ខគម្ពីរពេញនិយមពី Kurs. 1

ចែក​រំលែក

Yus iwianchin nupetak íwianch akupeana nú kiritniunmaya̱ uwemtikramar ni aneamu Uchirí̱ akupeana nui̱ wearmákmiaji.

Niji̱a̱i̱ Yus ashí nayaimpiniam írunna nunasha nuṉká írunna nunasha, ashí wáiniaj nunasha núnisaṉ wáintsuj nunasha mashⁱ najanamiayi. Nu arantcha ashí akupin ju̱ nuṉkanam írunna nusha, nayaimpiniam írunna nusha, iwianchnium írunna nusha, ashí Niji̱a̱i̱ najanamu ásar Nin umirkarat tusa najanamu áiniawai.

Ashí najanamua nuna yaunchu Krístuka tuke pujuwiti. Ashí najanamu írunna nuna emestsuk wáinniuiti.

Íischamnia Yusan Krístuka nakumeawai. Yus ashí najanamu ainia nuna iwia̱i̱yaiti.

Iisha nu antukar Yus ashí tsawant áujtajrume. Yus ni wakeramun ti paant nekaprutmawarat tusar seaji. Ashí Yúsnan ni enentáimtairi̱ji̱a̱i̱ ashí Níniun paant nekaatniun Yus jintintramat tusar seaji. Atumsha Krístunu ainia núnisrum péṉker takarsak tusar seaji. Tura ashí ni wakerana nu umíakrum ashí péṉker ana nu, nerektinia áintsarmek túrattarme. Núnis túrarum Yusna unuimiátki̱ wéakrum Niniu tí peṉker nekaak tusar seaji.