2 KORINTIANGKVDVNG 9
9
Kristan Ajonkvdv:dcm Bidumsunam
1Su:pak sc ngokkcpc adbardanna adnampc nolukkolo:pc idag aipc mc:jvgnc tani:kvdv:dok lcga:pc binamko binamkvdv:dok agomdcm. 2Kapila:nc ngo noluk mosv:sula okodokki ngo noluk agomcm Makedonia:dok tani:kvdv:do bottapc lubonsudo, scmpc lula jc mcnyingkc dv:takdokkcbong Akhaya:dc mosv:sula dung; odokkc noluk gvgcla gerrv:dc buluk bojcrungcm mour maberlvgto. 3Ckvdaggom ngo bvrokvdv:scm mclvgdung ja:te: ngoluk noluk agomcm bottapc lubomsunamdcm arc kama:pc lcngkanma:ycpc, odomvlo jen nolu mosv:suycpc, kapc nolu iycji ngo kapc lutoji. 4Ckvma:mvlo Makedonia:dokkc tani:yc akke ngok lcdulo gvla odokkc nolum mosv:suma:pc du:dopc pa:ycpc, ngolum anyi:sumola–noluk agomcm okkomsin lumoma:dopc– kapila:nc cddvko mc:jvgjvrvgsunamc. 5Cdmpidag ngo mc:to cdcm nolukkodo:pc gvdopc bvrokvdv:dcm lulvgpcnamc ngomyam gvpo:la, odokkc, odokkc mosv:no:la so amansok lcgangc mosv:toka noluk pesunamdcmpc, odomvlo jen cdcm mosv:sula:ycpc lulvgnamdcmpcmang cmpige:la bilv:la binam amancmpc.
6Agomdok mc:la lukamdc scmpc: sc:kobv adjiongko piddoji bv adjiongko gadycku, odokkc sc:kobv bojcrungko pidycji bojcrungko gadycku. 7Appvngc bvkkc bvkkc asindok mcngkamdcmpc bipcru:nammc, bipc:-bige:mang cmma:pc cdcmanggom bipa:ru:yc cmna:mang, kapila:nc Ru:ncpvncb mc:po mcnganna bincdcm aipc mc:dag. 8Odokkc Ru:ncpvncbv nolum pv:sepv:yenamko appvng akirba:dcm nolum bila:dag, odomvlo jen nolukkc lo:dcm appvng pv:namkopc pa:ycpc odokkc appvng ainc ager kvdv:dok lcgangc pv:se-pv:yenamkopc biycpc. 9Cdcm kapc adla lc:tagji,
“Bv appv:lo:pc pidgo:dag, bv opankvdv:dcm bidag;
Bvk dormokanamdc lo:dvlongkcm mc:yinsula du:dag.”
10Sc:kobv amni: pidncdcm amni:ycm biya:doji odokkc donam lcgangc pitangcm biycji noluk kanamcm bi:ya:ycpc odokkc bojcrungko imoycpc odokkc noluk dormo kanamdok arvgcm bojcmoycpc. 11Nolu airu:pc mircmycpc appvng agerlo bottcru:pc bila:namdokki, okodc ngolukkokki Ru:ncpvnckolo:pc aipai binamcm lenmoycpc; 12Kapila:nc sc gernam agersc kama:la du:namc bima:yc cmpige:la Ru:ncpvnckolo:pc aipai binam kvdv:dcmsin bi:pok biyokmoyc. 13Sc agersok ankangka:namso, nolu Ru:ncpvncmc noluk agom tadnamkokki amin gvmoyc Kristokc tadponc lutaddcm togcsula, odokkc buluk lcgangc noluk aman asin mcngkamdcmpc bidumsunamcm binamdokki odokkc ake appv:dok lcgangc. 14Cdvlo bulu nolum asinang odonc odokkc noluk lcgangc kumdonc Ru:ncpvnckc ammemyang abaya:pc nolum aya:namdokki. 15Ru:ncpvncmc aipai binampc ika:langka Bvk lukurbila:ma:nam amandokki.
ទើបបានជ្រើសរើសហើយ៖
2 KORINTIANGKVDVNG 9: MISIBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.