Ekihsatahs Mii 'owe Keoncinihsitohtaman O'owe Ekihsatahs Kaa'icikaatek Masina'ikan
Mii 'owe Keoncinihsitohtaman O'owe Ekihsatahs Kaa'icikaatek Masina'ikan
Ekihsatahs kaa'icikaatek inkoci kaaonci maacaaniwank. Maawac ekii kihci inentaakwaninik ahpii kiihpi'onci maacaawaatc Isriyalak i'imaa Iicipahkiink kaakiih tashi kakwaataki mihtanohkii'intwaapan; mii 'owe teshintek o'omaa masina'ikanink. Niiwi nenaawinikaate o'owe masina'ikan: 1. Hiiparoowak kiipakitinintwaa kaakii ishi kakwaataki mihtanohkii'intwaa; 2. Kaakiih pimi ayaawaatc eishaawaatc waciink Saainai ecikaatek; 3. Kishemanitoo kaakii ishi ahshotamawaatc opimaatisiima' i'imaa Saainai. Kiimiinaatc onaahkonikewinan keishi pimaatisinitc, keishi mino wiiciintinitc, kaye keishi anami'aanitc. 4. Kii oshihcikaatek Isriyalak ketashi anami'aawaatc, onahkonikewinan kiimiinintwaa anami'ewikimaak aaniin ketootamowaatc otanohkiiwiniwaan aaniin kaye keishi anami'ehtawaawaatc Kishemanitoon iki pemaatisiwaatc.
Entahso pepahkaanipii'ikaatek O'o Masina'ikan
Isriyalak kiionci pakitinintwaa i'imaa Iicipahkiink 1.1—15.21
1. Kiihkakwaataki mihtanohkii'intwaa Iicipahkiink 1.1-22
2. Moosihs ahpii kiinihtaawikitc kaye kiiani kiishaapewitc 2.1—4.31
3. Moosihs shikwa Eran kiianta kakwe kwayahkomaawaatc Kihciokimaan Iicipahkiink 5.1—11.10
4. Pimaaci'ikoowi Wiihkwantiwin shikwa ahpii kiihsaakiciwinintwaa Iicipahkiink 12.1—15.21
I'imaa onci Misko kihcikamiink piinihsh weti Saainai 15.22—18.27
Onaahkonikewin shikwa ahshotamaakewin 19.1—24.18
Maawaci'itiwi pakwaanekamik shikwa kaakii ishi kihkino'amawintwaa keishi anama'aawaatc 25.1—40.38
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ojibwe Shorter Bible (Roman Script) © 2008 Canadian Bible Society