ខគម្ពីរពេញនិយមពី Isáaŋ 16

ចែក​រំលែក

Imánútían maandá makáánɛ́ kitikit ɛ́ɛ́ itɛ́m síánɔ́ páan é kiyeéwe á kiákí ɛ́ɛ́ nunyɛ papílatán káámɛ. É kúúsí ekue, nukapá é muyú; maná, ánupíkányɛk, yaápíányɛ́n pukaaka pú kifal kinyɛɛ́ e kúúsí!»

Emfúnu ú kémuémue kɛɛl úmóol, úkɛɛl ɛ́ɛ́ númenyi kémuémue kitikit. Utiákálá epú puólinoné kɛ́ɛ́yɛ́, maná ukɔnúɔ́yɔn epú kitikit úmɔ́nyɔɔ́p woond unútíánan epú púólonée.

Kuasiám nínúan, tɛ puandá numanyi nutiɔŋɛ́n káámɛ ɛ́ kisiɛ́n. Ɔ́nuɔŋɛ́n, núpia ɛ́ɛ́ anyamɔ́ wáánɔ́ pá owóónón.»

Kémuémue wɔ́ inúɔ́yɔnɛ́ɛ: púnyɛ peseé táásɛ káánɔ́ ó pusíó ɛ́ɛ́ íyɔɔk; púnyɛ́ ɛ́ɛ́ índɛ insiɛl indiyɔɔ́k, ewú wɛɛsikɛɛnɛnɛ́ kunúɔ́kɔnɔkɔn tíókoól. Maná, índɛ insiayɔɔk, iŋanútúmɛn wɔ. Wɔ́ kɔk, aká ukoónyóól, uketíínyi peseékepese pɛɛnd pé kúúsí ekue ɛ́ɛ́ páápínanan é púúpú púyoosoné kifal, indɛ́ndɛ́nɛ ni isɔ́ɔ́sɔ í Támbák

Púnyɛ puandá púmoómí naanɔ́; nínúan nunyɛ é muyú, maná iŋáand ɛnúɛ́n; káákáánɔ́ itɛ́m síánɔ́ áányípáanɛ́ ká anyamɔ́; nunamá nú anyamɔ́ nukáánɛ́ mɔɔnd tipá pɔ́kuɔk núú káánɔ́. Aká puɔ́s pukáánɛ́ áányáásiámánɛ́ɛ, nutiányaandá kuŋówun iŋówúnín á puandá. Yɔɔ́núɔ́yɔn kémuémue ɛ́ɛ́: Taatá áányínúfá puandá kitikit númɔ́nyɔɔŋɛ́n wɔ́ káámɛ ɛ́ kisiɛ́n.

Yɔɔ́núɔ́yɔn kémuémue ɛ́ɛ́: nukapaŋa, nukɛpíyɛ́kɛlɛ, pɛɛnd pé kúúsí pɔ́, pésile; nukapá é muyú, maná muyú múánɔ́ kepínúki múond anyamɔ́.