ខគម្ពីរពេញនិយមពី Luku 3

ចែក​រំលែក

Na kenle ko bie mɔɔ bɛzɔnenle menli dɔɔnwo ne ala bɛwiele la, Gyisɛse noko rale maanle bɛzɔnenle ye. Bɛzɔnenle ye bɛwiele mɔɔ ɔsɛlɛ la, anwuma maanle ne bukele wienyi, na Sunsum Nwuanzanwuanza ne dule hyii kɛ abubule la radwule ɔ nwo zo, na ɛnelɛ bie vi anwuma maanle ne anu zele kɛ, “Wɔmɔ a ɛle me ɛhulolɛ Ralɛ ne mɔɔ ɛsɔ me nye a.”

Na Dwɔn hanle ye wienyi hilele bɛ kɛ, “Mame nzule mgbane ala a melɛfa meazɔne bɛ a; na awie bie li me nzi ɛlɛba mɔɔ ɔlɛ tumi kpole ɔtɛla me a; na memfɛta kɛ menwɔyɛ ye akɛlɛ bɔbɔ, yɛɛ memfɛta noko kɛ menwɔzanyi ye mgbɔlaboa nyɛma mgbane ne bɔbɔ. Na yemɔ yɛɛ ɔbava senle nee Sunsum Nwuanzanwuanza ne yeazɔne bɛ a.

Bɛlumua bɛzia bɛhɔbɔ ɛbɛla mɔɔ kile kɛ amgba bɛnlu bɛ nwo la. Bɛmmadwenle kɛ Ebileham abo zo amra a le bɛ la ati, ɛnee ɔdaye ne ala ɛne. Nana Nyamenle kola kakyi ɛsɛlɛ ye azo awolɛ bɔbɔ maa bɛyɛ Ebileham abo zo amra!

Yezi ye ndɛnebualɛ akuma ne noko yedo bɛ bo ngoko ngoko, na yeboa ɔ nwo kɛ ɔpepɛ bɛ yeagua bɛ aze. Ɔti baka biala mɔɔ anzo ma kpalɛ la ɔbapɛ ye yeado ye senle nu yeayela ye.”

Ɛhye le edwɛkɛ mɔɔ kapezonli Ayezaya hanle dole ɛkɛ ne dɛbadɛba kɛ, “Ɛnelɛ bie ɛlɛtea nu wɔ fiemgbole ne azo kɛ, ‘Bɛziezie Awulae adenle ne anu bɛmaa ɔva zo! Bɛbukebuke ndenle ne mɔ mɔɔ deda ɔ nyunlu la anu! Bɛha awoka ne mɔ aze! Bɛduodua ahuma ne mɔ! Bɛdenrɛdenrɛ ɛleka mɔɔ ɛhyeɛhyea la! Na bɛbobo zo bɛmaa ɔyɛ sɛlɛsɛlɛ! Amaa ewiade amra anwu Ngoanedievolɛ ne mɔɔ Nana Nyamenle ɛzoa ye la.’ ”