ខគម្ពីរពេញនិយមពី Ekihsatahs 5

ចែក​រំលែក

Naanaake tahsh e⁠ani ishihsenik Moosihs (Moses) , Eran (Aaron) kaye okii anta waapamaawaan kihciokimaan Peroon (Pharaoh) o'o ekii'inaawaatc, “O'o hsa ihkito kaaTipenciketc, Isriyalak (Israel) oKishemanitoomiwaan, ‘Taka pakitin nimpimaatisiimak ci⁠maacaawaatc, ci⁠wiihkwantiiwahkamikisiwaatc weti pikwatahkamik ci⁠kihtenimiwaatc,’ ” okii'inaawaan.

Inashke ahkonaak kaakii anta waapamak Peroo (Pharaoh) kii⁠awi kiikitoohtamawinaan, aanciihke hsa okihci maanshihse'aa', kaawiin itahsh kanake kinaatamawaahsiik kipimaatisiimak,” okii'inaan.

Moosihs (Moses) tahsh okiih kiiwe naasihkawaan kaaTipencikenitc ekii'inaatc, “Kiin Tepencikeyan, wekonen itahsh wenci ishihcike'atwaa pemaatisiwaatc ci⁠maanshihsewaatc? Mii na 'i kaakii onci piicinisha'oyan o'omaa?

Miihsh o'o Peroon kaa⁠ikowaatc, “Awenen tahsh a'a kaaTipenciketc ke⁠na'ihtawakipan ci⁠pakitinimak Isriyala' ci⁠maacaanitc? Kaawiin iitok ninkihkenimaahsii kaaTipenciketc, kaawiin kaye niwiih pakitinaahsiik Isriyalak ci⁠maacaawaatc,” okii'ikowaan.

Shaakooc itahsh inihkwak e⁠antawentaakosiwaatc peshikwan minihk ci⁠oshi'aawaatc kahkahkeyaapihkahsinii' kaakii nihtaa oshi'aawaahpan. Keko pakitinaahkekwaanik nawac pankii noonta' ci⁠oshi'aawaatc. E⁠kihtimiwaatc ohsha 'i kaa⁠onci ishi shaakowewaatc, ‘Taka pakitinihshinaam ci⁠awi pakitinaahsoohtamawankitc ninKishemanitoominaan.’ Tootawihkwak iki ininiwak nawac ci⁠kihci anohkiiwaatc, ci⁠ontamanohkiiwaatc ci⁠papaamihtansikwaa ini eshi kiiwanimonaaniwaninik,” kii‑ihkito.