1 TISSALONIANG 4
4
Ru:ncpvncmc Mc:lvgsumonc Turnam
1Adtcrso, bvrokvdvnga, ngolu kumna odokkc luyirla ludung nolum Ru:tum Jisukolo, jc nolu kapc ngolukkolokkcm kapc turpcnammcnc odokkc Ru:ncpvncmc mc:lvgsumopcnamcnc kinto, kappar nolu ila du:nc, nolu asudkoda bojc bojcyangko itvtoka. 2Kapila:nc ngolu oko luyircm Ru:tum Jisukolo nolum bikanc kindag. 3Kapila:nc sc Ru:ncpvnckc mcngkamdc, noluk angunna gvnamdc; jc nolu aima:pc, mc:boka:bonamlokkc (nc:ng milbong ka:bomc:bonammc) gc:rlangka; 4nolukkolok appvngc kinnang kapc appvngc avkcpc angunna odokkc mcnggcla yamncm la:pcnammcji, 5cdc angutani: kvdv:dok ka:bomc:bonampcmang sc:kobulu Ru:ncpvncmc kinma:ji!
6Jc sc:ko tani:ycsin aima:nc agercm ipc lagimang, odokkc bvk bvrodcm cdc agerdo imurko ipcma:namc, Kapila:nc Ru:tumbv cdc appv:dok palvglvgnc, kapc ngolu aiyo:pc nolum lutadno:bitu:ji. 7Kapcnc Ru:ncpvncbv ngolum napvnarc:ma:namlo:pc gogmang. Cmpige:la angunno:pcmvn. 8Cdcmpidag sc:kobv:i cdcm tadka:ma:ycnc, tani:ycm mcnggcma:pc imang cmpige:la Ru:ncpvncmcmvn, sc:kobv Bvk Angunnc Yalodcm nolum bitoji.
9Cmpige:la bvrokvdv:dcm aipc mc:nam agomdo nolum sc:komsin admopcnam ako nolukkolo:pc lagimang, Kapila:nc nolu av avkvdv:dcmci Ru:ncpvnckokki luyirtag akoncm akonc aipc mc:mvnsudopc; 10odokkc aropakpci nolu Makedonia:dok bvrokvdv:dcm nolu aipc mc:dag. Cmpige:la ngolu nolum luyircm lula lusv:dung, bvrokvdvnga, cdcmpc iyang iyangla gvdopc, ansvngo:pc du:pc bottcpc mc:tinna turradu:dopc, 11noluk agercm avkcm mc:la gerbomdopc, odokkc noluk avkc alagkvdv:dokki agercm gerdopc, kapc nolum ngolu lugaplvgkaji; 12odomvlo jen nolu mo:rongolok du:nckvdv:dcm lulvgla:ycpc, odokkc sckkolo:sin dagrasuma:ycpc.
Ru:tumkc Gvkunam
13Cmpige:la ngolu nolum kinma-pa:ma:pc du:moma:yc, bvrokvdvnga, sc:kobulu sika:bo:ji odok buluk agomcm, jc nolu mc:dvrma:ycpc kapc akke idoji sc:kobulukkc mc:tinc kama:ji. 14Kapila:nc ngolu mc:jvgdo jc Jisubv sikang odokkc darobkangku lckoda, cdcmv:pci, Jisukokki, Ru:ncpvncbv la:rvgsuycku Bvkkokki cdc sc:kobulu sikaji.
15Kapila:nc odok lcgangc ngolu Ru:tumkc agomdokki nolum lubido, jc ngolu sc:kobulu turra du:nc, sc:kobulum Ru:tumbv gvkuma:sisscm lc:paktagnc, cdc sinckvdv:dcmyam gvpongkuma:yc. 16Kapcnc Ru:tumbv avdc taycng amongtokkc bottcpc lulvgnamko lula togycku, taycng lutad lunc bottarya:nc kvdv:dokki gognamki, odokkc Ru:ncpvnckc tu:lu: mudnam bc:namdokki. Odokkc Kristokolo sinckvdv:dc darobpo:danna darobycku; 17odokkc ngolu sc:kobulu turra du:ji, sc:kobulum mcpaktagji, buluk lcdulo lckko:pc la:sa:bomycku Ru:tummc mukka:lo csardo rvgsukapc; odokkc ngolu lo:dvscm Ru:tumkc lcdulo du:mvnyc. 18Cdcmpidag akoncm akonc mc:pomvnsumotoka sc agomkvdv:sokki.
ទើបបានជ្រើសរើសហើយ៖
1 TISSALONIANG 4: MISIBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.