ: N tɔ́n Piɛɛ,#16.18 Bee mɛ̀ gbɛ mɛ́ gbɛpi ɔ̃ má a gãli zɛdɔwà. Baa bɛda gbãadeɔ aa zĩblewào. 19Má kpala pɔ Lua kpà kilinɛɔ kpama. Pɔ pɔ ń yè tɔɔlɛ la aɔ yea musuɛ, mɛ́ pɔ pɔ ń pòlo tɔɔlɛ la aɔ poloa musuɛ. 20Ɔ̃ Yesu a iwaɔ lɛpàpa aasu o gbɛ̃eɛ Mɛsin a ũo.
Yesu a gaa ń a vuao yã'oa
(Maa 8.31-38; Luk 9.22-26)
21Za gɔɔ bee ɔ̃ Yesu lɛ́ a Yelusalɛũ gɛa piliwà a iwaɔnɛ à mɛ̀, sema à taasikɛ gbɛ̃zɔ̃ɔɔ ń sa'onkiaɔ ń Mɔizi ikoyãdanɛdeɔ ɔzĩ, aai a dɛ, í vu a gɔɔ aaɔ̃dezĩ. 22Ɔ̃ Piɛɛ aà sìsi gusaɛ, àlɛ gíɛ̀ à mɛ̀: Suɛ Dii! Bee a n leo! 23Ɔ̃ Yesu lìli a ò Piɛɛɛ: Gomɛɛ we Setãu! Ń ye ǹ zɛzɔ̃mɛɛɛ, asa n laasooá Lua pɔ no, gbɛ̃nazĩna pɔɛ.
Gɔ̃a Yesu iwa ũ
(Maa 8.34-38; Luk 9.23-27)
24Ɔ̃ Yesu ò a iwaɔnɛ: Tó gbɛ̃́ ye gɔ̃ ma iwa ũ, aà gi azĩazi, i a lipãakɔ̃a sɛ́, i tɛmazi. 25Gbɛ̃́ pɔ ye àɔ a wɛ̃ni kũa, wɛ̃nipi a piliwà. Gbɛ̃́ pɔ gì a wɛ̃nizi ma yãi sɔ̃, ade mɛ́ a zia e.#Mat 10.38-39 26Tó gbɛ̃́ dũnia bṹu è a pɔ ũ mɛ́ à kùa ziawa, bɔ́ ài bee vĩi? Bɔ́ gbɛ̃́ a fĩaboò à zia ei? 27Asa Gbɛ̃nazĩn Nɛ a ɛa mɔ́ ń a Mae gawio ń a malaikaɔ, i fĩabo baadeɛ a yãkɛawa.#Soũ 62.13
Yesu lia
(Maa 9.1-13; Luk 9.28-36)
28Sĩana malɛ oɛ́, gbɛ̃́ pɔ aa ku laeɔ gao, aa Gbɛ̃nazĩn Nɛ e, àlɛ mɔ́ ń a kiakɛo.
ទើបបានជ្រើសរើសហើយ៖
Mat 16: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.
Mat 16
16
Falisiɔ seelagbɛaa
(Maa 8.11-21; Luk 12.54-56)
1Falisiɔ ń Saduseɔ mɔ̀ Yesu kĩi. Aalɛ aà kpakpa, ɔ̃ aa gbɛ̀awà aà seelakɛnɛ́ ń Lua gbãao wà e.#Mat 12.38 2Ɔ̃ Yesu a zãsìmá à mɛ̀: Tó ĩatɛ̃ gɛ̃̀ kpɛ́u i mɛ: Gu a weeɛ, asa musu tɛ̃akũ̀ɛ. 3Tó kɔɔɛ i mɛ: Lou a ma gbã, asa musu dɛ tɛ̃nduuduuɛ. Á musu wɛ́ dɔ̃kɔ̃ɛ, ãma i fɔ̃ a gɔɔɛ bee seela dɔ̃̀o. 4Gbãgbɛ̃ɔ vãi, luanaaikɛnsaiɔnɛ! Aaì seela gbɛaa, ãma má seelae kɛnɛ́o, sema Yonasi pɔ.#Mat 12.39 Ɔ̃ à ń tó we à tà.
