Ekihsatahs 5
5
Moosihs, Eran Kaye Kii'antawaapamaawaatc Kihciokimaan
1Naanaake tahsh eani ishihsenik Moosihs (Moses), Eran (Aaron) kaye okii anta waapamaawaan kihciokimaan Peroon (Pharaoh) o'o ekii'inaawaatc, “O'o hsa ihkito kaaTipenciketc, Isriyalak (Israel) oKishemanitoomiwaan, ‘Taka pakitin nimpimaatisiimak cimaacaawaatc, ciwiihkwantiiwahkamikisiwaatc weti pikwatahkamik cikihtenimiwaatc,’ ” okii'inaawaan.
2Miihsh o'o Peroon kaaikowaatc, “Awenen tahsh a'a kaaTipenciketc kena'ihtawakipan cipakitinimak Isriyala' cimaacaanitc? Kaawiin iitok ninkihkenimaahsii kaaTipenciketc, kaawiin kaye niwiih pakitinaahsiik Isriyalak cimaacaawaatc,” okii'ikowaan.
3Miitahsh o'o kaa'inaawaatc, “Hiiparoowak (Hebrews) oKishemanitoomiwaan ohsha ninkii naakosiihtaakonaan. Taka hsa pakitinihshinaam nihsokiishik minihk cipimi ayaayaank ewii ishaayaank pikwatahkamik ciawi pakitinaahsoohtamawankitc kaaTipenciketc ninKishemanitoominaan. Kiishpin i'i ishihcikehsiwaank, maakishaa ninka nihsikonaan ciaapacihtootc aahkosiwin, komaa kaye miikaasowinink ninka onci nihsikonaan.”
4Miihsh o'o kihciokimaan Peroon kaaikowaatc, “Moosihs, kekiin itahsh Eran, wekonen itahsh wenci ontamii'ekwaa pemaatisiwaatc eanohkiiwaatc? Maacaak kiiwenotamok kitanohkiiwiniwaan,” okii'ikowaan. 5O'ohsh kaye okii ani'ikowaan, “Inashke, pemaatisiwaatc i'imaa ahkiink wiinke paahtiinowak, kiinawaa tahsh kitoontamii'aawaak kaaonci anohkiihsikwaa!” okii'ikowaan.
6I'i tahsh peshikwan ehkiishikaninik Peroo okii anoonaa' kaakiih kakwaatakanohkii'aanitc pemaatisinitc, i'i kaye Isriyala' kaakii aanihke anohkiiwikimaawinitc, o'o ekii'inaatc, 7“Keko miinaahkekwaanik pemaatisiwaatc mashkohsiin keaapacihtoowaatc oshi'aawaatc kahkahkeyaapihkahsinii'; wiinawaa hsa ko taishaawak cimooshakinamaasowaatc mashkohsiin. 8Shaakooc itahsh inihkwak eantawentaakosiwaatc peshikwan minihk cioshi'aawaatc kahkahkeyaapihkahsinii' kaakii nihtaa oshi'aawaahpan. Keko pakitinaahkekwaanik nawac pankii noonta' cioshi'aawaatc. Ekihtimiwaatc ohsha 'i kaaonci ishi shaakowewaatc, ‘Taka pakitinihshinaam ciawi pakitinaahsoohtamawankitc ninKishemanitoominaan.’ 9Tootawihkwak iki ininiwak nawac cikihci anohkiiwaatc, ciontamanohkiiwaatc cipapaamihtansikwaa ini eshi kiiwanimonaaniwaninik,” kii‑ihkito.
