1 KORINTIANG KVDVNG 15
15
Kristokc Sikolokkc Turratkunam
1Su:pak ngo nolum mc:pa:moycku, bvrrangkvdvnga, oko gomugki ngo nolum tadponc lutaddcm lubikan, okodcm nolu tadlvgsutoji, okodo nolu dagdu:ji, 2okodokki nolu turdu:ji, cdcm nolu kvnggv:pc gagla du:mvlo–ckvma:mvlo nolu cmmumpc mc:jvgto.
3Kapila:nc ngo mayangarnamdcmpc okodcm ngo pa:toji, jc Kristobv ngoluk pa:p lcgangc Ru:nckc agom jvggabdcmpc sikang, 4jc Bvm agolo lc:to, jc Ru:nckc agom jvggabdcmpc lowum longcdo turmotoku, 5odokkc jc Kepasmc lcngkansutoku, odokkc vyvngkolang anyidcm. 6Odokkc lvngko anggoko bojcya:ngcm bvrokvdvngcm lckoatcro:lo, odokbuluk akedc singapka:bo:daggom. 7Odokkc Bv Jakobmc lcngkansuto, odokkc mclvgla ager germonam appv:dcm.
8Appv:dok lcdupc, odvma:namlo onamcmpc inam, Bv ngomsin lcngkansuto. 9Kapila:nc mclvgla ager germonam kvdv:dok adjiyarya:ncdc, mclvgla ager germonammc cmna lukanci-ma:namc. Kapila:nc ngo Ru:ncpvnckc mondoli:dcm mojog-morogto. 10Ckvdaggom Ru:ncpvnckc ayangkokki ngokkc ngo sc:kobv:ji, odokkc ngokkolo:pc Bvk aya:dc cmmumtomangai. Odok luyotpc, buluk akoncmmam akoncm agercm torya:pc gerto, cdc ngo:manggom, cmpige:la Ru:ncpvnckc aya:dc okodc ngokkolo dungaji. 11Cdc ngowa:mvlo cdcmanggom buludaggom, cdcmpidag ngolu lutadbido odokkc nolu cdcmpc mc:jvgto.
Ngoluk Turkunam
12Su:pak Kristomc sikolokkc turkuncpc lutadbido, kapc nolukkolokkc akke lula:dang sinckvdv:dokkc turkunammc kamang cmna? 13Ckvdaggom sinckvdv:dokkc turkunam kama:mvlo, odomvlo Kristomc turmotokumang; 14jodi Kristomc turmotokumang odomvlo ngoluk lutadbinamdc cmmumc. 15Ngolu Ru:ncpvncmc lumurla lugcbidung, kapila:nc ngolu Ru:ncpvncmc lukanbido jc Bv Kristomc turmotoku sinckvdv:dc turkumangamvlo Bv Bvm turmokumangai. 16Kapila:nc sinckvdv:dcm turmotokuma:mvlo, odomvlo Kristomcsin turmotokumang. 17Jodi Kristomc turmotokumang, noluk mc:jvgdc mc:murc odokkc nolu su:paksin noluk pa:pkvdv:do dung. 18Cmpcmvlo cdc Kristomc mc:tinna simvnnc appv:dc yogpagamkang. 19Jodi sc turnamsok lcgangongc Kristokolo ngolukkc mc:jvgc dung, ngolu appvng tani:ycmyam aya:sitapc mc:pcnammc.
20Cmpige:la ncrkvgpc Kristomc sikolokkcm turmotoku, cdc sc:kobulu sika:bo:nc odokbuluk e:pongarnc a:ycdc. 21Kapila:nc tani: akodokki kapc sinamc angka:nc, tani: akkungkokki sinckvdv:dok turkunammc lengkang. 22Kapcnc kapc Adamkolo appvngc sika:ji, cdcmv:pc Kristokolo appvngcm turmoycku. 23Cmpige:la appvngcm bvkkc bvkkc lukamdcmpc:--Kristobv e:pongarnc a:yckvdv:dokkc, odokkc Bvk gvdokudodo cdc sc:kobulu Kristokcpc inckvdv:dc. 24Odokkc du:tcrdc pvnga:do, cdvlo Bv migom dungko amo:dcm Ru:ncpvncmc Abudcm biycji appvng migom donamcm odokkc appvng ilang-gvlangcm odokkc tornamcm momvgmosvgge:la. 25Kapila:nc Bvk alcbo Bv miruappv:dcm sanggcmma:sisscm Bv migom dopa:ru:yc. 26Mokepcnam du:tcrkc mirudc sinamdc. 27“Kapila:nc Ru:ncpvncbv appvng attarcm Bvk alc kcvgbo du:dopc lc:yc” Cmpige:la cdvlo cdc ludagnc, “Appvng attarc Bvk kcvgpc du:dag,” cdc cmmumpci kinnamc jc Bv langutag sc:kobv Bvk alc kcvgbo appvng attarcm mcdoji. 28Cdvlo appvng attarcm Bvk kcvgpc idoji, odo Awodc avdc:sin Bvk kcvgpc du:ncpc iyc sc:kobv appvng attarcm Bvk kcvgpc lc:dagji, jc Ru:ncpvncbv appvngkcpc appv:pc idopc.
