1 KORINTIANG KVDVNG 16
16
Mc:jvgla Gvmvnnc Ajon Lcgang Murkong Binam
1Su:pak mc:jvgla ager gernckvdv:dok lcgangc bidumsunam agomkvdvng: Galatia mondoli:dcm ngo kapc lukanbikanc cdcmpc nolusin ipcnammc. 2Longc kvnvddok a:pongarnc longcdo, noluk appvngc asudowko langcrla lc:lang odokkc cdcm lcngkumlang, bv bojcbomna gvycpc, odomvlo ngo cdvlo gvycnc bidumsunamcm bipc urkusupcnam kama:ycpc. 3Odokkc cdvlo ngo gvpv:ycnc, nolu sc:kobulum do:jvgkki noluk amancm Jerusalempc bomdop jvglvgtonc ngo cdcmbulum mclvgyc. 4Ngosin gvnamdc aiycpc cmna ka:mvlo, bulu ngom gvjonycpc.
Poulkc Tarung Ru:nam
5Makedonia:dok gvko:la gvge:la ngo nolum gvka:la ka:yc, kapila:nc ngo Makedonia:dok gvko:la gvpc cmna mc:namko dung, 6odokkc ngo noluk lcdulo du:mvnciycsong cdcmanggom dvgvndo du:yc, odomvlojen ngok lambc gvdodcm lommoycpc, okolopci ngo gvycji. 7Kapila:nc ngo nolum su:pak ngok gvla du:dosommum ka:lv:mang; ngo noluk lcdulo ayir asudkopc du:lv:dag, Ru:tumbv mclvgmvlo.
8Cmpige:la ngo Ipesu:do du:yc Yvngo longcdok donam tv:namdo:pc. 9Kapila:nc ngokkcpc pontaru:nc yabgoko ager sa:nc agerko kuge:kang odokkc clc bojcrungko miruc dung.
10Timoti:bv cdvlo gvyckunc ka:langka noluk ara:lo bvm aikampopc du:molangka, kapila:nc bv Ru:tumkc agercm gerradung, ngok gerkampc kapc gerdu:ji. 11Cdcmpidag sc:komsin bvm lupakmoyaka. Bvk lambclo mcnganpc bvm lommolang, bv:jen ngokkoso:pc gvlatyckupc; kapila:nc ngo bvm bvrrangkvdv:do dungkolo ka:lv:dung.
12Nolu bvro Apollokcpcdan, ngo kvnggv:pc luyirtung nolum gvla ka:dopc ake bvrrang kvdv:dcm gvjonna, cmpige:la cdc bvk gvlv:danmangai su:pak gvpc. Bvk gvpcnam lendodo bv gvycpc.
Lutcr Agom
13Ansula du:langka, noluk mc:jvgnamno kvnggv:pc du:la daglangka, asin pvtalangka, torlangka. 14Noluk inam appv:dcm ayangkokki ilangka.
15Su:pak, bvrokvdvnga, nolu kindag jc Akhaia:dok Stipenkc cra:dcai mc:jvgla gvmvnpo:ncdc, odokkc bulu aipc mc:jvgla ager gernc tani:kvdv:dok agerlo avyc tolvgsuto; 16ngo nolum luyirdung cdcmpinc tani:kvdv:dok lukampc gvlang odokkc appvng ager gerjoncm odokkc du:gsila ager gerncm.
17Stipenkc odokkc Portunatakc odokkc Akaikukc gvdodcm mc:polang, kapila:nc bulu noluk kama:nammcm pv:moto; 18kapila:nc bulu ngok yaloscm mc:sarsumotoku cdcmv:pc nolukkcmsin. Cdcmpinc tani:kvdv:dcm kangkinnangka.
19Asia:dok mondoli:kvdv:dc aika:langka cmna mc:lvgtung. Akila: odokkc Priska:bv, buluk okumdo lckko:pc mondoli:do dung, Ru:tumkc aminno nolum aika:lang cmna asinbokki mc:lvgtung. 20Bvro appv:dc aika:lang cmnamcm mc:lvgtung. Akoncm akonc angunnc dosukki dosukmvnsulang.
21Ngo, Poulbv, ngok avkc alakki sc aika:lang cmnamscm adlvgtung. 22Sc:kaikc jodi Ru:tummc aipc mc:namko kama:mvlo, bvm pelvgnampc ika:kangka. Ngoluk Ru:tuma, gvtokuk. 23Ru:tum Jisukc aya:dc nolukkolo dungka:langka. 24Kristo Jisukolo ngok aipc mc:namc nolukkolo dungka:langka. A:men.
ទើបបានជ្រើសរើសហើយ៖
1 KORINTIANG KVDVNG 16: MISIBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.