ខគម្ពីរពេញនិយមពី Luku 4

ចែក​រំលែក

“Awulae Sunsum ne ɛdwu me nwo zo; ɔluakɛ yedu me kɛ membanga Edwɛkpa ne mengile ehyiavolɛma; eza yezoa me kɛ membankyekye bɛdabɛ mɔɔ bɛlɛdi nyane la arɛle, na menze bɛdabɛ mɔɔ bɛgua efiade la kɛ bɛbaye bɛ, yɛɛ anyezinliravolɛma kɛ bɛdabɛ noko bɛbanwu debie, na menze bɛdabɛ mɔɔ menli sisi bɛ la noko kɛ bɛbaye bɛ bɛavi bɛ kpɔvolɛma asa anu; na Nana Nyamenle noko ɛboa ɔ nwo kɛ ɔbayila bɛdabɛ mɔɔ bɛkɛra ye ɛkɛ la.”

Gyisɛse buale zele kɛ, “Bɛhɛlɛ ye wɔ Ngɛlɛlera ne anu kɛ, ‘Mmasonle debie biala ɛboka wɔ Nyamenle ne anwo, na ɔ ngome ala a sonle ye a.’ ”

Gyisɛse buale ye zele kɛ, “Bɛhɛlɛ ye wɔ Ngɛlɛlera ne anu kɛ, ‘Tɛ kpanwo angomekye a sonla di a ɔnyia ngoane a!’ ”

Na Gyisɛse vile Azule Dwɔdan ne anu, mɔɔ ɛnee Sunsum Nwuanzanwuanza ne ɛyi ye tɛkɛɛ la, Sunsum ko ne ala vale ye hɔle Dwudiya ɛsɛlɛ reserese ne azo. Na Abɔnsam zɔle ye nleanle too kenle abulanla. Zɛhae mekɛ ye amuala ɛnee ɔlɛkye ɛhɔne, ɔti nzinlii, akee ɛhɔne hunle ye kpole.

Gyisɛse noko buale ye kɛ, “Ngɛlɛlera ne noko kile yɛ kɛ, ‘Mmasɔ wɔ Awulae Nyamenle ɛnea mgbane mgbane.’”

Mɔɔ Abɔnsam wiele ye sɔnea ne amuala la, akee ɔhwenle ɔ nwo ɔgyakyile Gyisɛse wɔ mekɛ ekyi bie anu na ɔhɔle.

Akee Abɔnsam vale ye hɔle boka bie ati zo hɔyele ewiade ye arelemgbunli maanle nee bɛ anyunlunyia muala hilele ye wɔ mekɛ ekyi bie anu; na Abɔnsam zele ye kɛ, “Ɛhye mɔ amuala le me deɛ, yɛɛ mekola mefa memaa awie biala mɔɔ mekulo la. Ɛhye ati saa ɛkoto ɛsonle me ekyii ala a, mebava bɛ muala kpokpoti meamaa wɔ.” Gyisɛse buale zele kɛ, “Bɛhɛlɛ ye wɔ Ngɛlɛlera ne anu kɛ, ‘Mmasonle debie biala ɛboka wɔ Nyamenle ne anwo, na ɔ ngome ala a sonle ye a.’ ”

Abɔnsam eza vale Gyisɛse vole Gyɛlusalɛm Asɔne Sua Kpole tawa ne ati zo, na ɔzele ye kɛ, “Saa wɔmɔ a ɛle Nyamenle Ra ne a, ɛnee wulu pe! Ɔluakɛ Ngɛlɛlera ne se kɛ, Nana Nyamenle bazoa ye anwumabɔvolɛma amaa bɛarazɔ wɔ bɛ sa nu ammaa ɛ gyakɛ amkpula mgbane bɔbɔ!” Gyisɛse noko buale ye kɛ, “Ngɛlɛlera ne noko kile yɛ kɛ, ‘Mmasɔ wɔ Awulae Nyamenle ɛnea mgbane mgbane.’”