2 KORINTIANGKVDVNG 10
10
Poulbv Bvk Ager Gernamdcm Lurasunam
1Ngo Poulbv, avyc nolum kumna:sola: ludung jc, Kristokc ansv:nc asinkokki odokkc aipc mc:jong gvjongkokki–ngo sc:kobv asinc ansv:do cdvlo ka:rvgmvnsudanna noluklcdulo, cmpige:la nolukkolo bottcpc lusula:do cdvlo ngo gerdoji! 2Ngo nolum kumna:sola ludung jc cdvlo ngo gvpv:ycji ngo:jen asin bottap mc:namdcmpc lcngkanpcnampc ima:yc cdcmpinc mc:jvgkokki kapc ngo ngolum mo:pvsok ikam-gvkampc gvdag cmna mc:dagji lcngkanla. 3Kapila:nc ngolu mo:pvso turra dunggom ngolu mo:pvsok mimagcm mola du:mang, 4Kapila:nc ngoluk mimag monanc gvdv:-yoktung kvdv:dc mo:pvsokkcmang cmpige:la kvnggv:pc morasula dungkodok momvgla:nanc taycng among ilang gvlangc, 5Ngolu agom svgla luka:mvnsunam kvdv:dcm odokkc Ru:ncpvnckc kinnam agomdcm motumnc bottapc mc:sunc appv:dcm momvg-mosvgdo, odokkc appvng mc:namsagnamcm Kristokc lcgangc makana:lo tumge:la, 6appvng agomtadma:pc inam-gvnamcm palvg lvgpc cmna mosv:sula du:la cdvlo nolu agom lunamdcm tadnamdc pv:namkopc ingapycji.
7Ka:tok noluk amik kcra:pc okko du:ji. Jodi sc:kaikc aropakpc Kristokcji, cdcmv:pc ngolusin. 8Kapila:nc cdcmv:pc idaggom adji:oko bottapc lusudo ngoluk airu:pc ilang-gvlangcm, okodcm Ru:tumbv mosa:nadopc bitoji odokkc mopenma:pc, ngo ngom anyi:sumoma:yc. 9Ngo nolum ngok do:jvg-kvdv:sokki pcsomoma:dopc ka:dung. 10Kapila:nc bulu ludag, “Bvk do:jvgkvdv:dc i:ddag odokkc tordag, cmpige:la bvk adin amvrpc du:mvnnamdc rcmakdag, odokkc bvk agomdc okopcsin aimang.” 11Cdcmpinc tani:kvdv:dcm kinmotoka jc cdvlo ngolu kama:ycji odo okkom ngolu do:jvgkokki ludonc, ngolu cdcm du:dodo ido. 12Avyc aidag cmsunckvdv:dcm ngolu jc ngolu c:mo:pincpc imopc luyv:supc asinc bottapc mcngkvsumang. Cmpige:la cdvlo bulu avycm mcyv:sula ka:yc akoki akoncm bulu mcngkinma:nc.
13Cmpige:la ngolu lutcrkama:pc bottcpc lusuma:yc, cmpige:la Ru:ncpvncbv orbinamdcmpc ngolu lutcrdcm luyc, nolumsinci cdcmv:pc pa:nadopc. 14Kapcnc ngolu av avyc bottcsumang, ngolu nolum pa:ma:nammcmpc idaggomsin; ngoluar cddvko mo:tc:pc nolukkolo:pc Kristokc tadponc lutaddokki gvpo:nai. 15Ngolu lutcr kama:pc bottcpc lusumang, angu amilok ager gernamlo; cmpige:la ngoluk mc:tindc scmpc jc noluk mc:jvgdc mc:jvgbarycpc, ngoluk ager gerkodc noluk ara:do kvnggv:pc bottala gvycpc cmna, 16odomvlojen ngolu tadponc lutaddcm nolukkodokkcsin mo:tc:yangko amo:lo lula:ycpc, bottapc lusuma:pc angu ager gerkolo su:paklo:pc gertungcibong.
17“Sc:kobv bottapc lusudagnc, bvm Ru:tumkolo bottapc lusumotoka.” 18Kapila:nc cdc avdcm avyc bottapc lusuncdcmmang torvgsunamdc, cmpige:la Ru:tumbv aidag cmna lunamdcmmvn.
ទើបបានជ្រើសរើសហើយ៖
2 KORINTIANGKVDVNG 10: MISIBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.