5Kɛ́ aà iwaɔ bùa baa we, pɛ̃ɛ kũsũa yã sã̀ńgu. 6Ɔ̃ Yesu ònɛ́: Àɔ ázĩa kũa dɔ̃! À laaika Falisiɔ ń Saduseɔ pɛ̃ɛsɛ'ɛsɛi. 7Ɔ̃ aalɛ okɔ̃ɛ: Pɛ̃ɛ pɔ wi sɛo yãi a òi màa. 8Yesu dɔ̃̀má, ɔ̃ à ń lá à mɛ̀: Luanaaifɛ̃nɛndeɔ, bɔyãi álɛ okɔ̃ɛ kɛ́ á pɛ̃ɛ vĩo yãiɛi? 9E tia i dɔ̃oa? Pɛ̃ɛ mɛn sɔo pɔ má kpà gbɛ̃ɔn ɔaasɔsɔo lɛɛ sɔoɔwa (5 000) yã dɔáguo le? Á sɛ̀lɛ gbi ũma ni?#Mat 14.17-21 10Pɛ̃ɛ mɛn sopla pɔ má kpà gbɛ̃ɔn ɔaasɔsɔo lɛɛ siiɔ̃ɔwa (4 000) sɔ̃, á sɛ̀lɛ sɔ ũma ni?#Mat 15.34-38 11Bɔyãi i dɔ̃ kɛ́ pɛ̃ɛ yã má òɛ́oo ni? À laaika Falisiɔ ń Saduseɔ pɛ̃ɛsɛ'ɛsɛi! 12Ɔ̃ aa dɔ̃̀ sa i kɛ pɛ̃ɛsɛ'ɛsɛ àlɛ onɛ́ wà laaikaio, Falisiɔ ń Saduseɔ yãdanɛɛ.
Piɛɛ Yesu Mɛsikɛ oa
(Maa 8.27-33; Luk 9.18-22)
13Kɛ́ Yesu kà Sezale Filipi busuu, ɔ̃ à a iwaɔ là à mɛ̀: Dé wàlɛ o Gbɛ̃nazĩn Nɛ dɛ a ũi? 14Aa mɛ̀: Gbɛ̃eɔ ì mɛ Zãa Da'ilɛnaɛ.#Mat 14.1-2 Gbɛ̃eɔ ì mɛ Ɛlia. Gbɛ̃eɔ ì mɛ Zelemi ge ãnabi yãaen n ũ. 15Yesu mɛ̀: Apiɔ sɔ̃, dé i mɛ má dɛ a ũi? 16Simɔ Piɛɛ wèwà à mɛ̀: Mɛsin n ũ, Lua bɛ̃́ɛ Nɛ. 17Ɔ̃ Yesu òɛ̀: Baaaden n ũ, Yonasi nɛ Simɔ! Asa i kɛ gbɛ̃nazĩna mɛ́ yãpi dànɛo, ma Mae pɔ ku musuɛ. 18Malɛ onɛ: N tɔ́n Piɛɛ,#16.18 Bee mɛ̀ gbɛ mɛ́ gbɛpi ɔ̃ má a gãli zɛdɔwà. Baa bɛda gbãadeɔ aa zĩblewào. 19Má kpala pɔ Lua kpà kilinɛɔ kpama. Pɔ pɔ ń yè tɔɔlɛ la aɔ yea musuɛ, mɛ́ pɔ pɔ ń pòlo tɔɔlɛ la aɔ poloa musuɛ. 20Ɔ̃ Yesu a iwaɔ lɛpàpa aasu o gbɛ̃eɛ Mɛsin a ũo.
Yesu a gaa ń a vuao yã'oa
(Maa 8.31-38; Luk 9.22-26)
21Za gɔɔ bee ɔ̃ Yesu lɛ́ a Yelusalɛũ gɛa piliwà a iwaɔnɛ à mɛ̀, sema à taasikɛ gbɛ̃zɔ̃ɔɔ ń sa'onkiaɔ ń Mɔizi ikoyãdanɛdeɔ ɔzĩ, aai a dɛ, í vu a gɔɔ aaɔ̃dezĩ. 22Ɔ̃ Piɛɛ aà sìsi gusaɛ, àlɛ gíɛ̀ à mɛ̀: Suɛ Dii! Bee a n leo! 23Ɔ̃ Yesu lìli a ò Piɛɛɛ: Gomɛɛ we Setãu! Ń ye ǹ zɛzɔ̃mɛɛɛ, asa n laasooá Lua pɔ no, gbɛ̃nazĩna pɔɛ.
Gɔ̃a Yesu iwa ũ
(Maa 8.34-38; Luk 9.23-27)
24Ɔ̃ Yesu ò a iwaɔnɛ: Tó gbɛ̃́ ye gɔ̃ ma iwa ũ, aà gi azĩazi, i a lipãakɔ̃a sɛ́, i tɛmazi. 25Gbɛ̃́ pɔ ye àɔ a wɛ̃ni kũa, wɛ̃nipi a piliwà. Gbɛ̃́ pɔ gì a wɛ̃nizi ma yãi sɔ̃, ade mɛ́ a zia e.#Mat 10.38-39 26Tó gbɛ̃́ dũnia bṹu è a pɔ ũ mɛ́ à kùa ziawa, bɔ́ ài bee vĩi? Bɔ́ gbɛ̃́ a fĩaboò à zia ei? 27Asa Gbɛ̃nazĩn Nɛ a ɛa mɔ́ ń a Mae gawio ń a malaikaɔ, i fĩabo baadeɛ a yãkɛawa.#Soũ 62.13
Yesu lia
(Maa 9.1-13; Luk 9.28-36)
28Sĩana malɛ oɛ́, gbɛ̃́ pɔ aa ku laeɔ gao, aa Gbɛ̃nazĩn Nɛ e, àlɛ mɔ́ ń a kiakɛo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.