ខគម្ពីរពេញនិយមពី Luk 9

ចែក​រំលែក

Ea' na'ipa alupumi ananimi na'i, “Ae' efa' nimanimi anda' maol Godi sehe ega' lawag usi'inai tu'wanainai. Emi egafis si'i sila Ae', esis senda'am na'ama etin si'i Ae' la'ela'ef nimeguf danda ma sieili. Ea' sesambala ukup asasimi ma maina maol esis sa'i seanda'anai.

Dei' main, emi egafis ukup mopoma ambagof asasimi atom, si'i sihapilam tatala'im, anona nemaf ambagof asasimi higililam. Ea' emi egafis ukup mopoma Ae' ma sesambala ambagof asasimi etap anae', anona nemaf ambagof asasimi God nofa'ami sotanimani sope andeande' la'ela'ef hihif.

Ea' Jisas na'ipana na'i, “Emi egafin nehafel nili' nenda' maol aofi ma nendamboma niti alafuga ma neakwaha maol ananinai, enin ina la'ifina nenda' maola ni'ipas siowisa wambota Godi numafias, owa'.”

I'i emi egefis senda' maol naninani ma sefa' gwa'aimi hiahaom amamaga hiami etapami atom higilialami, esis wapoti' awes higililas selomam. Dei' amamaga amama nambimb migiambamas mi'imama? Owa'etin.

Ae' ataga epen endilisiwei. I'i emi egafis ambagof aoma Ae' sondafa'me eloma basef Ae'ami, Ae' wapoti' ambal aona epes isima endafa'mas nemaf anama Ae' ifi'i eloma amamaga bu'wami mafifili Ae'ami, elomai mafifili howalagon Godi maloma amam ensel Godi wapoti'.

Ea' Jisas nagwamana na'ipana na'i, “Nombagw aolopumi ma'oh mala etap wambel amamunai. Amiguf wapoti' mufia' mafe' ilifi mala' alegah mapeih gani ilif, ea' ae' owa'etin. Ae' ataga epen endilisiwei wambel a'e ma a'oh alo balaga ae'anai.”

Ea' na'ipam na'i, “Emi egafis sese' opalefa sigiambama enin sa'usa'win si'i ini'i ma ukup asasimi mopoma Ae', esis sase'e opalef Ae' wapoti' sagiambame. Ea' emi egafis sagiambama Ae'i, esis saso' opalef Anan nasapa'e afi'i wapoti'. Dei' main? Emi egafis sepe agof a'asi la'afena ipe' hipei, esis sape dembesi sali'ma ipe'.”