ខគម្ពីរពេញនិយមពី Jir. 4

ចែក​រំលែក

Itiurchat enentáimsatin atumji̱a̱i̱ peṉké atsutí. Antsu tuke Yus áujkum ashí itiurchatrum ujakta. Atsumamuram Yus seatá. Túram Yus yumiṉsata.

Nuiṉkia atumí enentái̱ aṉkant átinian, aentstikia peṉké nekaachminia nuna Yus amastatui. Yus atumín aṉkant awajtámsa asa atumí enentái̱n tura atumí enentáimsamuri̱ncha yajauch waya̱wa̱i̱ṉ tusa shiir waitmaktatrume Jesukrístuja̱i̱ tsaniṉkiu asakrumin.

Yatsuru, jú̱chiniak yamaikia Yus shuarti enentáimsatniun chichastatjai. Ashí nekas ana nu enentáimsatarum. Tura ashí anturkamnia ana nusha tura naka chicham ana nusha enentáimsatarum. Tura yajauch chichamsha enentáimsairap. Tura antsu ashí shiir ana nusha, chíkich shuarnasha péṉker enentáimtusminia nusha, kame ashí péṉker ana nu enentáimsatarum. Nuya̱sha chíkich shiir anturkamnia ana nusha enentáimsatarum.

Kristu ni kakarmari̱n surakui ashí túramniaitjiai.

Nu asamtai Uunt Jesusja̱i̱ tsaniṉkia pujá asarum tuke warastarum. Ataksha warastarum tájarme.

Winia Yúsrusha tí peṉkeran núkap takakui. Atumsha Jesukrístunu ajasu asarum Yus seamniaitrume. Tura Yuska ti takakna nuja̱i̱ ashí atsumarmena nuna suramsattarme.

Wi unuiniarmajrumna nu umiktarum. Tura wi túramur íisurmena nu tura antukurmena nusha umiktarum. Túrakrumni̱ṉkia Yuska aṉkant átinian amastaj tusa pujurtamsattarme.

Uunt Jesus tátin ishichik ajasái. Tuma asamtai tsaṉka enentái takakrum nu paant nekanati.

Kuítrinchati pujustinia nuna nékajai tura tí nukap takustinia nunasha nékajai. Tsukamaknasha ejemarnasha itiarar takustinniasha tura peṉké takutsuk pujustinniasha unuimiáruitjiai.

Tura kuítian atsumakun tátsujai. Antsu wi takakjana núja̱i̱ṉ warastinian unuimiáruitjiai.