ខគម្ពីរពេញនិយមពី Simuluho 24

ចែក​រំលែក

Kih'a lapela, a li, “Muñ'a Bupilo, Mulimu wa muñ'a ka Abrahama, u ni kondiseze ze ni ta eza kacenu, mi u taleleze sepiso ya hao ku muñ'a ka.

Ni ka li ku yo muñwi, ‘A ku sikeke piza ya hao, mi u ni fe mezi ni nwe!’ Haiba a ka li, ‘Nwa, mi ni ta nwisa ni likamele za hao,’ i be yena y'o ketezi mutang'a hao Isaka. Haiba ku ka ezahala cwalo, ni ta ziba kuli u bulukile s'o n'o sepisize muñ'a ka.”

Cwale Isaka a isa Rebeka mwa tende ya hae, mi a ba musal'a hae. Isaka a lata hahulu Rebeka, mi kamukwaocwalo a omba-ombiwa hande mwamulaho a lifu la bo m'ahe.

Kiha ba tohonolofaza Rebeka ka manzwi a, ba li, “Kaizel'a luna, lu ku lakaleza ku y'o ba mushemi wa likiti-kiti za batu. Lu lakaza kuli lusika lwa hao lu tule minzi ya lila za bona.”

Ni bata kuli u ni sepise, ka ku konka fapil'a Muñ'a Bupilo, Mulimu wa lihalimu ni lifasi, kuli ha u na ku batela mwan'a ka musali mo, mwa Kanana, mo ni pila. U swanezi ku kutela haesu, u y'o batela mwan'a ka Isaka musali kwa banabahesu.”