10Miitahsh iki okakwaatakanohkii'iwek, iki kaye Isriyalak aanihke anohkiiwikimaak kii‑ishaawak ekii'inaawaatc Isriyala' pemaatisinitc, “Mii ohsha 'o Peroo ehkitotc, ‘Kaawiin hsa awahshime kika ontinamaakoohsiim mashkohsiin. 11Kiinawaa hsa ko kika ishaam ciontinamaasoyek mashkohsiin aanti piko keshi mihkamek; kaawiin itahsh noonta' minihk kika inanohkiihsiim,’ kitikoom,” kii‑ihkitowak. 12Misiwe hsa tahsh Isriyala' kii‑ishaawa' Iicipahkiink (Egypt) ekii nanaantone'aminitc kaakii ishkoshikaatenikin, ewii omashkohsiiminitc. 13Miitahsh okakwaatakanohkii'iwek maano okiih kakaanci'aawaa' ekii'inaawaatc, “Wiinke hsa kiishihtook peshiko kiishik kitanohkiiwiniwaa, minihk iko kaakii nihtaa ishi maaciiyekipan mekwaa kiiontinamaakooyek mashkohsiin,” kii‑ihkitowak. 14Miitahsh iki kakwaatakanohkiiwikimaak ekiih pahpahkihte'waawaatc i'i Isriyala' aanihke anohkiiwikimaa' kaakii onaapamaawaahpan cikanawaapantaminitc anohkiiwin. O'o hsa ekii'inaawaatc, “Wekonen itahsh kaaonci te kiishihtoohsiwek kitanohkiiwiniwaa? Kaawiin teminihk kikii oshi'aahsiwaawaak kahkahkeyaapihkahsiniik piciinaako, noonkom kaye kaakiishikahk, minihk kekii oshi'ekwaapan kaakii nihtaa ishi maaciiyekipan,” kii'inaawa'.
15Miitahsh Isriyalak aanihke anohkiiwikimaak kaakii anta waapamaawaatc Peroon ekii awi kihci kakiikitowaatc, “Wekonen itahsh o'onahke wenci tootawiyaank? 16Kaawiin iitok nimiinikoohsiimin mashkohsiin keaapacihtooyaank, shaakooc itahsh nintikoomin, ‘Oshi'ihkwak kahkahkeyaapihkahsiniik!’ Inashke hsa niinawint, nimpahpahkite'okoomin, kiin tahsh kipimaatisiimak i'i otishihcikewiniwaa o'o kaaonci ishihseyaank,” okii'inaawaan.
17O'ohsh Peroon okii ishi nahkwehtaakowaan, “Wiinke ohsha kikihtimishkim, ewii anohkiihsiwek; mii hsa 'i wenci ihkitoyek, ‘Taka pakitinihshinaam ciawi pakitinaahsoohtamawankitc kaaTipenciketc.’ 18Maacaak, itahsh antawanohkiik. Kaawiin hsa kika miinikoohsiim mashkohsiin, shaakooc itahsh ishinaakwan cioshi'ekwaa kahkahkeyaapihkahsiniik minihk kaashi antawentaakosiyek,” okii'ikowaan. 19Miihsh iki Isriyalak aanihke anohkiiwikimaak kaakii kihkentamowaatc ciwahsitaawihsewaatc o'o ekii'inintwaa, “Kaawiin hsa noonta' minihk kika oshi'aahsiwaawaak kahkahkeyaapihkahsiniik entahso kiishik eshi antawenimikooyek.”
20Eani onci maacaawaatc itahsh eshi'ayaanitc Peroon, okii nakishkawaawaan Moosihsoon, Eranoon kaye ehpii'ikowaatc. 21Miitahsh kaa'inaawaatc, “Taka kaaTipenciketc kika kanawaapamikowaa, kika onaahkonikowaa kaye! Kiinawaa iitok kaatootawek Peroo, i'i kaye otanohkii'aakana' cishiinkenimiyamintwaa, einentaakwahk kaye taapishkoo ekii miinekwaa pashipa'ikewihkomaanan keonci nihshiyamintwaa,” okii'inaawaa'.
Moosihs Kiimaanshikakanoonaatc KaaTipencikenitc
22Moosihs (Moses) tahsh okiih kiiwe naasihkawaan kaaTipencikenitc ekii'inaatc, “Kiin Tepencikeyan, wekonen itahsh wenci ishihcike'atwaa pemaatisiwaatc cimaanshihsewaatc? Mii na 'i kaakii onci piicinisha'oyan o'omaa? 23Inashke ahkonaak kaakii anta waapamak Peroo (Pharaoh) kiiawi kiikitoohtamawinaan, aanciihke hsa okihci maanshihse'aa', kaawiin itahsh kanake kinaatamawaahsiik kipimaatisiimak,” okii'inaan.
ទើបបានជ្រើសរើសហើយ៖
Ekihsatahs 5: OJBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ojibwe Shorter Bible (Roman Script) © 2008 Canadian Bible Society