ខគម្ពីរពេញនិយមពី Lúúkas 8

ចែក​រំលែក

Embuu úsiákɔɔn ɔ́ nulɔp nuutámb nyɛ pɛɛnd pɔ́pítɔ́likɔnɛ́ Mekélíe má Támbák nɔ ɔtɛ́m peseé, nɔ ɔtɛ́m ú indɛ́ndɛ́nɛ, pɛ́nɛk mɔ, péésepenyi, meelíe mɔ́ɔ́p oond ménúki.

Embuu úsiákɔɔn é pikuti pí insɛ́ndí nyɛ pɛɛnd pɔ́pítɔ́likɔnɛ́ɛ Mekélíe má Támbák, maná, indúmútén sí kúúsí, pitɔ́ndɔ pí punɛ́m nɔ kilɔ́ŋɔ kí mayan mé kúúsí áásiákán moóko é Mekélíe kɔ́ɔ́p kí itɛ́m, meelíe mɔ́ɔ́p tinúki.

Pólotí nyɛ ɛlɛɛ́ “Tusákáyí” embuu siákɔɔn á tɔ: pɔ́ nɔ kupítɔ́likɛn Mekélíe má Támbák, páátap mɔ́ na anyamɔ́. Pátipá kɔk páyapan Mekélíe málua iŋaŋá kɔ́ɔ́p kí itɛ́m; páákaátapan ɔ́ muɔ́nɔ́ u kisikɛl, yɔɔ́pítɛ́n na kuasiám, pétúm kuátap kélém.

wɔ́ kɔ́ɔ́p ɛ́ɛ́: «Pipíóndinyi ɔtɛ́m píánɔ́ naánɛ́?» Puwaá púɛ́tikɛn pɔ́, pésímile epú Yésus mɛɛ́lɛ́, popíówon pɔ́ɔ nɔ pɔ́ɔ ɛ́ɛ́: «Kasɛ púúndɛ unyɛɛ́? Waákálan emfún no moomb ni imɛny mɔ́ɔ́pɛn wɔ.»

Pɛɛnd pómotí nyɛ ɛlɛɛ́ masiá mí iŋilí emé embuu siákɔɔn á mɔ; pɔ́pítɔ́likɔn Mekélíe má Támbák, okóyikoyi óól ulákɔn mɔ́ kɔ́ɔ́p kí itɛ́m, emenyí páátap, Támbák sóti pɔ.

Á kiákí ɛ́ɛ́ insipit tipá kɔ́ɔk yɛɛ́nyɛ́ɛ́lɛɛ́ itiám nɔ ɔtɛ́m ú puɔ́s, puŋɔsíkɔ́n tipá pɛ́ɛ́nyɛ́ɛlɛɛ́ pétimenyí, póond pɔ́ɔ́sɔn puɔ nɔ ɔtɛ́m puɔ́s.

Akáandɔ́ mɛɛlɛ́ úmɛ́ɛ́n ɛ́ɛ́ Yésus mémenyí puandá úmɛ́nyɛɛlɛ́, weepísíítin wɔ́ nɛ nutɛɛtinɛ; waakɔɔn wɔ́ iŋɔlɔpɛ ɔ́ pikɔ́nd, woond ɔ́ kuɔyɔ, ké eŋis yɛ́ pɛɛnd kitikit, kiákí kímɛ́nyɛɛlɛ́ ɛ́ɛ́ úpíkíik wɔ́, na aná uményeéŋúk nɔ niɔ́kɔ́tɔ́n. Yésuse kɛ́ɛ́yɛ́ ɛ́ɛ́: «Ɔmbúl waamɛ, pipíóndínyí ɔtɛ́m píáwɔ mɔ́ɔ́kuɔkɔ́. Tóótó oó, apá, kiyeéwe pá naawɔ.»

Popíónyí péépísíítin Yésuse, péékeenyi wɔ, pɔ́ɔ́yɔn wɔ́ ɛ́ɛ́: «Oŋónyóonyi, oŋónyóonyi, tumékú!» Wɛɛnyɔk, waánsitɛn emfún no moomb: meem mééluŋ, kɔɔ́mɔ kéésíen yeékúlúkút.