1 KORINTIANG KVDVNG 5
5
Mondoli:do Aisima:pc Inamgvnam
1Aropakpc cdcmpc lubidung jc noluk ara:lo aisi:ma:pc imvngvmvnsutung, odokkc cdcmpc inamc ui-inc kvdv:dok ara:lo:sinci ka:begmang; Kapila:nc tani:akonc bvk abudok nc:lok lcdulo du:mvndung. 2Odokkc nolu ngolluong cmna mc:sunc tani:yc! Nolu cdcmyam mc:dvrra kappc-ripcnammangalang? Sc:kobv cdcm itoji noluk ara:lokkcm la:pakmotok.
3Kapila:nc amvr-amosc kamanggom ngo yalokokki dung, odokkc du:narcmpc 4ngo kcbang ba:namcm Ru:tum Kristokolo ba:toibong sc:kobv cdcmpc agerko gertoji cdc tani:dcm. Nolu cdvlo yadkumsudonc, odokkc yalodc du:mvndagnc, Ru:tum Jisukc ilang-gvlangkokki, 5nolu cdc tani:dcm uilo:pc topaklvgpa:yc–adinamvrdcm dopakdopc, odomvlo Ru:tum Jisukc longcdc bvk yalodcm turmodopc.
6Noluk bottapc lusu lusunamdc aimang. Nolu kinma:nci jc komirang adjio:dc alumpakdcm go:sa:modag cmna? 7Cdc aku kormira:dcm mopu:toka nolujen anu alumpc iycpc, nolu aropakpc komirang go:sa:ma:ncpc ila:yam. Kapila:nc Kristobv ngoluk gvpvtsula gvkunamdok me:r awodcm, palvgto. 8Kajc ngolu, cdcmpidag cdc donam-tv:namdcm ilai, cdc aku komira:dokkimang, cdc aima:pc ncka:mvnsunclang aisi:ma:nc komirangdokkimang, cmpige:la komirang ilvgma:nam pitangdokki ainc asin gcnamclang arodokki.
9Nolukkolo:pc ngo do:jvgdo nolum aisi:ma:nc tani:kvdv:dokki jonsuyok cmna adka; 10cmpcsinci sc mo:pvsok aisi:ma:nc agerkvdv:dokki cdcmanggom dorvdonyonc odokkc rodkutnc kvdv:dokki, cdcmanggom moimang kumnc kvdv:dokki, odokkc cmpcmvlo nolu mo:pvsokkc gvlenpa:yc. 11Cmpige:la ngo cdcmyam nolum sc:komsin jonsuma:dopc adto sc:kobv bvro aminko ka:ycji bv aisi:ma:nc ager germurkoba: dorv-dongyoko domurmvlo, cdcmanggom, moimang kumnckomvlo, cdcmanggom rotkudnckomvlo–cdcmpinckokki dobotv:boisuyoka.
12Kapila:nc mo:rongolok du:ncdcm ngo kcba:ba:la okkom inaycn? Cdc mondoli:dok du:nc kvdv:dc:ma:lang sc:kobulum nolu kcba: ba:pcnammcnc? 13Ru:ncpvncbv cdc mo:rongkc du:nckvdv:dcm kcbangcm ba:dag. “Aima:nc ager gernc tani:dcm noluk ara:lokkcm mcnnennvgtok.”
ទើបបានជ្រើសរើសហើយ៖
1 KORINTIANG KVDVNG 5: MISIBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.