29Cdcmpima:mvlo, tani:kvdv:dc okko cmna mc:ycn sincdok lcga:pc baptismo binamdcm? Sinckvdv:dcm cmpcsinci turmokuma:mvlo, kapila tani:kvdv:dc Bvk lcga:pc baptismongcm bidon? 30Kapila ngo ayir ayirlo pcsokonnom pa:ycn? 31Ngo lura lurasula ludung, bvrrangkvdvng, ngok nolukkolo bottapc mc:sunamdc okodc Kristo Jisukolo du:ji ngoluk Ru:tumbv, ngo longgcm longgcm sido! 32Ngo okkom arckapc pa:don jodi, tani:lukampc ludung, Ipesusolo simvnkokki momvnsuka cmmvlo? Sinckvdv:dcm turmokuma:mvlo “Kajc dola: tv:lai, kapila:nc yampo ngolu sipakyc.”
33Yadkosuncpc iyoka: “Aima:nc ajonc ainc mc:jong asincm momvgdag.” 34Noluk yvgcmnc asindo:pc mc:toka, odokkc lckoda pa:bcm iyobongka. Kapila:nc akelokkc Ru:ncpvnckc kinnam agom kamang. Ngo scm nolum anyi:sudopc ludung.
Amvr-Ammo Turratkunam
35Cmpige:la sc:kaiyc tawuyc, “Kapc sinckvdv:dcm turmotokun? Cdcmpinc amvrdokki bulu gvyckunci?” 36Ci monba:ba:nc tani:ya! No okodcm piddonc cdc sima:sisscm sa:ma:yc. 37Odokkc no okodcm piddoji cdcmanggom amvrdc okodc badpcncji, cmpige:la ammo-amni: anggara:dc, geuosong cdcmanggom angu a:mcsong. 38Cmpige:la Ru:ncpvncbv cdcm amvrkopc bidag Bv kapc balentoji, odokkc appvng ja:tlok amni:kvdv:dc odok avkc amvrcm.
39Kapila:nc appvng adinc c:mo:pcmang, cmpige:la tani:kvdv:dokkcpc ja:tko dung odokkc, simvnkvdv:dokkcpc anguko, odokkc ongolokkcpc anguko.
40Taycng amvr kvdvng dung odokkc mo:pvkvdv:sok amvrc dung; cmpige:la taycngtok amin gvnamdc ako odokkc mo:pvsok amin gvnamdc abangko. 41Do:nyitokkc unjvgdc ako, odokkc po:lodokkc abangko, odokkc takarkvdv:dok unjvgnamdc abangko; kapila:nc unjvgnamlok takar abug lokkc takar bukkondc angudag.
42Cdcmpidag cdcmpc sinckvdv:dok turkunamdc okodcm pittonc kapcnc, okodcm turmotonc sipcma:nc. 43Cdcm mcnggcma:pc pidlvgto, cdcm rcmakpc pitto, cdcm torpc la:sa:toku. 44Cdcm adin-amvrpc pitto, cdcm yalo amvrpc la:sa:toku. Adinamvrko du:mvlo, yalo amvrkosin dung. 45Cdcmpila cdcm adtag, “Ru:lenpo:nam tani: Adambv turnc tani:pc ikang;” Lcddarkc Adambv turnam-binc yalopc ikang. 46Cmpige:la cdc yaloki du:ncdc:mang lenpo:ncdc cmpige:la adinpincdc, odokkc: yalopc incdc. 47Lenpo:nc tani:dc mo:pvsokkai, among tani:yc; tani: akondc taycngtokkai. 48Amongki monam tani:dc kapc idagji, cdc amongki monamkvdv:dc:sin idag; odokkc taycngtok tani:dc kapc idagji, cdc taycngtok tani:kvdv:dc:sin idag. 49Ngolu among tani:dok mokampc monamdcmpc onampagc, ngolusin taycng among tani:dok mokampc monamdcmpcsin dumsimigmo kamvnnc.
50Ngo scm nolum lubidung, bvrrangkvdvnga: adinclang i:yc Ru:ncpvnckc migomdokodcm pa:mvnmang, cdcmpcmanggom yogpagpcncdc yogpakpcma:ncdcmpc pa:tcng itc:mvnmang.
51Ka:tok! Ngo nolum mcngapla:ma:nam agomko lubidung. Ngolu appvngc singapma:yc, cmpige:la ngolu appvngc badyugsuyc, 52vgcmpc, amigc migyabla, lcddarkc tu:lu muddodo. Kapila:nc tu:lu:dc bc:yc, odokkc sinckvdv:dcm sikuma:dopc tursangammoycku, odokkc ngolu badyugsuyc. 53Kapila:nc sc jitpakpcnc rcngamsc jitpakpcma:ncdcm gcpa:ru:yc, odokkc sc sikunc rcngamsc sikuma:nc:dcm gcpa:yc. 54Cdvlo jitpakncdc jitpakma:ncdcm gcycnc, odokkc sikuncdc sikuma:ncdcm molvgsuycnc, odo okodcm adla lc:tu:nc cdc pvnga:yc: “Sinamcm mopvla mcpakto.”
55“C:i sinam nok mopvnamdc okolon?
C:i sinam, nok gvdv:dc okolon.”
56Sinamdok gvdv:dc pa:bc, odokkc sinamdok ilang gvla:dc lujvglurro. 57Cmpige:la Ru:ncpvncmc aipai bitoka, sc:kobv ngolu Ru:tum Jisukokki mopvnammcm bidagji.
58Cdcmpidag, aipc mc:bomsunam bvrrang kvdvnga, mcmang ke:ke:pc du:tok, cngunma:pc, lo:dvscm Ru:tumkc agerlo gertvla, kinnang kinna jc Ru:tumkolo noluk ager gernamdc cmmumpc gvma:yc.
ទើបបានជ្រើសរើសហើយ៖
1 KORINTIANG KVDVNG 15: MISIBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.