ខគម្ពីរពេញនិយមពី Luk 8

ចែក​រំលែក

Ea' anom mowa etap bu'unai, si'i enis same' basef bu'wami sembale'am la'ifis. Opalef asasimi bo'om same' basef Godi sailam. Esis sape la'ifis sanda' waf bu'unai la'ela'ef, isima sape si'i olelemb mataga malo mail mola gwa'aimi andeande'i.

Anom mowala mandelef wandafumi la'afen, amama si'i epes isima same' basef sailif safe' ea', anom nimanimi mamumami maloma moni main naloma anom danifel maim etapami, amamaga amama mase'ala esis. Ea' ina sombale'efa God sanda' waf bu'unai la'ifis, owa'.

Anom mowa mafe' anagon otambaiguma, amama si'i enis epes same' basef Godi ea' sofa'am mehip sandanifelamam. Ea' isima si'i masilimb ina mondala mowala etap owini. Esis sembale'am nogota bandana etin ea', Satan nagwambas sanda' waf aonai ea' satanima sakwaha sombale'efa God.

Ea' Jisas na'ipam na'i, “Bale'ef ipe'inai nape eti?” Amam umbamaham ukup matamea. Ea' manda'ipama ma'i, “Anan emi egafuna? Na'ipa uf naloma embel mame'ana mowala.”

Anom mowa eafi amama si'i epes isima same' basef, ea' Satan nafi'i nofa' basef amama God nase'esam mape opalef asasimi ma esis ina sembale'efa God nofa'as seatanimani, owa'.

Amamaga hiami hi'alam mape mandambahi'i anona nemaf motaga alihiguma hiesi sotolom sogawam. Ea' amamaga hiami ata' sambaho'am ma'ihi, anona nemaf motaga mondawalap, hiesi sogawam.

Ea' nemata'w akwama kogawa akwa'w ina atuwasi kondambaho'w ma anan, owa'. Na'ama akwa'w umbamaha'w kwafi'i kwindiwa nembawa kotawa etap felefele'ma naep amam nematawa hiesi. Ea' kwawalapa basef ofagema akwa'umi ma dei' kwasa lagela anan ea' ambo'okw. Ea' kwa'i, “Awes ae'anai ahi'alana owa'etin.” Ea' Jisas na'ipakw na'i, “Nogame, dei' ine' nembale'efa ae' la'ifiwei. Amama atom dei' anda'ena bo'wena. Ine' fo'o opaf ine'inai nope awanena.”

Ea' mafe' minimbalana ma'ipana ma'i, “Dembinai, afa' wa'i ahegililafa.” Ea' anan nohafel ninifala ufi embel. Ea' uf faso'mana, embel ina ata' manda' fepo, owa'. Tol motah.